المساعد الشخصي الرقمي

مشاهدة النسخة كاملة : % حكم مهستر يصلخ الوجه صلخ %


الشبث
27-03-2010, 10:23
السلام عليكم ورحمة الله وبركاته


شلون اخواني واخواتي



عساكم طيبين


يابعد نفسي انتم والله



يالربع هكا اليوم بغا يمرغن الوالد ويعجن واجهيتي




قعدت الصبح ابي اروح للدوام


ولبست وحاطن شماغي على كتفي وحاطن العقال على راسي وفوقه

الطاقيه >> بين اللي لهالحين ما شبع نوم


وامر من عند الخيمه ولا الوالد شاب

وعندوه شيبان الحاره يتعللون


وعندهم السفره وعليه الفطور


وانا امرهم واسلم سلاااااااااااام عليكم << مسوي تسني مصحصح


واسمع ابوي يقول ( تسان منت مستعجل تعال افطر )


ركزوا على اللي بين الاقواس تروه هو اللي دهورن



قلت ( لا والله مستعجل ابروح للدوام )



وانا اطلع من عندهم



واحط مفتاح السياره بالباب






مااافطنت الا هاللي غالن بسيم حق معلاق الثياب


يوم راعيت ولا هذا ابوي


يبه شفيك


تونا كويسين


قال تعاااااااااااال يالسلوووقي



قلت افاااااااا


شفيه يبه للحين ما امداني اسوي شي



وهو يجرن



ليما دخلن على شلتوه الدشير



وهم لهم ضحك


قلت يبه تكفى نفسي اعرف السبب




قال






اقولك ( اذا منت مفطر شل الفطور )

وانت تقولي ( لا والله مستعجل ابروح للدوام )


<< لاحظوا الفرق بين الاقواس



هذا عقوق صريح للوالد



بس العتب على الدلاخه







شلونكم بخويطكم





والف شكر لكل من سأل عني


والمعذره على القصور


وابشركم هانت



وتقلدوا تحيتي
فتى البيداء
27-03-2010, 10:53
حجز 111

قبل حيل حليل
سلطااان السويري
27-03-2010, 11:10
ابو ماجد عطن بوسه:)


يالله حيووووووه


ابو ماجد جتك الحيونه على بكره الصبح <<<< تسني:)


طيب وش عذرك وش قلت للشيبان


وت ار يو دونق <<<< دقق على الحركتات :315r:



<<<< يركض يبي يخم ابو ماجد:)
فتى البيداء
27-03-2010, 11:13
ابوماجد يقولون النوم سلطان ..

لكن حلوه مستعجل ..

شبياننا الله يغفر لهم مافيه .. يما تمشي عدال .. ولا هناك اسلوب أخر ..


مرة جالساً أقهوي ابوي ورجال عنده .. الله يغفر لهم .. ((طبعاً يوم أنا وغد ))

أثاريني سجيت .. ومليت لأبوي فنجاله .. سمعت لي صفقه ما أدري وينه .. يوم أشعرت وأخذت لي أشوين أثر الصفقه

بضلوعي .. والفنجال منتثر علي .. وأنا أقوم لي جعير يسمعه ألي بالطايف ..



ابوماجد .. الحمدلله على السلامه والله يهون كل عسير ..
عبدالله المهيني
27-03-2010, 11:36
من أبسط حقوق أبوك يتودس ببطنك

ليه ماتشيل الفطور



والله لو إنك نوظف بالديوان الملكي ماطنشته كذا

ياصبر أبوك عليك


<<<< كنه قلب على خويه :)
عبدالله الجعيثن
27-03-2010, 13:22
الشبث...ياصبر الارض




ان شاء الله انه هانت...يالغالي
الحنشل
27-03-2010, 14:26
عز الله عوايدك يا فودان



و الحمد لله اللي جت على الغوله ... الموت لو هو ملحقك حدى الدلال




و هانت يا العشييييير
عبدالرحمن
27-03-2010, 14:30
اهم شي انه هانت!
انت من لبست الطاقية فوق العقال
مفروض ابوك رايح للمغسلة غاسل يدوه!:a:
يفترض منك معرفة نبرة صوت ابوك مهو قولوه!
نعم هناك فرق بين صوت العزيمة وصوت الامر:315r:!

سعداء فيك الغالي ابوماجد.
الشمـــ نور ــــري
27-03-2010, 15:01
بوماجد..












هههههههه يااخي ركز بكلام ابووك...
بروحه يبي الزله وانت عااد ماشالله مع القراده ربع:)








الحمدالله ع السلامه ياااخوي...


وربي فاقدينك من غير شر ان الله..
حمـود
27-03-2010, 16:01
الف حمد لله على السلامه


ابو ماجد عاد انت دلخ بليا ما تكون نيم >>مسبه صريحه بس انا اسف



هههههههههههههههههه


يا لبى قلبك
ابو ضاري
27-03-2010, 20:44
الف الحمد لله على السلامه يابو ماجد

قرب ابي انشك يالغالي

الله يعين ابوك عليك

ابو ماجد انصحك ثاني مره تستوعب حتسي ابوك

لايجي مره ويذبحك صحيح

يابعد وجهي يابو ماجد
ريال الفسحه
27-03-2010, 22:38
الله يبشرك ..



التعليق جاك مسبقا على الجوال:)
ليلى بنت عبدالعزيز
28-03-2010, 00:00
الحمد لله على سلامه مريضكم
وطهور ان شاء الله



والوالد يسوي فيك الي يبي ولده وبكيفه
ابو فارس
28-03-2010, 00:31
ايه الوالد بكيفه -- ماخذ راحته فيك

بس المشكلة اللي ماهو والد
مثلي وش اسوي فيك


ودي اتمردغك (احيانا) بس ماش ماتطلع

ركز على اللي بين الاقواس--- مايقلد




ابو ماجد
سلامة يوم
عساها دوم



الله يبشرك بالخير

دمت بخير
شرهه
28-03-2010, 01:05
هههههههههه


ههههههههههههه




ايا العاق



تصرف يعني انني ما سمعت زين :)





اهب عليك والله ان باتسر تدور الدنيا و ماجد يسوي بك هلون ويفشلك قدام شنقل وباقي الشيبان
ههههههه







الحمد الله ع السلامه و منور يالعزوه
يـــوسف
28-03-2010, 02:48
ياااااااااااااارب لاتبلانا بقرآدتهم بس :)


طيب وبعدين يعني مع قرآدتك ياخي انتحر ههههههه






بس مالوه حق يغولك هلون قهر ودي إنه طووووووووووووووووووط <- رقآبه :)







الشبث طيب خلك خويي ويصير حظك حلو زيي :)
الشبث
29-03-2010, 11:14
<< خامن سلطان ويكردون على كراع


يا هلا بسليطين



والله يالغالي ما دوينق اي شي


شلت السفره ومشيت ما عطيتهم اي فيس




وتقلد تحيتي
الشبث
29-03-2010, 11:15
هلا اخوي فتى البيداء



يالله حيوووه


ياخي مدري ليه احس انك قردتن خالص خخخخخخخخخخ




لاهنت على هالمرور يالذيب




وتقلد تحيتي
الشبث
29-03-2010, 11:16
المهيني


ياااسرع ما تقلب يالحربلا خخخخخخخخخخخ




هلا ابو خالد هلا بهالطله



وتقلد تحيتي
الشبث
29-03-2010, 11:18
هلا بشعرة القلب ابو غازي


يالله حي ذيبان



ليه اوين للارض من حمله


ياما صبرت خله شوين هههههههههههه



وتقلد تحيتي
الشبث
29-03-2010, 11:20
هلا بالغالي الحنشل


تصدق عاد لو ماعندوه رجال لحقن حدا الدلال ههههههههههههههه




رقبتي لهالحين به محز السيم هههههههههههههههه




لاهنت يالغالي على هالمرور



وتقلد تحيتي
الشبث
29-03-2010, 11:22
هلا وغلا اخوي عبدالرحمن


وانا اسعد بهالطله الحلوووه



يابو داحم منهو له خلق يركز بنبرة الصوت



انا يالله اسمع


شلون تبيني اركز هههههههههه





لاهنت يالغالي على هالمرور




وتقلد تحيتي
حيل حليل
29-03-2010, 11:23
هههههههههههههههههههههههه
الله من التناحه بهالرويس
زين مانشب حدى الدلال بجبهتك

هانت ياجدي
عسى الله يشفي مريضكم
ويقومه بالسلامه
ماتشوفون باس ان شاء الله
الشبث
29-03-2010, 11:24
هلا بأختي العزيزه نووور

ما تفقدين غالي ان شاء الله


وابد ماني مبعد معكم



بس فتره بسيطه مشاغل




لاهنتي على هالمرور الطيب اختي



وتقلدي تحيتي
الشبث
29-03-2010, 11:25
حمووودووووه


شف عاد من ينتقدن خخخخخخخخخخخ



يالباااايه يالقالش خخخخخخخخخ





لاهنت يا قلبي على هالمرور



وتقلد تحيتي
الشبث
29-03-2010, 11:27
ياااهلا باخوي الغالي ابو ضاري


الله يجيب العواقب سليمه يابو ضاري


والله يستر من تاليته ههههههههههههههه



لاهنت على هالمرور يالغالي
وتقلد تحيتي
الشبث
29-03-2010, 11:29
ريالي


حلولات لو انت قريبن لي


ابي الصق وجهك بالجوال



ليه تفضحن وتثبت لهم انك خويي



اقطع العلاقه



وتقلد تحيتي
الشبث
29-03-2010, 11:31
هلا وغلا اختي ام محمد

والله يسلمتس من كل شر


بس اختلف معتس


على كيفوه يبقسن واسكت


ليا متى طيب ؟




<< حنتش حنتوش





لاهنتي اختي على هالمرور الطيب



وتقلدي تحيتي
الشبث
29-03-2010, 11:33
يا هلا اخوي ابو فارس


اجل احيااانااا ههههههههههههههههه




ياخي كنت حاس يوم انا وياك بالدوانيه ان ودك تفقع وجهي خخخخخخخخخخخخخخ




لاهنت يالغالي والشر ما يجيك







وتقلد تحيتي
الشبث
29-03-2010, 11:36
هلا بخيتي الشهيب


فال الله ولا فالتس هههههههههههه



حلو وجيههم وهم شيبان



انا يالله دزابلهم هالحين خخخخخخخخخخخخخخ




لاهنتي خيتي على هالمرور



وتقلدي تحيتي
الشبث
29-03-2010, 11:38
يووووسف


شي خمن





اصير خوي منهو ؟؟؟؟؟؟؟؟؟



الله لا يبلا


انت قرادتك تسعى براسك تقل قمل خخخخخخخخخخخخخخ




ودي .. طووووووووووووووووووووووووووط << رقابه بعد مهو بس انت







وتقلد تحيتي
الشبث
29-03-2010, 11:40
هلا وغلا حلحووولي


يارجال جبهتي مابه مكان ولا تسان ناشبتن دلتوه هههههههههههه









الله لا يهينك ويسلمك يالغالي



وتقلد تحيتي
شمس آلع ـآلمي
29-03-2010, 20:38
هههههههههههههههههههه >> تأثير النعـآس , ماشبعت نوم


ماألومك لو ما تركـز خخخخخخخخ


أبوك ما يبي تسحب عليه قداام الرجال ههههههههههه



بس يلا تكبـر وتـآكل غيرها خخخخخخخخخخ



..



الله يشفي مريضكم,, وأجــر وعااافيه انشاءالله.. rooose2




مـــع ودي..rooose2
هايس الشمري
30-03-2010, 09:44
ابو ماجد


لا بس انت عندك ثقه .. لو انه فعلا قايل..( كان مانت مستعجل تعال افطر..) المفروض توّقف.. و تقول يبه متى صرت كيووت.. ؟ :) <<<<<<< برااااااااا



ههههههههههههه



امزح شيباننا كلهم خير و بركه..




الله يعافيك يا ابو ماجد
غالب
30-03-2010, 21:25
هلا أبوماجد
الحمدلله على سلامة مريضكم


------------------
والله من القراده

الشله اللي كانوا مع الفاذر تبعك
وش كانوا يحسون به وهم يضحكون
هههه




ياهاالعاااق
أمير القوافي
31-03-2010, 13:24
ههههههههههه

الله يحفظه لك انشالله

*