مجاراة لأبيات الشاعر عبدالله الجعيثن

[الحنشل]

السلام عليكم ورحمة الله



اليوم و كعادتي ـ حفظني الله ـ كنت أتجول في قسم الركن الهادئ


و ما أرتاح إلا أمر ... و أخذ لي فنجال بركن أخونا عبدالله الجعيثن و الراسي


و لقيت له أبيات أعجبتني بركن الجمهري.. و حاولت أجاريها


و أتمنى منكم بعد تجارونه




يقول عبدالله الجعيثن

خل السهر عنك ياصغيّر && دنياك توّه على الضيقه

اشوفك اليوم متغيّر && شاعرك غابت طواريقه

مريّت..ماقلت اباسيّر && وبقيق نشفت له ريقه


/

/



يا الجمهري الوضع متغيّر // و القلب زادت محاريقـه


وين إنت يا الصاحب الخيّر // يا اللي تنومس مشاريقه


خـل الهـوى عنـك يا الـنيّر // طـرد الـمقـفيـن تعليقـه


متشوف الراسي غدى حويّر // يا حووول يبست معاليقه

[بتول آل علي]

شاعر من ورانا يالحنشل

ليش أجل هالتغلي على النبطي :(

،


صح لسااانك

و شاعرنا ابو غازي يستاهل ما يجيب الا الجزل

،


تسلم الأيادي



أختك

الدهور

[الحنشل]

الدهور ... كلن عطاه الله من هبة الريح



تسلمين على المرور


بس وين مجاراتك .. إنتي بالذات ما نرضى تمرين كذا :)

[معلا إبراهيم الأسعدي]

صحت السنتكم جميع ابيات جميله ومجاراه اجمل

[بشير اللويش]

...

..

حسب الله على عدوك يالحنشل .. حديتني وانا مشتهي :)

،،،
،،

يا الحنشل الشيك ما جيّر ..... في إسمك الا بتوهيقه

ما يكسب العز متذيّر ..... والنعم يعرف مطاليقه

شرواك لا جيته مسيّر .... والرب يرزق مخاليقه

ماني بورى البيض متحيّر ... الغازي تشهد طواريقه

الراسي

[الكاتم]

طاروق ابو غازي محيّر********جَمْعٍ جِمَعْ صعب تفريقه
عــاشق ابو مبسمٍ نيّر********ضيّق على الغازي بقيقه
و شلون لو يلمح نويّّر******** قلـبه تقـطّـع معــــالــيقه

[الحنشل]

صحت السنتكم جميع ابيات جميله ومجاراه اجمل


صح بدنك يا الأسعدي


و كان ودي لو إنك مشاركنا .. و للحين ودي تشاركنا



بإنتظارك

[الحنشل]

...

..

حسب الله على عدوك يالحنشل .. حديتني وانا مشتهي :)

،،،
،،

يا الحنشل الشيك ما جيّر ..... في إسمك الا بتوهيقه

ما يكسب العز متذيّر ..... والنعم يعرف مطاليقه

شرواك لا جيته مسيّر .... والرب يرزق مخاليقه

ماني بورى البيض متحيّر ... الغازي تشهد طواريقه

الراسي



ما عليك زود يا ابو سلطان ... و صح لسانك


و يازين هالحدّه :)


لو ندري ..... مبطي حادينك

[الحنشل]

طاروق ابو غازي محيّر********جَمْعٍ جِمَعْ صعب تفريقه
عــاشق ابو مبسمٍ نيّر********ضيّق على الغازي بقيقه
و شلون لو يلمح نويّّر******** قلـبه تقـطّـع معــــالــيقه



صح لسانك يا الكاتم


أبيات جميله .. لك الود

[فارس الصحراء]

خيال الخيل وان قلت رواكبها >> وده يحتسي .. بس شكلها طافته



ايا بعد راسي يا حنشل ويا ابو غازي وكل من توآجد بالمتصفح الرآقي


:


آحترآمي وصح الله السانكم

[الحنشل]

فارس


ما طافك شي يا الغالي .. و مجاراتك مهمه

[فارس الصحراء]

:

ما بين طيب على خيَر / القآف زآنت طوآريقه

الآول يناشد صغيَر / الجمهري حآم بـ( بقيقه )

قالوا له الشعار يا نيَر / درس الهوى صعب تطبيقه

يا صآحبي لا طآفك مسيَر / المقبله خير توثيقه

ان عآدهآ صآر متغيَر / معذور وان جآتك الضيقه



:



عذرآ ان بدآ تقصير ..

[الحنشل]

ما شاء الله عليك يا عبدالعزيز


وصح لسانك .. و ما يجي منك قصور


أبيات جزله .. من جزل


/

/

ما زلت أطمع بالمزيد من شعراء المضايف

[صدر الشمال]

صح لسانك ولا هنت

جزل ما تجيب الا الجزل

[الحنشل]

صح بدنك يا الذيب


صدر الشمال .. شرفت يا الغالي

[قصير خليوي الشمري]

ياحمود أنا جيتك مسير**زابن عن الهم والضيقه
طوقني الشوق لسوير** والعشق ياشين تطويقه
في حبها ماني مخير**والبعد ياخوك ماآطيقه
القلب بسواه متحير** وشلون تامر بتغريقه؟
وصله قبل هين صغير**والحين ياصعب تحقيقه
أنشهد الوقت يتغير**والوقت ياشين تفريقه

[الحنشل]

صدى شاعر


ما شاء الله عليك ........ و صح لسانك



عز الله أبيات طيبه

[عبدالله الجعيثن]

تاج على راسي يالذيابه



وعزالله اسعدتني يالحنشل




وافرح قلبي مجاراة الاخوان



لاهنتم جميعا

[شموخ شمالية]

ماشاءالله مجاراة رائعه من الجميع


وصح السنتكم شعراءنا الكرام



لكم كل الاحترام

[معلا إبراهيم الأسعدي]

الـخـيـر بالطيب الخيّر××اللي ماجافـيـه تـبـريـقـه

يـامـرحـبـا باللي مسيّر××بـبـيـوتــه اللي على ايقه

الـقـاف معسوف ومضيّر××ومن الوطى ناشف ٍ ريقه

[ريال الفسحه]

صح لسانك يالحنشولي


راح اكتب رد عليكم كلكم




بس ان شاء الله عام 1498ه :)

[ابو ضاري]

بيض الله وجيهكم

صح لسانك يالحنشل

واحاول اني اجاريها

[الحنشل]

ابو غازي


و الله الفخر لنا بمجاراة ... شاعر بمقامك الكبير

[الحنشل]

شموووخ


صح بدنك .. و اسعدنا مرورك

[الحنشل]

شاعرنا معلا الأسعدي


صح لسانك .. أبيات رائعة


و أسعدتني مجاراتك

[الحنشل]

ريالي


صح بدنك .. أسعدني مرورك


و ننتظر مجاراتك حتى ذلك التاريخ

[الحنشل]

ابوضاري

وجهك أبيض .. و صح الله بدنك << لاقطه من نجاح المساعيد:)

[ابوهجرالويباري]

البناخي من وراي يالملعوووون صح لسانك ولسان الجميع ..
عبدالله شاعر جزل ولابه كلام لاكن من باب الرد جارينا قصيدته الجزله> وصح لسانه.
اليكم ردي ......
لا تترك القاع و تطيُر .. اصبر عسى ينور بقيقه
ويعود لك من هو صغيُر .. وترجع لابوغازي طواريقه
يفداك من عقله صغـُير .. يفداك هو و لواحيقه
ارجو ان تكون القصيدة بمقام القصيدة ومقام مجاراة الاخوان .
دمتم بود >>

[الحنشل]

خالي :7ayyoh:


أثريني وارث القصيد منك



صح لسانك خالووووووووو

[قصير خليوي الشمري]

صدى شاعر


ما شاء الله عليك ........ و صح لسانك



عز الله أبيات طيبه


صح بدنك

وصح لسان شعارنا

[ابوهجرالويباري]

صح بدنك بنااااااااااااخي لعنبو حيك ماكل ديرتن به بناااخي <<<مدري وش جاب طاري هالمثل ههههههههههههههههه

[هايس الشمري]

متصفح مليء بالروائع..



الحنشل تسلم على هذه الفكره.. و صح لساانك يا بعدي..




تقبل اعجابي



اخووك