معلمة حائليه تزوج زوجها إثنتان من زميلاتها [الأرشيف]

شموخ شمالية

22-03-2010, 07:25

http://www.hailiat.com/vb/images/smilies/36_1_3.gif كتبت هااااااالموضوع بالخط الاحمــــــــــــــــــــرhttp://www.hailiat.com/vb/images/smilies/36_1_3.gif

صدق او لال تصدق http://www.hailiat.com/vb/images/smilies/030.gif ...

بعدما شعرت إحدى المعلمات المقيمات بإحدى القرى التابعة لحائل

بمعاناة إثنتان من زميلاتها اللتان تتكبدان يومياً مسافة 300 كلم ذهاباً إلى مدرسة القرية بواسطة إخوتهن إحياناً وأحياناً يضطرن للغياب بسبب إنشغلاهما وعدم توفر سائق بديل لهن ،

إلى التدخل في إنهاء معاناتهن وإيجاد حل لهن حينما عرضت عليهن الزواج من زوجها للإستقرار معها في القرية .

وقد وافقت كلا المعلمتان بعد إتمام الخطبة ، فاقترضت حينها تلك الزوجة المعلمة من البنك لتسهيل عملية الزواج من زوجها والذي سوف يتم أحدهما بالإجازة القريبة المقبلة والآخر بالإجازة الصيفية .

:3ajeeb:

اللـ هـ ـب

22-03-2010, 13:10

والله شي وين هذي وهل هو صحيح اف وين نلقاء مثله هههههه
مشكور على الخبر

عبدالرحمن

22-03-2010, 14:21

اغلب المسلمين سيستغربون قبل غيرهم حدوث هذا الحدث!
لكن هذه هي حقيقة الاسلام وشريعته الحقيقية!
عندما تقاسم الانصار مع المهاجرين البيوت ومابها!.

لك التقدير اختنا المفيدة شموخ.*

الجازي

22-03-2010, 16:08

اغلب المسلمين سيستغربون قبل غيرهم حدوث هذا الحدث!
لكن هذه هي حقيقة الاسلام وشريعته الحقيقية!
عندما تقاسم الانصار مع المهاجرين البيوت ومابها!.

لك التقدير اختنا المفيدة شموخ.*

ماشاء الله عليك

أجل هذي هي حقيقة الإسلام وشريعته الحقيقية :)

لاتقول أغلب المسلمين سيستغربون قبل غيرهم حدوث هذا الحدث ,, قل كل المسلمات :)

أما المسلمين سيبتهجون بهذا الحدث :)

تركضون على مثل هالسوالف :)

شموخة ,, الحين هالخبر موثق والا مفبركه واحد من أصحاب الصناديق :)

يسلمو شوشو

عبدالرحمن

22-03-2010, 22:10

^
^
وانتي ليه يومنك تركضين يمي وتركتي الخبر:a:!
ليه ماتشجعين الايثار وهذا العمل الجبار!
هين يم قرن يجي يوم على حفيدتك تبيله زول ما تلقى:315r:!

الجازي

22-03-2010, 23:34

وأنت ليه جيت ركض يم الموضوع وتركت باقي مواضيع الإعلامي مارديت عليها :7ayyoh:

أنا تركت التعليق على الخبر لأن شموخ تقول (( صدق أو لاتصدق ))

فاخترت عدم التصديق ,, عشان كذا مارديت :)

وحفيدتي تعنس ولا تعرس بهالطريقة :)

شموخ شمالية

22-03-2010, 23:50

حيـّاك الله أخوب اللهب

:wallah_hoo: هذي اكيد مجنونة ولاأنت لاقي مثله أبد

شكرآ لحضورك

لك احترامي

فوووز

22-03-2010, 23:53

أنا ما أصدق

وش هالخبال :a:

ياعيني على الايثار اللي عندها ...

شموخ ... أنا أشوف انه شيء مستحيل ..

,

,

شموخ شمالية

22-03-2010, 23:58

هلابك أخوي عبدالرحمن

انت تهقى ان هالحرمة بعقلها او لا ...:)

حنا نتضايق لاأعرس واحد من أقصى العائله على مرته وانت تبينا
نجيب وحده علينا ..........ان شاءالله انه مايفرح به:3ayyen_khair:

أسعدني حضورك

ولك احترامي

ابو فارس

23-03-2010, 00:05

شموخ شمالية

23-03-2010, 00:09

هلا بالغلا الجازي شيخة البنات

والله مدري ياملي هو صدق او لا :)

الوكاد ان حريم حايل منصدمات....n)

والرجال يدعون الله انه يرزقهم بمثل هالمره :solh:

يعني تهقين انه على صح او لا ....!!

يعني حنا مانعترض على الشرع بس الحرمه طبعها غيّـاره وشلون ترضى تجيب لها شريكه :a:

الوكاد انها هي الشجاعه والله

مرورك كـ المطر غاليتي

لكِ احتراامي

عبدالرحمن

23-03-2010, 00:11

^
^
مهي حشكة!
ادع على عدوتك يتحاشكنه بنات مخينق زين انحصلته يعض شليلوه مهو العرس!:3ajeeb:

شموخ شمالية

23-03-2010, 00:13

هلا بك أختي فووز

مو بس انتي اللي تقولين خبال الا كل الحريم يقولّنه

مدري نقول ماشاءالله عليها او هذي مجنونة :)
الله يحفظها

مرورك اسعدني

ولكِ احترامي

ابو فارس

23-03-2010, 00:15

شموخ
الا على طاري انها من حايل

ليه ماتسوين لقاء معاها
وتشوفي ابعاد الموضوع

اما تقنعونها تفصلهن من المدرسة ويرجعن لحايل
او تقنعكم بوجهة نظرها

لازم يصير الراي والراي الاخر

عبدالرحمن

23-03-2010, 00:19

الا على فكرة اشرايك يابو فارس نأسس جمعية او رابطة

تتخصص بالتعدد وبيان حسناته وانه هو الاصل!

واعتقد انه في جمعية بمصر بهذا الشأن

اسمها نعم للثانية او حول هالمعنى!

فأذا توافق بلغن حتى نسعى بهذا المشروع
ونفتح موقع متخصص بهذا الجانب بدون مقابل!
نعم مانبي غير دعاء العرسان لنا ومن معنا!.

انتظر موافقتك وابو جاسم موافق ومنصور موافق!
بس العنصر النسائي لا زال مفقود لذلك نتمنى على الاخوات
الدخول الى حلبة الخير والاجر الوفير!.

الجازي

23-03-2010, 00:19

شوشو

تصدقين بديت أصدق

بس في حاله وحدة ولا أستبعدها على أختنا في الله صاحبة القصة المزعومة :)

أتوقع إن هالمسكينة غاصبها رجلها على الوظيفة عشان تكد عليه بدليل إنها دفعت تكاليف عرسه من زميلاتها الموظفات :)

وطبعاً ماخطبتهن له إلا عشان يفزعون معها في الصرف على هالزوج العاطل :)

على الأقل يبقى لها من راتبها الثلثين بدل ماياخذه كله ولو تزوجه بعد برابعة بيبقى لها ثلاث أرباع راتبها :)

ودام الزوج مايستاهل تفتك منه بهالزوجات ويرجع لها باقي راتبها :)

وش رايك فيها بالله ماهي إنسانة عظيمة وذكية :) <<<< بصمت العمة بهالسيناريو الجديد :)

أجل بالله فيه وحدة تزوج زوجها ومن مين من زميلاتها :)

ياشيخة بلا كلام فاضي :) <<<< كلام الجرايد ياقلبي مو كلامك :)
.
.
.
.

على فكرة سجلوني معكم عضوة في جمعيتكم الموقرة نعم للثانية :)

شموخ شمالية

23-03-2010, 00:23

هلابك اخوي ابوفارس

يعني أنت الحين مؤيد لهالحرمه !!

>> ترسل رساله لام فارس n)

صحيح انها شجاعة بس حنا ننظر لها انها مجنونه :)

مرورك اسعدني

ولك احترامي

ابو فارس

23-03-2010, 00:29

عبدالرحمن
بصراحة فكرة طيبة

وانا موافق
بس عندي شرط بسيط
وهو من صالح العمل

ان الموضوع مايشملني
تدري ليه؟
علشان اعضاء اللجنة هذه مايصير كلهم متعددين
لانه لو تعددوا راح ينفر منهم الاشخاص اللي ماهم متعددين
وبذلك نخسر كثير من الخوافين

ابدا حط مشاركة
وابشر

عبدالرحمن

23-03-2010, 00:34

على فكرة سجلوني معكم عضوة في جمعيتكم الموقرة نعم للثانية

الظاهر تبين تنكبينا ! لا خالة لا مانقبل العميل المزدج حتى لو كان على الكبد زي العسل:3ajeeb:

الا اشوف ابو فارس وده بالانسحاب بعد الدعوة الكريمة:)

ابوهجرالويباري

23-03-2010, 00:34

سلمو لي عليه >>
والله انها بنت الرجال >
هذي ماسبقها احد عليها >
مشكووووور ع الخبر >
لك التقدير وتقبل مروري.

ابوهجرالويباري

23-03-2010, 00:36

ياخي احس ان بعض اخواتنا الاعضاء >>>مايبن هالطاري هههههههههههههههههه
مدرري ليش الشررع حلل اربع >وهذي فزززعة حايلية واهل حايل هم اهل الفزززعه.

الجازي

23-03-2010, 00:40

والله مدري منهم الخوافين اللي ماعددوا والا المعددين يابو فارس :)

الحين أنتم اللي تبون عضوات ورشحت نفسي كعضوة وآخرتها ترفضون !!؟

أمحق جمعية :)

لو بتنتظرون عضوات غيري ماراح تلقون أحد حتى بطلة القصة ما راح توافق ,, لأنها لها أسبابها ,,

لكن أنا معكم أينما كنتم على الأقل تستفيدون من معارضتي لخدمة أهدافكم النبيلة :)

ريال الفسحه

23-03-2010, 00:40

هذي طيرة شلوى المفروض تفتح مركز صحي للحريم
تعالج بوه امثال اختنا في الله ام قرن :)

الجازي

23-03-2010, 00:43

الله يخلي لكم أم قرن لولاها تسان كل هالحريم مثل هالحرمة ,,

عاد بالله وش تسوون لامن غصبوكم حريمكم على العرس وأنتم ماتبون :)

<<<<<< سيناريو خيالي :)

بس معذور ياريالوه دامك عزوبي فأنا أراعي حالتك النفسية والعصبية :)

إلا ورا ماتاخذ المعلمة الثانية بدل ماهالمسكينة تقعد تحتري رجل هالبطلة للصيفية الجاية :)

ياخي خذ أجرها وأجرتها على الطريق ومهرها مدفوع من خويتنا :)

عبدالرحمن

23-03-2010, 00:48

هاه ابو فارس اطلع موافقت اللي ارسلته لي على الخاص < فيه عرق ميم طاء:)

عاش ريال الخير وشد حيلك بالتصدي والدفاع عن مكتسباتنا التي تنكرت لها بعض الاطراف:)

ابو فارس

23-03-2010, 00:49

عبدالرحمن
تراني معك معك

بس يا اخي هذه ام قرن ابلشتنا
الى الان ماوافقنا على انضمامه واكلت الجو
وماسكتن الميكرفون وتهوش

-----------------
اول خطوات الجميعة هي مساعدة هذه المعلمة على سداد قرضها

الجازي

23-03-2010, 00:52

والله على هالرسايل الخاصة وهالشفرات شكل الجمعية بتصير منظمة سرية :)

كل ذا خوف والا وش قصتكم :)

بديت أصدق إن الحريم لهم مكانتهم الاقتصادية والسياسية العظمى في العالم :)

الجازي

23-03-2010, 00:54

وأنا موافقة على مساعدتها ,,

أهم شيء دراهمها ترجع لها ,,

خصوصا قبل مايتم العرس

عشان يمديها تفركشه بعد ماتئبض المعونات المادية من جمعيتنا الموقرة :)

شموخ شمالية

23-03-2010, 00:57

حيّاك الله اخوي ابوهجر

مانبي هالفزعه الحايليه اللي كذا :3ayyen_khair:

الا الجارة مانرضاها وانا أختك

مرورك شرف

لك احترامي

عبدالرحمن

23-03-2010, 00:58

عاد بالله وش تسوون لامن غصبوكم حريمكم على العرس وأنتم ماتبون

<<<<<< سيناريو خيالي
فعلا لو حدث هالسيناريو وش الحل !
والله يبعضنا الا يزبن حزم الجلاميد:3ajeeb:
والبعض الاخر يمشح بعويناتوه :za3lan:
وش عندك زوجتي خاطبتن لي جارتنا ام خرطوم:a:

شموخ شمالية

23-03-2010, 01:02

حيّاك الله اخوي ريال

الا نبي نفتح مستشفى لمعالجة الرجال اللي يؤيدون العرس
من ثانيه :)

والا الجازي الله يكثر من أمثاله

مرورك شرف

ولك احترامي

الحيمري

23-03-2010, 11:42

هذه الزوجه بطله هو مالها اخت هههه
يقولون يوم عرضت الموضوع على زوجها بكا مثل بكا الذيب يوم قالو له اسرح اليوم عن الراعي

بعد ملي

23-03-2010, 12:18

يحق له البكا يالحيمري على قلة عقل زوجته
والمسكين اهدته اهداء لزميلاتها

يسلموووو شموخه..

ابو ضاري

23-03-2010, 13:42

لو لاحقين عليكم البارح تسان ناقلينه للفله

تلقون الحلول مع البروفسور الجعيثن ومحاتسيكم والشباب مايقصرون

نبي نحول سواقين نوصل مدرسات

الجعيثن قرب التقاعد

شموخ شمالية

23-03-2010, 14:02

هلابك اخوي الحيمري

هالحرمه الله يستر عليها كل أهل حايل يسألون عنها

ياهي اشغلت الحريم :)

حضورك شرف

لك احتراامي

شموخ شمالية

23-03-2010, 14:10

الله يسلمك يالغاليه بعد ملي

وفعلآ الحريم يعتبرنه مجنونة....... بس الرجال يتمنون مثله :d:

صارت هي أقوى من قضية فلسطين

الله المستعان

مرورك اسعدني

ولكِ احترامي

شموخ شمالية

23-03-2010, 14:16

هلابك اخوي الضاري

كل الرجال اللي حولنا قالوا نفس كلامك :)

كلهم يبون يحولون سواقين للمدرسات

بس حنا نبي نرفع قضيه على صاحبة القضيه لانها أشغلت الحريم والرجال :solh:

مرورك شرف

ولك احترامي

أبو فهد

23-03-2010, 21:14

لالالالالالالالالا

ما اصدق

للحين بوه زوجات تعمل خير على حسابه :)

شيء غريب حقا

---------------
أبو فهد الهمزاني

شموخ شمالية

24-03-2010, 03:02

الخير كله بالحريم بس أنتم ماتشوفون

الله يهداك بس ياأبوفهد :za3lan:

شكرآ لحضورك مشرفنا العزيز

لك احترامي

يـــوسف

24-03-2010, 05:45

إإإإإإإإإإإإإإإإإإإإإإإإإإإإإإإإإإإإإإإط عج :a:

صحيح ناس فسقانه :a:

وآآعزتيلك يايووووووووسف

شموخ عز الله هالخبر يضيق الصدر للي مثلي وشرواي :)

نعنبآ الفسق يامسلمين 3 وكلهن مدرسات من يحصلك افرح ياعم :315r:

ريالوه امش ننتحر ازين لنا الطيور طارت بأرزاقه :)

روح حايل

24-03-2010, 06:31

تبي الفكه منوه :)

اجل بالدبل تزوجوه ! يكفي معاناة وحده :) الا اذا يبون يبنون مجمع سكني على حساب هالجديدات هذا شي ثاني :)

الا وين مطلقة ريال اللي عندوه خل تلحق على هالمره وتصكهم برقم اربعه :)

شموخ اجري اتصالاتس لازم نعرفه هالمره :)

محمدالشمري

24-03-2010, 13:22

انتظر موافقتك وابو جاسم موافق ومنصور موافق!

لالالالالالالالالالالالالالالا ما ني موافق :3ayyen_khair:

الحين عقب هالسالفه واوافق :puzzled:

المرة مزوجة رجله حرمتين مهي وحدة >>> وانتم بتسوون رابطة للتعدد (( هذي جزات الاحسان ))

لا والثانية الجازي بتصير عضوة معاكم وترفضون !!!

والثالثة تبوني اصير معاكم امعصي يا عبدالرحمن ولا تسولف هالسالفة مرة ثانية :za3lan:

بعدين تعالوا هالقصة لا هي اول قصة ولا هي آخر قصة ليش هالعجب :3ajeeb:

المشكلة لو غلبن عليها عقب العرس !!!

الا على طاري التعدد اليوم قريت خوش اعلان " وحده تطلب الزواج مسيار ومستعدة تدفع مهر وقدرة خمس ملاييين ريال "

عبدالرحمن اذا رابطتكم عنده نفس هالاعلانات راح افكر اسجل معاك انت وابو فارس مو تروح المقروده تاخذ دين وعمات عين علشان تزوجن !!!!

شهد العتيبي

24-03-2010, 21:00

,وش لوه مستغربين ..

أبك أنتم مو عارفين أن زمان كانت الحرمه هي اللي تخطب لرجلها بنفسها ..:315r:

صدق جيل الله الساتر منه على قولة جدتي ..:315r:

مو أحسن من أنه يخوانها .. << تفكير سياسي

:315r:

و الله أنتم المساكين و المهبل تلقوها أذكى منكم جميع ..

- أن كيدهن عظيم -

أكيد لها أهداف بعيده من ورى هالجوازه ..:a:

و ممكن من كثر ما تحب زوجها ودها تسعد قلبه و تزوجه و تكفل بمصاريف العرس بعد ..:3ajeeb:

ام الرغفان

25-03-2010, 07:39

لحووووووووول ورجله عادي مصنخ موافق

عمرهن مادرسن والله لااجيب قاز واسعر بوه هو ياهن

قال مواصلات قال دي

الأرجوازيه

25-03-2010, 17:03

انا اقول لو فيك خير ماعافك الطير

زوجها لو فيه خير كان ماعافته زوجته

اكيد مهبل فيها وتبي الفكه منه

هذا تحليلي وشكرا ياشموخ شماليه

غالب

26-03-2010, 01:04

حاله نادره!

شموخ شمالية

26-03-2010, 03:03

حياّك الله اخوي يوسف

عيّن خير وبأذن راح تتزوج 4 مدرسات

بس قل يالله

لاهنت على المرور

شموخ شمالية

26-03-2010, 03:06

روح حايل

وش رايتس ندوّر هالمره ونعرف القصه منها :)

والضاهر على قولك تبي الفكّه منه

حريم آخر زمن

مرورك اسعدني يالغلا

شموخ شمالية

26-03-2010, 16:12

حيّاك الله أستاذ محمد الشمري

ومبروكه هالقصه اللي جابتك هناا

شرفتنا بحضورك

لك كل الاحتراام والتقدير

شموخ شمالية

26-03-2010, 16:15

هلابك أختي شهد

وانتي صادقه يمكن لها مغزى ثاني وحنا ماندري فيه

الحريم ينخاف منهن

والا على قولك يمكن تحبه وتبي تسعده
يمكن :solh:

مرورك اسعدني لاهنتِ

شموخ شمالية

26-03-2010, 16:19

ام الرغفان

انا حاسه انك راح تزوجين زوجك بنفس الطريقه n)

ويمكن تكون احد المدرسات هي الشهبا :d:

ياقلّة واليك لاصارت جارتك شرهوه

مرورك يشرح الصدر ياجدي

لاهنتِ

شموخ شمالية

26-03-2010, 16:23

هلابك أختي الارجوازيه

ويمكن يكون على قولك

:wallah_hoo: بس يعني لاصرت عايفته أونسه .... معصي

والله هالقصه اشغلتنا ومالقينا سبب هالتجويزه

مرورك اسعدني يالغلا وشكرآ لتحليلك

rooose2

شموخ شمالية

26-03-2010, 16:25

هلابك اخوي غالب

وفعلآ حالة نادره

مرورك اسعدني يااخوي

لاهنت

هند القاضي

26-03-2010, 17:35

اممممم

مو معقوله اعتقد الموضوع فيه شيء من الفبركه :puzzled:

إذا الخبر صج مع إحترامي الشديد لـ المعلمه فـ إنها ساذجه :d:

شموخ شمالية

26-03-2010, 18:02

هلابك هنادي

لو تشوفين حريم الحارة هي سالفتهن n)

أشغلتنا الله يهداها

ولو زوّجت زوجها وحده يمكن الواحد يصدق بس 2 مصيبه:)

الله يصبر قلبها على البلوى اللي جابت لنفسها

مرورك أسعدني يالغلا

rooose2

بشير اللويش

26-03-2010, 18:36

الا ماودكم نسوي لنا قطية( جمعية ) ونسدد بها قرض الزوجة ؟؟

-------------------
والله ماندري حنا نصدق او لا
فيه حريم ما نازينهن بعقلهم وفكرهم وتفكيرهن
الا بسالفة التعدد تروح العلوم كلها
---------------------
بصراحة جيت اقف مع اخي عبدالرحمن
اشوفكن تحاشكتنه--
-----------

شكرا شموخ
دمت بخير

انا جاي فزعه مع ابوفارس وعبدالرحمن :)

لكن تعليقا على الموضوع

ما هقيت انه صحيح ابدا

ومستغرب فعلا .. تصديقه:)

يعني لو رضت وحده تهقين ترضى الثانيه ؟

(على فكره رديت وانا ما قريت باقي الردود) .. لأني ما ادري لو ان الموضوع كاميرا خفيه:)

اخوك ابوسلطان

الصميدع

26-03-2010, 19:28

الله يوفقه ويسعده مع زوجاته
ويرزقهم الذرية الصالحة

شموخ شمالية

26-03-2010, 22:36

هلابك أخوي بشير اللويش

شرفتني والله بحضورك الطيب

ولامهي كاميرا خفيه الا قصه يقال انها حقيقيّه والله اعلم

حضورك انار المتصفح شاعرنا الراقي

لك احترامي

شموخ شمالية

26-03-2010, 22:39

هلابك أخوي الصميدع

شرفتنا بحضورك الطيب

لاهنت

ولك احترامي

الجازي

27-03-2010, 00:38

إلا مالاحظتوا شيء !!؟

ماتحسون هالزوجة الأولى كأنها مسيطرة على زوجها بقوة وتحركه بالريموت كنترول :)

الحين تبي تزوجه الثانية هذي ممكن نبلعها والله أعلم وش يدور خلف الكواليس من نوايا مبيتة :)

بس الحين على كيفها تتحكم في الزوجة الثانية وتوعده إنها تزوجه بالثالثة في الصيفية الجاية !!؟

طيب الثانية مالها راي والا وش قصتها !!؟

يعني هالرجال ومدبرته على كيفها قلنا مايخالف :)

بس عاد جارتها (( ضرتها )) لها حق الاعتراض على زواجه من صديقتهم الثالثة !!؟

تتوقعون ورا هالتزويج صفقة غير معلنة !!؟ :)

أنا لازلت أؤمن إن الحريم كيدهم أعظم من العظيم :)

شوشو ,, الله يرضى عليك حاولي تعرفينها عشان أشبك معها وأحاول أجرجرها وأعرف وش أهدافها وتخطيطها الجهنمي :)

تصدقين حبيتها :d:

ابو ضاري

27-03-2010, 00:45

لا تخطيط ولا شي

والمستفيد الاول هو الزوج كل عطله هو ماخذ زوجه جديده لا ومدرسه

واحسرتك ياخالي

وهي مغبونه الزوجه الاولى

ياليت زوجاتنا مثل الزوجه هذه

الجازي

27-03-2010, 20:00

8
8
8
8
لا والله !!

بديت أتعاطف مع هالزوج اللي ماله حس ولا خبر !!

صاير زي الأطرش بالزفة !!

ماودك يابو ضاري تجيب لنا خبره وتشوف وش قصته !!؟

صدقني السالفة فيها إن !!؟

إذا قالت الجازي فصدقوها ,, فإن القول ماقالت الجازي :)

أو جيبوا لي اسمه وأنا أشوف سالفته بنفسي :)

شموخ شمالية

27-03-2010, 20:34

الجازي

ماعليك راح أجيب أسمها بأذن الله

لان لو تشوفين حريم الحارة هي سالفتهن بكل جلسه

ساعدينن ونجيب خبرها

شموخ شمالية

27-03-2010, 20:35

ابوضاري

ترى آخر كلمه نسختها وأعطيتها الجازي توصلها لام ضاري

الحق عمرك

الجازي

27-03-2010, 20:41

خلاص ياعسل

أنت جيبي خبرها

وأنا بجيب أجلها :)

أنتظرك

يـــوسف

28-03-2010, 03:16

^
^
حميقرآ بس :)

الحين انتي يالعجيز وش اللي ذابحتس من الشفايه :)

الزوجة الأولى زوجة صديقاته ليش ماتقولين انها سوت خير بصديقاته

نسيت ماعليش :)

كل شي تضحي فيه الحرمه الا ان يقال له زوجة أولى ولا ثانيه من باب الكشخه ماتحبن هالشي هههههههههههههههههههههههههههههههههه

ابو ضاري

28-03-2010, 03:22

^
^
^
^
ان شاء الله تعرس الزوجه الاولى مدرسه

والثانيه مديره

افرح ياخالي

حميقرا للشفايين

يـــوسف

28-03-2010, 03:26

^^

آلله يسمع منك :)

<-لابسن البشت من الحين :$

الجازي

28-03-2010, 12:25

8
8
8
أنا أدرى منك بالحريم :)

صدقني

مستحيل الزوجة تفرط في صك ملكية زوجها :)

إلا إذا كانت الشغلة فيها مصلحة قوية لها :)

وبعدين بذمتك هالزوج وش محله من الإعراب !! ماله حس ولا راي !!

يعني يبي حريم بأي شكل !!؟

طيب وتسانهن فيهن بلا !!

عادي يوافق على تخطيط زوجته وماله راي بالسالفة !!؟

بعدين ليه ماعرفنا اسمها ولا جانا خبر عنها ولا عن زوجها !!؟

صدقني يايوسف السالفة فيها إن ,,

بس من يجيب لنا الخبر !!؟

ماودك قبل ماتفصخ البشت تروح تخطب الثالثة وتسألها وش القصة :)

صلهام

02-04-2010, 20:56

ماشاء الله عليها

ابي اعطيها بياناتي الشخصيه يمكن تحصل لي مره

ههههههههههههههههههههههههههههههههههههههه

شموخ شمالية

03-04-2010, 01:02

هلابك أخوي صلهام

حنا ندورها من زمان..

رجال حايل يتمنون وحده مثلها
والحريم شانّات حرب عليها :)

الله يستر عليها

موفق ياأخوي

وشكرآ لمرورك