ابو ضاري
17-03-2010, 00:30
ضامي أنا من الحب وماني براوي = من يوم شفت الي على الحال جانين
ولو باتمــنا ماتفـــيد المـــــــناوي = وش عاد لو صرنا بهوى الزين باكيـــن
الله خلق زينين والله قـــــــــاوي = يخلــق مثل خلقة وأزين من الزيــــن
مير البلى لاصار قلـبي شـقـاوي = متـــعلق بغـدار مـن بدة ألـفيــــــن
كوى حــياتي بالهواجيس كـــاوي = أسهر طـوال الليــل والناس نيـمين
ياعـلـتي علـة كثــير الهـقــاوي = علة غريـب الدار ومحـدن له معـين
كني كما ذيبن على الرجم عاوي = يجـر ونات اللـيالـي مــع البيــن
سرى مع الهاجوس مشمل وناوي = نسيان ماضي الحب وذكرى المحبين
أو طفلتن كثـرت عليـها البـلاوي = يتيمـتن وعنها القـرايب بعـيدين
شكت ولكن ماتفيد الشكــاوي = في عالمن كلن بة اليـوم لاهـين
أو واحدن مظلوم ماهو بقــاوي = يصبر على ضيم السجن والمساجين
محكوم بالأعدام وللقبر هاوي= ما عـاد عندة للسعاده قوانيـن
أو شيخ قومن مالقى من يداوي = صابة زمانة وعنة الناس مقفـين
حاله سقيمن وسط الفراش ثاوي = نسـوه ربعة وبالرحايل مشدين
ماينتضر نورن مع الصبح ضاوي = وأن عاش معهم قالوا الشيخ مسكين
أوشاعرن قالوا علية الخلاوي = روح زمانن له من أعوام وسنين
مرحوم يامن عاش عمرة خلاوي = ما عاش في دنيا بها اليوم ماشين
وحلفت لقسم مابقى بالتساوي = وبدال كاس الغدر بسقية كاسين
ورجيت أنا ربي مجيب الرجاوي = يرحم زمانن فية كنا سعيدين
وصلوا على المختار وادعوا دعاوي = لربي عضيم الشان ورب المسلمين
للغالي فهد الغاطي
ولو باتمــنا ماتفـــيد المـــــــناوي = وش عاد لو صرنا بهوى الزين باكيـــن
الله خلق زينين والله قـــــــــاوي = يخلــق مثل خلقة وأزين من الزيــــن
مير البلى لاصار قلـبي شـقـاوي = متـــعلق بغـدار مـن بدة ألـفيــــــن
كوى حــياتي بالهواجيس كـــاوي = أسهر طـوال الليــل والناس نيـمين
ياعـلـتي علـة كثــير الهـقــاوي = علة غريـب الدار ومحـدن له معـين
كني كما ذيبن على الرجم عاوي = يجـر ونات اللـيالـي مــع البيــن
سرى مع الهاجوس مشمل وناوي = نسيان ماضي الحب وذكرى المحبين
أو طفلتن كثـرت عليـها البـلاوي = يتيمـتن وعنها القـرايب بعـيدين
شكت ولكن ماتفيد الشكــاوي = في عالمن كلن بة اليـوم لاهـين
أو واحدن مظلوم ماهو بقــاوي = يصبر على ضيم السجن والمساجين
محكوم بالأعدام وللقبر هاوي= ما عـاد عندة للسعاده قوانيـن
أو شيخ قومن مالقى من يداوي = صابة زمانة وعنة الناس مقفـين
حاله سقيمن وسط الفراش ثاوي = نسـوه ربعة وبالرحايل مشدين
ماينتضر نورن مع الصبح ضاوي = وأن عاش معهم قالوا الشيخ مسكين
أوشاعرن قالوا علية الخلاوي = روح زمانن له من أعوام وسنين
مرحوم يامن عاش عمرة خلاوي = ما عاش في دنيا بها اليوم ماشين
وحلفت لقسم مابقى بالتساوي = وبدال كاس الغدر بسقية كاسين
ورجيت أنا ربي مجيب الرجاوي = يرحم زمانن فية كنا سعيدين
وصلوا على المختار وادعوا دعاوي = لربي عضيم الشان ورب المسلمين
للغالي فهد الغاطي