محمد العزران
21-08-2002, 16:03
يا بشاير عيد الاضحى وتغريد الصباح=
أنت يا مهجة فؤادي ويا الوجه الصبوح
ياقمر ليلٍ عوى ذيبه وضوى الفياح=
لا جمال الا انت سيده ولا غيرك طموح
(البها في طلتك).. (والصخا منك انت فاح)=
(يا عظيمٍ له مهابه)... (ويا قلبِ نصوح)
لك معى العاشق حروبٍ بها زرق الرماح=
دايره في دايره (لا تجي ولا تروح)
كل بيرق عاشقٍ جاك فالميدان طاح=
بيرقك منكوس والقلب من سحرك يفوح
قول ؟ من منك سلم( يا هجاد ويا صباح)=
غير واحد عارف سياسية المهر الجموح
لا قصر فـ عنانها تكسر لطوعه جنـاح=
ولا تطاوع غيره أحدن (رغم أنف )الشبوح
وأنت يا سر الحيا لوعة الموت الذحاح=
والمنار اللي غدى للعرب سلوى وبوح
لنّ في هرجك بلاغه؟؟ وفي شورك صلاح=
الكلام اللي تقوله يجي فيه الوضوح
والحذاقه واللباقه عطت رايك صراح=
مامنع رايك عن القلب كل شكٍ لحوح
كنّ من عيني كتابي معك سره مباح=
توصف علاجي قبل لا معك سدي يبوح
وانت في عينك حكي لا مزاح ولا شفاح=
بس لا قلته محبك يجي منه امطروح
يا بشوش الوجه يا راعي الهمس القراح=
أنت للعشاق بارق على العارض يلوح
وبك سحابٍ يلتعج حين برقه منه لاح=
الهلع في مقبلك والولع لما تروح
عاشقك يطوي من الشوق حزمـاتٍ براح=
عقب رمضا لافحه جاك سرايٍ نزوح
غايته هتانك اللي ضفى الصدر انشراح=
كل ما وايق خيالك رمى دلوه يموح
مانثنى عن مقصده يقنع اليمنى الشحاح=
في رجى برقٍ تزفه برعادٍ صدوح
مجتهد والمجتهد له على الغايه سماح=
وان غـدى جهده فلس راح حمّال الجروح
أنت يا مهجة فؤادي ويا الوجه الصبوح
ياقمر ليلٍ عوى ذيبه وضوى الفياح=
لا جمال الا انت سيده ولا غيرك طموح
(البها في طلتك).. (والصخا منك انت فاح)=
(يا عظيمٍ له مهابه)... (ويا قلبِ نصوح)
لك معى العاشق حروبٍ بها زرق الرماح=
دايره في دايره (لا تجي ولا تروح)
كل بيرق عاشقٍ جاك فالميدان طاح=
بيرقك منكوس والقلب من سحرك يفوح
قول ؟ من منك سلم( يا هجاد ويا صباح)=
غير واحد عارف سياسية المهر الجموح
لا قصر فـ عنانها تكسر لطوعه جنـاح=
ولا تطاوع غيره أحدن (رغم أنف )الشبوح
وأنت يا سر الحيا لوعة الموت الذحاح=
والمنار اللي غدى للعرب سلوى وبوح
لنّ في هرجك بلاغه؟؟ وفي شورك صلاح=
الكلام اللي تقوله يجي فيه الوضوح
والحذاقه واللباقه عطت رايك صراح=
مامنع رايك عن القلب كل شكٍ لحوح
كنّ من عيني كتابي معك سره مباح=
توصف علاجي قبل لا معك سدي يبوح
وانت في عينك حكي لا مزاح ولا شفاح=
بس لا قلته محبك يجي منه امطروح
يا بشوش الوجه يا راعي الهمس القراح=
أنت للعشاق بارق على العارض يلوح
وبك سحابٍ يلتعج حين برقه منه لاح=
الهلع في مقبلك والولع لما تروح
عاشقك يطوي من الشوق حزمـاتٍ براح=
عقب رمضا لافحه جاك سرايٍ نزوح
غايته هتانك اللي ضفى الصدر انشراح=
كل ما وايق خيالك رمى دلوه يموح
مانثنى عن مقصده يقنع اليمنى الشحاح=
في رجى برقٍ تزفه برعادٍ صدوح
مجتهد والمجتهد له على الغايه سماح=
وان غـدى جهده فلس راح حمّال الجروح