% اجراءات امنية %

[الشبث]

وه ياكثركن يالاجراءات الامنيه هاليومين


كل شارع تمروه ما تفطن الا زقرت الشرطه متجودينن بحنوكك


ما يخالف وه ياعلهم بعد زقرت المرور البايهين




حتى المحلات التجاريه



تلقا محل حاطن اشعه


اذا خذيت شي وطلعت بدون ما تحاسب فضحك


وبعضهم ما تقدر تطلع الا المحاسب يفتح لك الباب



وايام زمااان يوم كنا وغدان صغار


تلقا ابو بنقلا يراقبنا بالبقاله ذالن نزرفوه


عاد حنا ما نقصر


انواع الزرف


مع هالمراقبه المشدد


تلقانا طالعين اللي جاطلن علك

واللي فصفص



واحد من العيال مره حط اسكريم داخل فانيلته


وحجرنا ابو بنقلا



يوم طلعنا الا الولد ينقط ايسكريم



اثري الايسكريم ماع







عاد بالله عليكم تخيلوا



















ان شابين وسيمين





واحد اسمه ريال فسحه









والثاني اسمه الشبث








وهالولدين شياطين بصم الله عليهم






بس مهم عايشين بزمان اول




لاااااا


عايشين بعد ميتين سنه




يعني متطورين حيل


ويدخلون بقاله


وهالبقاله مسوين اجراء امني


وحاطين يد صناعيه


اذا طلعت وانت سارقن شين تغولك


وفجأه طلع الشبث جاطلن فصفص


وريال فسحه جاطلن علك





بالبدايه طلع الشبث



وهي تغولوه


وقالت لوه رجع الفصفص لا اعجنك بالجدار


وهو يبلع العافيه خيبان ويرجع الفصفص




اما ريال فسحه


اول ما جاء يبي يطلع



وهي تزنطوه


قالت لوه رجع العلك يا حيوان


ومن العباطه اللي بوه فتح العلك وبلع واحد << يابعد نفسي مشتهيه


وهي تلتمس اليد


ويطلع منه شرار من الزعله


وهي تغولوه


وتصفق بوه الجدار


وهي تقوم ترداوه

ويركضون المحاسبين يبون يفكونوه منه


وهي تجود بشوشتوه


وتحط صبعه بعينوه


وهي تقوم تمردغ هالمسيكين


<< ياويلي ما تسوى عليه كل هالتكميخ علشان نص





ويالله يركض حديهم ويفصل الكهرب كلوه


بس وشعقبوه



عقب مافينت حظوه ولعنت هافيه













بصراحه


هالاجراء مطلوب


خصوصا عن اطفال صار معتقد عندهم انه لازم يطلع من البقاله ومعه شي

ممكن يكون لوالديه دووور



ممكن ؟








وتقلدوا تحيتي

[ابو ضاري]

هلا بالغالي

صادز انت يوم حنا وغدان لازم نزرف راعي البقاله >>>>>>>>الله يحلنا ان شاء الله
تصدق ان ريال الفسحه بطل تدري ليه
لانه بلع واحد

بعدي ياريال الفسحه

يازينك وانت مسلسلاتك >>>>>علمن برساله خاصه شفايه بس

[الشبث]

هههههههههههه


ابو ضاااري


مافيه تعليم


هههههههههههه



يجيك ان شاء الله بس خلن اخلص



وتقلد تحيتي

[عبدالله الجعيثن]

قسم ان الاله....شريفه وتعرف



اجل غالت سلمان....بعذره بزول البريعصي




ابوماجد



قبل يومين وقدام عيني بمحل نعال تكرمون ... خاله وولده عمره 10 سنين


هي تلهي راع المحل والولد لبس له نعول جديدات وخلا القديمات بمكانهن وهم طالعين يضحكون هو وامه

[سلطااان السويري]

حجزززززززززززززززززززززززززززززززززز
2222222222222222222222222

[سلطااان السويري]

هههههههههههههههههههههههههههههههههههههههه
ههههههههههههههههههههههههههههههههههههههه
ههههههههههههههههههههههههههههههههههههههه



والله هاليد متزديه بريال اجل قوت تعجن بالجدار

اجل اليد قالت لك رجع الفصفص ورجعتوه<<< سبحانوه
:)



لاهنت ابو ماجد

[ابو ضاري]

ابو ماجد

اشوف ريال الفسحه متعاوجتن رقبه اثريها من غول الاله

يامسكين ياابو فسه

[يـــوسف]

آبو ماجد قشر جمعتكم تسان مابه الا القرآده :)




رجاء ابعد عني يالمقروووووووووووووووووووووود :)







الا صحيح العاصمة الرياض الحين بكبره تسكر محلآته 12 بالليل ؟؟








وش الهدف يعني يبي يمنعون السرقات هههههههههههه






<- طيآس سيآرته مبدلات :(







وماحموني رجال الطرطه :)

[εïз خزامى εïз]

هههههههههههههههههههههه
اشررر شئ
ليت والله هالطق فيك يابآيخ :frown:

[حيل حليل]

حلولاة لو انه صابخ راسك براس ريال

وجيها تستاهل :)

والله ياجدي
بهالسن ماتشره على الواحد
لانه صغير وجاهل
لكن بلاك من التسبير
هو اللي تبلش بوه
لانه صعب يتعدل

يكبرون باتسر ويهونون :)

منور يالقطوع
طايحن بالمنه من تالي يالمــــــــــــــــــــر :)

علومك ماتنمل
ياجدي خوالك :)

[غالب]

الحمد لله ماعمري زرفت راني حبيبات ولا عسكريم ولا جلكسي ولا فشفاش :)




بس ياخي ريال مايكبر شوين بعد 200 سنه
أعوذ بالله ولا نص عاد

[فهد الجنيدي]

ابو مجد
الظاهر الالة لو تمر من عندها كان خلتك تعدي
تحسبك كيس رز ابو 10 كيلو


يحسبونك من ضمن المقاضي




ههههههههههههههههههههههه




و لا وش رايك يالجعيثن

[وفاء الرمالي]

افى ياذا العلم اجل الملويه رثعت بكم هههههههههههه :solh:صراحه احلى وقت للسرقه الظهر خصوصا لاصار الهندي بلشان بالغداء اوعنده خوياه:solh:

[ريال الفسحه]

<--- يمسح رقبتوه :)



ابوماجد


بعد ميتين سنه يامار العلك غادين بعشره اريل خخخخخ


والله فيه وغدان اول مجنن


معنا واحد الله يذكروه بالخير يدخل البقاله ويصفط عند ثلاجة الببسي
ويفتح ببسي قزاز ويشرب نصوه ويسكروه ويردوه وياخذ جديد ويطلع :)

[شنقل]

الله يرحم ايام فيصل مجلي


تخبر


يوم ينجشكم راعي المطعم


ههههههههه
هههههههه

[شرهه]

هههههههههه




الله يذكر ايام النطل بالخير




وربي النطلات لها طعم غير مدري ليه يمكن لإنه حرام :)





الوغدان اكيد انه تبي تزوغ عقولهم لا شافوا اللي بوسط الدكان

و يبون يشلحون يا بالطيب والا بالغصب ماعندهم مشاكل




لكن المطمه هالشيبان و يزرفون






و اذا هي جت على الدكاكين
هينه
ياخوفي باتسر تسان ماصارت هالاجراءاي بالبيوت
عدي اشوف عمتي حاطتن الته بداره و اي احد يدخل عنده صرق والا ما صرق غالته وطرحته بالقاع
وويحنا الله يستر بس :)





ابو ماجد قواك الله

[فتى البيداء]

ابوماجد .. ليت هاليد صحيح موجوده ..

أخبر أنا وأخون لي كبري .. نروح يم البقاله هو يلهيه وأنا أسرق أو العكس ..

عاد وش الحيلة ؟

نقوله فيه كرتون مناديل ؟

خابرين أن كرتون المناديل يصير فوق الرفوف ولازم يجيب سلم يجيبه ..

عاد أنت خذ ألي بوجهك ..

مرة صار الدور علي .. يمار أنا ألهي الهندي .. وأخوي يسرق .. يوم طلعنا أثاريه سارق جرة منظف (كلوركس ) ..

لابو هالمخ الي ضارب .. قلت هذا وش نعمل به ؟؟ قال جازلي وظفيته ..


يالله أن تتوب علينا ..

لاعدمناك ابوماجد ..

[الحنشل]

الا واشيب عيني .... شبثي الا غير هالسالفه


يعني عيالي باتسر يبن يغولنّهم الألآت


<< ضامن إن عياله يبون يصيرون سرقان

[هايس الشمري]

يمقن لهم دور.. يمقن مالهم دووور :)





ابو مااااااااااااجد..



انت مبدع.. خياالك واسع :)






اخووك

[الشمـــ نور ــــري]

هههههههههههههههههههه

وربي لو صج ماتسوى عليه




بس شي بصرااحه هالاجراءات ..والله ياليت فيه صج جذي :d:

[ابو فارس]

طيب اللي كل يوم يدخل ويشتري ويدفع فلوس-- ولد نعمة يعني

مافيه آلة تمد يدها وتصافحه وتشكره
وتسرح له شعر راسه مثلا - ماهو مثل راس الشبث


لازم نشجع عيال النعمة علشان مايسوون حركتات ويحنشلون




ابو ماجد
اكيد اكلت علقات علشان علك وبيبسي


جرب حظك الان مع بنده


لاهنت يالذيب

[الشبث]

ابو غااازي


ياشين ما بلست على هالعجوز الشمطاء




والله لو منك لا افضحه هي وولده ههههههههههههههه







لاهنت يالذيب




وتقلد تحيتي

[الشبث]

سليطين


وجعة جدي تمصع سرك



يوم قريت سبحانوووه ضحكت ومديري قدامي



خخخخخخخخخخخخخخخخ




كره وجه ولا ينتسذب عندك




وتقلد تحيتي

[الشبث]

ابو ضاري



انت تشوف واجهية ريااال



تر هذا عمل الاله بوه



خخخخخخخخخخخخخخخخخخخخخخ





وتقلد تحيتي

[الشبث]

خخخخخخخخخخخخخخخخ


يوسف


لا يكون مركبين لسيارتك طياس ميتين ال خخخخخخخخخخخخخخخخخخخخخخخخ








تخبر عندنا حكمه يا اهل الرياض خخخخخخخخخخ





وتقلد تحيتي

[الشبث]

هههههههههههه

خزيم


كش وش تبين الكمخه تجي براسي خخخخخخخخ






لاهنتي على هالمرور



وتقلدي تحيتي

[ريال الفسحه]

تسلم ب

[صلعان]

يالله لك الحمد لا زرفنا ولافكرنا به << طرف العلك يويز من مخباه

ابو ماجد امسي عليك وعلى الاخوان وان شاء الله انكم باتم صحة واحسن حال

واسمحولنا على هالغيبه


نغيب ونحضر وابداعك موجود لاهنت يالغالي

[ام الرغفان]

هههههههههه اجل جلدتك ياويسسسي


الله لو بوه وحده صدق اوووم الفله والشوارع اللي بتصير بوجيههم


خوييك نكته زرط العلك وداست بوجهوه مايسووووى عليه نص ريال



لاهنت ريال واسعدك ربي مثل مااسعدتنا بهاللسالفه

[الشبث]

ريالي



حبيت اذكرك بالموضوع بس




وتقلد تحيتي