عســـاك

[طلال]

فقط نقلت بعض الابيات


..


ماني بـ قايل لك عسى الله يهنيــك

............ الله يحـــــرمـك كـل مـــــــا كـان هنـاك

عسى العمى ياخاين العهد يعميـك

............ فوق الغرور اللي عن الماضي أعمـاك

و عساك ما تسمــع قريب يناديــــك

............ حيثك تجاهـل صـوت محـــروم نـاداك

وعسى الشـــلل يعوق رجلٍ تمشيك

............ لينـك تنـدم ليـه غيـرت ممشـــــــاك

عسى حياتك بس فرحـه لــ شانيـــك

............ يلقى بهـا الفرصـة عـدوك ويشنــــاك

وعسى الليالي اللي تجيني بطاريك

............ يصبح عليها الصبح و يــموت طريـاك

و عسى المنام و كل راحـة تجافيـــك

............ آميـــــــن حتـى اللـي تمنـاه يجفـاك

وعســاك ما تفــرح و تكثر بــلاويـــــك

............ وأمــك تشق الجيب مـن عظم بلواك

وإلى مت جعلك في جهنــم تصاليك

............ نــار الجــحيــم ونـار دنيــاك تصـلاك

الله يـــــكـــره فيـــك حتـــى دوانيـــك

............ غشاش خاين من مـن الناس داناك



..


لكل من خان صديقه



العذر لـ الذائــقة

[الحنشل]

<< أصابعه ترجف وهو يكتب الرد



طلال

شكل شاعرك قافلة معه يوم يكتب الكصيده .. الله يستر عليك يا الغالي من الخيانه



لاهنت على النقل يا العشير

[القناصه]

يعطيك العافيه اخوي طلال على النقل


صراحه بالبدايه ماعجبتن بس لما قريت اللي انت كاتبه انه لكل خاين اعجبتن:thumb:







تحيــــــــاتي,,,,,

[عبدالله المهيني]

كان يقول قبلهن



ياللي زعلت إزعل ولاني مراضيـك
أشرب كدر ماي البحر كانه أرضـاك

لا تحسب أني عقب صدك بداريـك
بأعز نفسي عنـك مـدراك مـدراك

أربع سنيـن وأنـا متحمـل تغليـك
راضي بتعذيبك لأجل قلـبٍ أغـلاك

وخليتنـي واليـوم والله لأخلـيـك
وأدوس قلبـي لينـه يقـول خـلاك

قبـل تورينـي الحسايـر بأوريـك
ليمن يقـال فـلان هنـاك و وراك

كانك تحدانـي فأنـا أقبـل تحديـك
وأنسى الغرام اللي مضى وأتحـداك






ثم أتيت الأبيات اللي نقلتهن لنا

بس والله ياهو زعلان هالشاعر :)




طلال

نقل من العيار الناري

سلمت يابعدي




لكـ الود

[الشمـــ نور ــــري]

طلال..

روعه ياخوي..تسلم ع النقل


الله يبعد عنا الخيانه

[ريم شمر]

يستاهل الخاين :puzzled:

قصيدة تخرع :)


تسلم ياطلال

[بعد ملي]

اخوي طلال

ابيات رائعه والاروع ذوووقك

صح لسانك ولسان سميك..طلال السعيد

[بتول آل علي]

يمّه منّه

حشى

ولا اليهودي يدعي كذا على مسلم

:(

[لوليتا]

*
*


شاعر لا يمت لمسمى شاعر من وجهة نظرى
حتى شعر الهجاء ما يأتى بهذه الشاكلة
هذا لا احساس ولا دين يملكه

على رأى البتول حتى اليهودى ما يدعى بهذا الشكل
اعتقد انه استحق الخيانة لاخلاقياته المتردية ونفسه المريضة


ما يستحق نقلك ولا ذائقتك طلال
انت اسمى من ذلك



*
*

[طلال]

شكرا لكم جميعا

..

و اعتذر عن النقل ، فـ الذائقه احيان تخرع :(




( هذا اهداء لـ انصاف الرجال ، من لبس قناع الصداقه لأهداف رديئه و الاعظم يتسمى بـ اسمك لأجل هدف بنفس هذا اللعين )

[ابو ضاري]

بيض الله وجهك على الاختيار الجميل

والرائع يالذيب

[صلفيق]

تسلم والله ياطلال
ولاهنت،،،

سلمت أياديك وصح لسانك


اختيار رائع ونقل أروع

[شموخ شمالية]

حيـّاالله أخوي طلال

شرفتنا والله بحضورك للمنقول ..وياهلا والله فيك


والخاين يستاهل هالابيات لكن الصراحه قويه هالقصيدة
الله يكفينا شـرّهم // ويبعد عنّـا وعنكم كل خائن




ننتظر منك الجديد ...بس مهو زي هذي


حضورك أسعدنا يالمحترم


لك كل الاحترام