استفتـــآء [ ارجو من جميع الأعضاء التصــويت ]

[يـــوسف]

الســلآم عليكم


ياليت كل عضــو يصوت وهو مقتنع وبذمه وضمير :)


هل ترى ان من باب شكرك للكآتب أن تجعـل موضوعه شآت ؟؟


هل ترى أن وآجبنا لشكــر الكآتب ان نرد بردود وللأسف يكون غالبية الردود سآمجه وكلها شات في شآت ؟؟؟





أو :)




ترى أنه من الجميل ان لاتشكر الكاتب الا بطريقة ان تفتح موضوعه شات وتكون ردودك كآملة موجه لأشخاص مالهم اي علاقه بالموضوع :)



وللتوضيح واشكر اخوي هايس واختي خزآمى ذكروني فيه :)


هو أنه راح يكون هنآك ديوآنية خاصه تاخذون راحتكم فيها شات ومذرحه على قولت شنغل :)






التصويت لكم ولكم حرية الأختيآر :)

[هايس الشمري]

يوووسف تم التصوويت..




بس اقترح يكوون فيه شااات بدييل..!



مجرد اقترااح <<<< خايف من يوسف :(

[يـــوسف]

هلآ وغلا ياهايس ومنور يابعد راسي :)



انا ابسوي ديوانية بس نبي نضبط شوي لأنه تبي تكون بإسم عضو



يعني كل اسبوع تكون بإسم شخص ويختار موضوع مثلآ ولا يسوي اللي بكيفه <- شنقل ايه ايه يسوي اللي فبالي وبالك ههههههههههههه






هايس حضورك شرف يالعــزوه :)

[εïз خزامى εïз]

مرحبآ يوسف
اقدر اهتمامك وعلى عيني ورآسي والله
مآتقصر وادري كل شي تحطه يكون لمصلحه
لكني صوتت لـ نعم
يمكن تستغرب لاني اقل وحده اشتشت :)
بس عشآن مآفيه شآت بديل مثل مآقآل هآيس
فالموضووع من نآحيتي ولا اشرك غيري
انو عآدي عندي يقلب موضووع لي شآت
يآربي انهم يحبون السوآلف والونآسه يمكن على حسآب موآضيع الثآنين
بس مآلهم مكآن غيره
واللي تشوفه ينآسب انت بالاخير هو الصح
ميرسي لك كثيير :throb:

[يـــوسف]

أختي خزآمى حياتس ربي :)


عادي صوتي للي تشوفينه


دامك صوتي نعم لاتزعلين لما تكتبين موضوع وتتعبين وبالاخير تجينه واصل 6 صفحات ولا فيه على الاقل شكر لك :)






وبالنسبة للبديل صعب انو اجي وافتح موضوع بإسم شات



بس البديل زي ماوضحت لأخوي هايس ديوانية وان شاء الله قريبآ نسويها :)





وصوتك للي يريحك وتشوفي انه الصح

[بنت الجبل آخت القصيد]

لا طبعا :)

[يـــوسف]

عطر شكرآ كبر شدوق الوغده اللي بالرمزيه :)

[هلآ الآسلميهـ]

يعطيكم العافيه يوسف ..


\\


اذا بتحطون مواضيع مثل الديوانيات اللي قبل فـ ابصوت لـ لآ ..


بس اذا ماراح تحطون ديوانيات ابصوت لـ نعم ..


<< ماصوتت تحتري ..

[يـــوسف]

اشق هدومي يعني <- زي الوغده اللي بالمقطع :)






ايه نبي نسوي اختي هلآ ابشرو مالكم الا طيبة الخآطر :)

[هلآ الآسلميهـ]

^^


لا لاتشققهن ..


بعدين منين لك هدوم ..!!



خلاص صوتنا لـ لآ..

[يـــوسف]

^
^
صوتس امآنه :)


وامزح معتس مافيه ديوانية بس ابيك تصوتين لا هههههههههههههه










































إن شاء الله ابو ضاري ولا انا ينزله لكم باتسر الصبح بس نلقا واحد يحطه بإسمه باتسر ويشب لكم :)

[هلآ الآسلميهـ]

^^



قصم بغيت انجخ عيونك ..




\\


حطوا اسمي اشب لكم ..

[يـــوسف]

تم تولمي وانتظري مني رسآلة ننسق به

[هلآ الآسلميهـ]

^^


ابششششر ..

[εïз خزامى εïз]

مآفيه الا انا .. نعم :frown:
لو دريت انو نآوين تنزلون ديآونيآت صبرت :frown:


ليه مآتحطون ديوآنيتي عقب هلآ بخلليكم تسسون مينيكيور http://www.mshaerdafah.com/vb/images/kd/cuteonion57.gif

[يـــوسف]

^
^
^
رديت على هايس قبلك لو إنتي مركزه بس شوي :)




طايره طياره وش نسوي بتس ههههههههههه





إن شاء الله بس صبرك علينا شوي شوي :)

[روح حايل]

السلام عليكم صوتنا طبعا للرفض


وعندي اسباب : الحمد لله اني اكتب مواضيع يمكن ماهي بهذاك الزود عند بعض الاخوان والاخوات ، قد اطرح به قضيه بطريقة ساخره او شي بالتسبد واعتبره فضفضه


يعني ماكتبت الموضوع من فراغ :) ولا ابي اكتب موضوع عشان ينحرف لشات يكاد يكون احيانا ساااااااااااااامج لحد البياخه :(


وعلى فكره ترى والله ما ازعل من اللي يقلب الموضوع احيانا شات على حساب الموضوع !!! اتكلم عن مواضيعي لكن احس الفتره الاخيره دمرت الفله


وللأسف بعض الاعضاء يبي الهذره وتكون على حساب الموضوع مما يجعل اهتمام للبعض منصب لفلان وش قال وفلانه وش قالت وخذ ياسوالف






ومنها للأعلى ان شاء الله ولنجعل الفله كالعهد الذهبي السابق وهذي نعتبره سقطه بسيطه والحمد لله انكم تداركتو الوضع


ولا بغيت انفلت بموضووووووع للسماجه وقل الملح :)

[يـــوسف]

^
^
ماقول الا لله درتس يا أم عبيد كبيرة وربي دوووووووووووووووووووووووووووووووووم كبيرة :)






لآهنتي

[عبدالله الجعيثن]

صوتنا........انا واللي بالشقه:)



صحيح بعض المرات ودك تمزمز وتشتشت بس مو بكل المواضيع


ومادامكم بتفتحون ديوانيه.....فتصويتي





لا للشتشته



يوسف...انت والضاري والشبث وكل الشباب والشابات هنا




لكم الود والاحترام والله يقوي الجميع

[الشمـــ نور ــــري]

لا لا :)











حراام يعني هو يكتب وتعبان بالموضوع وآخر شي نقعد نسولف مايصير


مع ان انا احب الشاات اللي يقلبونه الاعضاااء:)
















لذلك خيوو سو ديوانيه خل نحش ونسولف احسن :)

[حيل حليل]

وش بلاي
من اليوم اكتب وامسح
اثريني ماعرف اجمع اذا صحيت من النوم

يوسف ياجدي
وضعنا اول افضل بكثير

انا عن نفسي
لما ادخل الفله الحين
تنسد نفسي من كثر الردود
حتى لو ابغى ارد على صاحب الموضوع مايمديني
لاني احصل الموضوع مغلق

ولا اذا كتبت موضوع بترد على اللي ردوا عليك
برضه مايمديك
وممكن بعضهم يزعل يقول ليش مارد علي

يعني بكل الحالتين ماكل هوى :)

الوكاد خسرنا كثير من الاعضاء من بعد ماصارت المواضيع تتحول الى شات

وحتى ترضي جميع الاطراف
افتح ديوانيه وخل الزقرت يقرقون على راحتهم :)

وبكل الحالات
حنا راضين باللي تقررونه
لكن على قولتهم
رايي وجضعته لكم
وانتم ابخص قبل كل شي

يوسف
تغلينن :)

[فرانسيسكا]

مساكم الله بالخير
<< تبي تصوت نعم نذالة :puzzled:



صوتي بــ لا
دمتم بعافية

[حمـود]

يوسف لله درك ما اشجعك


يا بعدي صوت بلا


لانه بصراحه انا من اول المعارضين لها الشي

والسبب اني اكتب الموضوع واكون مقصر على اللي ردو لاني ما ادري بالصفحه رقم خمسه به والا لا


واقعد لي يوم كامل اقرا الردود اذا فيه احد


قال حمود صح نسيت شكرا على موضوع الشات


بس ما القا



تصدق يا يوسف انه فيه موضوع لي

من اول ررد يقول ايه فلان وش صار يبي يكمل سالفته
بالموضوع اللي صكر بعد 10 صفحات


لذلك لا

وانا كان تبي تفتح شات


وانا من اول المويدين وخله اكثر من 10 صفحات لو يبون 100


هههههههههههههه

يوسف يا بعد تسدي


لو تبيني اكتب موضوع للشات الحين

من عيوني

[يـــوسف]

حمود يابعد راسي انت طنختن والله يالبردغاني لوه وحيف ههههههههههه






أبو غازي أخوي الكبير يابعد راسي انت ويوسف بليا شورك ووقفاتك والله ولاشي





تسلم لي وياجعلك ذخر :)









آحمد ولد فلآنه والله يالعزوه ماحز بخآطري الا قلت تواجدك انت وبعض الاسماء اللي يارب لك الحمد شرفووني بتواجدهم




وياحليل والله أني فاقدك وفاقد مواضيعك اشي قرب ابنشك وابتسي :cry:







آختي نور وانا معك بالشات بس وربي مافهمتو قصدي من الأول :za3lan:


شآكر لتس وابشري باللي يرضيك ويرضي الجميع بإذن الله




فرآنسيسكآ نذالة الالمان مشكله هههههه
لآهنتي
















لآآآآهنتو فديتكم والله

[عبسي]

هــل تؤيد الشات بكل بالمواضيع ؟

هذا سؤالك ياجدي وصووت بلا

بس بعض المواضيع صاحب الموضوع هو يقلبه شات يعني جايزله الوضع








على العموم الشعب السعودي بدون شات مايعيش بالنت :315r:













الله يعينكم

[يـــوسف]

العـــمدهـ لآهنت يالغالي



والشعب السعودي غلطآن انت بحقه :(










مايصبــر وانت الصادز عن الكبسه :)






تصويتك شرف ومرورك فخـر يالعـــزوهـ


لآتحرمني طلتك بالفلة :)

[غالب]

والله أنا صوت لـ(لا)
بس معذورين الأعضاء إذا سوو شات بالمواضيع
افتحوا موضوع شات بالفله
وأبد أكا الساعه يصير لكم عذر تمنعون الشات بالمواضيع
أنا صوت لـ(لا) لأنك تقول تبي تفتح ديوانيه بعد فتره

عافاكم الله

[ابو ضاري]

عليكم السلام

:148r: معصب على خاله

اشكر خالي يوسف على هذا الاستفتاء الذي يحدد الطريق لموضوع الشات

وكما تفضل خالي يوسف هناك تصبح ديوانيه تاخذون راحتكم فيها

وكما عودناكم من قبل انا وابو ماجد ان شاء الله يرجع لنا غانم سالم

بفتح الديوانيات .. وتكون 3 ايام من الاربعاء الى يوم الجمعه وتغفل بعدها

اخواني واخواتي >>>>>يبي يلقى خطبه

انتم من تدعمون الفله وانتم من تجعلونها في القمه وكلنا يد وحده وكلنا سواسيه يجمعنا الحب والاحترام والتقدير

اخوي ابو غازي لا يمنع من تخصيص يوم للمزمزه ونختار لكم واحد

[فارس الصحراء]

<<<< يفكر متوهق ما يدري وش يختآر .. يبيهن كلهن هههههههههه


رآجع لك .. يا يوسف

[فارس الصحراء]

:

تم التصويت ..

:

[فوووز]

يعطيك العافيه يوسف

تم التصويت بـ ( لا)


,

[يـــوسف]

^
^
لآهنتي يافووز وحضورك زآدنا شرف والله






غالب انت صادز :)











آبو ضاري دمت لنا مفتي لديار فلة حجاج وخور فكان مضايف شمر :)


ياخالي وش أنا بلياك اصلا










فارس راعي الشلفا ارحب يالذيب ومنور وحضور فخر وشرف يابو العز :)

[سلطااان السويري]

الله يعطيكم العافيه

وصراحه حنا ضد الشات

بس نوبات تخبر نبي بس نفقش:)



وانا عندي اقتراحن ثاني


تكون فيه ديوانيه مفتوحه 24 ساعه


وتكون المشاركات فيها مهي محسوبه

ويكون مكانه مع المنقول والمسابقه


وتشنكرات افندم



والله يعطيكم العافيه نوبتن اخرى:)

[ســـعود]

تم التصويت
:)

[صعوة فسفورية]

no

:)

[يـــوسف]

أخوي سلطآن كلامك على عيني وراسي وانا أول واحد ردوده كثيرة بس للأسف البعض يرد ردود بشكل استفزازي ويعاند :)


وحتى الديوانية واي موضوع منوهين من قبل انه عدد صفحاته ماتتجاوز 10 وللاسف محد يتقيد


:)






سعود يصصصصصصصصصصص





صعوه يصصصصصصصصصصص :)










عمومآ أخواني وخواتي كل الشكر لكم



وأنا والأخوان المشرفين نخطي ونصيب واعتذر منكم عن اي خطآ جا مني






وأتمنى تكون وضحة لكم أن البعض ماحضر وصوت وهو متواجد والسبب الله يعلم بالنوايا :)




واللي صوتو لنعــم أتمنى أنكم ذكرتو أسمائكم كان تشرفون الموضوع :)











كل الشكر لكم .

[المشرف العام]

/

طيب حتى التصويت صار فيه شات

موفقين ان شاء الله


بس ياليت يكون فيه تعريف موحّد للشات عشان كل واحد يعرض ردّه على التعريف ويكون هو الفيصل في امر تقديره إذا كان يدخل في المحظور او يقوم بنشره .

[يـــوسف]

حيآك الله يابو سلطان وكلامك على عيني ورآسي



وفيه موضوع مثبت وإعتقد الأخوان كلهم قآرين القوانين ومارين عليها








قوانين مضيف فلة حجاج ::
1] يحق لكل عضو إن يكتب موضوع واحد فقط يومياٌ , واي عضو يكتب موضوعين يتم حذف أول موضوع تمت كتابته .
2] أي موضوع يكون منقول ويرى مشرف القسم إنه منقول يتم نقله للمنقول في مضيف فلة حجاج .
3] إذا كانت ردود العضو في اي موضوع أكثر من ردين وتكون خارج الموضوع يكون مضمونها خارج عن الموضوع يتم الحذف أما إذا كانت الردود توضيحيه اوتتكلم عن الموضوع لامانع من الرد والتعقيب للحاجه فقط.
أ - يتم حذف الردود المخالفة .
ب- إذا تكرر تصرف العضو مع علمه بأن تصرفه خاطيء يتم منحه مخالفة إدارية .
ج - أي رد يكون إستفزازي يتم حذفه .


وبالنسبه لأن ردود شات بس يابو سلطان استفسار


والمقصــود بالشات الردود اللي مالها اي علاقه لابالموضوع ولا يكون الكلام موجه للكاتب لو بشكر على الأقل





حيآك يابو سلطان وشآكر لك على هالملاحظة




أشوا فطنتن نسخته مار :)