يوميات جنوبية [1] الحلقه قبل الاخيره [الأرشيف]

مشاهدة النسخة كاملة : يوميات جنوبية [1] الحلقه قبل الاخيره

المشرف العام

28-02-2010, 15:14

بلى مشتاق وبي لوهةٌ .. ولكن مثلي لا يذاع له سرّ :)

بحكم انني اعتزم بالقيام بجوله في مضايفنا الحبيبه بعد الانتهاء من التحديث ومشاكل الاكواد .. الخ ، فاخترت بوابة القلوب للعبور منها إلى قلوبكم قبل ان اكمل مسيري ..

ليست لدي خبره بالادب الساخر ولكن لعلّ باقتباس شيء من يوميّات طفولتي تفضي إلى بعضا مما يندرج تحت مظلة الادب الساخر ولو بجزأ يسير منه ..

يوميات جنوبيه [ الحلقه الأولى ] قبل الاخيره :)

بحكم نشأتي في ضواحي الشانزليزيه وقضاء معظم وقتنا باللعب في حديقة قصر التويلري ديس وتسابق إلى قوس النصر :) وافتقار تعتعتي بالحديث إلى اللهجه الأم [ الحائليه ] فلقد قام والدي حفظه الله ورعاه بما يقوم به العرب قبل وبعد الاسلام بإرسالي إلى احدى القرى بضواحي مدينه حائل والعيش هناك فتره ليست بالقصيره لكي اكتسب اللهجه من منبعها الأصلي ، وقد فعل :) ، وبحكم بعثات والدي الخارجيه فلقد تم ابتعاثه إلى مدينة ابها ، فأخذنا من مقرّ نشأتنا إلى مدينه ابها ، وحقيقة في ذالك العمر لا ندري ما أبها ولا ندري ماهو الجنوب ، لا اطيل عليكم بسرد التفاصيل فلقد كانت شاقه والطرق غير معبّده ، تخيّلوا المعاناه جبال السروات عبرتها وهي غير معبّده [ مسفلته ] طبعا عبرتها بالسياره لا يروح تفكيركم بعيد :)

وصلنا إلى ابها وكلّنا شوق إلى رؤيه أبها ، بعدما مللنا من رؤيه المباني الحجريه فكانت جميع القرى عباره عن مباني حجريه مرصوفه ، تعتبر لي ولأخي [ الصارم :) ] نقله نوعيه من مباني الشانليزيه ثم مباني الطين إلى مباني حجريه كاننا [ أنا وهو ] عشانا في عصور النهضه الحديثه ثم العصور الوسطى ثم رجعنا إلى العصر الحجري :(

سكنّا في حاره اسمها [ شمسان ] والمنزل الذي سكنّا به كان [ مسلّح ] باللهجه الحائليه ، لا يحتوي على ترسانه من العتاد العسكري ولكن هو تسميه للمنزل الذي يتم بناؤه من الطوب والاسمنت حتى سقفه ، من غير السقف الاسمنتي يسمّى شعبي [ هذا التوضيح لجيل نيدو نستله وبليشتيشن 1 و2 ] 3 ماهو شرط يقرأ يوميّاتي :) .. في اليوم التالي خرجنا أنا واخي نقوم بجوله استطلاعيه نتعرف بها على اطفال الحاره ، فكانوا قليلين الاحتكاك بنا ، واغلبهم يكتفي بالتحديق والتزام الصمت ، كأننا مخلوقات فضائيه ، لغت التخاطب بيننا معدومه لا يعروفون لهجتنا ونحن كذلك . واحيانا تكون الاشاره ابلغ من الكلام :)

انتهت المقدمه :) :

في عصر اليوم الثاني وحنا جالسين نطالع لها الديره اللي مااادري وش لون قايله كل شيء فيها غريب ، المباني والبشر حتى الطبيعه ، واسماء ماعمرها مرّة علينا [ حماط ، فركس ، برشوم ، مكعس << في الحلقه قبل الاخيره.. وغيرها من الاسماء ] ، نرجع للجلسه .. سمعنا صوت رمي [ اطلاق نار ] اخبر ان الرّمي بثقافتنا الحايليه ، احد امرين ، ياحنا بالعيد والناس غازّين نيشان ولا احد قالنا ؟!، او بتالي الليل واحد ضايع ، فيرمون عشان يبعدون عنه ا لذيابه ، الوكاد انه لا هذا ولا ذاك ، دوّرنا احد بالحاره ولقينا سعيد << جارنا ، سألناه : وش الرّمي يالجار ؟ . كالعاده : بس يطالع لنا تقل متهوّل . عرفنا بعدين انه ماهو فاهم علينا . راح الصارم يشرح له بالصوت والصورة عشان يفهم ، فهم الرجال ، وقال لنا : ته تاتي من أم بلاد !! . جت التبليمه منّي ومن الصارم ، هذا وش يقول ، ما اعطاني فرصه وهج وخلانا ، عاد مبدأ الشفايه شغال فينا للحين ما تأثر حتى لو حنا بالعصر الحجري :)

امهم .. قضينا عصرنا وحنا نحاول نحل شيفرة دافنشي [ ته تاتي من أم بلاد ] .. ماقدرنا نحلّ الشيفر ، قلنا نستعين بالوالد الله يخليه .. نخبر كلّ ماهذا يسيّر عليه [ دان براون ] ويمكن صار عنده خبره بحل المنظومات او فك الالغاز . طبعا ماكنا نقدر نقول السؤال كامل ، فهذا يجرّ علينا سؤال وعقاب وليه وكيف ؟ قررنا ان حل اللغزّ في اخر كلمه متى ماعرفناها باقي الكلام مقدور عليه ..سحبّنا بالوالد بالكلام وبالنشده عن هذا وعن وهذاك ودخلنا [ البلاد ] من ضمن النشده ، وجانا معناها وهي : الحير ؟! ، البلاد = الحير !! زاد تعقيد المسأله ، الحير نعرفه انه مجموعه نخيل محيط بها شبك او حفاد ، عاد ماعمرنا شفنا نخل بهالديره شجر يطلع منه فقس يقولون له [ عرر ] وشجرتن بها دلاقيم شوك ياكلون اللي بوسطه يقول له [برشوم ] غير الحماط والفركس .. الخ :(

قررنا في اليوم التالي ، نروح يم جهة الصوت ، ماطوّل انتظارنا بالعصريه إلا والصوت وصلنا ، ونروح نركض يوم قربنا منه ، وحنا نشوف لنا هاكالشيفه ، رجل لابسن وزره ، وبراسه شجر ، وبس :) يعني هادرتوب نص فتحه ماعليه فنيله ولا ثوب ومعه لو سوط من هنا لياما يتعدّى منصور العطاوي بالمضيف الرياضي :) وبس يفرّه فوق راسه ويكفخ ، وكل مايكفخ تطير الطيور من شين عنده ولا نعرفه به صفار من بعيد ، المهم نتحرّاه لياما راح ، وحنا نعقبه على [ بلاده = حيره ] ماادري وش اسمه المهم ، يوم جينا هالصفران << جمع اصفر ، إلا نص بعضه طالع والباقي عليه لحاف مليان ورق وشعر ، ماعمرنا شفناه ، حبوبه متراصه مع بعض وقويّه ، التفت لي الصارم قال وش هذا ، طبعا بحكم اني اخوه الكبيره صعبه اقول ماادري وش هي ، ماهي زينه ، قلت هذا [ موز ] ، قال باستغراب : مووووز ؟ ، قل أفا عليك ، اخبر يوم حنا بشارع الشانزيليه ، ابوي دايم يشتري لنا موز ، ابد الخالق الناطق مثل صفاره :)

ماصدق خبر اخوي ، ونقصّم من هالموز ونحط بشلاّننا << جمع شليل . وحنّا نتشطر عن المكان ، ونفدع بوحده وثنتين ، بس مااش طعمها ماهو طعم موز ، بس عاد وش اقول .. صعبه اقول شين ، والتفت للصارم إلا خشّته ناشبه بله وحده وانا بلشان بسنوني . ما طوّلنا بالسالفه . وبعدها جاء بطني شيء ماعمره جاه ، احس ان فيه بعارين تركض ، ولتفت لاخوي قلت انت جاك اللي جاني ، ماردّ عليّ بس معصفر وكامشن وجهه من الوجع ..

قضينا بعدها عدّه ايام نقاهه ..

وهذي اول تجارب في الجنوب ، وليومكم ماأداني [ الذّره ] حتى للبيت مااشتري لهم زيت تدخل الذره في تركيبه :)

/

أعذروني على الاطاله ..

بس هذا عرفي ، وتروني مااتعوّدها خخخخخخخخخخخ

<<<< ليتنا من جولتك سالمينا ، كان مالبسنا نظارات :)

فارس الصحراء

28-02-2010, 15:20

يا هلا بك والله وميه الف مرحبا ..

:

نورت الفله ..

:

بس ابي انشدك عن ( دان براون ) هذا وشو .. عجزت القاه بمخي .. !!

المشرف العام

28-02-2010, 15:24

ز بدون ما اقرا الموضوع

هلا بفارس ..

والله ماادري وش تقصد ، بس تراني براجعه الليله ، انا كتبته وارسلته مااحسب انه هالكثر :)

ماتشوف شر ، ولا بأس طهورا إن شاء الله :)

فارس الصحراء

28-02-2010, 15:25

هههههههههههههه عدلته عدلته ..

:

ما اقصد شين >> قامت عظامه ترجف ذل المآخوذ ..

فارس الصحراء

28-02-2010, 15:28

>> عض شليله .. وهج ذل يجيب العيد مع المشرف هههههههههه يا حيي يا هالوجه ..

المشرف العام

28-02-2010, 15:31

هههههههههههههه عدلته عدلته ..

:

ما اقصد شين >> قامت عظامه ترجف ذل المآخوذ ..

ليه .. ماكل موز يالغالي :)

/
/

دان براون ، هذا من شبّة الوالد ، شو بدّك فيه ، خله لحاله :)

يـــوسف

28-02-2010, 15:39

<- طارحن فارس الصحراء ويعض هامتوه ويراعي بطرف عين للمشرف العام ينذخ :)

أبو سلطان ياهلا ويامرحبآ والقايد بكبره هنا يبيله صفه :)

في تي تلقفا تاك يابو سلطان ان تسبدي زامت علي من الشيفه اللي لقيته انت وابو فيصل هههههههههههههههههههههههه

الا صدز الحين اللي سعيد بس يطالع متهول منخرع ولا وش بلاه :)

بس أهنيك يابو سلطان على هالطفولة الشانزليزيه <- ماهقوتي اطب هالشويرع واعض القاع مافحطت بوه :)

أبـو سلطان العنوآن يوميات جنوبية [1] الحلقه قبل الاخيره

ننتظر الثآني :)

والله يعطيك الف الف الف الف عافية على هالشرف اللي خصيتنآ فيه وكلامك وسام وفخر ياقآيد :)

توسد إحترآمي

ابو ضاري

28-02-2010, 15:41

هلا وغلا باابو سلطان نورت الفله

والفله تحت امرك

وهذا عرسها يوم شرفت وكتبت موضوع فيها

الحنشل رح جبلنا حاشي نبي نذبحه

لابو سلطان

ضواحي الشانزليزيه

ابو سلطان تهقى الجعيثن مر على هذه الضواحي

شكل الشبث فحط بشوارعها

بالمختصر..

28-02-2010, 15:57

ههههههههههههههههههههههههههههه

<< ساعه يـ الله فهمت الموضوع :)

ذكرتن بـ عيال جيران عمامي , كانوا جيازنه و ما قدرنا نتوصل لـ طريقة نتكلم مع بعض و أشوا إنهم رحلوا ما طولوا :)

.
.

يـــوسف

28-02-2010, 16:00

^
^
تبي فرقاهم ههههههههههههههههههههههههه

ابو ضاري

28-02-2010, 16:11

المشكله

يابو سلطان لو انكم قريتوا عنهم قبل ماتروحون لديرتهم من كلامهم

مابلشتوا بتاليته

ابو سلطان مااكلتوا دغابيس

وليومكم ماأداني [ الذّره ] حتى للبيت مااشتري لهم زيت تدخل الذره في تركيبه

مثلي انا الطماط مااشتريه للبيت

حمـود

28-02-2010, 16:16

مشرفنا التسبير

كل هذا وتقول منت فلاوي

الا شيخهم

ههههههههههههه

تصدق ما فهمت الكلمه اللي ما فهمتوه(ته تاتي من أم بلاد)

بس البلاد اي الحير او المزرعه

بس الباقي لم افهموه

دمت بخير

الشمـــ نور ــــري

28-02-2010, 18:37

بو سلطاان :a:يعني انت فرنسي..؟

هههههههههههههههههههههههه
اما الذره صارت موووز كل هذا عشاانك الكبير:solh:

قريت الموضووع بتمعن يالله اني فهمت شوين :)

بو سلطااان منوّر الفله:7ayyoh:

عبدالله الجعيثن

28-02-2010, 18:40

<<<<ماسك الرشاش ويرمي بطرف الفله

ترحيب بابو سلطان

ابوسلطان يعني تهقى بما اني البس كشمات

يمتكن كليت من موزهم يوم انا صغير؟

المشرف العام

28-02-2010, 18:49

بس أهنيك يابو سلطان على هالطفولة الشانزليزيه <- ماهقوتي اطب هالشويرع واعض القاع مافحطت بوه :)

أبـو سلطان العنوآن يوميات جنوبية [1] الحلقه قبل الاخيره

ننتظر الثآني :)

والله يعطيك الف الف الف الف عافية على هالشرف اللي خصيتنآ فيه وكلامك وسام وفخر ياقآيد :)

توسد إحترآمي

الطفوله .. بها مراحل جميله وشانزاليه ، يعتمد على فرز فصولها واخراج المقاطع الجميله اللي فيها

/

ان شاء الله نكملها .. بس بالجوله القادمه :)

والفله .. مثل ماقلت هي مفتاح القلوب ، واسرع طريق للوصول إلى جوهر ومعدن الانسان عبر هذه البوابة

تسلم .. يازعيم

المشرف العام

28-02-2010, 18:57

هلا وغلا باابو سلطان نورت الفله

والفله تحت امرك

اكيد للحين مامنحتها استقلالها الذاتي :)

وهذا عرسها يوم شرفت وكتبت موضوع فيها

الحنشل رح جبلنا حاشي نبي نذبحه

لابو سلطان
خل الحنشل .. شوين بعيد عنّي ، اخاف يحوس يومياتي :)

وبعدين بحكم الموقع الجغرافي لليوميات ، فيكون الافضل يجيب .. حسيله : وهي فرغ البقره اكس سمول ، توازي الحاشي على مااعتقد :)

ابو سلطان تهقى الجعيثن مر على هذه الضواحي
ضواحي المقدمه .. بالغرب وهو عايش بالشرق ، مااعتقد انه راح هناك .. ابد :)
شكل الشبث فحط بشوارعها

تسلم ياعمده .. ومشكور على الحضور والتشجيع

تحياتي

ابو سلطان

المشرف العام

28-02-2010, 19:02

ههههههههههههههههههههههههههههه

<< ساعه يـ الله فهمت الموضوع :)

ذكرتن بـ عيال جيران عمامي , كانوا جيازنه و ما قدرنا نتوصل لـ طريقة نتكلم مع بعض و أشوا إنهم رحلوا ما طولوا :)

.
.

ساعه وحده بس .. اشواا يعني غيرك انتظره يفهم باتسر :)

يعني .. الحلقه الجايه عليك ، يحكم ان عندك خبره تعامل :)

تسلمي اختي بالمختصر

تحياتي

المشرف العام

28-02-2010, 19:07

المشكله

يابو سلطان لو انكم قريتوا عنهم قبل ماتروحون لديرتهم من كلامهم

مابلشتوا بتاليته

ابو سلطان مااكلتوا دغابيس

مثلي انا الطماط مااشتريه للبيت

وين نقرأ عنهم يابو ضاري ، كانوا معزولين عن العالم الخارجي ، الطريق كان برّي بوسط جبال السروات ، بعدها انفتحوا على العالم

على الطاري : الطمام = بنادوره :)

يعني لا أحد يصرفها عليك باسم ثاني

المشرف العام

28-02-2010, 19:11

مشرفنا التسبير

كل هذا وتقول منت فلاوي

الا شيخهم

ههههههههههههه

تصدق ما فهمت الكلمه اللي ما فهمتوه(ته تاتي من أم بلاد)

بس البلاد اي الحير او المزرعه

بس الباقي لم افهموه

دمت بخير

ماعليك .. هذي الحاله تجيك كثير ؟

إذا بس معي .. قل لي اقول ليوسف يصرف لك موز من البلاد :)

هقوتي الترجمه :

ته = هذي [ اي الصوت ]

تاتي = من حروه :)

من أم = ليس لها معنى :)

البلاد = مرزعه الذره :)

/

تشرفنا بمرورك يالغالي ..

والحمد لله انها لاقت استحسانك رغم عسر هضم بعض المفردات :)

المشرف العام

28-02-2010, 19:17

بو سلطاان :a:يعني انت فرنسي..؟

كان تبيني اصير فرنسي .. نصير فرنسيين يالايطاليه :)

تري .. في زماننا لنا باريس غير باريسكم هذي :)

/

هههههههههههههههههههههههه
اما الذره صارت موووز كل هذا عشاانك الكبير:solh:

أجل كبير على الفاضي :)

/

قريت الموضووع بتمعن يالله اني فهمت شوين :)

بو سلطااان منوّر الفله:7ayyoh:

القراءه المتأنيه مطلب ضروري :) شاكر لك التفاعل

حفظك الله اختي نور
/

المشرف العام

28-02-2010, 19:20

<<<<ماسك الرشاش ويرمي بطرف الفله

ترحيب بابو سلطان

ابوسلطان يعني تهقى بما اني البس كشمات

يمتكن كليت من موزهم يوم انا صغير؟

انت الله حاليك .. لو ماكليت من موزهم ، ولا شفت بقرهم :)

بخلي لك .. موطأ قدم في الحلقه القادمه :)

تسلم ياكبير الفله وماجاورها

مرورك .. يعني لي الشيء الكثير

لاخلينا ولا عدمنا كشماتك يالطربه :)

الكاتم

28-02-2010, 19:57

احم احم يا ولد <<يتنحنح سمع ان ابو سلطان بالفلة

ته <<هذا الصوت اللي تسألون عنه
تاتي<< يجي من حروة
ام<< ال التعريف عند الجنوبات
بلاد<< المزرعة او الخلا على ما أعتقد

بس بغيت انوه ان ال التعريف باللغة العربية الفصحى باليمن تنطق ام

لكن يابو سلطان وش يضرب بسوطه الشايب <<العصافير والا الذره

جاز لي موضوعك قلت اخطف رجلي للفلة دامك موجود به قبل يقول لي ابو غازي <<برا

εïз خزامى εïз

28-02-2010, 21:47

افا مآطلع موز ..!؟ هههههههhttp://www.mshaerdafah.com/vb/images/smilies/simil/ka%20(64).gif
وشلون ماقشرتوه ههههههههههههههههههههههههه

ظنتي يابوسلطآن القصد من "ته تاتي من ام بلاد"
انتم جآيين من وين؟؟
< جآبت العيد http://www.mshaerdafah.com/vb/images/samile/213.png
الا اكلتو "حسل"http://www.mshaerdafah.com/vb/images/samile/117.gif
؟؟

حيآك الله http://www.mshaerdafah.com/vb/images/samile/172.png:throb:
ووردتي لا تنسآهآ http://www.mshaerdafah.com/vb/images/smilies/simil/ka%20(140).gif< يآحوولhttp://www.mshaerdafah.com/vb/images/smilies/simil/ka%20(62).gif

بشير اللويش

28-02-2010, 22:19

اهلا بك عند ام جماعة :)

يابدوي وربي ضحكت من جد

وموضوع رائع في واقعيته المرتبطه بذاكرة الطفوله

وقد شرفتنا بالفعل في مرورك ومشاركتك الفله

ولاتحرمنا مثل هالزرقات :) الطيبه نسبة الى مزارق الطيب:) << هتستي انه حتسيي صدز تسان مانا متوهم

(( الظاهر ياسمي كلامنا اللي يبي مترجم لو يجون باطراف ديرتنا )) :)

الراسي

ابو فارس

28-02-2010, 22:48

ياربيه
ابو سلطان
حسيتك كأنك عسيري موظف بالدفاع المدني برفحاء

اكثر حسيك بالواسطة فهمته

الا وش هو الحماط والفركس

---------
اقول لاتغتاب الذرة تراني احبها مشوية

واحتمال اجيبها معي

ايه ليه لا

شبعنا من شوي اللحم
نبي نغير للذرة

لي نكسات

ريال الفسحه

28-02-2010, 23:10

اقول

عطوه مخالفه <---مضيع :)

اجل الذره صار موز يابوسلطان .. والله من العرف

ووالصارم المسكين للحين تلقاوه يجيب الذره ولاقالوا له
عياله وشو هذا يقول موز خخخخخخخخخخ

موضوع منتاز من مشرفن عامن منتاز

كل ماهذا سيّر يابعدي

فهد الجنيدي

28-02-2010, 23:39

حيالله أبو سلطان

هلا بك بالفلة

و الله يا بن أاااخي

ما فهمت شين من اليوم مدنق حدر الشاشة أدور الترجمة و عيت تطلع

بس تدري حلوووووووووة مررررررررررة ( وش نسوي هذا المديرالعام عاد هاذا فلقته أبد ما له طب حرام تغدي هامتي تقل طفاية دشير )

مشكور يا أبو سلطان

و يعطيك العافية على هالموضوع

شموخ شمالية

28-02-2010, 23:40

أضحكتنا أخوي ابوسلطان
وذكرتنا بأختلاف اللهجه

قبل سنوات كنا بطريف بحكم عمل الوالد الله يرحمه
وكانوا جيراننا شرارات مانعرف للهجتهم كثير وتعقدنا منها
ويوم رجعنا لحايل كنا ماخذين لهجة الشرارات ونسينا اللهجه الحايليه

لي عودة لتكملة القراءة لاني من كثر مااضحك ماقريت بعض السطور
>> لاتقولون مافهمت العجوز

تقبل مروري

السنعوووسيه

01-03-2010, 00:53

عمي ابو سلطااااااااااااان

:7ayyoh:

الساعه المباركه الي شفناك بالفله

وبدايه موفقه

والله يعطيك العافيه على الموضوع

عاطر ودي

روح حايل

01-03-2010, 00:54

ارحب ابوسلطان

وانت صادز ولاية ابها يبيلهم قاموس لحالهم

مو منهم والله هاللغة! من هاللي معهم يناقزون بالضلعان :)

الحنشل

01-03-2010, 01:00

<< جالس بزاوية الموضوع .. و يزرط من الموووز

ابو سلطان عندك بدليات بالموضوع .. أتمنى عدم تكرارها في الجزء القادم

عشانا= عشنا
امهم= المهم
الشيفر= الشيفرة

و لي عودة لمراجعة النص لغوياً :)

شنقل

01-03-2010, 10:09

^
^
^
لاتدقق يافلان

المشرف العام

01-03-2010, 11:24

هلا باخي الكاتم ..

بما أنك علّقت بناءا على نسب اللغه ، فالأصوب ان [ أم ] لغه حميريه ، وهي من سبع اللغات التي اقرّها القرآن وكذلك تكلم بها الرسول صلى الله عليه وسلم . فإيرادها في اليوميات من باب الجهل بها وليس من باب السخريه منها :)

هلا بك وحياك الله

المشرف العام

01-03-2010, 11:25

/

هلا باختي خزامي

حسل ؟ ، كان قصدك [ حسيل ] كان ودّي بس محظور عندنا في البيت :)

اي ورده ؟

لا تكونين انتي اللي تطالبين باستبدال قرن الجازي ، بوردتك ؟ اذكر ان فيه مطالبه من هذا النوع ، وماوصلني شيء .. لا من ريال الفسحه ولا من الجازي بالتنازل بحق البرمجه الخاصه لاحد ثاني :)

المشرف العام

01-03-2010, 11:26

/

هلا بالغالي : الراسي

هلا بك اكثر يالحضري :)

اشواااا ماجبت طاري البرنو :)

لاهنت يامللي

المشرف العام

01-03-2010, 11:27

/

هلا بعمووو ابو فارس :)

اجل .. لا تشويها عندي بالخيمه :)

والحماط والفركس ، نشوف لهم سيناريو لندني بالحلقه الجايه إن شاء الله :)

لاهنت يالغالي

المشرف العام

01-03-2010, 11:27

/

هلا بريال الفسحه :)

مثل ماضيعت ريالك وصار قرن هلالي :)

سير علينا ونسيّر عليك :)

لاهنت العزوة

المشرف العام

01-03-2010, 11:27

/

هلا باخوي فهد

لا تقرأ وانت مدنق تشوف حتى اللي بين السطور ، او شف كشمات ابو غازي تسلفهن مؤقت :)

لاهنت يالغالي

المشرف العام

01-03-2010, 11:28

/

هلا باختي شموخ

ماادري وش هي لهجه الشرارات ، بس الوكاد ماهي حميريه

لا تعبين روحك وترجعين تقرين اخاف يروح إنظرك وابلش بمضيفك :)

لاهنتِ

المشرف العام

01-03-2010, 11:28

/

ودي اقول بنتي السنعوسيه

بس من واقع تجربه كانت وحدتن من الواحدات اللي معنا بس تذعتن بـ عمي عمي ، وأمس تطالبني بعيد ميلادها الستين بعد كم يوم ، ويعطيك طولة العمر :)

ناسي درع نخبة المضايف من استحقاقك ، واعذرينا بالتأخير الفرز يدوي :(

لاهنتِ

المشرف العام

01-03-2010, 11:28

/

هلا بروح ديرة هلي :)

وش حالش ، عشاش بخير والعوال وش لونهم :)

اللي يناقزون بالضلعان ماهم حولهم هذولا عند أم جماءه :)

لاهنتِ

المشرف العام

01-03-2010, 11:29

/

هلا بالغالي الحنشل

والله من الفضاوة جالس تفصفص الموضوع وتطلع الفروق السبعه :) اجل لو ماكنت خارج التغطيه كان علوووم

ماهو اخطاء املائيه ، كذا تكتب باللغه الحميريه :) <<< نسبه للعزوة :)

يكفي ياعم

لا تدقق ترى النص منخل :)

لاهنت

/

سلطااان السويري

01-03-2010, 14:13

ابو سلطان عندي سوعال وشي الشانزليزيه ؟؟؟:)

ابو سلطان والله الظاهر عقب الموز الي كليته انت واخوك الصارم غسيل معده على طول:)

ته تاتي من أم بلاد <<<< الا ماذا تعني ته تاتي ؟؟

حسب تحليلي معناه تجي من:315r:

تشنكرات افندم ابو سلطان:thumb:

ام الرغفان

01-03-2010, 23:43

بشير اللويش

02-03-2010, 00:08

الله يرفع ولا يبلانا

خيتي ام العجين / اقصد الرغفان

ماهو ذره ... هذا نوع من الفطريات وتسمى عند البدو الدحاريج :)<< تبي تضرب لها تخميميه

والتخميميه توع من الفواكه اللي تحتاج للطبخ

( ابوسلطان الله يعينني ابي اترجم للبدو :)

خبرك حنـّا تمدنا وتعلمنا للخاشوقه والشوكه:)

ياسمي .. البرنو زاهبه والزهبه مليانه بالمحزم ابشر بعزك :)

الراسي

ام الرغفان

02-03-2010, 00:36

بشير

. هذا نوع من الفطريات وتسمى عند البدو الدحاريج<<شلوون فطريات وتنطبخ والله هذي التسبد:rip::rip:

عيون الذيب

02-03-2010, 00:50

ضواحي الشانزليزيه......((((نووووووو كومنت

يالربع:406r:

ام العجين انتي ماتعرفين تهجعين

بسم الله النوم ماتعرفينوه (((اهب ياوجههه

هلآ الآسلميهـ

02-03-2010, 09:46

<< واقفتن وتطق تحيه للمشرف العام .." تحية السلاح " ..:315r:

والله مشكله اذا الواحد راح لديره مايعرفه ..!!

هذا مثل اول ماجيت لحايل .. مادري وش معنى كلمة " وشنوح " ...:315r:

\\

لا هنت يابو سلطان ..

ليلى بنت عبدالعزيز

02-03-2010, 10:33

مافهمت ولا شي قريت و قريت وقريت الين عجزت

متى تشرفنا الاسري ياريس ..؟؟

الجازي

03-03-2010, 00:39

الكلمات الدلالية لهذا الموضوع :
برشوم,بلاد,حماط,فركس,مكعس,موز,

ياعيني عالكلمات الدلالية بس :)

بلى مشتاق وبي لوهةٌ ..

على إني أحب الفصاحة ومن عشاق الشعر الفصيح ,, بس مدري وش قلب راسي ولا عرفت أقراها :)

الظاهر تأثير عنوانك (( يوميات جنوبية )) خلاني أعيد قراءتها كم مرة أحسبها كلام جنوبي :)

خصوصا إنك كاتب لوهة :) وهي ياعمي لوعة :) <<< تأثير طفولتك لايزال يسري في دمك :)

بحكم انني اعتزم بالقيام بجوله في مضايفنا الحبيبه بعد الانتهاء من التحديث ومشاكل الاكواد .. الخ ،

الله يبشرك بالخير وأخيرا مابغينا نركد :)

انتهت المقدمه :) :

الله يحلل مقدماتي :) وأخيراً جاء اليوم اللي أتشفى فيه :)

[ ته تاتي من أم بلاد ]

وجانا معناها وهي : الحير ؟! ، البلاد = الحير !! زاد تعقيد المسأله ،

اي والله بالنسبة لي زاد :)

هذا لاقالوا لك وفسر الماء بعد الجهد بالماء :)

الحين حنا من يعلمنا وش الحير ؟؟ :)

الحير نعرفه انه مجموعه نخيل محيط بها شبك او حفاد

ما أمداني أفرح بالشرح والتوضيح إلا طالعة لي (( حفاد )) << بالله وش فرقها عن (( ام بلاد )) تسانها ماهي أصعب :)

أعذروني على الاطاله ..

ولو خذ راحتك :)

هذي فرصتي للشماته وجت عندي :)

أتوقع جاركم سعيد فاتحن له الحين منتدى وقاعدن يسولف على أعضائه بموقفه منك أنت والصارم ,, تسني به متنح يوم قلتوا له (( وش الرمي يالجار :) ))

الله يستر لايصير شغلك في هالتحديثات تتفلسف به علينا مثل ماتفلسفت على الصارم :)

ماعندك أحد يدبر فيها شيء وأنت ماخذ راحتك عالآخر وكل يوم تحدييث وحنا ياغافلين لكم الله مغير نشكر ونمدح ويعطيك العافية يابو سلطان وعساك عالقوة يابو سلطان :)

ماتسن عيوني بغت تروح أمس بسبة هالتحديثات :) :)

على طاري هاللي تقول لك قبل ياعمي ياعمي :)

ماشاء الله عليها كبرت في عيني :)

والله إنها ذوق ومؤدبة هي تمشي على مبدأ عامل الناس كما تحب أن يعاملوك ,, وتبيك تقول لها ياعمة بس أنت يمكن مافهمت ,, إلا يوم خبطت خبطتها الصحفية ومحطت بعمرها الحقيقي :) :)

عوافي يابو سلطان يعيش الصارم وياكل غيرها :)

أبو فهد

05-03-2010, 20:03

الله يبو سلطان

ذكرتن بطفولة الأمير تشارلز من أسرة بوش حاكمة بريطانيا العظمى

يوم هو راتسبن ذلولوه و يهيجن بضواحي النعيرية :)

ته تيه من ام بلاد <<<< للحين ما فسرته لنا

<<<< ذبحتوه الشفاية

ننتظر الحلقة الأخيرة

نشدة

تهقى تجيك الترقية بأم بلاد ؟ :)

-----------------
أبو فهد الهمزاني

غالب

05-03-2010, 22:54

عوذا
أنا بلشت بحتسي العتبان عجزت أفهمه
طلع حتسي العتبان أرحم من حتسي أهل أبها
هههههههههههههه

شكريا عقيدنا

غالب

05-03-2010, 22:57

ياهلا بالعقيد
عوذا
طلع حتسي أهل أبها هاللون
هضولا أجل لهم لغة لحال

المشرف العام

06-03-2010, 01:33

المشرف العام

06-03-2010, 01:38

حيااك الله مشرفنا بالفله

هههههههههههههههههههههههههههههههه والله اني تحمست ودي اعرف وشو اللي كليتوه طلعت ذره هههههههههه

وش بلا سعيد متهووول لو انا منك ارجع ادوووسوه <<تحب الشر

متى تجي الحلقه الاخيره دايما اكشن<<براااااااااااااا

هلا ب أم << رغفان :)

والله الرغفان لهن سالفه بمخيمنا بالنعيريه ، تصدقين يزاولن لي ليا هالحين :( بس تريني اصغّنهن وابو خالد [ الاصمعي ] هو الخبير وابو خالد الصغير هو المهندس ولا يهون ابو فارس المنتج :)

فقع + زبد + رغفان = تغيير جولتي للمضيف الطبي بموضوع مستقل وحصري عن تنقيص الوزن :)

النهايه .. ماني قايل تراجيديه :)

مرورك اسعدني حفظك الله

المشرف العام

06-03-2010, 01:41

المشرف العام

06-03-2010, 01:43

/

عيون الذيب

يا هلا بك

شاكر لك المرور

المشرف العام

06-03-2010, 01:48

/

هلا باختي هلا ..

زين انك ماعرفتي إلاّ " وش نوح " :)

شاكر لك المرور والتحيه :)

حفظك الله

المشرف العام

06-03-2010, 01:49

مافهمت ولا شي قريت و قريت وقريت الين عجزت

متى تشرفنا الاسري ياريس ..؟؟

من واقع تجربتي معك بمضيف الاقتراحات ..

حالتك مستعصيه يام محمد :)

خليك من هالسالفه وحلّي مشكلتك مع الابعاد الثلاثيه :)

لاهنتِ

حيل حليل

06-03-2010, 01:56

ابو سلطان بهذا
ارحب والله ان ترحب يانمى << يبي يصغروه :)

حنشلا
اطرح لنا اقرب حسيل
نبي نسفك دمه بهالمناسبه

ابو سلطان
والله مو منكم
من هالذره اللي درعتوابه

تخيل انك غصيت به وماحولك ماء
بتصير موتتك تضحك
<<< اقلعوا هالسفيه :)

نورتنا ياجدي انت

ولاتبطي علينا بالحلقه الاخيره

المشرف العام

06-03-2010, 01:59

الكلمات الدلالية لهذا الموضوع :
برشوم,بلاد,حماط,فركس,مكعس,موز,

ياعيني عالكلمات الدلالية بس :)

على إني أحب الفصاحة ومن عشاق الشعر الفصيح ,, بس مدري وش قلب راسي ولا عرفت أقراها :)

الظاهر تأثير عنوانك (( يوميات جنوبية )) خلاني أعيد قراءتها كم مرة أحسبها كلام جنوبي :)

خصوصا إنك كاتب لوهة :) وهي ياعمي لوعة :) <<< تأثير طفولتك لايزال يسري في دمك :)

الله يبشرك بالخير وأخيرا مابغينا نركد :)

الله يحلل مقدماتي :) وأخيراً جاء اليوم اللي أتشفى فيه :)

اي والله بالنسبة لي زاد :)

هذا لاقالوا لك وفسر الماء بعد الجهد بالماء :)

الحين حنا من يعلمنا وش الحير ؟؟ :)

ما أمداني أفرح بالشرح والتوضيح إلا طالعة لي (( حفاد )) << بالله وش فرقها عن (( ام بلاد )) تسانها ماهي أصعب :)

ولو خذ راحتك :)

هذي فرصتي للشماته وجت عندي :)

أتوقع جاركم سعيد فاتحن له الحين منتدى وقاعدن يسولف على أعضائه بموقفه منك أنت والصارم ,, تسني به متنح يوم قلتوا له (( وش الرمي يالجار :) ))

الله يستر لايصير شغلك في هالتحديثات تتفلسف به علينا مثل ماتفلسفت على الصارم :)

ماعندك أحد يدبر فيها شيء وأنت ماخذ راحتك عالآخر وكل يوم تحدييث وحنا ياغافلين لكم الله مغير نشكر ونمدح ويعطيك العافية يابو سلطان وعساك عالقوة يابو سلطان :)

ماتسن عيوني بغت تروح أمس بسبة هالتحديثات :) :)

على طاري هاللي تقول لك قبل ياعمي ياعمي :)

ماشاء الله عليها كبرت في عيني :)

والله إنها ذوق ومؤدبة هي تمشي على مبدأ عامل الناس كما تحب أن يعاملوك ,, وتبيك تقول لها ياعمة بس أنت يمكن مافهمت ,, إلا يوم خبطت خبطتها الصحفية ومحطت بعمرها الحقيقي :) :)

عوافي يابو سلطان يعيش الصارم وياكل غيرها :)

يحق لك ياعمّه .. مالم يحقّ لغيرك ..

متصفحك ، خارج عن رقابة الشرق الاوسط بناءا على ايدلوجيته وصناعته الفريده [ تايلدني تجميع بركينا فاسو ] .. واستبدلتي ريال ملك المزمزه بقرن ام قرن :) وخليتي عند التماسيح صندوق مفتاحه بيد حواء بناءا على نظريه [ جونجر ] << عجس يحفظ اسمه :) ، ولقيتي اخطاء املائيه ماطلعها ملك التدقيق والمتابعه الحنشل

وش اقول ؟

مافيك حيله :)

ودّي ارد ، بس اخاف من الاخطاء الاملائيه ، عيوني للحين ماهي صافيه من ضباب النعيريه اللندني ورغفان الربع للحين اعاني من مناخها القارّي .

/

وبالخاتمه :)

لو دريت ان حروفي تبي تمر بمعمل بوشهر السيباويهي كان خصبناها وكررناها وشبعناها لين تصير مشبعه ولا تظهر الاخطاء الاملائيه :)

مرورك .. يعني لي الشيء الكثير :)

بس مادام جيتي نبي منك موضوع بالفله :7ayyoh:

هلآ الآسلميهـ

16-03-2010, 12:21

انا رديت قبل يابو سلطان ..

بس هالمره لعيون طبوش ..

شام

16-03-2010, 12:59

تسلم مشرفنا العام
لاخلا ولا عدم

وشكراً لأختي هلا للنشاط الطيب