/ انا احــب اســـرتي :) /

[روح حايل]

:315r:



سلام الله عليكم



















يالربع والله اني تغربلت بهالدنيا



كل يوم لي سالفه والحمد لله والله اني ماني معترضه




لكن ليه ام الوغدان بس متحسره ومنلعن جدفه :za3lan:





ان شدينا قالو لا تشدون على وغدانكم باتسر يعلنون الاضراب


وان رخينا قالوا لا ترخون باتسر يصيرون فوق روسكم




:3ajeeb:




طيب مافيه حل وسط



:)







مره اذاكر للي عندي ماهو كمخه















الا مخ كلوه بلايستيشن دببببببببببببل تسبدي





افهموه نقطه يقول يمه لا خلصنا تقولين لابوي نشري شريط









:315r:



وانا يادهينه لا تنكتين اييييييه اشري لك بعد شريطين بسسسس اخلص ياااااااااااااااااااتنكه :)










هذي مره




ومره على العشاء



كل ماياخذون الكتشب يفغصونوه ويقهرونن اقولهم انتم وشبكم ماتفهمون



رج الزجاجه قبل الاستعمال يعني اي شي اممممممخضووووه قبل


















الا يجيك اخو التنكه يهز السندويشه :315r:



وشبك ياولد :3ayyen_khair:


قال انتي تقولين امخخخخخخضو اي شين :3ajeeb:






لا بالله انا ماقدر اكمل معهم عمري كلوه وش هالتربيه اللي



تخلي الواحد قبل ينام يسب ابو الساعه اللي تعرف به على العرس



لاااااااااا




كلوه كوم ولا قال راسي يوجعن من المذاكره




:a:




انا اللي ينبح حلقي وهو منسدح ورجل على رجل لااااااااااااا




ولازم ينسدح على شين لين :3ajeeb: يخاف على عصعصوه لا ينفلت :315r:












لا عاد تجيكم ام العريف اللي فاهمه هالدبات



اقول للوغد وشو انثى الحصان ؟؟


وهي تلقف السالفه يعني ذكيه :315r:


قالت انا اعرف :mabrook:



حصانه !!!




:3ayyen_khair:



لا يابنت بالله اسكتي تكفين والله الادب العربي يبي السلامه منكم



قالت لا لا اجل مرة الحصان هي





هي















مره :315r:








لا لا مرات :315r:















وانا والله ماتحملت الوضع وانا امسطه واقوله انزلعي لابو هالخشششششششششششه :a:






ترى هاليومين عرووووق تسبدي طلعن مع حلقي
































ماعندكم بندول :7ayyoh:






الموضوع اهداااااااااء لعيون المعرسات امهات الوغدان :315r:

[شنقل]

امخمخ على كم معامله


وانكس لك



<<< شابك من الدوام

[شنقل]

<<< يزرط حبتين بنادول


سعلت رتوجه قل منهي هذي اقصد امها




قالت بابا هذي
























رجالتك





ههههههههههه
هههههه

<<<< يصبخ راسه بالجدار

رجالتي شلون تجي

[روح حايل]

^


لا بالله فلحنا هههههههههههههههههههههه



اجل رجالتك خخخخخخخخخخخخ





يالله السلامه بس نطلع من هالدنيا بمخ يقود الوجه :)




ارحب شنقل لاهنتش

[متعجب]

رجّالتك !!!!!!!!!!!!!!!!!!!:a:
/
/
عند الإشارة,,


تقولي بنيتي يبه يبه شوف شوف المره اللي قاعده مع مرتها بالسيارة الثانية <<:solh:

جرت العادة الرجال مع مرتوه ..طيب المره ؟؟؟ << ما يبي سؤال ..مع مرته

[روح حايل]

^


عدمت ام اللغه هههههههههههه






الله يخليهم لكم ويرزقكم برهم

[عبدالله الجعيثن]

ماما روووح





المجالس مدارس



والمدارس بهالوقت وجع راس وتدشير




اسألي الشيبان عن قصة " دغشه " وتعرفين وش لون يطلعون العيال رجال

[روح حايل]

^


كل شيباننا رفات وعظام :)



الله يرحم موتى المسلمين



هل لك ان تخبرنا بقصة " دغشه "

[شرهه]

ههههههههههههههههههههههههههههه







والله ياروح من كثر ما ضحكت ضاع الهرج ... مدري وش اقول







وكمله شنقل وبنيته ...






الله يصلحهم و يخليهم لكم ...





تحياتي ...

[روح حايل]

^


اجل يالشهبا ماسمعتي سالفة البنت نشبت لي :(


تقول ابي شكشوكه




اول ماقامت تقولين احد مسلطه علي :(




وانا العن جدفه وش هالبطن قدامتس الفطور كولي المقسوم وانثبري



وهي تصيح ابي شكشوكه


واااااااااااااااع




وانا ارحمه وافتح الثلاجه




وهي تهز راسه ماهو عاجبه الوضع وتقول لاااااااااااا شكشوكه



قلت وررررررررررضممممممه ادري وسمعت وهالحين بسوي لتس






وهي تروح لم الدرج وتطلع شوكه وهي تخوووصر وقالت هه شفتي هذي شكشوكه







وماتمالكت نفسي الا التفله بجبهته من القهررررر :)

[حمـود]

روووح حايل

وسعي صدرنس

اجل تربين ويروحون لخوالهم >>لان عمامهم بديره ثانيه


ويرجعون لو تحاتسيه كل زــــــــــ


ويا حماار


ما استفدنا شي



والا على طاري التغلط


صحان اللي هو حصان

قعده اللي هي عقده القريه اللي بحايل

الحومرا اللي هي الحمرا

هههههههههههه

والباقي اكثر

[بالمختصر..]

هههههههههههههههههههههههههه

عيالتس ماهم مثقفين :)

و شلون تخلينهم يلعبون بلايستيشن بـ وقت الدراسه ؟ ممنوووووع

إييييه الله يذكر أيام أول بالخير , كنا نتسابق من يحل واجباتوه أول :solh:

و نادراً ما خليت أمي تذاكر لي أو أي أحد إلا يوم خذينا درس القسمه المطّوله ما فهمتوه من الأستاذه :)




.
.

[بنت الجبل آخت القصيد]

الله ياجرك


احتسبي الاجر بهم :)


عاد احلى مابهالموضوع ماتقدرين تكملين معهم

وين تروحين



جرت العاده المره تطمح من زوجه

لكن ام تطمح من عياله :3ajebni:

.
.


وسع الله صدرك

[يـــوسف]

أم الهكي يا الله حيه تو مانورت الفلة













<- دندوف يبي شي ماهو لله يهلي :)













أم الهكي بنتس محيره ولا للحين يعني يمدي اخطب منكم :)















<- براااااااااااااااااا














الله يخليكم لبعض وانا من رايي تفاهمين مع ابوهم ياأنه يطلعتس ببيت لحالتس ولا يزعجهم لي <- انت وش دخلك :(






اما الشكشوكه غير شكل ههههههههههههههههههه والله من العبآطه واللكاعه بوغدانتس الله يخليهم لتس






ايه اشوف المتزوجين تسننا عندنا وغدان حتى انا ولدي اذا قلت وش اسم امك يقول عرستك :(













بعدين مالومه يوم يخض المردويش انتي تقولين لهم :)









أم الهكي تهقين ماأعرس :)

[فارس الصحراء]

هههههههههههه

الله يخليهم لتس ..

بس الشكشوكه صرآحه شي ههههههههههه

:

هه شفتي هذي الشكشوكه >> هههههههه الله يخليها ان شاء الله

[ابو ضاري]

أم الهكي يا الله حيه تو مانورت الفلة

حتسي المشرفين واحد


الله يخليهم لتس

تخبرين ثقيل اليوم

المشرف العام راكز موضوع بوه

ومتعجب يرد

عمار يالفله

بس بيض الله وحهتس يوم خليتي المتميزين يجون

راجع لموضوعتس ابي اطفي المصنع

[الشمـــ نور ــــري]

رووووووووووح


هههههههههههههههههههههههههههه


ياحيااتي تعاطفت معااج من قلب:)


اجل حصانه خخخخخخ
















موضوعج مو كويس للي عرسهن قريب خخخخخ:d:

الحين يهونن عن العرس

[يـــوسف]

^
^
فيه عرس ولاتعزمونا :(





مبروك يانور :)

[ابو ضاري]

بوه عرس

معه المجلد مستعد

[الشمـــ نور ــــري]

^
^
فيه عرس ولاتعزمونا :(





مبروك يانور :)

ههههههههههه
الله يبارك فيك بس مو اناااا :)

[روح حايل]

روووح حايل

وسعي صدرنس

اجل تربين ويروحون لخوالهم >>لان عمامهم بديره ثانيه


ويرجعون لو تحاتسيه كل زــــــــــ


ويا حماار


ما استفدنا شي



والا على طاري التغلط


صحان اللي هو حصان

قعده اللي هي عقده القريه اللي بحايل

الحومرا اللي هي الحمرا

هههههههههههه

والباقي اكثر




:3abrah:


لا تفتح الجروح يالله طابت واندملت :za3lan:



وياصبر ايوووووووووووووب













الدكتور طيار سيكل متقاعد << ضبطت او لا ؟:7ayyoh:

[روح حايل]

هههههههههههههههههههههههههه

عيالتس ماهم مثقفين :)

و شلون تخلينهم يلعبون بلايستيشن بـ وقت الدراسه ؟ ممنوووووع

إييييه الله يذكر أيام أول بالخير , كنا نتسابق من يحل واجباتوه أول :solh:

و نادراً ما خليت أمي تذاكر لي أو أي أحد إلا يوم خذينا درس القسمه المطّوله ما فهمتوه من الأستاذه :)




.
.







يازين اول ماهو الحين والله اني افكر اعيش بخيمه واتبرا من كل ابو التكنلوجيا




احس بيجي يوم اوجه عيالي بالريموت :)





بالمختصر:good1:

[روح حايل]

الله ياجرك


احتسبي الاجر بهم :)


عاد احلى مابهالموضوع ماتقدرين تكملين معهم

وين تروحين



جرت العاده المره تطمح من زوجه

لكن ام تطمح من عياله :3ajebni:

.
.


وسع الله صدرك






اي اجر واللي يرحم والديتس :)


يوم انهرت عليهم قلت اسمعو لابوكم لابو تسلب انقلعو عن وجهي وجهزوا شناطكم تبون تباتون عند خوي ابوكم



البيت ماهو للسلنتح << قال ابي اعلمهم المرجله :)






عاد رجلي بوه ويسمعن ودوه يزنطن بس ماسك روحوه :3ajeeb:



راحو يجهزون شناطهم ومتهولين ومنهم اللي يحط اغراضوه ويبتسي :(

وانا عاضتن على برطمي مابي اتعبر واسوي فلم هندي :)




جا ابونا وهو يضحك



وانا عيوني تغرغر دموع :(



قال تدرين وش يقول حديهم


قلت وشو؟


قال يقول : ليش تاخذ امي مالقيت الا هي تتزوجه :3ayyen_khair:







مامن فكه هههههههههههههههههههه

الله يصلحهم

[روح حايل]

أم الهكي يا الله حيه تو مانورت الفلة













<- دندوف يبي شي ماهو لله يهلي :)













أم الهكي بنتس محيره ولا للحين يعني يمدي اخطب منكم :)















<- براااااااااااااااااا














الله يخليكم لبعض وانا من رايي تفاهمين مع ابوهم ياأنه يطلعتس ببيت لحالتس ولا يزعجهم لي <- انت وش دخلك :(






اما الشكشوكه غير شكل ههههههههههههههههههه والله من العبآطه واللكاعه بوغدانتس الله يخليهم لتس






ايه اشوف المتزوجين تسننا عندنا وغدان حتى انا ولدي اذا قلت وش اسم امك يقول عرستك :(













بعدين مالومه يوم يخض المردويش انتي تقولين لهم :)









أم الهكي تهقين ماأعرس :)






حيو المشرف ياهوه :)






والله يايوسف اني الله اعلم عقب عام 2010 ابي اكتب وصيتي لكم



ومن بينهم البنت لك ومعه طقم ذهب من الدقه القديمه يعني ذهب حرررر :)





ومالك الا ام شكشوكه تبرع لنا وخذه لوجه الله :)

[روح حايل]

هههههههههههه

الله يخليهم لتس ..

بس الشكشوكه صرآحه شي ههههههههههه

:

هه شفتي هذي الشكشوكه >> هههههههه الله يخليها ان شاء الله


انت لو شايف وقفته ومراعاته لي تقول مرة رجلي ماهي بنتي :(





فارس الصحراء القطوع منورنااااااا حياك الله


والله يرزقك ان شاء الله بالذرية الصالحه وجزاك الله خير على الدعوة

[روح حايل]

حتسي المشرفين واحد


الله يخليهم لتس

تخبرين ثقيل اليوم

المشرف العام راكز موضوع بوه

ومتعجب يرد

عمار يالفله

بس بيض الله وحهتس يوم خليتي المتميزين يجون

راجع لموضوعتس ابي اطفي المصنع





الله يرفع قدرك يابوضاري


ويجزاك بالخير على الدعوه






عاد هالحين ثبت علي اني إمرأة مبروكه جزاني الله خير جبت لكم متعجب وعقدنا لبو سلطان :)




مشو لي راتب تعبت وانا اسحر بخلق الله عشان الفله هههههههههههههههههههه













عمار يافلتنا

[روح حايل]

رووووووووووح


هههههههههههههههههههههههههههه


ياحيااتي تعاطفت معااج من قلب:)


اجل حصانه خخخخخخ
















موضوعج مو كويس للي عرسهن قريب خخخخخ:d:

الحين يهونن عن العرس




لا مايصدقون لا قلنا وحذرنا مار خلهم يذوقون المر :)




ارحبي يانور نورتي :7ayyoh:

[جود الضياغم]

الله يعينتس وش امصبرتس هجي واتركيهم


احتسبي الاجر عند الله


وبعدين خلي ابوهم يساعدتس على الاقل بالمذاكره للاولاد



الله يخليهم لك تراهم زينة الحياة

[Ro0oNy]

تحتسين ابتسي لتس

الله يخلي لتس وغدانتس

ياهم تطلع منهم اشياء جيل الديجيتال

والمصيبه كل ماجالهن يصغرن مدري شلون تقل بوكيمونات

اذكر مره جت بنت عمي من كندا

ومعه بنته عاد توديها حديغة الحيوان

تقول ماما شوفي

قالت وشو

قالت خووصان = حصان يقاله

وهي تصفقه بغت تخشش خشتها بالشبك من الصدمه

يعني عندنا وعندكم خير يابعدي

مابوووه حلن ابد معهم

الله يصبرتس وينطيك الجنه يا حيي

[روح حايل]

جود:hala1:


ياحول المعزب ماهو فاضي يحك راسوه الشكوى لله







ماتعرفين ناس يتبنون المواهب زي عيالي كل مواهبهم لكاعه :)






ياهلا بجود :7ayyoh:

[روح حايل]

تحتسين ابتسي لتس

الله يخلي لتس وغدانتس

ياهم تطلع منهم اشياء جيل الديجيتال

والمصيبه كل ماجالهن يصغرن مدري شلون تقل بوكيمونات

اذكر مره جت بنت عمي من كندا

ومعه بنته عاد توديها حديغة الحيوان

تقول ماما شوفي

قالت وشو

قالت خووصان = حصان يقاله

وهي تصفقه بغت تخشش خشتها بالشبك من الصدمه

يعني عندنا وعندكم خير يابعدي

مابوووه حلن ابد معهم

الله يصبرتس وينطيك الجنه يا حيي








<< رافعتن يديه وتقول ااااااااااامين








جيل مستهبل الله يهديهم




نورتيني والله ياروووووني << هو هاتس او لا :)

[Ro0oNy]

<< رافعتن يديه وتقول ااااااااااامين








جيل مستهبل الله يهديهم




نورتيني والله ياروووووني << هو هاتس او لا :)


الا هاتس يابعدي

انا شكلي بغيرووه

من يوم جيت للفله وانا تسن معي اغامه

مع اسمي

غررت اغيرووه خلاص

[روح حايل]

^


والله يالغاليه تسوين خير لان هالاسم صدز ماهو مقامتس :)



يالله ان بغيتي خدمه تمديد اقامه ولا شين ترانا تحت الامر :)

[Ro0oNy]

^


والله يالغاليه تسوين خير لان هالاسم صدز ماهو مقامتس :)



يالله ان بغيتي خدمه تمديد اقامه ولا شين ترانا تحت الامر :)


ههههههههههههههه

والله تسوين خير

وانا من هذا المنبر انشد الاداره يفكونن من هالاسم

اللي حسيت كني ذاك الاصهب اللي بمانشستر

من كثر ماتطلع التعجبات ببوهاتهم يوم انهم يشوفنن اسير بالفله

عاد سوو لي اقتراع >> حشى كاس العالم

وحطو اسماء واللي يفوز

يعلقه لي بدل اسمي هذا


>> يمديكم

[ام الرغفان]

هههههههههههههههههههههههه روووح الله يسعد قلبتس وين ماتروحين


ههههههههههههههههههههه



علقي سووط بكل مكان

















نعم للعزوبيه:)

[صعوة فسفورية]

عني انا صراحة كنت اقطع الكتب ومن كثر ثقافتي اكلها بعد

ليش اولاد هالزمن كذا ..


روح الله يعينك خبي البلاي ستيشن عنهم


المهم اني كنت شاطرة شاطرة بالمدرسة وكنت اتهاوش مع اختي ع المذاكرة ونروح ابويه

ونسمع له عشان يشوف منهو اللي حافظ اكثر عاد هديتنا ..ننام تحت التلفزيون ذيك الليله

مير تربية الاولاد صعبه وعليكي بالعقاب والثواب

يعني لاذاكر كافئيه ولاطنش لاتتكلمين معاه وحتى لو كلمك اسفيه عشان يحس بغلطته

ووريه اولاد الشوارع وقوليله اذا ماذاكرت وشديت حيلك تصير مثلهم

وهذا اسلوبي نع اولادي وصراحه ماشي معاي الحمدلله

وسلامتكم

[غالب]

حصانه
هي صادزه
حصانه خروفه جمله ثوره تيسه
بس إنتي بدويه متخلفه بتركبي الجمل فما راح تفهمي الكلام هادا :315r:






والله الوغدان طيور الجنه
لا تقولون لهم شين أبد أبد
وماعمره مر على الدنيا وغدان مثل وغدان هالجيل حقين البلستيشن
كلهم براءه ومره كيوت





<<يغني يابابا سناني واوا :315r:<<<<<<<<


<<يدري إنه توووه<<<<

[ليلى بنت عبدالعزيز]

الله يعين على التربيه

بس نصيحه اخت لاتضربين ولاتهاوشين

عاقبيهم بالحرمان واذا وعدتي بالحرمان لازم تصدقين

والله من نظره وحده لواحد منهم يعرف انه غلطان


الله كلن يخلي له غوايشه ويصلحهم ولايضيع تعب عليهم

[شموخ شمالية]

أنا مشكلتي مع بنتي بالاخص هو شنطة المكياج كل يوم القا شئ ضايع
أغنيت طيف من شراء الزينه



وربي ماخرّب طبع الصغار الا التلفزيون
تصدقين البارح بنتي ترقص وترفع بلوزتها تبي بطنها يطلع ؟
قلت ليش كذا !!

قالت هذا زي ام بي سي 3 يلقصن البنات ومطنهن طالع { يرقصن وبطنهن طالع } ترجمة


وبس تهاوش هي وأخوها هي تبي ام بي سي3 وهو يبي طيور الجنة وكراميش
آخر شئ سويتوه حطيت كل واحد عنده تلفزيون وريّحت مخي





الله يحفظ لي وغداني ويحفظ لكم وغدانكم







يابنات لاتعرسن ياحلالي





روح
موضوعك مهم ياجدي وتشكرين عليه


تصدقين لاالشدّة ماتنفع بهم ولاالرخاء ياربي وش نسوي !!



الله يستر لايجينا السكر والضغط منهم ومن زمنهم التعبان

الله يرحم زماننا

[هلآ الآسلميهـ]

ههههههههههههههههههههههههههههههههههه


هذا درس لنا يالعزابيه عشان نتعلم منكم ..



الله يكون بعونك ..

[سلطااان السويري]

وانا يادهينه لا تنكتين اييييييه اشري لك بعد شريطين بسسسس اخلص ياااااااااااااااااااتنكه



هههههههههههههههههههههههههههههههههههههه
ههههههههههههههههههههههههههههههههههههه


اجل تنكه

بالعكس وغدانتس نمبر ون:)



الحين الدراسه مامن وراه فود افصلهيم <<<< قم اطلع برى:315r: