رأس الرجل ,,,,, صندوق فاضي :)

[الجازي]

8
8
8
8
8
8
8
8
8
والله العظيم مو أنا اللي أقول هالكلام :) <<<< ما ذلت أبد :)

هذا رجّال مثله مثلكم ,,, بس يفرق عنكم إنه واقعي ومنطقي ويعترف بالحقيقة المرّة :)


تذكرون ذيك السنة لما كتبت موضوع عن طيب الذكر (( فرانسيك بوتنجر )) !!؟

عز الله إنه رجّال ,, كان يقول يالحريم لاعاد تطبخون ,, عليكم بالأكل الطازج أسهل وأنفع وأصح :)

وهالحين طلع لنا ولد عمه (( مارك جونجر )) :)

كاتب ومحاضر أمريكي يسوي دورات للمتزوجين ,, ويتكلم لهم عن طريقة تفكير الزوج والزوجة وكيف إن فهم اختلاف تكوين مخختهم :) سبب رئيسي لعيش حياة سعيدة بدون طقاق ومناقر :)

الزبدة يقول : يالحرمه لايضيق صدرتس الشكوى لله لازم ترضين بقسمتس ونصيبتس ,, حنا يالرجال روسنا بعد تشريحها ثبت إنها صناديق فاضية ,, أو بالأصح عشان يكون كلامي أكثر مصداقية :) يقول رأس الرجل وعقله عبارة عن مجموعة صناديق غير مختلطه وما يقدر يفتح أكثر من صندوق في وقت واحد ,, يعني عنده صندوق العمل وصندوق السيارة وصندوق الأسهم وصندوق المقاضي :) وصندوق الميزانية ووووووو

وأهم شيء عنده صندوق مهم جداً جداً جداً وهو الصندوق الفاضي :) <<< وينك يالفاضي :)

هالصندوق إذا فتحه الرجال مايقدر يستوعب زوجته وش تقول له <<< يعني باختصار يصير متنح الله لايبلى :)

لأنه إذا ركز مع زوجته معناها ماصار الصندوق فاضي وصار لازم يطلع من الفاضي ويروح لصندوق الزوجة :)

عشان كذا الزوجة ياقلبي دائما تشتكي إن زوجها ماهو يمها ,, وإنها في وادي وهو في وادي ,,

لأنها تقيسه على نفسها ,,

يقول مكثور الخير جونجر :) : إن المرأة عقلها شبكة تقدر تسوي مليون شغلة في وقت واحد وبدون ما تتلخبط <<<<<< الله لايضرنا :)

يعني ممكن تنتبه للطبخ وتغير لطفلها وتكلم في التلفون وتكتب المقاضي في وقت واحد مثلا :) <<<<<<<<< فلتات الله يحرسنا باسمه :)

عشان كذا تعيش الزوجة عذاب نفسي وجسدي لما تعيش مع أبو صندوق فاضي :)

فما لها إلا الصبر ,, وتقعد تحتري عند راسه لما يفتح صندوق الزوجة وذيك الساعة يمديها تسولف معه :)

وش رايكم بس في هالكلام !!؟ :)

بالله مايفسر حالة المعاناة اللي تعانيها الزوجات مع راعين الصناديق هذولي :)

ترى هالكلام علمي والله يشهد علي ماجبت من راسي غير الحوار العامي عشان أبسط لكم المحاضرة :)

لأني مترجمتها من اللغة الإنجليزية للغة الشمرية :) <<<<< لايكثر بس :)


تحية طيبة لصناديقكم الموقرة :)

على فكرة لاتقرون هالموضوع إلا وأنتم فاتحين صندوق التعلم والتطبيق :)

[أهداااب]

مشكلة و الله ..




لا صار مخ فاضي و قلب فاضي ..:)








يقالون بعد أن الرجل يحتاج بين فترة و الثانية الأنعزال بروحه و الصمت ..

حتى يفضي الصناديق المليانه و يسوي فورمات ..:)



و على حواء في هذه الأثناء الابتعاد عنه و عدم الألحاح و السؤال عن سبب العزله ..

فهذا أمر طبيعي فمع الأيام سيعود كما هو و أفضل من قبل .. :)




هذا بعد كلام علمي من دكتور مره قريت له مدري شسمه ..:)





شكراً يا الجازي على تبسيط المعلومه ..:d:




تصدقين كل ما تقدم العلم أثبت أنا نتفوق على الرجال باشياء كثيرة .. :thumb:

[عبسي]

ههههههههههههههههههه



يابطني قصدي ياصندوقي

ههههههههههههههههههههههههههههه











الجازي بشري راعين الصناديق بس المتزوجين ولاّ العزابيه سرى











أحسن موضوع قريته اليوم هههههههههه

[الجازي]

مشكلة و الله ..
لا صار مخ فاضي و قلب فاضي ..:)
يقالون بعد أن الرجل يحتاج بين فترة و الثانية الأنعزال بروحه و الصمت ..
حتى يفضي الصناديق المليانه و يسوي فورمات ..:)
و على حواء في هذه الأثناء الابتعاد عنه و عدم الألحاح و السؤال عن سبب العزله ..
فهذا أمر طبيعي فمع الأيام سيعود كما هو و أفضل من قبل .. :)
هذا بعد كلام علمي من دكتور مره قريت له مدري شسمه ..:)
شكراً يا الجازي على تبسيط المعلومه ..:d:
تصدقين كل ما تقدم العلم أثبت أنا نتفوق على الرجال باشياء كثيرة .. :thumb:

هلا بأهداب

ياحبي لك أجل أنت بعد متابعة للإنجازات والخبطات الصحفية :)

هو لو ينفع معهم بعد الفرمتة كان فرمتناهم كل يوم :)

بس المشكلة إنه شيء لازم في عقولهم يعني مايعرف يفكر إلا بهالطريقة ,,

يعني إذا شفتيه مركز في شغل ابعدي عنه مستحيل يلتفت لك

إذا مركز في مباراة لاتبعدين عنه وبس إلا روحي لبيت أهلك لأن احتمال تجيك أطباق طائرة مع الحماس :)

إذا مركز في الأسهم أحسن لك تروحين إقامة جبرية عند أهلك لأن حالته هنا مستعصية :)

إذا عاد فتح صندوقه الفاضي فهو هنا زي اللي يقول لك أنا مافضيت لك وتراني منحاش من باقي الصناديق عشان آخذ لي فترة نقاهة :)

يعني إغسلي يدك منه فور إيفر :)

وحاولي تفتحين لك صندوق فاضي في راسك لعل وعسى تتفهمين حالتهم هالمساكين :)

على فكرة كثرة مزايانا مو من صالحنا :( لأن حنا اللي نتعذب وهم ماجابوا لنا خبر :)

[الجازي]

ههههههههههههههههههه
يابطني قصدي ياصندوقي
ههههههههههههههههههههههههههههه
الجازي بشري راعين الصناديق بس المتزوجين ولاّ العزابيه سرى

أحسن موضوع قريته اليوم هههههههههه

ومن قال إن العزابيه مالهم دخل !!

يعني ماعندك أم ولا خوات ينغثون من صندوقك هالفاضي :)

وبكرة بيصير لك زوجة وبنات :(

ياعمري عمرهم بيروحون فيها :)

[المشرف العام]

/

هالحين كل صناديق عقل الرجل مفاتيحه مع المرأه ..

وش معنى .. هالصندوق الفاضي .. اللي يحتفظ بأحق الاقليه ويناضل عليه الرجل ؟!


وبعدين ، اللي انتي مترجمه له هذا اللي اسمه [ جونجر ] وتنطق قونقر ، بحكم خبرتي أثناء رساله الماجستير في جنوب استراليا ، هذا يرجع نسبه إلى عائله الكونقر وتكتب كونجر ، وهذه السلاله انفتاحيه يهمّها فتح اذهان الرجال على المطابخ والرّعي وجمع الطوابع :)


فأتركيك منه ياخيّه .. وانصحك بعدم نقل ايدلوجيته لأدلجه الذكور الشرق اوسطيه :)



/


/



قالت : عندنا صندوق فاضي !! تهاويل هالحريم :)




/

/


التوقيع :

المدافع عن حقوق الاقليه :)

[الجازي]

8
8
8
8
شكلك تكتب وأنت فاتح صندوق جمعية حقوق الإنسان :)

ومن قال إن باقي الصناديق بيدها !!

أنتم أي صندوق تفتحونه معناها إنكم مركزين فيه وما تستوعبون أي شيء ثاني غيره :)

يعني هالضعيفة مالها إلا صندوق الزوجة وأتوقع لو فتحنا روسكم بنلقاه مختوم بالشمع الأحمر :)

أما حمولة جونجر فأنا واثقة من سلالتهم ويكفي إنهم زي ماتقول انفتاحيين يعني ناس شغل عملة :) <<< بس مب ريال :)

وبصراحة أكثر ناوية أسوي رسالتي الماجستير في دراسة نبوغ هالعائلة :)

بصراحة شوقتني لمعرفتهم عن قرب :)

[ريال الفسحه]

آخر الاخبار :- تم اكتشاف اصول عائل جونجر وهم من صلب استراليا :)




قال صندوق فاضي قال اجل الي تنقلينه بين كتوفتس وشو ؟


كيس طحين :)

[الجازي]

آخر الاخبار :- تم اكتشاف اصول عائل جونجر وهم من صلب استراليا :)




قال صندوق فاضي قال اجل الي تنقلينه بين كتوفتس وشو ؟


كيس طحين :)

ياربيييييييييييييييه

يعني لازم أنصب عليكم عشان ترضون :)

والله لو اللي قايلته مره مافكرت أكتب الموضوع

بس لأنه واحد من بني جنسكم قلت مابدهاش

مصداقيتي ماتخرش المية :)

وش أسوي بكم

لازم أمدحكم يعني عشان تستانسون

هذا حقيقتكم المرّة الشكوى لله

الله بس يصبرنا ولا يحرمنا الأجر :)

طيب ورا ماتدورون لكم جونجرية تقول معلومة ضدنا لصالحكم عشان تمحطون بها هنا وترتاحون نفسيا :)

اللي بين كتوفي ياريالووووووه حسب مايقول هالجونجري السنع عبارة عن شبكة معلومات يعني كمبيوتر الله يحرسنا من العين بس :)

[بعد ملي]

اختي الجازي...

اعتقد ان موضوعك ملخص لكتاب الرجال من المريخ والنساء من الزهراء

كتاب يحتاجه النساء اكثر من الرجال

مشكووووره غاليتي

[ريال الفسحه]

ههههههههههههههههههههه



الله لايضرتس


مفوهه




لي رجعه بس ماهو برد




بموضوع




يمكن باتسر




ويمكن عام 2033 :)

[الجازي]

بعد ملي

يابعدهم

حلو يعني صار مصدر معتمد :)

كتاب رسمي وموثق

عموما يمكن هالجونجري معتمد هالكتاب وصاير يلقي دروس ومحاضرات في الولايات الأمريكية عشان ينشر هالمعلومة

لأنه عارف إن رجالهم هناك يتقبلون مثل هالحقائق ماعندهم مشكلة

مو مثل هالشرق أوسطيين :)

حياك يالغلا

وألف شكر على هالإضافة القيمة :)

[الجازي]

ريالوووووه

عام 2033 !!؟

تهقى ذاك الوقت أصير استحقيت قرن ثاني وإلا يالله يطلع لي نص قرن :)

<<<<< كلن على همه سرى :)

[بالمختصر..]

لا حول و لا قوة إلا بـ الله :frown:

يعني تنصحينا ما نتزوج ..؟ :puzzled:




.
.

[ليلى بنت عبدالعزيز]

هههههههههههههه

عجزت يالجازي كل ماجيت اكتب الرد اموت من الضحك

اجل الحريم وش صناديقهم بالله شوفي وش قال وهاتيه ...؟؟:)

جل احترامي لاصحاب الصناديق

ومنور الاسري يالشيخه

[الجازي]

لا حول و لا قوة إلا بـ الله :frown:

يعني تنصحينا ما نتزوج ..؟ :puzzled:




.
.

لا ياعمري

ممكن أنصحك هالنصيحة في حاله وحده بس ,, لو ضمنتي لي إنك بتعيشين في كوكب خالي من الرجال :)

لكن دامهم الله يخليهم لنا موجودين كأب وأخ وعم وخال وزوج وولد وووووووو :) فماله داعي الرهبانية :)

يعني تزوجي بس حطي ببالك إنك ماتزعلين من طبعه وتذكري هالصناديق اللي في راسه عشان تعذرينه :)

[الجازي]

هههههههههههههه

عجزت يالجازي كل ماجيت اكتب الرد اموت من الضحك

اجل الحريم وش صناديقهم بالله شوفي وش قال وهاتيه ...؟؟:)

جل احترامي لاصحاب الصناديق

ومنور الاسري يالشيخه

ياحبي لك ياشيخة

ضحكة دوم مو يوم

أهم شيء إني وسعت صدرك :)

شوفي يالغلا حنا زي ماقلت في نهاية الموضوع يقول عنا جونجر :) إن عقولنا عبارة عن شبكة معلومات تستوعب كل المعلومات المتداخلة والمتشابكة يعني ماعندنا حركة هالصندقة :) ,,

الرجّال هو اللي يحتاج للتركيز في كل شغلة بلحالها ,, يعني مايقدر يركز في شغلتين بنفس الوقت ,, عشان كذا لازم يطلع من الصندوق اللي مركز فيه ويدخل في الصندوق الثاني عشان يركز فيه :)

<<<<<<<<<<< ماصار راس صار محل خضار على هالصناديق :)

حياك يالغلا وشرفتيني بضحكتك :)

[متعجب]

طرى علي واحد من الشباب

كل ما ننتقل من موضوع لموضوع ...يهنّق شوي <<:solh: >> تالي يستأنف الحديث

أثاريها هالصناديق.

/
/




يقالون بعد أن الرجل يحتاج بين فترة و الثانية الأنعزال بروحه و الصمت ..

حتى يفضي الصناديق المليانه و يسوي فورمات ..

صدق

[الجازي]

طرى علي واحد من الشباب

كل ما ننتقل من موضوع لموضوع ...يهنّق شوي <<:solh: >> تالي يستأنف الحديث

أثاريها هالصناديق.


وأخيراً ,, شهد شاهد من أهلها

بس عاد ياليت قومي يعلمون :)

حياك أخوي متعجب

وأشكر لك صراحتك وحياديتك :)

[يـــوسف]

الجازي كلام جرايد لاتصدقين


وصديقي العريف دحام يقول قل للجازي صناديق الحريم وش به


وانتن ماتصدقن تلقن خبر على الرجال اهيييب عليكن والقهر يقولون جنس لطيف وناعم :)










<- يهز راسه من البارح يبي يشوف بوه صوت ولا لا :(

[الجازي]

الجازي كلام جرايد لاتصدقين


وصديقي العريف دحام يقول قل للجازي صناديق الحريم وش به


وانتن ماتصدقن تلقن خبر على الرجال اهيييب عليكن والقهر يقولون جنس لطيف وناعم :)










<- يهز راسه من البارح يبي يشوف بوه صوت ولا لا :(

8
8
8
8
لو تهزه إلى بكرة ماراح تسمع صوت تدري ليه !!؟ :)













مو لأن مابراسك صندوق لا :)










لأن الصندوق اللي فيه فاضي :) :)



معليش يوسف ,, لو كلام جرايد كان مامحطت به هنا بس هذا كلام مدربين وأساتذة أمريكان أد الدنيا :)

وأزيدك من الشعر بيت صار معتمد ومطبوع في كتاب (( رجال من المريخ نساءء من الزهرة )) :)

وقل لدحام ,, الحريم ماعندهن صناديق ,,, روسهم شبكة معلوماتية على ذمة جونجر <<< نت إلا ربع :)

[عبدالرحمن]

حي الله الجازي>ودي اقول الريم!
فعلا لدى الرجل صندوق فاضي:a:!
ومن ينكره قد لا يعلمه فأعذريه!
وهناك صندوق اخر فاضي يحمله الرجل!
فأنصح الاآنسات معرفته قبل الزواج
حتى تعيش عيشه هنيه وسعادة يوميه:315r:!
اما من تزوجت وهي لم تعرف هذا الصندوق
فمالها إلا الصندوق الفاضي واللف حوله:315r:!

لك التقدير.

[الجازي]

حي الله الجازي>ودي اقول الريم!
فعلا لدى الرجل صندوق فاضي:a:!
ومن ينكره قد لا يعلمه فأعذريه!
وهناك صندوق اخر فاضي يحمله الرجل!
فأنصح الاآنسات معرفته قبل الزواج
حتى تعيش عيشه هنيه وسعادة يوميه:315r:!
اما من تزوجت وهي لم تعرف هذا الصندوق
فمالها إلا الصندوق الفاضي واللف حوله:315r:!

لك التقدير.

:)

تسنه عاجبك هالصندوق :)

بالله كم عندك من هالفاضيات :)

الله يستر منكم أنتم وصناديقكم ,, حتى الفاضي منها خطر تعبونه :)

يسلمو عالمرور أخوي عبد الرحمن

[ريم شمر]

ماش انا شاكه بهالجونجر !!

والله يالجازي انا اعتقد ان جونجر موب بصف الحريم :puzzled:

اتوقع انه مدسوس من عند حزب الرجال لأنه يحاول يبررلهم

قال ايش قال مساكين عندهم صناديق مختلفه

وعلشان كذا يالحرمه تحملي وتقبلي الوضع

خصوصا ان مختس شبكة انترنت :315r:




انتي متاكده انه ولد حموله وتكانه :a:

[شموخ شمالية]

الله يعين عليهم وعلى صناديقهم


وأنا من هالمنبر أقول للبنات وبصوووت عالي
يابنات أقعدن لاتعرسن تونسن بحياتكن ياحلالي


والا مو هيك أختي الجازي



موضوعك راقي يالراقيه


تحياتي يالغلا

[الجازي]

ماش انا شاكه بهالجونجر !!

والله يالجازي انا اعتقد ان جونجر موب بصف الحريم :puzzled:

اتوقع انه مدسوس من عند حزب الرجال لأنه يحاول يبررلهم

قال ايش قال مساكين عندهم صناديق مختلفه

وعلشان كذا يالحرمه تحملي وتقبلي الوضع

خصوصا ان مختس شبكة انترنت :315r:




انتي متاكده انه ولد حموله وتكانه :a:




أفا عليك ياريومة

يعني تتوقعين تفوت على صديقتك هالحركات :)

شوفي يالغلا

أنا أخضعت هالجونجري لدراسة مطولة ,,

وزي ماجاء في بالك قلت يمكن قال هالكلام عشان يبرر لهالرجال ويبعد عنهم الدخول في متاهات الحريم :)

بعدين ماش ,, قلت لو هالجونجري أصوله شرق أوسطية تمشي معه حركة هالمراوغة ,, لأن مايلف ويدور إلا ربعنا :)

بس طلع الضعيف أصوليه كنغرية استرالية على ذمة أبو سلطان :)

يعني ماله في هالأمور ,, الرجّال سيده الله حق :)

هذا كله رقم واحد :) <<< الحتسي اللي فوق قصدي :)

رقم اثنين :

على فرض إنه طلع فيه عرق شرق أوسطي وصار يبي يبرر لبني جنسه وهدفه مصلحتهم ,, وش استفاد !!؟

ولا شيء :)

بالعكس فتح عيوننا على صندقتهم هاللي معششة بروسهم :)

وبما إن روسنا شبكة معلوماتية فأنا قعدت أحلل هالصندقة وشلون نستغلها لصالحنا :)

طلع معي ياطويلة العمر نقطة مهمة اللي هي :

أخطر مافي صناديقهم هو هالصندوق الفاضي ,, ليه ؟؟

لأن باقي الصناديق مليانة وإذا فتحها فاعرفي إنه راح يكون مشغول فيها ومركز بقوة يعني مايقدر يروغ من هنا ولا من هنا :)

لذلك عنده هالصندوق الفاضي عشان يستريح فيه ويصك على نفسه ويمزمز عالآخر :) <<< على ذمة الفلاويين :)

وأنت عارفة هالشرق أوسطيين وش يسوي بهم الفراغ والفضاوة :)

وليتهم يكتفون بصندوق واحد فاضي ,, شوفي عبد الرحمن عنده صندوقين والله العالم تسانه ماعنده صندوقين ثانيات بعد :)

هالصناديق يعبونها بأشياء ماهي في صالحنا ,,

يعني صندوق يخصصونه للمسيار :)

صندوق لتجديد الشباب ,,

وصندوق عقب ماتصير رجولهم في القبر يخصصونه للزواج من القاصرات :)

عشان كذا ,, لازم نكثف تركيزنا على باقي الصناديق ونشغلهم فيها ,,

يعني خليه غرقان في الاسهم إلى راسه ,, وإذا طلع منها غرقيه في مشاكل السيارة ,, وإذا طلع منها غرقيه في مشاكل البيت ومقاضيه ,,

ومن صندوق لصندوق لما يضمر حجم صندوق الفاضي بسبب عدم الاستخدام :) ويتشمع بالشمع الأحمر ,,

ساعتها شوفي كم باقي في راسك من شعرة سوداء :) :)

وش رايك فيني بس ما أنفع خبيرة بصمات :) <<< ضربت الفيوزات :)

[الجازي]

الله يعين عليهم وعلى صناديقهم


وأنا من هالمنبر أقول للبنات وبصوووت عالي
يابنات أقعدن لاتعرسن تونسن بحياتكن ياحلالي


والا مو هيك أختي الجازي



موضوعك راقي يالراقيه


تحياتي يالغلا

هلا وغلا شموخة :)

لا يابعدي مو هيك

ليش ترفعين راية الاستسلام :)

لايأس مع الرجال ولا نساء مع اليأس :)

إلا اعرسوا بس خذوا دورات تنشيطية لشبكتكم المعلوماتية عشان تعرفون تتعاملون مع هالصناديق :)

اتفقنا ياعسل :)

[عبدالرحمن]

وليتهم يكتفون بصندوق واحد فاضي ,,
شوفي عبد الرحمن عنده صندوقين
والله العالم تسانه ماعنده صندوقين ثانيات بعد

هالصناديق يعبونها بأشياء ماهي في صالحنا ,,

يعني صندوق يخصصونه للمسيار

صندوق لتجديد الشباب ,,

وصندوق عقب ماتصير رجولهم في القبر
يخصصونه للزواج من القاصرات

البلا بالصندوق الكبيييير السررررري.!... اللي عند الرجالة ودي اعلم بوه بس خايف يغتالوني الرجالة!

[متعجب]

أووووعك تئووول..أوووعك

[ريم شمر]

^
^
اطلع منها انت وهي تزين :148r:


عبدالرحمن

تفضل معك المايك :315r:



الجازي :(



الظاهر اني انا اللي براسي صناديق :a:

عقب النقطه المهمه صرت مابقمعش :)


وشكله اللي مسوي مشكله صندوق فهودي الله يصلحه :d:


بروح انومه وارجع اقرا على رواق :)


الله يهدتيس لخبطتي الشبكه كلها :d:

[أهداااب]

وأنا من هالمنبر أقول للبنات وبصوووت عالي
يابنات أقعدن لاتعرسن تونسن بحياتكن ياحلالي




ا













يا عود ريحان يا مطرق اللوز ... كان ودكِ الهم خذيلك جوز :):)







خليكن من الصندوق الفاضي ..




و ركزن على الصندوق الأســـود .. :a:







كل وحده تحط هالصندوق في مخبا زوجها أو سيارته إذا طلع

حتى يوافيها بالأخبار أول بأول .. :)

[ابو ضاري]

ماتصدقن شي على الرجال

اصلا هذا هو مخه فاضي

يازين الحرمه وهي تطبخ لزوجه وهو جاي من الدوام

طيب روسكن وش بهن

الحريم قرقر واجد مافيه معلوم >>>>>>>>>>>متحمس يدافع

[الجازي]

البلا بالصندوق الكبيييير السررررري.!... اللي عند الرجالة ودي اعلم بوه بس خايف يغتالوني الرجالة!

سري !!؟

والله ماهقيت :)

بس شكل عندكم فائض في الصناديق الفاضية خصوصا بعد أزمة الأسهم وصناديقها الاستثمارية :)

[الجازي]

أووووعك تئووول..أوووعك

ماتخافش مايئدرش :)

[الجازي]

^
^
اطلع منها انت وهي تزين :148r:


عبدالرحمن

تفضل معك المايك :315r:



الجازي :(



الظاهر اني انا اللي براسي صناديق :a:

عقب النقطه المهمه صرت مابقمعش :)


وشكله اللي مسوي مشكله صندوق فهودي الله يصلحه :d:


بروح انومه وارجع اقرا على رواق :)


الله يهدتيس لخبطتي الشبكه كلها :d:



ريومة !!

وش جاتس ؟؟

أشك أنك انت اللي كاتبة الرد !!

أخاف إنه بس أبو صندوق :)

قصدي أبو طلال :)

أو بعد طلولي ناوي يجرب صناديقه علينا :)

فتحي زين وخلي عنك الصندقة وشغلي الشبكة :) وبتفهمين وإذا مافهمتي الشكوى لله استعيني بصديق :)

[الجازي]

يا عود ريحان يا مطرق اللوز ... كان ودكِ الهم خذيلك جوز :):)







خليكن من الصندوق الفاضي ..




و ركزن على الصندوق الأســـود .. :a:







كل وحده تحط هالصندوق في مخبا زوجها أو سيارته إذا طلع

حتى يوافيها بالأخبار أول بأول .. :)

:)

وشوله عاد وجع الراس :)

أنت اضبطي بس صناديقه وطريقة التحكم فيها عن بعد وأبشري بالخير :)

صدقيني ماراح تحتاجين لا لصندوق أسود ولا غيره :)

[الجازي]

ماتصدقن شي على الرجال

اصلا هذا هو مخه فاضي

يازين الحرمه وهي تطبخ لزوجه وهو جاي من الدوام

طيب روسكن وش بهن

الحريم قرقر واجد مافيه معلوم >>>>>>>>>>>متحمس يدافع

نطبخ ومالوه ياعم :)

بس مشكلة اللي يستغلون الأوضاع في حالة انشغال الست بالطبخ :)

تدري عاد !!؟

أوحيت لي بفكرة مشروع !!

مشروع يهدف لفتح صندوق للطبخ في روسكم ,, عشان يزيد انشغالكم وتفكون حريمكم على الدرب :)

يسلم راسك يابو ضاري على هالتشريف اللي فتح الآفاق لنا :)

[القناصه]

اصلا انا اشوف ان صندوق الرجال لازم يكون فاضي لانه لو بيتعبا بتغير نظرتي للرجال











الجازي اتوقع هالكاتب صندوقوه مفلل









تحيــــــــــــــاتي,,,,,,,,,

[عبدالرحمن]

يتضح ان معشر السيدات
لا يهمهن عدد ومحتوى الصناديق:3ajeeb:
بقدر مايهمهن عدد محلات الحلويات وانواعها:za3lan:
واخر تفتيحة واخر لون واخر صرخة واخر حشة .
والدليل انني قلت لهن بأن هناك صندوق مهم جدا
لمن تبحث عن السعادة والهنا:d:!
ولم اجد واحدة منهن سئلت عن هذا الصندوق المهم:a:


لذلك سأتحول من قاسم امين الى راجم امين!:a:

[الجازي]

اصلا انا اشوف ان صندوق الرجال لازم يكون فاضي لانه لو بيتعبا بتغير نظرتي للرجال











الجازي اتوقع هالكاتب صندوقوه مفلل









تحيــــــــــــــاتي,,,,,,,,,

أكيد مفلل ياقلبي

والا كان ماتشوفين هالدرر تطلع منه :)

[الجازي]

يتضح ان معشر السيدات
لا يهمهن عدد ومحتوى الصناديق:3ajeeb:
بقدر مايهمهن عدد محلات الحلويات وانواعها:za3lan:
واخر تفتيحة واخر لون واخر صرخة واخر حشة .
والدليل انني قلت لهن بأن هناك صندوق مهم جدا
لمن تبحث عن السعادة والهنا:d:!
ولم اجد واحدة منهن سئلت عن هذا الصندوق المهم:a:


لذلك سأتحول من قاسم امين الى راجم امين!:a:

عشان تعرفون إن معلوماتي ماتخرش الميه :)

هالحين ريومة تقول لك معك المايك ياعبد الرحمن تبيك تعلمها عن هالصندوق المهم ,, وآخرتها تقول لم أجد واحدة تسأل عن هذا الصندوق المهم !!؟

آآآآآآآه بس ياجونجر وينك تشوف نماذج لصناديق شرق أوسطية :)

بعدين ياراجم أمين من متى وجنسكم المصندق كان لجنسنا اللطيف ناصح أمين :)

يعني بتقدم لنا نصيحة وقلنا لك مامعنا ماعون على قولتهم :)

حط نصيحتك وشف تجاوبنا معها بعدين يصير خير ,,

أما سياسة التسحيب هذي ماتناسب روسنا الشبكية حنا في عصر السرعة ماعندنا وقت :)

[عين الصقر]

الله يعطيك العافية

تقبل مروري وتحياتي،،،

[الجازي]

هلا بك أخوي عين الصقر

شكرا لمرورك

[روح حايل]

وانا اقول ابوعبيد متنح !! اثاري الصندوق مابعد انفتح حق المره :)







ياغميضتنا بس ههههههههههههههههههه

[الجازي]

8
8
8
عاد أبو عبيد حاله استثنائية :)

لازم تفحصين صندوق المره عنده !!

احتمال ماتلقينه نهائي :)

تأكدي ياحيي تراتس غالية علي :)

وأبشري بالفزعة لو مالقيتي صندوقتس براسه :)

[روح حايل]

^






ابشرتس


















لقيت صندوق تجوري كله صكوك اراضي :)

[الجازي]

شوفي ياقلبي تسان لقيتي لتس صك باسمتس فأنت إن شاء الله على خير

عالأقل متذكرتس بقطعة أريضه :)

أما تسانهن كلهن باسمه

فالله يخلف عليتس ويعوضتس خير في الآخرة ولاّ الدنيا ماعاد يمديتس مع هالراس اللي ضاق بصندوقتس :)

عليه العوض ومنه العوض ياروح حايل :)

بس اصبري

وش رايتس تدورين في صندوق الرز :)

كوده حاطتس فيه مع هالعزايم اللي كل يوم والثاني :)

شوفي لعل وعسى الشكوى لله تراهم الله بالخير :)