ربك يحلها ...!!

[مهاجرة باحساس]

تقول: كنا في بداية زواجنا والالتزامات الماديه علينا متعدده ,مع العلم أننا لم نلتزم الا بماهو ملزم جدا وضروري للغايه ( أساسيات الحياة)

لنحيى حياة كـــريمة

بعد 8 شهور نصح أحد الاقارب زوجي بالتقديم على معونة أسرة وتكون مقطوعه من الضمان الاجتماعي..

جاء يقول لي :اريد دفتر العائله وعقد النكاح وعقد الايجار واضاف لهم تقرير عن الراتب الاساسي

قدم الا وراق ..وكل يوم نحلم بماذا نعمل بالمبلغ بعد مااخذنا فكرة بان مقدار المبلغ هو 7525ريال

وتعدي فينا الايام ويوم يجينا عسير ويوم يسير ,, تعقدنا كثير بس كنا ننتظر معونة الضمان


مرينا بأيام صعبة جدا ويحلها دوما ربنا

يفرجها ويرزقنا من حيث لانحتسب

مضى 9 شهور وزوجي في كل أسبوع يقول لي : دقي على مكتب الضمان يمكن فيه شي (( طبعا اذا كان هو في الدوام )) وكان الرد من الموظف : في أنتظار صرف الشيك !!!

يوم من الايام أتصل زوجي قال : أتصلي شوفي يمكن حصلنا شي ..تقول : دقيت ومشغول الخط مليت ورديت عليه بمسج أن الخط مشغول

الا بعد كم ساعه أتصل علي وصوته مبسوط يقول ابشرك الضمان كلموني أنا ماصدقت .. قال : بكرى اذا جبت الفلوس بتصدقين

يوم جا من الدوام الايقول لي ..تصدقين ان الاسبوع اللي طاف كنا في العمل ومجتمعين نسولف وننشد بعض عن الضمان لانه كم واحد منهم مقدم زي زوجي

الا كلهم يقولون ماحصلنا شي .. وفيه واحد موجود يسمع وساكت ..يقول: جاني, وقال: انت تبي ينزل لك المبلغ بأسرع وقت

قلت :أيه

قال : لي ولد عم بالضمان , ويقدر يغير لك رقم الشيك بدل اي شخص أخر بس بــ500ريال

ويصير دورك قريب

يقول: وافقت ,ولاني مصدق

قال: انتظر اسبوع ويصير اللي في بالك

زوجي يقول : والله ان المده أسبوع وبس والا يدق علي واحد ويقول : أنت الاخ فلان فلان يقول : قلت :أيه

قال : نتقابل بالشارع الفلاني ... وتعال خذ شيكك والفلوس

يقول: انا ماسولفتها لكي لاني ماكنت مصدق انها تصير ...

يقول: بصمني على الدفتر وطلع الفلوس واخذ 500 وأعطاني 7000 وعشان اكون دقيق وأمين عطاني الـ25 ريال

وراح وانا مصدوم

.

تقول لي صاحبة القصه ..أنها صاحت وقالت: يعني بــ رشوه ..يعني أنت ارتكبت ذنب الله يسامحك

تقول : والله أننا مافرحنا فيها وأن البركة منزوعه منها .
.
وتقول: زوجي حاول يخفف من قهري بأن الـ8 شهور اللي مضت كان يعمل معانا نفس الشي ومع غيرنا ..ناس تنقدم على حساب ناس
.


** أترك لكم التعليق على القصة**

[شنقل]

الفساد الاداري متفشي


اغلب المعاملات ماتمشي الا بالدفع








وربك يحلها

[طلال الاسلمي]

الفساد الاداري موجود لدى كل دول العالم


ولاكن المشكلة لدينا اننا لانحارب الفساد الاداري

كما يحارب لدى الدول المتقدمة

عندنا اذا الفاسد كشف وهو سارق مبالغ ضخمة يحول على التقاعد ويتمتع بجميع مميزات التقاعد


بمعنى اخر اذا اردت ان تتقاعد بدري اسرق واستمتع بعد التقاعد بصرف هذه الاموال


الفساد الادارى وصل حتى التوظيف فاذا اردت الوظيفة يجب ان تدفع رشوة ضخمة تصل الى خمسن الف ريال


انا لدى احد الاقارب دفع رشوة 30 الف ريال والان يعمل بشركة سابك براتب 5200 ريال

فهل راتبه حلال ام حرام لا أعلم !!!


وانا ارى ان القبيلة هي اساس الفساد لأسباب لان الفاسد اذا قبض عليه واحيل للتحقيق انطلق ليستفزع

بام الفساد القبيلة فذهب شيخ القبيلة الفاسد الكبير الى امير او صاحب سمو فويسد :315r: ليخرجه من هذا التحقيق



ايضا لدينا قصة كبيرة عن موضوع الفساد الاداري وهي قضية اللاعب ياسر القحطاني فشخص قبض عليه في استراحة مع نساء وخمر

ولم يسجن ولم يجلد لماذا !!!! لانه لاعب كرة قدم تبأ لكم !!!!


وهل اللاعب في دول الكفار لا يحاسب اذا اخطاء هذا لاعب فما بالك بابن شيخ القبيلة وابن المسؤول الفلاني

نحن في بلد نخرهاا الفساد نخرااا فاصبح الفاسد لا يحسب للشيء حسابة


فلو اردت ان تدخل على الامير فلان او صاحب السمو فلان لرفع مظلمة عنك لابد ان تدفع رشوة حتى تدخل !!!!

نعم نعم فالفساد الاداري والرشوة انتشرت لديناا

[بالمختصر..]

يا هلا بـ مهاجره ..


هي رشوه فعلاً الموضوع ما يبي له كلام ..

الله يعينه , و مشكله بعض الناس يتهاونون بـ الإجراءات الحكوميه و هي واجب عليهم كـ موظفين ! عشان يصير لهم مجال لـ الرشوه فقط !




.
.

[ماجد علوان]

فعـلآ ( ربك يحلهآ )..~!!

::
::
::



تـدرين لـيش هـ آلمشكلـه نشوفهآ
منتشـرهـ بـ مملكتنآ ؟ / عشـآن رآتب آلموضف 4000 ريآل
يجي ويروح ولآ يدري ويـن يصرفـه ، آنآ مآتكلم عن آلجميع بل عن ضعآف آلنفوس..!!


بـ آلآخيـر مثل مآتفضلتـي عزيزتي ( ربك يحلهآ ) ..~!!


::

::



دمتي بخيـر عزيزتي

[شنقل]

^
^
^

تعرف احد في بلدية الخفجي

ابي منحه قالوا لي ادفع وتجيك منحه خلال اسبوع

[منصور الغايب]

الفساد الاداري وبيع الذمم والرشاوي ... تفشت ...



ولكن فينا يخص هذه الحادثة .... فاتذكر فتوى لاحد العلماء .... لا يحضرني اسمه ... لو ساعدنا أحد الاخوة بالبحث لكان افضل ...


تقول الفتوى ... انه اذا كان الموظف يحرم حقك ويقدم عليك غيرك من اجل ان تعطيه رشوة ... فالاثم يكون عليه هو ... لانك اخذت حقك .. ولم تأخذ حق غيرك ...


قد أكون مخطئا ....



شكرا لك مهاجرة ... مواضيع .. تلامس حياتنا ... وكأنك تتكلمين بلسان الجميع .... هنا ...



شكرا لك ...

[الشاهري العبيدي]

المصيبة أن يجبر الشخص على الحرام




ؤشوة وتعدي من المسؤل على حق عائلة ثانية



والله المستعان




لو وقفت أنا وأنت بوجه مثل هؤلاء
ولو كان هناك من المسؤلين من يخافون الله اولا

لما تعطلت اوراقهما ولما تجرأ الموظف على مثل هذه الجريمة




شكرا لك اختي و|أعان الله المساكين

[مهاجرة باحساس]

الأخ شنقل ..نعم هو فساد أداري واخلاقي ..يعني يساوم شخص عشان يحصل على مسااااااااعده <<< :za3lan:

[مهاجرة باحساس]

الأخ طلال ...أنا دائما افكر بشغله معينه اللي هي .. كيف مسلم يهضم حق مسلم .. ولايدفعه اليه الا بعوض << يعني أنت تحرم أنسان من التنفس وحل مشكلاته بسبب جشعك وطمعك

ليه مايحارب هالشي ؟
ليه مايخاف المرتشي من انه ينكشف ؟
ايش اللي يقوي من عزيمته على هالافعال ؟


اما شيخ القبيله فحدث ولا حرج :) بالفعل دائما دوره بارز بحل القضايا الملزمه بالعقوبه ...( ويخرج من توسط له مثل الشعره من العجين )

[مهاجرة باحساس]

هلا بالمختصر ..

ياريت الموضوع تهاون في اداء العمل او تقصير ... هو تعقيد وعرقله الين مايوصل الانسان الى مرحله يبيع روحه عشان يخلص

[مهاجرة باحساس]

الاخ ماجد ... احيانا المرتشي طافح فلوس ... وراتبه ممتاز لكن الطمع وضعف النفس زي ماتفضلت وقلت ( ضعاف النفوس) وهذي هي المشكله

اذا نفسه ماردعته اذا ماخاف من الله ...على الاقل يخاف من الحساب والفضيحه ... لكن اللي اتضح لي من وراء هذه القصه انه متعود يواعد الناس بالشوارع ولاهو خايف من شي

[مهاجرة باحساس]

شنقل ... سمعت انا كم قصه عن بلدية الخفجي .. وفعلا فيها محسوبيات ومجاملات واللي مصاحبينه يسوي اللي يبي وغيره تعقد معاملاته وربك يحلها

[مهاجرة باحساس]

الاخ منصور ... يقولون.. ان هذا حل لتجاوز المحن اللي يمرون فيها ... يعني ضحى بـ 500 لاجل 7000لانه محتاجها بالحيل ,, والذنب ماحاك في النفس وخشى ان يطلع عليه الناس

ودائما اسمع ان اللي يمرون بالموقف هذا او شبيه فيه ... يحكون مايحصل لهم ويسمون الاشخاص والاماكن ولاهم خايفين من شي


لكن الله اعلم بحكم ماحصل ...هل هو حلال ام حرام

[مهاجرة باحساس]

نعم يالشاهري ..يجبر على ارتكاب الذنب وهو ضعيف في هذا الموقف .. والتعدي على الحقوق موجود في الضمان .. وبنك التسليف ..والبنك الزراعي والعقاري << والخ

[ريم شمر]

كنا نستغرب من بعض الدول اللي مايمشي فيه احد الا بالفلوس

في كل مكان لازم تدفع علشان تمشي امورك

وكان الامر عادي عندهم

واصبح للاسف عادي عندنا


لااعلم كيف يفرح احدهم بمال حرام وهو يعلم انه لابركه فيه لادنيا ولااخره



شكرا لك مهاجره

منورتنا rooose2