((نقاش)) في الدوري السعودي [الأرشيف]

مشاهدة النسخة كاملة : ((نقاش)) في الدوري السعودي

أحمد

13-02-2010, 10:55

بسم الله الرحمن الرحيم

والصلاة والسلام على سيد المرسلين

اما بعد

اعزائي الرياضيين الكل تابع بالتاكيد خلال الفترة الاخيرة مايدور في لجان تطوير الدوري السعودي من اختلاف في الاراء حول زيادة عدد

فرق الدوري السعودي وتأكيدات الاتحاد الآسيوي حول امكانية خسارة مقاعد للفرق السعودية المشاركة في البطولة الاهم قارياً والتي ربما

تتقلص الى مقعد او مقعدين فقط للاندية السعودية والتي تحضى حالياً باعلى عدد بالمشاركة مع بعض الدول المتقدمة في هذا المجال

والتي تصل الى اربع مقاعد

الاتحاد السعودي بين مطرقة القبول بزيادة جولات الدوري باحد الطريقتين اما زيادة عدد الفرق او اضافة جوله ثالثة ومابين سندان الرفض

والبقاء على نفس الوضع لضمان عدم التاثر الفني للدوري السعودي

ومابين المطرقة والسندان يرى الجميع محاولة السرية المفروضة على العاملين بالاتحاد السعودي والتخبطات المتوقعه من اللجان والبحث

عن العائد المادي للنقل التلفزيوني من راس الهرم السعودي في مجال الرياضة

يرى الغالبية من المهتمين بالشؤون الرياضية ان الزياده المفاجئة ستضر بالدوري فنياً ويرى البعض ان القنوات الناقلة لن تجامل في دفع مبالغ

ضخمة لدوري مهدد يالانتكاسة

اذا افترضنا جدلاً ان الدوري السعودي هو الاقوى عربياً فما هو رأيك عزيزي القارئ بما يحصل حالياً هل انت مع زيادة الجولات والحفاظ على

المقاعد الاسيوية لانديتنا او تؤكد على ارتياحك من بقاء الوضع كما هو والتنازل عن بعض المقاعد في سبيل ضمان بقاء توهج الدوري؟

وتري مكاسي

أحمد

13-02-2010, 11:06

انا عن نفسي ارى ان الزيادة لابد منها مع التاكيد على تسليم الاندية للشركات لتكون راعية رسمية لها بعيداً عن مضلة الاتحاد السعودي

مع إجبار الاتحاد السعودي على بناء ملاعب خاصة للاندية على اعلى مستوى وعلى الطرق الحديثة وكذلك رفع ميزانية المكافئات في البطولات او في الفوز او في دفع مقابل الحظور الجماهيري بدون اقتتطاع البعض منه والتي تجعل الشركات الكبرى تتسابق على طلب رعاية الاندية

مع تقليص عدد المسابقات في الموسم

مع زيادة ثلاث لاعبين من دول الخليج بما فيهم مركز حراسة المرمى ومعاملتهم معاملة اللاعب المحلي

وبعد ذلك الصبر على المردود الفني خلال الموسمين الاول والثاني بعد التطبيق ومن ثم البحث عن قنوات ناقله بمبالغ تغطي التكاليف

وتري مكاسي

القعيطي

13-02-2010, 14:57

والله فكره حلوه

بس ياريت يزيدد عدد المحترفين من اربعه الى سته كي يكون للفرق الضعفيه قوه في اليطوله

والفرق الصاعده من الدرجه الاولي اذا قدمات مستوايات حلوه يعطيهم مكافات اكثر من الحصل على المركز المتقدمه

تقبل مروري

القناصه

13-02-2010, 20:21

يعطيك العافيه مشرفنا

بس قبل اقول رايي بس بغيت جواب من شخص يملك عقليه كرويه زيك
توقع زيادة عدد الجولات بيطفي من توهج الدوري؟؟؟

صراحه استمتعت بكل كلمه كتبته

لي رجعه بس ماقدرت اقرى هالموضوع ولا ارد

تحيــــــــــــــــــاتي,,,,,,,

شرهه

14-02-2010, 01:41

عادي نناقش معكم ... والا مهو عادي

شرهه

14-02-2010, 04:05

^

اندزلعي

فيما مضا كان قلمي مقيد و محتكر لمضيف الالغاز فقط ... ولكني كسرت هذا القيد لاجل هذا النقاش و لأجلك صديقي الجثري>>>>اجل منهي اللي له قهبدتن بالفله مشوين

وعندما كسرت قيدي .. اكتشفت ان النقاش للدوري السعودي ... وللاسف انا ثقافتي طليانيه

بس ابحاول اشارككم النقاش ... وين واحد شقردي بس

الحنشل

14-02-2010, 04:54

ودي أشارك .. بس و الله إني عدد الفرق المشاركة الحين ما أعرفه

أصلن كم دوري عندنا ما أدري .. اللي أخبر الدوري العام و هدف ماجد بالهلال عام 1413هـ :)

أحمد

14-02-2010, 10:21

شرهه

وجودتس بالرياضي يعني لنا الشيء الكثير

نظراً لما املكينه من مخزون معلوماتي رائع

ومثل هالنقاشات البحث فيها عن عقليات بحجم عقليتكم

<<<<< وشرايتس عقب هالمدح والله لو ماتناقشين ان ماعندتس سالفه

أحمد

14-02-2010, 10:22

الحنشل

عدد الفرق هالحين 12 ولازم يزودونه الى 16 او 18 لان هذي طلبات الاتحاد الاسيوي

عاد انت اجدع رايك هي زينه او لا

والتضامن ماتدري باتسر الا وهم يطابقون بدوري زين

أحمد

14-02-2010, 10:24

اخوي القعيطي

شكراً على ابداء رايك وياليت المهتمين بالدوري السعودي يتركون عنهم عد الفلوس ويهتمون بالرياضة

على فكرة يالقعيطي

اول مره تحط توقيع ويعجبن هههههه حاول انك ماتغيره

أحمد

14-02-2010, 10:25

شيخة الرياضيين

الموضوع مايكتمل الا بملاحظاتك وابداء رأيك

بانتظار تفاعلك اختي

سلطااان السويري

14-02-2010, 11:58

انا اوافقك الراي الجثري

بالنسبه لزياده عدد الانديه

شرهه انتي والحنشل

تابعو الدوري السوداني ترونوه شي:)

واهم شي شجعو ام درمان

واحد شقردي

14-02-2010, 16:42

كلام قووووووووووي وفيه مشاكل كثيره

صديقي خل الهرم عنك و مبروك الفوز البارح (( والله يستر علينا الليله ))

بنسبه لي اتمنى يزدون الفرق الى 16 و يلغون بعض البطولات الزايده مثل كاس فيصل و ولي العهد

ويصر بس بطولات الدوري و كاس الملك (( مثل اسبانيا ))

وطبعا اذا زادو الفرق من 12 الى 16 بيرفعون اربع فرق الدرجه الاول
و بيرفعون اربع فرق الى الدرجه الثانيه وراح تشوفوت الجبلين يفحط في الدرجه الثانيه
كل شوين داقين لهم حكم ههههههههههههههههه

ومضه

شرهه

عليك صوره رمزيه (( وش تحسين فيه انتي ؟؟؟؟؟؟؟ ))

الحنشل

اخر علمك بالكوره من ابو عبدالله

يالله دخلك اثرك معمر بالارض احسك شايب وبس تقرط هالوغدان

مشرفنا نقاش رائع ليه ما تثبته يالبيز ؟؟؟؟؟؟؟؟؟

الحنشل

14-02-2010, 16:46

^
^

أنا أشجع فريق النيل الحصاحيصا

.
.

الجثري

إنت وش رايك :)

صراحة أنا أشوف لو يعرفعونه إنه أحسن .. بس أتوقع إن الإثارة بالدوري راح تقل << أخس عاد يا المتابع

شنقل

15-02-2010, 05:00

وتسديده قويه من طارق العواضي

عبدالله الجعيثن

15-02-2010, 08:32

الجثري

كلام سليم...شريطة الغاء دوري كاس فيصل

اللي ارى حقيقه انه ماله داعي....وانشاء اكثر من مدينه رياضيه متكامله ... وعدم زيادة اللاعبين الاجانب

شرهه

15-02-2010, 09:43

8
8

كلام سليم ميه بالميه

كل البارح وانا اكتب نقاط وحالتي حاله ... عن هالمدحة اللي قلته بي :)

يوم راجعت الردود الا كل الكلام اللي كنت ابقوله .... في ردك اخي الجثري و تكملته برد اخوي الجعيثن >>اتسرررخ

ولا ازيد على كلام اخوتي شيئا الا هالنقطه

لو يخلون فيه مكان للنساء بين المدرجات كان هم اكوس شي :) >>برررررررا

واحد شقردي ... احس انني ولادن منا حلوي :)

سلطااان السويري

15-02-2010, 10:24

^

صحيح شرهتس كبيره

اجل تبين تدخلين الملعب

شرهه

15-02-2010, 10:26

^

منا عيني n)

سلطااان السويري

15-02-2010, 10:29

شرهه يعني فرضن

تخيلي انهم دخلوتس الملعب وش تسوين

انا اتوقع انك تبين تسفتين بنص الملعب وتقومين تصفرين وتحيين الجمهور:)

شرهه

15-02-2010, 10:34

والله يا صديقي سلطان لم افكر قط في هذه اللحظه ...

شكرا لك لأنك فتحت لي المجال ...

اعتقد انني سأتنح نعم نعم سأتنح ...

اقول شكلنا بعصنا الموضوع هالحين يجينا الجثري و يذتسينا

الفركه وانا اختك

سلطااان السويري

15-02-2010, 10:36

^
اوووف يازينه لو يجي ويلقاتس متربعه

ويعطتس لتس مخالفه ماحلا منه:)

عبدالله الجعيثن

15-02-2010, 13:34

<<<يدودله وماسكه بقرونه..ويرميه برا الرياضي

شرهه

15-02-2010, 14:03

>>>>ماحست بروحه الا هم مطوحينه عند لغف المتواجدين الان

أحمد

15-02-2010, 17:16

هههههههههههههههه

ياحلو زول شرهه وهم يتسحتونة الامن طابتن بالملعب

قريناته وجلاله وتسرعانه يتعاقبن من السرعه خخخخخخ

أحمد

15-02-2010, 17:19

ابو غازي

كاس فيصل ولايهون كاس ولي العهد

وزيادة المحترفين الاجانب تعطي ميزه للفرق الصغيره للمنافسة

اما اذا قصدك ان هالشيئ يضر بانجاب المواهب للمنتخب السعودي

فالمنتخب من جرف لدحديره ببركات الدكتور سلطان

تري مكاسي يابو غازي

أحمد

15-02-2010, 17:21

سلطان السويري

يوسف الثنيان مره بحدا الاستديوات التحليلية يقول للي معه لحد يقول والله مثل ماقال الاخ فلان ومثل ماقال الاخ فلان كل واحد يقول اللي عنده

عاد انا من غلاي ليوسف الثنيان اقوللك عطنا اللي عندك خخخخخ

تري مكاسي يالعشير

شرهه

16-02-2010, 02:24

^
وأنا بعد اباخذ براي يوسف الثنيان :(

و آخذت الموضوع بجد
وحبيت اشارككم بكم نغطه ..

عاد الله وأكبر يالدوري الاسباني على غفله :)

أنا مع الزياده في عدد الفرق لإنها سترفع من المستوى الفني للدوري شريطة الغاء احد البطولات
إما ولي العهد أو كاس فيصل أو تخصيص كأس فيصل للعولمبي فقط مع زيادة لاعب اجنبي ليصبحوا خمسه ثيين من اسيا و ثلاث من باقي القارات>>عقليه كرويه فذه :)

واقرار نظام الخصخصه ليستفيد كل فريق من جماهيره مع بناء ملعب خاص لكل فريق كما نشاهد في قطر

والدوري السعودي اذا ما فقد توهجه فسيكون ذلك بسبب تخبطات اللجان و سياسه الكيل بمكيالين

و اجزم بل اقسم انهم لا يفهمون في عالم الكره شيئا اذا تخلوا عن المقاعد الاسيويه لهذه الاسباب الغير مقبوله

و ايضا لو يضعون قسم خاص للنساء في المدرجات انهم لا يغدون خوش ناس :)

و شكرا

كان معكم .. م / ا >>اختصار مشرفة الالغاز

شرهه

منيف الوبيري

16-02-2010, 10:26

عمتم مساء يااخوة العرب !!

وشلونكم كلن بأسمه ..

نبي نخـــــــــــش عررررض بالنقاش

بالنسبه لزيادة عدد الانديه

أتوقع مامنه فايده ,, بالعكس راح تضعف قوووة الدوري السعودي

الحين والدوري 12 فريق

اللي متنافسين ويقدمون مستويات كويسه خمسه فقط

الهلال والنصر

والأتحاد والاهلي والشباب

والباقين اذا فاز بمبارتين ورا بعض ياسلام عليهم !!

لكن اذا يبي يزيدون فرق الدوري لازم عليهم الاتي (( وجهة نظرشخصيه ))

رفع مكافأت الفوز اضعاف اضعاف مضاعفه

انشاء ملاعب للانديه عشان يلعبون المبارايات بملاعبهم

المحترفين الاجانب ,, اتوقع اربع لاعبين ممتاز بالحيل

اذا استثنينا اللاعب الاسيوووي (( يعني خمسة اجانب ))

لجنة التحكيم

لجنة الانظباط

لجنة الاستئناف

لازم لازم يكزنون مفرغين تماما ,,

وياحبذا اذا كانوا اجانب اول ثلاث سنين !!

الاهم الاهم الاهم

جدولة المباريات ,, حنا 12 فريق ومانعرف نرتب وضعنا ,, اجل 16 أو 18 وش نسووووي !!

والمهم جدا جدا :: تقليص عد البطولات

الدوري والكاس فقط

وفي بداية الموسم مباراه السوبر بين بطل الدوري والكاس !!!

ومضه // كش عليكم كلكم

أحمد

19-02-2010, 23:51

خالي منيف

اولاً كش عليك ليه كل هالبطى

ثانياً عمتم مساءً به وجهة نظر

ثالثاً كل دواري العالم مايصير به اكثر من ثلاث او اربع فرق تتنافس على البطولاة في الموسم

والباقي من آرائك الشخصية انا اتفق معك اتفاق كامل

كل آرائك صائبه وفي محله وخصوصاً جدولة الدوري

تري مكاسي يالعشير

شرهه

20-02-2010, 07:10

^
^

وانا طيب ليه ما رديت علي :za3lan:....

يوم حتسيت من صددزي جيت ابناقش وانت تسحب علي
هههههههههههههههههههههههههههه

والله ماعوده خلاص بس رد علي هههههههههههههههه

>>جالستن تلقط وجهه

جمران

22-02-2010, 01:39

والله اني ارى مافيه جدوى من زيادة عدد الفرق

الشئ الوحيد اللي لازم يحصل هو

يكون بس بطولتين هما

الدوري وكأس الملك فقط

منها يزيد تركيز الاندية والجماهير على البطولتين

لأنه صراحه تشوف المباراه تحسبه بالدوري وهي في مسابقه اخرى

ثانيا

اراحة اللاعبين والجماهير ايضا من كثرة المشاركة والمتابعه

ايضا امكانية التحكم بالمباريات مثلا في الدوري

اذا شاركت اربعة اندية في الاسيوية يمكن ادارة المباريات المؤجله ولاتكثر على فريق او فريقين دون الاخرين

جمران

22-02-2010, 01:40

واهم شي ان الرئاسة العامة لرعاية الشباب تعتذر عن مشاركة الانديه في البطوله العربيه

لانه بالعربي مافيها فايده

جمران

22-02-2010, 01:42

والا انا مخطئ