&& وباقـي الهـرج لابــاس &&

[عبدالله الجعيثن]

ابيات جاءتني على الايميل وأعجبتني!!!







حط الكـلام اللـي يهمـك بصنـدوق
اقفـل عليـه وباقـي الهـرج لابــاس

سرك اليا ابديتـه علـى اعـز مخلـوق
بكره يسولف به عليـك امحـق النـاس

وأحذر تصاحب لك من الناس مطفـوق
هماز فـي اعـراض الاجاويـد هـلاس

ارفع مقامك عـن مقـام الدنـي فـوق
وتلقـا مـع الربـع المطاليـق مجـلاس

وأحرص على قرب ارجح(ن) طيّب عموق
ان جمـلـك وإلا مـخـاواه نـومـاس

واليـا بنيـت فسيـس البنـي بوثـوق
احفظ مواثيقك تـرى العـرق دسـاس

الحر يبـدي فـي حجـا كـل شاهـوق
والبوم تلقـى لـه بألانقـاض مدعـاس

واليا هرجت فخـل هرجتـك برفـوق
اقصر عن اللي لاهـرج يمـرس امـراس

وأصفح بحلمـك عـن مداريـق داروق
وأيـاك تطـرد كلمـةٍ مالهـا ســاس

ترى سكاريـب السلـع مالهـا سـوق
ولايستـوي قـدر الكراعيـن والـراس




للشاعر/دسمان بن مناحي السبيعي

[ام الرغفان]

صح لسان شاعرها وتسلم يد ناقلهاا



لاهنت يابو غازي

[سلطااان السويري]

ابو غازي

لاهنت على النقل يالذيب

الا تعال وش اليوزر نيم حقك بتاع الشركه:)

[صلفيق]

صح لسانك ولسان شاعرها

تسلم ايديك يابو غازي




احتراماااااات

[شموخ شمالية]

ابيات جاءتني على الايميل وأعجبتني!!!






حط الكـلام اللـي يهمـك بصنـدوق
اقفـل عليـه وباقـي الهـرج لابــاس

سرك اليا ابديتـه علـى اعـز مخلـوق
بكره يسولف به عليـك امحـق الناس






صح لسانك ولسان الشاعر

ولاهنت ياأبوغازي على هالراائــعة اللي فيها من الحكم الكثير والكثير

لاعدمنااك والله

شرفتنا بحضورك ونقلك المميّــز

لك احتراامي والتقدير

[بعد ملي]

صح لسااانك ولسان مبدعها

قصيده أكثر من رائعه

يدل على قمه في الذوق والاختيار

يعطيك العافيه ,,

[سلام]

حط الكـلام اللـي يهمـك بصنـدوق
اقفـل عليـه وباقـي الهـرج لابــاس





تسلم يالجعيييييثن





صح لسان شاعرها وسلمت ايد ناقلهااا






دمتم بخييييييييير

[واحد شقردي]

نصيحه رائعه

بيض الله وجهك يا الذيب


بس وش عندك مسوي رومنسي وكاتب بالاحمر

يا خوك اعميتنا هههههههه