عزة النفس

[الحنشل]

بالخير عليكم كل أبيكم


اليوم رحت أفرفر بحواري الإنترنت .. و كل شوي داخل بلي داعوس


و أنا أقع على لي قصيدة و جازة لي قلت عاد ما بدهاش يا زلمه


جبه للربع و خلهم يحلون به عقب صلاة الجمعة







يانفس صدي .. عن علوم الردييـن // بـابٍ تقفــل .. مالنـا فيـه حـاجـه

حنـا خلقنـا الله .. رجـالً عزيزيـن // و الذل عقب العز .. و الله سماجه

لو ضاقت الدنيا .. يبي ربـي يعين // عند الولي ضيق الزمـن و أنفراجـه

لازم نبي نصبر على العسر و اللين // يوم الردي طفـى زمانـه سراجـه

لابـد مالأحـوال.. فالأخـر تـزيـن // الجرح مهمـا طـال .. يلقـى علاجـه

حنا هـل الطالـه .. كعـام المعاديـن // اللـي يعاندنـا .. نعـكـر مـزاجـه

تبقى الكرامـه للرجـال الكريميـن // وألا الدجاجه طول عمـره دجاجـه

واللي يبي يمشي على الشرع والدين // أليا دخل في شـي يعـرف خراجـه

يبقى على عزتـه بالمنهـج الزيـن // ويشرب قراح الماء .. ويتـرك هماجـه

و الجاهل اللـي ضيعـوه الشياطيـن // مثل السجين اللـي يـدور أفراجـه

أيجيبلـه حجـه .. بلـيـا براهـيـن // و يـوذي العالـم .. بكثـرت أزعاجـه

مجنون من ضمن العبـاد المجانيـن // و من عادت المجنون كثـر اللجاجـه

هذي مـن الدنيـا .. دروس و قوانيـن // و لازم نبي نصبـر علـى مانواجـه




الشاعر / خالد الوبيري

[ابو ضاري]

لاهنت يالغالي الحنشل

وصح لسان الشاعر وبيض الله وجهه اللي نقلها

[شموخ شمالية]

هذي مـن الدنيـا .. دروس و قوانيـن // و لازم نبي نصبـر علـى مانواجـه







صح لسان الشاعر خالد الوبيري

ولاهنت أخوي الحنشل على نقلك لهذه القصيدة الرائعه

لاعدمنااك


لك كل الاحتراام

[ام الرغفان]

صح لسان راعيهاا


وسلمت يد ناقلهاا


تقبل مروري

[عبدالله الجعيثن]

تسلم يالذيب




وصح لسانك ولسان الشاعر

[بشير اللويش]

تسلم بعد حيي

كثر من هالدوجه .. وكثر لنا من هالهدايا

صح لسان شاعرها ... ودمت بخير ياناقلها

الراسي

[صلفيق]

تبقى الكرامـه للرجـال الكريميـن // وألا الدجاجه طول عمـره دجاجـه

صح لسانك .. وتسلم اياديك
وصح لسان الشاعر


لاهنت يالحنشل

نقل رائع وحنشولي أروع

[الحنشل]

الله لا يهينك يا ابو ضاري

[الحنشل]

شموخ


الله لا يهينك .. تابعي قناة mbc


به برنامج على كيف كيفك

[الحنشل]

أم الرغفان .. الله يسلمك



بس ماودك تقولين لنا قصيدتك


تراني أحبك .. لا لا محال
أنا لا أحب و لا أغرم

[ام الرغفان]

ههههههههههههههه حنشل رح للفله بدون فضايح

[الحنشل]

صح بدنك يا ابو غازي


الا على طاري الذيب .. ما عينت راعي الإلتيما

[الحنشل]

دام راسك يا ابو سلطان



سين سؤال .. تعرف د/ سلوى الهزاع


<< يتابع برنامج على mbc

[الحنشل]

الرائع حضورك يا صلفيق .. شرفتني بمرورك يا الغالي

[بعد ملي]

لو ضاقت الدنيا .. يبي ربـي يعين // عند الولي ضيق الزمـن و أنفراجـه

اخي الحنشل

سجل اعجابي بروعة اختيارك

سلمت وسلمت يداك

[الحنشل]

بعد ملي


حياك ربي .. وسجلي اعجابي بمرورك


لك الود

[سلام]

تبقى الكرامـه للرجـال الكريميـن // وألا الدجاجه طول عمـره دجاجـه





ههههههههههههههه


الاغلبية جاز لهم هالبييييييييييت صراحة حلووو


اهم شي انت صليت الجمعة ؟؟



تسلم ويسلم شاعرهاااا


لامست ايدك النار ولا ايد الجمييييييييييييع


دمت بخييييييييير’,,

[الحنشل]

سلام ..


حياك ربي .. و الأحلى حضورك



على طاري الجمعة


يا اخي احس فيتامينات الإيمان عندي ناقصه .. اليوم يا الله لحقت على صلاة الجمعة


و الشي هذا ملاحظه من اسبوعين


الظاهر يلزمنا نراجع المضيف الاسلامي

[سلام]

^

حيااك ربي


انتبة من ترك الجمعة 3 مرات يعتبر فااسق ع حسب الي انا افهمة


راجعة الله يصلحنا جمييييييييييييع ,,

[الحنشل]

ليته على الفسق و بس .. الا يقولون يختم على قلبه


حلو وجهي .. حنشل و مختوم على قلبه

[فوووز]

,


لازم نبي نصبر على العسر و اللين ..

,

تسلم أخوي الحنشل على الاختيار


وصح لسان الشاعر,

,

[ليلى بنت عبدالعزيز]

لو ضاقت الدنيا .. يبي ربـي يعين // عند الولي ضيق الزمـن و أنفراجـه





صح لسان الشاعر وتسلم يدينك

[الحنشل]

فوووز


الله يسلمك .. أعذرينا على التأخير بالرد

[الحنشل]

أم محمد


الله يسلم غاليك .. و أعذرينا على التأخير