ياجسمي الهالك ويا عيني الذبلا

[عز الجبيل]

ياجسمي الهالك وياعيني الذبلا

وياقلبي اللي تضيق بصدري فجاجه


ويارجلي اللي على درب الشقى عجلا
كفي خطاويك مالي بالعنا حاجه


يكفيني عْزومي من كثر العنا ثملا
ويكفي عذاب (ن) تلاعب فيني أمواجه


النفس من جور وقتي صاير كهلا
تموت وتحيا .. وأطالب ربي إفراجه


تعبت أصب الحزن في داخلي وأملا
صدر(ن) طفح من شقاه ويصعب علاجه


وأقول عل الهموم بدنيتي تجلا
ويعود ماضي طفى من مبطي سراجه


وأعيش قرب الخليل أضحك معه وأسلا
أصبح على جفونه وأمسي بطلقة حجاجه


وأهلي بعيونه .. يا أهلاً وياسهلا
ويامرحبا باللي عرق القلب يحتاجه


تعال واطرد هموم (ن) فيني تتسلا
خل البلا عن حياتي يعاود أدراجه

[بتول آل علي]

صح لسانك اخوي عز الجبيل

،


ابيات جميلة و لكنها تخللها بعض الهنات الوزنية ..!

و خذ هذا البيت كمثال /

وأعيش قرب الخليل أضحك معه وأسلا
أصبح على جفونه وأمسي بطلقة حجاجه

،

الشطر الثاني هنا خرج عن وزن باقي الابيات

أو لعلّي لم أقرأه بصورة جيدة


فأتمنى منك التوضيح


و لك جل الشكر و الامتنان



أختك

الدهور

[نهير النمش]

عز الجبيل


الله يعافيك


قصيده جميله لاهنت


تقبل مروري

[عز الجبيل]

صح لسانك اخوي عز الجبيل

،


ابيات جميلة و لكنها تخللها بعض الهنات الوزنية ..!

و خذ هذا البيت كمثال /

وأعيش قرب الخليل أضحك معه وأسلا
أصبح على جفونه وأمسي بطلقة حجاجه

،

الشطر الثاني هنا خرج عن وزن باقي الابيات

أو لعلّي لم أقرأه بصورة جيدة


فأتمنى منك التوضيح


و لك جل الشكر و الامتنان



أختك

الدهور


صح الله بدنك اختي الدهور ولاهنتي

قد يكون هناك خلل ولكن على حسب قرائتك للنص كما ذكرتي وأنا لا أبرئ ساحتي من الخطا وقد أكون مخطأ أو مصيب لكن من وجهة نظري لا ارى خلل بالوزن

بالنسبه للشطر الثاني المذكور وهو :

اصبح على جفونه وامسي بطلقة حجاجه


اعتقد انك تقصدين كلمة ( أمسي ) إن ما خاب ظني

ونطقها ليس كما هو مكتوب بالضبط .. تنطق وكأن الألف غير موجوده أي بمعنى آخر نستغني عن حرف الألف ونتكتفي بتسكين حرف الميم ،، بهذا الشكل ( ومْسيي )

هذا والله أعلم

وشاكر لك عزيزتي هذه المداخله

تحياتي لك

[عز الجبيل]

عز الجبيل



الله يعافيك


قصيده جميله لاهنت



تقبل مروري



ولا تهون اخوي صفق الهوى

حضور مشرف عزيزي

شاكر لك هذا المرور

تحياتي لك