الله لا يسامحكم !!

[عبسي]

مساء الخير على الجميع







الله لا يسامحكم دايم يردده جميع الطلاب والطالبات عندما يذكر إختبار القدرات !!



تصدقون ياجماعة الخير أن إختبار القدرات هو الوحيد اللي أجمعو عليه الطلاب والطالبات والمعلمين والمعلمات على عدم الفائده منه !!



أبذكر لكم قصتين واقعيه الأولى معي والثانيه مع صديق لي


صديقي طالب مجتهد ما شاء الله عليه متوفق في جميع المواد

أشترطت الجامعات وجميع المعاهد والوظائف على نتيجة القدرات

سجل صديقي بالإختبار بعد أن دفع مئة ريال رسوم الإختبار

أشترى جميع الكتب اللي ترشده للإختبار (( الغريب ))

حفظ جميع الكتب تقريبا وأختبر اكثر من إختبار تجريبي قبل يوم الإختبار

دخل الإختبار وهو مايعرف نوعية الأسئله اللي تبي تمر عليه هل من الكيمياء ولا الفيزياء أو الرياضيات أو النحو !


وزعو على جميع الحظور أوراق الإمتحان جاوب على جميع الأسئله ولمدة أربع ساعات لا يستطيع الإلتفات أو التحرك من مكانه !


(( في النهايه راح تعرفون كم جاب صديقي من درجه ))

أما انا مطنش للإختبار حتى ماسجلت عن طريق النت ولا اخترت المكان اللي أبختبر فيه

لاني متيقن أنهم يبون الماده وليس العلم والفائده


في ليلة الإختبار أنا كنت موجود في الرياض ومواصل ولا فكرت فيه حتى ماقريت شي يرشدن عن طريقة الإختبار


يوم صارت الساعه ست الصباح طفيت البلاستيشن و خذيت لي تاكسي ودخلنا بزحمة الرياض متجهين لكلية المجتمع مقر الإحتبار






دفعت 100 ريال رسم الإختبار و 50 ريال رسم التأخير

أختبرت وانا مواصل والله بعض الأسئله ما أقراه أقرب جواب ألون عليه واللي بعده نفس الطريقه

بس ابي أخلص وأرجع انام جلست أربع ساعات وقت الإختبار ..

طبعا وأنا أختبر أفكر منين ألقى تاكسي بالرياض توصلن للبيت الظهر !!


خلص الإختبار والحمدلله لقيت تاكسي ورجعت للبيت :)






بعد اسبوع أتصل علي صديقي يقول أبشرك طلعت النتايج

قلت هاه بشر كم خذيت أنت


قال خذيت 59% :a:

قلت التعب والمذاكره وين راحت قال الله لا يسامح كل مسؤل له يد في إختبار القدرات ألحين يبي لي سنه يالله أختبر مره ثانيه واقدم على الجامعات shlwee7

قلت طيب أنا كم نتيجتي توقعت 37 %

قال نتيجتك 72 % والله يوم قالي ماصدقته

شلون جبة هالنسبه والله حرام عليهم هههههههه

الإجابة أقرب إجابه أكتبه يعني أكثر من نص حلي طلع صح !!



وكثير من الطلاب والطالبات أنظلمو بالإختبار هذا اللي كل الهدف منه مادي بحت


وكالعاده كل مايقرب إختبار القدرات يدعون الطلاب على كل مسؤلي الإختبار

















أدري طولت عليكم بس أمس وغدآ إختبار قدرات والله يعين الطلاب

[شام]

ماني من الطلاب الحمدلله انتهيت
أما اختبار القدرات هذا ان لم يسند الى لجان مختصة
لن يؤتي فائدته بل سيكون عبئاً على الطلاب ومصدراً للربح غير المشروع
إن تواجدت ضمن اللجان افراد غيرمختصة سوى الربح بأي طريقة .
أما اختبار القدرات لدينا في لجنة فحص العاملين فهي اسواء الاختبارات
لأنها تبنى على معطيات لا تمت بصلة لواقع العمل وحاجة المؤسسات والهيئات
لذلك يفكر البعض منا برشوة المسؤولين عن تلك اللجان لتمرير معاملة التعيين
وشكراً لك عمدتنا
طرح جميل ومفيد

[عبدالله المهيني]

.
.
.




أصلاً ماهي الفائدة المرجوة من خلف هذا الإختبار ؟

أيضاً هل دول العالم المتقدمة والدول المتأخرة تطبق هذا الإختبار ؟



نقطة مهمه

لماذا يكون هذا الإختبار بمقابل مادي والتعليم لدينا مجاني ؟










أقول بكل صراحه

هذا الإختبار لعبة كبيرة

حسبي الله فيمن يقوم بلعبها على المجتمع السعودي كاملاً


( مع ملاحظة أني متخرج قبل تطبيق هذا الإختبار ولكن للحق أقول هذا الكلام )





العمدهـ


يعطيك العافيه على فتح متصفح يلقي قليل من الضوء على هذا الموضوع

لكـ الود

[عبسي]

ماني من الطلاب الحمدلله انتهيت
أما اختبار القدرات هذا ان لم يسند الى لجان مختصة
لن يؤتي فائدته بل سيكون عبئاً على الطلاب ومصدراً للربح غير المشروع
إن تواجدت ضمن اللجان افراد غيرمختصة سوى الربح بأي طريقة .
أما اختبار القدرات لدينا في لجنة فحص العاملين فهي اسواء الاختبارات
لأنها تبنى على معطيات لا تمت بصلة لواقع العمل وحاجة المؤسسات والهيئات
لذلك يفكر البعض منا برشوة المسؤولين عن تلك اللجان لتمرير معاملة التعيين
وشكراً لك عمدتنا
طرح جميل ومفيد


الله يعين شام

الهدف واضح عندنا وعندكم



هو

شفط الجيوب بطريقه إحترافيه !!






شكرآ لك شام

[عبسي]

.
.
.




أصلاً ماهي الفائدة المرجوة من خلف هذا الإختبار ؟



أيضاً هل دول العالم المتقدمة والدول المتأخرة تطبق هذا الإختبار ؟



نقطة مهمه

لماذا يكون هذا الإختبار بمقابل مادي والتعليم لدينا مجاني ؟










أقول بكل صراحه

هذا الإختبار لعبة كبيرة

حسبي الله فيمن يقوم بلعبها على المجتمع السعودي كاملاً


( مع ملاحظة أني متخرج قبل تطبيق هذا الإختبار ولكن للحق أقول هذا الكلام )





العمدهـ


يعطيك العافيه على فتح متصفح يلقي قليل من الضوء على هذا الموضوع

لكـ الود



عبدالله والله أكثر الطلاب ضاع مستقبلهم بسبب الإختبار تخيل تجلس أقل شي سنه على شان

تجيب نسبه تاهلك لدخول التخصص في الجامعه يعني 12 سنه دراسه ماتكفي !!






الله يعين الطلاب على المهزله هذي ولو يبون 1000 ريال من كل طالب ماعندنا مانع نعطيهم بس مانبي شي يضيع مستقبل الطلاب ..











لاهنت عبدالله على التشريف

[صلفيق]

أشترى جميع الكتب اللي ترشده للإختبار (( الغريب ))
فعلا هو ابتكار غريب !!!

قال نتيجتك 72 % والله يوم قالي ماصدقته
ياخوي انت دافع 150 .. من حقك 72 % >>> ولو وصلتها 200 كان حصلت على 84% !!

الله لايوفق من ابتكر هذا الأبتزاز المبرمج عندنا .
ومعروف اين يذهب التحصيل !! خلها على ربك .


مشكور يالعمدة
بارك الله فيك لجلبك هذا الموضوع ..


احترامي لك،،،

[عبسي]

أشترى جميع الكتب اللي ترشده للإختبار (( الغريب ))
فعلا هو ابتكار غريب !!!

قال نتيجتك 72 % والله يوم قالي ماصدقته
ياخوي انت دافع 150 .. من حقك 72 % >>> ولو وصلتها 200 كان حصلت على 84% !!

الله لايوفق من ابتكر هذا الأبتزاز المبرمج عندنا .
ومعروف اين يذهب التحصيل !! خلها على ربك .


مشكور يالعمدة
بارك الله فيك لجلبك هذا الموضوع ..


احترامي لك،،،



صلفيق على طاري التحصيل

أعوذ بالله من الشيطان نسيت لأقولكم فيه إختبار ثاني أسمه تحصيلي للي يبي يدخل تخصص علمي

يعني لازم تختبر قدرات وتحصيلي يالله يقبلك التخصص !!





وش يحسون به إلى هالدرجه حنا أغبياء ولا شلون !!








الله لا يسامحهم مثل ماضيعو مستقبل الطلاب














شكرآ لك صلفيق

[منصور الغايب]

أهلا بالعمدة في المضيف العام ...


ليس لدي ادنى فكرة عن هذا الاختبار ...


مررت لالقي عليك السلام ...


واشكرك على تواجدك في العام ...

[الشاهري العبيدي]

فعلا مشكلة وأزمة



وكثير من الطلاب عانى منها وحرمت الكثير من اكمال دراسات




نسأل الله أن ييسر لهم امورهم




شكرا لك واعانكم الله

[بالمختصر..]

الله يكون بـ العون ..


و الحمد لله إني على وشك التخرج و لا أختبرت قدرات قبل التسجيل ..

بس بـ التوظيف أتوقع يطلبونه !


أحياناً تكون نتيجة إختبار القدرات من مصلحة الطلاب اللي نسبتهم مش ولابد ! يعني يشدون حيلهم بـ القدرات ..

هذا اللي أعرفه .. و كثير طلاب دخلوا معاهد تقنيه أو كليات على نتيجة القدرات مو على نسبة الثانويه ..


أهم شي تتدرب عليه و تراجع معلوماتك العامه قبل الإمتحان .. و التوفيق من الله ..




.
.

[ابو ضاري]

وعليكم السلام ورحمة الله وبركاته

مساء النور


العمده الغالي

القدرات يعني بلف الناس واخذ فلوسهم ومنها يقل عدد المتقدميين للجامعات والوظايف الاخرى

ولا تهون الاتصالات السعوديه

اقول لهم الله لا يسامحكم دنيا واخره اللي ضحكوا علينا وانا اولكم من الفواتيير بغير حق اخذوا فلوسنا

[سفر القحطاني]

اخوي العمده شكرا لك على فتح النقاش في هذا الموضوع الشايك ليش مافيه فايده بل هناك فوائد

فقط المبلغ الذي يدفعها كل طالب وطالبه هذه اكبر فايده للمستفيد الاول تحياتي لك,,,,

[أبو فهد]

وعليكم السلام ورحمة الله وبركاته








اولا ليه ما تسلم :( و لا لاجلك عمده الناس يسلمون عليك :)





طيب نجي للموضوع




اشكرك في البداية على حسن الطرح




و حياك الله بالمضيف العام <<<<قاط مع منصور الغايب :)








أما بخصوص نتيجة زميلك فأنا اعتقد بأنها صحيحة و السبب أن التصحيح الكتروني




و بخصوص نتيجتك فهي بمحض الصدفة :)





برأيي و وجهة نظري البسيطة اخي العمدة




أن اختبار القدرات جيد و فيه يمحص الطلاب و يعرف مستوياتهم الحقيقية




وهو يقيس من عدة زوايا




و أفضل ما به




أنه ينهي مسالة حصول أبناء بعض القرى على الدرجات الكاملة مقارنة مع زميلة الذي يقطن المدينة و يتعرض فيها للدراسة الجدية




فكما نسمع بأن فلان انتقل للدراسة بمدرسة القرية الفلانية للمرحلة الأخيرة بالثانوية العامة




لأن ابن عمه مدير المدرسة الخ ....




و غير ذلك كثير




أنا هنا لا اتكلم عن المادية




ولو تكلمنا عن المادية




فهي ليست إلا مائة ريال




قد يقضي بعضنا أكثر من ذلك اثناء تواجده بالنت





أما بوجهة نظري للقياس فهو أمر حتمي و لا خيار دونه




لانهاء الفشل الإداري و الوساطات و المحسوبيات في مدارسنا





لعلي بهامش الموضوع ان اذكر لك قصتي مع البعض




من الزملاء طبعا




اكتشفت ان اكثرهم قد دخلوا نفس الكلية و بمعدلات فلكية مقارنة مع ما تقيسه مما يخرج من افواههم أو ما تخبئه عقولهم من قلة التدبير أو درجاتهم في التحصيل العلمي




بل و إن بعضهم يذاكر طول السنة و بمرأى من كل الزملاء و الباقين لا يذاكرون إلا ليلة الامتحان فقط




و يخرج من الامتحان ليجد نفسه حاملا للمادة للسنة التي تليها




هذا إن لم يحمل معها مواد أخرى ليعيد السنة




علما انه في وقتنا لم يكن يوجد شيء اسمه قدرات او قياس




ولو انه كان موجودا




لوجدتني امارس مهنة الطب في احد المستشفيات




لن اطيل عليك اكثر مما اقرأتك




و أخيرا و ليس آخرا




ادعو الله لك بالتوفيق و النجاح




---------------
أبو فهد الهمزاني

[وز طع]

بس انت لو تشوف حولك ان كل من يدخل اختبار قدرات تطلع نتيجته فعلا حقيقيه

يعني في ناس تآكل الكتب اكل بس مامن ذكاء وهذولا هم المتضررين :)




وقد يكون كل المسأله حظ



اما بالنسبه للماده فهي فعلا سرقه امام الملأ

[عبسي]

أهلا بالعمدة في المضيف العام ...


ليس لدي ادنى فكرة عن هذا الاختبار ...


مررت لالقي عليك السلام ...


واشكرك على تواجدك في العام ...




هلابك يالغالي منصور وأتشرف إني موجود بالعام







حياك الله

[عبسي]

فعلا مشكلة وأزمة



وكثير من الطلاب عانى منها وحرمت الكثير من اكمال دراسات




نسأل الله أن ييسر لهم امورهم




شكرا لك واعانكم الله




صدقت ازمه جديده تواجه الطلاب


والله يعين الجميع يالشاهري






حياك الله

[عبسي]

الله يكون بـ العون ..


و الحمد لله إني على وشك التخرج و لا أختبرت قدرات قبل التسجيل ..

بس بـ التوظيف أتوقع يطلبونه !




أحياناً تكون نتيجة إختبار القدرات من مصلحة الطلاب اللي نسبتهم مش ولابد ! يعني يشدون حيلهم بـ القدرات ..

هذا اللي أعرفه .. و كثير طلاب دخلوا معاهد تقنيه أو كليات على نتيجة القدرات مو على نسبة الثانويه ..


أهم شي تتدرب عليه و تراجع معلوماتك العامه قبل الإمتحان .. و التوفيق من الله ..




.
.


أبشرك اول ماتتخرجين يبون يختبرونك قدرات واهم شي جهزي الرسوم:)

أما أن فيه ناس خدمهم القدرات أنا معك فيه طلاب نفعتهم النسبه لكن وش ذنب طالب وده يدخل تخصص علمي وفجأه يرفضون بسبب نسبة القدرات يعني أطوف سنه أو أكثر بسبب القدرات !!








لاهنتي بالمختصر واعتذر عن التأخير

[عبسي]

وعليكم السلام ورحمة الله وبركاته

مساء النور


العمده الغالي

القدرات يعني بلف الناس واخذ فلوسهم ومنها يقل عدد المتقدميين للجامعات والوظايف الاخرى

ولا تهون الاتصالات السعوديه

اقول لهم الله لا يسامحكم دنيا واخره اللي ضحكوا علينا وانا اولكم من الفواتيير بغير حق اخذوا فلوسنا



كلنا متفقين انه سرقه إحترافيه :thumb:


أنا ماضرّن أختبار القدرات بالعكس نفعن لكن وش ذنب الطلاب الباقين اللي أنظلمو !!

أعرف واحد ألحين مختبر الإختبار الثالث ولا جاب النسبه المطلوبه يعني سنه ونص راحت عليه بسب القدرات !!











بعدين أبو ظاري لألحينك ماحولت لموبايلي !

أنصحك بخدمة الموج الأزرق تجوز لك










حياك ابو ظاري وآسف على التأخير

[عبسي]

اخوي العمده شكرا لك على فتح النقاش في هذا الموضوع الشايك ليش مافيه فايده بل هناك فوائد

فقط المبلغ الذي يدفعها كل طالب وطالبه هذه اكبر فايده للمستفيد الاول تحياتي لك,,,,


العفو يالغالي

ومتفق أنهم يبون الماده


لكن صدقني مستعدين ندبلهم السعر عشر مرات بس خلهم يفكونا من هالمصخره !





حياك سفر وآسف على التأخير

[عبسي]

وعليكم السلام ورحمة الله وبركاته



وعليكم السلام ورحمة الله وبركاته




اولا ليه ما تسلم :( و لا لاجلك عمده الناس يسلمون عليك :)


أعذرن يا ابو فهد نسيت ولايهون التاثر باللي حولي حنا يالشباب سلامنا مساء الورد والجوري:315r:


طيب نجي للموضوع




اشكرك في البداية على حسن الطرح



لا شكر على واجب ياجدي


و حياك الله بالمضيف العام <<<<قاط مع منصور الغايب :)



الله يبقيك وأنا اتشرف والله






أما بخصوص نتيجة زميلك فأنا اعتقد بأنها صحيحة و السبب أن التصحيح الكتروني




و بخصوص نتيجتك فهي بمحض الصدفة :)







برأيي و وجهة نظري البسيطة اخي العمدة



هذا المطلوب وجهة نظر الجميييع !!


أن اختبار القدرات جيد و فيه يمحص الطلاب و يعرف مستوياتهم الحقيقية


طيب يعني أنا مستواي أفضل من اللي ماخذ الاول على الفصل!!

أو أن صديقي الثاني اللي ما يعرف من الدوام اللي النوم با آخر الفصل يا خذ نتيجه أفضل من الأوائل !!

لا يا أبو فهد ما يحس الواحد بمعاناة غيره إلا يما يجرب !

يمكن الإختبار شكلا يعطي أن به فائده لكن مضمونا غير عاااااااااااااااااااااااااااااااااااادل !!


وهو يقيس من عدة زوايا




و أفضل ما به




أنه ينهي مسالة حصول أبناء بعض القرى على الدرجات الكاملة مقارنة مع زميلة الذي يقطن المدينة و يتعرض فيها للدراسة الجدية



فكما نسمع بأن فلان انتقل للدراسة بمدرسة القرية الفلانية للمرحلة الأخيرة بالثانوية العامة




لأن ابن عمه مدير المدرسة الخ ....




و غير ذلك كثير



شوف ابو فهد أصلن الوزاره ماتنظر لها الشي وهذا سبب غير مقنع أبدآ !!


أنا هنا لا اتكلم عن المادية




ولو تكلمنا عن المادية




فهي ليست إلا مائة ريال




قد يقضي بعضنا أكثر من ذلك اثناء تواجده بالنت



أنا معك (بعض) الأشخاص يصرف أكثر من ذالك
و ( بعض) الاشخاص المئه تكفيه شهر كامل !!

ولو تقيس عدد اللي يختبرون من الطلاب والطالبات

يطلع لك الناتج عدد فلكي !!


صعبه تقول المسأله ماهي ماده ..


أما بوجهة نظري للقياس فهو أمر حتمي و لا خيار دونه




لانهاء الفشل الإداري و الوساطات و المحسوبيات في مدارسنا


طيب وش ذنب الطلاب الآخرين إذا هالشي حاصل بمدارس ( معينه )

عذر ما اقتنعت فيه


لعلي بهامش الموضوع ان اذكر لك قصتي مع البعض


تفضل

من الزملاء طبعا




اكتشفت ان اكثرهم قد دخلوا نفس الكلية و بمعدلات فلكية مقارنة مع ما تقيسه مما يخرج من افواههم أو ما تخبئه عقولهم من قلة التدبير أو درجاتهم في التحصيل العلمي




بل و إن بعضهم يذاكر طول السنة و بمرأى من كل الزملاء و الباقين لا يذاكرون إلا ليلة الامتحان فقط




و يخرج من الامتحان ليجد نفسه حاملا للمادة للسنة التي تليها




هذا إن لم يحمل معها مواد أخرى ليعيد السنة




علما انه في وقتنا لم يكن يوجد شيء اسمه قدرات او قياس




ولو انه كان موجودا




لوجدتني امارس مهنة الطب في احد المستشفيات




لن اطيل عليك اكثر مما اقرأتك




و أخيرا و ليس آخرا




ادعو الله لك بالتوفيق و النجاح




---------------
أبو فهد الهمزاني





أبو فهد الظاهر لك نسبه من رسوم الإمتحان :)



صدقني أبو فهد مالقيت شي يخليني أقتنع أن فيه فائده



على العموم الإختلاف هو أساس الحوار



لاهنت ياأبو فهد على الطرح ولو أنك كنت ضد وجهة نظري













وآسف على التاخير

[عبسي]

بس انت لو تشوف حولك ان كل من يدخل اختبار قدرات تطلع نتيجته فعلا حقيقيه

يعني في ناس تآكل الكتب اكل بس مامن ذكاء وهذولا هم المتضررين :)




وقد يكون كل المسأله حظ



اما بالنسبه للماده فهي فعلا سرقه امام الملأ



طيب يالغالي

أصلن الإختبار فيه أسئله خاصه بالحفظ وفيه اسئله خاصه بالفهم !



لكن فيه ظلم لكلا الطرفين


مثال

زيد يحب التخصص العلمي ويكره التخصصات الأدبيه ولا عنده فكره فيها

ويزيد يحب التخصصات الأدبيه ويكره العلميه ولا عنده فكره فيها


كذا نجبر الشخصين على أسئله هي مامرت عليه في مشواره أو ماراح تمر عليه مستقبلاّ أبدآ






على العموم كل الشكر لك يالغالي وآسف على التأخير