ملامح وبقية الشعب ..

[مشــــعل]

صباح الخير

يالربع ابي اغير الجهاز

ووقع اختياري على جهاز سيمنس الالماني

وش رايكم بوه..؟

والي يرحم والديكم لاتورطوني ابي علمن اكيد :)

[شام]

وفقك الله لشراء جهاز عملي و الالماني لا بأس به حسب معلوماتي
سيمنس شركة مشهورة وتحترم نفسها وزبائنها
و الكفالة لدينا في سوريا 3 سنوات اصلاح و برمجة مجانية
و بانتظار آراء أخرى من ذوي الخبرة العملية.

[ملامح شمري]

هلا و غلا والله بمشعل , زارتنا البركة:7ayyoh:


والله يا خوي اللابتوبات من مختلف الماركات ما بينهن فرق من ناحية المكونات
الاختلاف بس بالتصميم الخاري و ضمان الشركة و سمعتها ..


السيمنس عيبه شكله :)
و بعض ماركاته حرارتها ترتفع شوي بس مهوب مرة ..


انت ركز على سالفة ضمانه , نوع معالجه , اذا قال لك سيلرون لا تاخذه لو قال لك ببلاش
ربع ساعه من تشغيله و حرارته بتاصل H و لو بتسخن عليها قهوتك يمديها تغلي :)


لا تاخذ الا لاب توب معالجه انتل كور 2 ديو core 2 duo , ( او ديوال كور dual core اذا شغلك
على الخفيف) و في انواع من الفيجتو سمنس يجي فيها معالجات amd
افضل من انتل بتحرير الرسوميات و الفيديو ..


الرام لا يقل عن 2 غيغا و تاكد ان نوعها ddr2 , الهارد دسك هالحين اغلب الابتوبات تجي
على الاقل 250 غيغا السعه ..


كرت الشاشة الافضل يكون منفصل ,


تاكد ان فيه بلوتوث و كرت الوايرلس شف من اي شركه , هو اذا من اثيروز atheros تراه زين ..


والديفيدي يكون ريرايتر rewriter عشان تقدر تستخدم قرص الديفيدي و تنسخ له
اكثر من مرة اذا كان القرص يدعم ..


فتحات اليو اس بي usb شف كم عددها و وين مكانها بالجهاز , لا تقل عن 2 ..!!


الشاشة خذها كرستال احسن لك من ناحية الوضوح اذا جيت بتقرا و لو بتاخذ عادية
ترى ما يمنع ..


ترى اظن ماركة اميلو من سمنس . موب متاكد من الماركة , ما يجي معاها سيدي استعادة
النظام للويندوز و لا سيديات تثبيت له ..
خل نفس المحل اللي بتشري منه , بسوي لك سيديات الريكفري للجهاز , بيكون عددها 2
واحد للتعريفات و الثاني للويندوز ..


النظام ترى الجدد فيها ويندوز سبعه , واذا كان الويندوز فيستا اصلي بالجهاز اللي بتاخذه
خله يسوي لك ترقية لـ 7 مهيب مكلفتك الا حولي 300 ريال زيادة بالثمن ..


بالتوفيق مشعل .

[بنت الجبل آخت القصيد]

فيه معالج
centrino

هذا فيه فرق عن سيلرون ؟

[ملامح شمري]

^
موب معالج ذا ..

السنترينو اقصد ..

اذا كانت التشبست او شرايح اللوحة الام و المعالج و كرت الوايرلس كلهن من شركة انتل بنفس
الجهاز ( طقم يعني ) يسمونه سنترينو ويحطون عليه لزقته عطر .. >> http://corp.sony.com.my/vaio08/images/icon_centrino2.gif

[مشــــعل]

اهلا شام

هو ليست سيمنس وحدها .. ولكن المانيا ككل صناعتهم رائده

وهذا الي خلاني اميل للجهاز ..

لكن الله يستر

.
.
.

هلا ملامح

انا من يوم سمعت المانيا جيتك من اقصاي

لكن واحد من العيال يقول ماتقدر تشغله مدة طويله

وهذا الي خلاني اسأل عنه

عموما بيض الله وجهك ماقصرت

وتم نسخ ردك كاملا بورقة :)

وابي اسوف هالاسواق وورقتي بمخابي ..

محبتي

.
.

هلا عطر

شكرا لمرورك

[أبو فهد]

وعليكم السلام ورحمة الله وبركاته





مشعل





انت بالبداية وش استخداماتك للجهاز ؟




إذا استخدامك خفيف و تصفح ترى بوه انواع متخصصة للتصفح و رخيصة




أما اذا دعواك كايدة فالأفضل تاخذ جهاز يتحمل هالشغلات







-----------------
أبو فهد الهمزاني