الأوضاع ماتطمن!!!!!

[فوووز]

..


مساء الخير/ صباح الخير.. على الجميع



بناءً على وعدي لكم أني أسير عليكم بالفله وأنا جايبتن لي موضوع

بعد ماوصلت لألفيتي الأولى اللي يالله حصلت عليها .. بكمل سنة وأنا توني أفحط فيها :)


جيت اليوم باللي طلع معي


عاد السموحة :)







من دخلوا الحوثيين السعودية والأوضاع في بيتنا مهيب آمنه:(


التلفزيون على العربية طول اليوم ..حتى البزران ماعاد يطالعون لاسبيستون ولا براعم :(

وإذا جت أخبار الساعه 8 العالم تكون مسنترة قبال التلفزيون ولو جاء خبر جديد عن الجيوش السعودية ....يافلان .يافلانه ..تعال بسررررررررررررعه ..طبعا لازم نشوف الاخبار من مصدرها مانحب النقل :)



أختي سببت لي أزمة .. أتعبت نفسيتي .. وترتني من كثر ماتجيب لي الأخبار السياسية..


ماتدخل النت إلا تبحث عن الحوثيين .. وعرفت كل شي عنهم من وقت ماتأسس مذهبهم ... ومن يدعمهم .. و وين راحوا و وين جو...الخ..

وأخبار الجيش السعودي.. قواته وأسلحته.... تقول أبي أتطمن <<<أمحق تطمن:(

أبي أعرف وش لون أستعداداتهم ..

كل ماسمعت عنهم شي بالآخبار قامت تدوره وتبحث عنه بالنت..

مرة قاعدة تطالع أنواع الأسلحة اللي يستخدمونها وتوريني أياها .. يوم شافت طيارات الأباتشي أنبسطت عليها :)
تقول أخاف تصير أسلحتهم مو شيء.. << تفكر تدعمهم خخخخخخخخخخخخخخ

ومرة أسولف أنا وياها بالماسن << وحنا بنفس البيت :)

تقولي فوز عندي لك مقطع تبين تطالعينه تراه والله يووووووووونس.. بس مقرف شوي..

قلت وشو عنه؟؟ قالت القناصة السعوديين وهم ينتفون المتسللين الحوثيين كأنهم بعارصة .. بس ياحلوهم وهم يقولون الله أكبر إذا جوا يصيدون الحوثي ..:)


أشوى أن اخيتي مهيب ولد كان أمداها راحت للعراق ذاك الحين :(


أخذت منها المقطع وطالعته .. صح أحساس بالنصر .. بس ياخوفي يحصل لعيالنا مثل ماحصل لهم..


وبعد أحداث غرق جدة .. تقولي يافوز ..شوفي تجمعت علينا من كل جهه الله يستر..

الأوضاع ماتطمن أبي أتوظف .. ومو أي وظيفة أبي وظيفة رسمية << قمة التشاؤوم:(




وكملت الناقص إيران الله ياخذها..

قامت تلف النت تقرأ عنهم ..

خاتمي.. خامنئي.. الخميني..الاصلاحيين .. المعارضة.. وربع نجادي نسيت أسمهم :(
والحرس الثوري..
وصارت خبيرة بالسياسة الايرانية :)



مرة نايمه بآمان الله وتجي فوق راسي تقومني ...فوز تعرفين منتظري..ذبحوه ؟؟:(


قلت من منتظري؟؟ ..أنا راح بالي للعراقي الزيدي اللي حلت الجزمه على بوش ..

قلت وش فيه؟؟

قامت تقولي سالفه معارضته للخميني و حجزة وفرض الاقامة الجبرية عليه الين مات .. وكيف هالحين يبون يطردون عياله من أملاكهم ..بحجة أنهم مايقدرون يحافظون على سلامتهم..!!


قلت بالله عليك ياأخيتي فكيني منهم الله ياخذهم ..
وأنا ناقصة .. وترتيني..



بعد كم يوم جتني قالت فوز تعرفين موسوي :(

<<<< ياربيييييييييييييه

قلت بقلعته لا مااعرفه منهو ذا؟ أذكر الأسم بس خانتني الذاكره :)

وذا بعد له قصة ...وروتها لي :)



قلت تكفين أنت قاعدة تجمعين لي الأخبار اللي تضيق الصدر..


واللي يعافيك لاعاد تحطين على العربية بتنهبلين من هالأخبار..







ولا زالت أخيتي على العربية وكل يوم خبر جديد :)




من أنفلونزا الخنازير ..إلى خبر أنفلونزا الماعز.... إلى...إلى..




والله يستر من الجاي..









تقبلوا تحيتي//أختكم فوووز

[يـــوسف]

فووووووووووز فوووز بالفلة يالربع تعالو هههههههه









<- يبي يروح يشري قعود :)




حجزززززززززززززززز1111111111111

[فوووز]

هههههههههههههههههههههههههههههههه



شفت عاد..

وش اسوي أبي أعشيكم على قعودك :)



حياك.. وحجزك ok



..

[سلطااان السويري]

حجززززززززززززززززززززززززززز

111111111111111111111111111111111111

[فوووز]

خخخخخخخخخخخخخخخخ

سلطان ..صحصح


حجز 1 وانت المشاركة رقم 4


بس على العموم حياك


..

[سلطااان السويري]

^

داري وش قالولك حول <<< يدور المشاكل

بس ابي الحنشل ولا يوسف يعارضون وتصير عفيسا<<< عزالله بياكل هوى


اصبري لاتقلقيني قاعد اقرى موضوعك

[سلطااان السويري]

عزالله اختس تصلح محلله سياسيه

ماشالله عليه


ومرة أسولف أنا وياها بالماسن << وحنا بنفس البيت :)

فوز<<<< يقربونلكم شي الحواطى <<<<<< دعابه دعابه


وكاد اختس تلبس نظارات خشته مسنتره على التلفزيون 24 ساعه




خوش سالفه لاهنتي

[يـــوسف]

فوووز أختك هذي له مستقبل بالسياسه :)





مرة قاعدة تطالع أنواع الأسلحة اللي يستخدمونها وتوريني أياها .. يوم شافت طيارات الأباتشي أنبسطت عليها :)
تقول أخاف تصير أسلحتهم مو شيء.. << تفكر تدعمهم خخخخخخخخخخخخخخ

ومرة أسولف أنا وياها بالماسن << وحنا بنفس البيت :)

تقولي فوز عندي لك مقطع تبين تطالعينه تراه والله يووووووووونس.. بس مقرف شوي..

قلت وشو عنه؟؟ قالت القناصة السعوديين وهم ينتفون المتسللين الحوثيين كأنهم بعارصة .. بس ياحلوهم وهم يقولون الله أكبر إذا جوا يصيدون الحوثي ..:)


مابه طب قسمن با الله :solh::solh::solh:





نظآمه نظآم شيبآن :)




أكره ماأكره شي يقاله أخبار مايجيبون الخبر اللي يفرح كله صلخ وموت وحريقه :)




فووز جيبي أختس للفلة أتوقع تصير عصابة مافيا هنا لاقابلت شرهه

أحتمال كبير تصير شبكة مافيا وتخصص بيع اسلحة وقتل بفلوس :)






لآهنتي يافوز والله يخليكم لبعض إن شاء الله :)

[يـــوسف]

هههههههههههههههههههههههههههههههه



شفت عاد..

وش اسوي أبي أعشيكم على قعودك :)

آبسرق لكم ماعندي شي :)

حياك.. وحجزك ok



..



الله لايهينك على توكيد آلحجز أهم شي قبل سلطان :)

[سلطااان السويري]

^

نايت وذ اوت لايت

يوسف يعل عدوك يخفى اسمع قرشت البيبان

شكلهم قفلو علي بالدوام


ابي الحق عليهم تريدون شي عوينتي

[فوووز]

عزالله اختس تصلح محلله سياسيه

ماشالله عليه

مهوب شي فضيعه..

فوز<<<< يقربونلكم شي الحواطى <<<<<< دعابه دعابه

أنت ماتعرف..إذا صرنا باماكن مختلفة لازم الماسن للتواصل :)

وكاد اختس تلبس نظارات خشته مسنتره على التلفزيون 24 ساعه




خوش سالفه لاهنتي

ههههههههههههه

لا بس شكله هذا تاليتها..


حياك الله ياسلطان

..

[فوووز]

فوووز أختك هذي له مستقبل بالسياسه :)



هقوتك أخليها تروح تدرس من جديد علوم سياسية :)



مابه طب قسمن با الله :solh::solh::solh:






نظآمه نظآم شيبآن :)

هههههههههههههه
هي وأمي متقابلات :)





أكره ماأكره شي يقاله أخبار مايجيبون الخبر اللي يفرح كله صلخ وموت وحريقه :)

صدقت والله ..





فووز جيبي أختس للفلة أتوقع تصير عصابة مافيا هنا لاقابلت شرهه


أحتمال كبير تصير شبكة مافيا وتخصص بيع اسلحة وقتل بفلوس :)


هذا الخوف والله ..:)

هذي مضار البطالة .. نبي ندور لها وظيفة نلهيها فيها ..









لآهنتي يافوز والله يخليكم لبعض إن شاء الله :)






أمين

الله يجزاك خير يايوسف

..

[فوووز]

أجل بنهون عن العشاء ..




الله لايهينك على توكيد آلحجز أهم شي قبل سلطان :)


ايه من سبق لبق..:)

[ريتاج]

فووز ياملي انتي كما صاارة جنديه ههههههههههههه

يااملي هي .. بس والله برافو عليتس انتس صاابرتن له ومعطته وجه وتسمعين حتسيه

هههههههههههههههههه

ما شالله عليتس الله يرزقتس الصبر بس


مير ما اعرف الا حسن نصر الله وياسر عرفات :)


الله يخليكن لبعض ياارب



لاهنتي ع الموضووع ومنووره الفله يالغاليه


شيييييييييييع

[الشمـــ نور ــــري]

يااويلي منهاا:a:

ههههههههههههههههههه وربي شاايب ماعنده غير الاخباار والاوضااع الساسيه

بس جد ماشالله عليهاا ....

عفيه عليهاا خلق تتابع هالاخباار اللي تجيب المرض والاكتئااب...




<__تكرهه العربيه والجزيره:d:

[فوووز]

فووز ياملي انتي كما صاارة جنديه ههههههههههههه

يااملي هي .. بس والله برافو عليتس انتس صاابرتن له ومعطته وجه وتسمعين حتسيه

هههههههههههههههههه

وش اسوي أخيتي هذي ..متقابلات أنا وياها بالبيت ..راس براس:)

ما شالله عليتس الله يرزقتس الصبر بس

آمييييييييييييييييييين

مير ما اعرف الا حسن نصر الله وياسر عرفات :)

لا لا يارتوج لازم توسعين من مداركك .. وتطلعين على الاوضاع من حولك
وشوي وسعي نطاق الاخبار على العالم الغربي والفارسي ههههههه

عشان أحصل وحدة عندها معلومات زيي خخخخخ


الله يخليكن لبعض ياارب



لاهنتي ع الموضووع ومنووره الفله يالغاليه


شيييييييييييع


امين الله يعافيك ياريتاج


الفله منوره بأهلها..

[فوووز]

يااويلي منهاا:a:

ههههههههههههههههههه وربي شاايب ماعنده غير الاخباار والاوضااع الساسيه

بس جد ماشالله عليهاا ....


لاتعجبك والله

بس هالحين متخرعه من الاخبار العالمية ..وصايرة تتابعها..

عفيه عليهاا خلق تتابع هالاخباار اللي تجيب المرض والاكتئااب...

مجبورة ..
هذا حال العاطلين :)


<__تكرهه العربيه والجزيره:d:


الجزيرة ماألومك فيها .. بس العربية تهون عندها


..

[ليلى بنت عبدالعزيز]

..


مساء الخير/ صباح الخير.. على الجميع
صبحك بنور والسرور


بناءً على وعدي لكم أني أسير عليكم بالفله وأنا جايبتن لي موضوع
اخيرا ولا قلتي لي يالمروحه>> تمون

بعد ماوصلت لألفيتي الأولى اللي يالله حصلت عليها .. بكمل سنة وأنا توني أفحط فيها :)
اي تفحيط يرحم امك ..سلحفاة


جيت اليوم باللي طلع معي

عاد السموحة :)
ماسمح >> فاهمه غلط

من دخلوا الحوثيين السعودية والأوضاع في بيتنا مهيب آمنه:(


التلفزيون على العربية طول اليوم ..حتى البزران ماعاد يطالعون لاسبيستون ولا براعم :(

وإذا جت أخبار الساعه 8 العالم تكون مسنترة قبال التلفزيون ولو جاء خبر جديد عن الجيوش السعودية ....يافلان .يافلانه ..تعال بسررررررررررررعه ..طبعا لازم نشوف الاخبار من مصدرها مانحب النقل :)



أختي سببت لي أزمة .. أتعبت نفسيتي .. وترتني من كثر ماتجيب لي الأخبار السياسية..


ماتدخل النت إلا تبحث عن الحوثيين .. وعرفت كل شي عنهم من وقت ماتأسس مذهبهم ... ومن يدعمهم .. و وين راحوا و وين جو...الخ..

وأخبار الجيش السعودي.. قواته وأسلحته.... تقول أبي أتطمن <<<أمحق تطمن:(

أبي أعرف وش لون أستعداداتهم ..

كل ماسمعت عنهم شي بالآخبار قامت تدوره وتبحث عنه بالنت..

مرة قاعدة تطالع أنواع الأسلحة اللي يستخدمونها وتوريني أياها .. يوم شافت طيارات الأباتشي أنبسطت عليها :)
تقول أخاف تصير أسلحتهم مو شيء.. << تفكر تدعمهم خخخخخخخخخخخخخخ

ومرة أسولف أنا وياها بالماسن << وحنا بنفس البيت :)

تقولي فوز عندي لك مقطع تبين تطالعينه تراه والله يووووووووونس.. بس مقرف شوي..

قلت وشو عنه؟؟ قالت القناصة السعوديين وهم ينتفون المتسللين الحوثيين كأنهم بعارصة .. بس ياحلوهم وهم يقولون الله أكبر إذا جوا يصيدون الحوثي ..:)


أشوى أن اخيتي مهيب ولد كان أمداها راحت للعراق ذاك الحين :(


أخذت منها المقطع وطالعته .. صح أحساس بالنصر .. بس ياخوفي يحصل لعيالنا مثل ماحصل لهم..


وبعد أحداث غرق جدة .. تقولي يافوز ..شوفي تجمعت علينا من كل جهه الله يستر..

الأوضاع ماتطمن أبي أتوظف .. ومو أي وظيفة أبي وظيفة رسمية << قمة التشاؤوم:(




وكملت الناقص إيران الله ياخذها..

قامت تلف النت تقرأ عنهم ..

خاتمي.. خامنئي.. الخميني..الاصلاحيين .. المعارضة.. وربع نجادي نسيت أسمهم :(
والحرس الثوري..
وصارت خبيرة بالسياسة الايرانية :)



مرة نايمه بآمان الله وتجي فوق راسي تقومني ...فوز تعرفين منتظري..ذبحوه ؟؟:(


قلت من منتظري؟؟ ..أنا راح بالي للعراقي الزيدي اللي حلت الجزمه على بوش ..

قلت وش فيه؟؟

قامت تقولي سالفه معارضته للخميني و حجزة وفرض الاقامة الجبرية عليه الين مات .. وكيف هالحين يبون يطردون عياله من أملاكهم ..بحجة أنهم مايقدرون يحافظون على سلامتهم..!!


قلت بالله عليك ياأخيتي فكيني منهم الله ياخذهم ..
وأنا ناقصة .. وترتيني..



بعد كم يوم جتني قالت فوز تعرفين موسوي :(

<<<< ياربيييييييييييييه

قلت بقلعته لا مااعرفه منهو ذا؟ أذكر الأسم بس خانتني الذاكره :)

وذا بعد له قصة ...وروتها لي :)



قلت تكفين أنت قاعدة تجمعين لي الأخبار اللي تضيق الصدر..


واللي يعافيك لاعاد تحطين على العربية بتنهبلين من هالأخبار..







ولا زالت أخيتي على العربية وكل يوم خبر جديد :)




من أنفلونزا الخنازير ..إلى خبر أنفلونزا الماعز.... إلى...إلى..




والله يستر من الجاي..









تقبلوا تحيتي//أختكم فوووز


فوز يابعد شمر انتي اختك يالطربه مالها الاحل واحد
زوجيها على راعي تبوك خلينا نفتك منها
بتجلطك واقعد انا بدون رفيقه
ايه نسيت مبروك لها على القبول بالماجستير >> متى تصح بدق اعليها ابارك

[ابو ضاري]

ماشاء الله عليتس

ومبروك الالفيه

موضوعتس حاوي كل المواضيع لتس مستقبل مثل اختس بالفله

وشرايتس بمخطر ابو غازي تحطينه على علابي اختس ونقل الاخبار

[فوووز]

فوز يابعد شمر انتي اختك يالطربه مالها الاحل واحد



زوجيها على راعي تبوك خلينا نفتك منها

ههههههههههههههههههههه


وين يالحبيبة .. شكلك ناسية..
هذا تكنسل وراح :)


بتجلطك واقعد انا بدون رفيقه
الله لايقوله:(
الله يخليني لعينن ترجيني :)




ايه نسيت مبروك لها على القبول بالماجستير >> متى تصح بدق اعليها ابارك




الله يبارك فيك..

تبين تباركين دقي عليها هالحين ..

[فوووز]

ماشاء الله عليتس

ومبروك الالفيه

الله يبارك فيك يا ابو ضاري

موضوعتس حاوي كل المواضيع لتس مستقبل مثل اختس بالفله

كل المواضيع السياسية تقصد..الله يخلي لنا قنوات الاخبار..:)

وشرايتس بمخطر ابو غازي تحطينه على علابي اختس ونقل الاخبار

هههههههههههههههه

وش يسوي هالمخطر..

..

[ابو ضاري]

يشلوط الجلد

[جود الضياغم]

وعليكم السلام ورحمة الله وبركاته

الله يعينتس على اختس عندنا وعندكم خير والحين فيه كلمه جديده

توه جايه بين الصغار ايتعايرون به يالحوثي استغربت حتى اعيالنا صاروا

مطلعين على الاحداث الجديده مشكوره يافوز انتبهي لا تعديتس اختس

يعطيتس العافيه

[الفاضي]

طااااااااااااط



الفاضي بهذااااا <<<<<<< احلف قووووه

ياحيالله فووووووز

نورت المضايف ما تحسين انتس لمبه اذا احد قالتس هاللون هههههههههه

والله يا فوز اختس راح تكون نهايته نهايه مأساويه بقوووووووه وراح تعاني من ضغط وسكر وقولون عصبي وتليف كبد و انخفاظ ضربات القلب واحتكاك ببقرات الظهر :) قصدي بفقرات الظهر بالاضافه الى رباط صليبي وفقدان مؤقت للذاكره اذا استمر وضعه هاللون

هههههههههههه وش رايتس بي بالله اصلح محلل نفسي ههههههه


ياربي لك الحمد انا مطنش ابو ابو هالسوالف كله ولا ادري عن شين اصلا ما دريت عن الحوثيين الا بعد الحرب والدبكه بكذا اسبوع والا اول احسب الدعوى تدريب ههههههههههه

قولي لاختس تعوذ من الشيطان وتخلي هالخرابيط الي مابه الا وجع الراس وتشتري راحه راسه

نصيحه من دختور نفساني قديمي بالحيلي :315r:<<<<<<< احلى يا وزن ياهوووووه من قدووه



ما اقول الا الله يستر على المسلمين كلهم



تحياتي للجميع

فض فض الشجاع

[فوووز]

وعليكم السلام ورحمة الله وبركاته

الله يعينتس على اختس عندنا وعندكم خير والحين فيه كلمه جديده

توه جايه بين الصغار ايتعايرون به يالحوثي استغربت حتى اعيالنا صاروا

مطلعين على الاحداث الجديده مشكوره يافوز انتبهي لا تعديتس اختس

يعطيتس العافيه


ههههههههههههههههههههههه

لا لا تخافين .. ماهنا عدوى ولا شر..

بس القلق اللي صاير من هالاخبار <<< تفكر تلغي هالقناة :)

حياك الله ياجود

..

[ابو فارس]

كعادتي
جيت متأخر

بس ابشرك ترى الخميني فطس

-------------
انا والله خايف على هالشيبان اللي فاضين ورازين قدام الشاشات
وعلى راس كل ساعة يتسمعون ويتابعون












--------------
لاتخافين باذن الله دعوات المسلمين بالامن والامان ماتروح هباء


الله يحفظنا جميعا

دمت بخير

[فوووز]

الله يحييك يا الفاضي



بسم الله على أخيتي ..

لا هي أزمه وتعدي :)



أنت كنك من أطباء الصحة النفسية ..اللي مافيه علة بتطلع فيه سبع العلل..



..

[فوووز]

اهلين يا ابو فارس


الخوف مهوب على الشيبان وبس .. بعد الشباب والشابات المتحمسين وشايلين هم الأحوال المحيطة..


ربي كريم يعدل الحال



..

[شامان]

مرحبا فوووووووووووووز

كيفك ان شاء الله منيحه

اقول اعزمي اختك للمضايف

ابو سلطان يدور مشرف لمنتدى جديد اسمه المنتدى السياسي

يمكن يحتاج مذيعة لنشرة الاخبار الرئيسية الساعة 9

ويحتاج ايضا لمنظرة مقابلات بين الرؤساء

حاولي بأختج تقنعينها .. وكل شي بحساااابوه


وبعد محتاجين مراسل للمضايف على الجبهة الجنوبية

شوفي وراسلي ابو سلطان

[فوووز]

مرحبا شامان

منيحه نحمد ألله :)


والله الموضوع يبي له دراسة شوي ..

فكرة مش بطالة خلني أول أنا أدرس الموضوع <<< طمعت :)

ولو ماعجبتني الفكرة أشوف لكم أختي ..




..