الكاتم
23-12-2009, 23:38
مشكلتي أن أكثر محاولاتي الشعرية خاصة ولا تصلح للنشر ولكن لعيون أهل المضايف وتشجيع للآخرين لعرض محاولاتهم
اخترت هذه الحورنية من الأرشيف نظمتها من 20 سنة بدون تعديل او تنقيح
وقصتها انه كان لدينا شلة خاصة وانضم لنا واحد - وهو الآن من أعز أصدقائي - ظن انه قد يكسب إعجابنا بنسبة بعض قصائد الغير له
المهم كشفنا أمره و حبينا نعطيه درس فقلت له أنني نظمت 3 أبيات ولم استطع إكمالها و نخيته يكمله،
عقب أسبوع جانا وقال يالربع والله ما أنا شاعر وتوبة عن سرقة القصائد وطلب أن أكمل القصيدة وأكملته مثل ما تشوفون حورنية ما هي قصيدة
أتمنى لو شلة الفلة موجودين بهذا يمزمزون على القصيدة بتعليقاتهم اللاذعة لكن الموجودين بهم البركة
استلموا
قالوا عشقت! وقلت راس العشاشيق = ولا عاشقٍ قبلي عشق مثلي عشقي
شوقي لمعشوقي وشوقه فلا شيق = شقيت وحب الترف بالحيل يشقي
مثل الهريس ان خشقته المخاشيق = الترف حبه خشق القلب خشقي
لا زاد هجره لي نحيب وتناشيق = وصله يريّح خافقٍ دوم مشقي
ولعاذلي قنص الفلس بالبشاشيق = وغنيمة المقناص عطسٍ ونشقي
ومقناصنا لحم طري مع تواشيق = نشرب قراح وننثر أتلاه رشقي
اخلفت من زود عليَّ التحاشيق = اختل صار يقول للفقش فشقي
آتيه تيّة جمس زين التعاشيق = اربع مية ماهو تمتاتيك عشقي
ويجيه شعري سيل ماهو تراشيق = نهر الفرات اللي شمالي دمشقي
قولٍ وقفيته على وزن آشيق = من يقدر يجاري تواليه بَشْقي
وسلامتكم
حبيت اشارك به نبي ناخذ ونعطي معكم واللي يبي يرد او يجاري او ينتقد او يحلل مسموح بدون تحفظ
ودمتم بحفظ الرحمن
الكاتم
اخترت هذه الحورنية من الأرشيف نظمتها من 20 سنة بدون تعديل او تنقيح
وقصتها انه كان لدينا شلة خاصة وانضم لنا واحد - وهو الآن من أعز أصدقائي - ظن انه قد يكسب إعجابنا بنسبة بعض قصائد الغير له
المهم كشفنا أمره و حبينا نعطيه درس فقلت له أنني نظمت 3 أبيات ولم استطع إكمالها و نخيته يكمله،
عقب أسبوع جانا وقال يالربع والله ما أنا شاعر وتوبة عن سرقة القصائد وطلب أن أكمل القصيدة وأكملته مثل ما تشوفون حورنية ما هي قصيدة
أتمنى لو شلة الفلة موجودين بهذا يمزمزون على القصيدة بتعليقاتهم اللاذعة لكن الموجودين بهم البركة
استلموا
قالوا عشقت! وقلت راس العشاشيق = ولا عاشقٍ قبلي عشق مثلي عشقي
شوقي لمعشوقي وشوقه فلا شيق = شقيت وحب الترف بالحيل يشقي
مثل الهريس ان خشقته المخاشيق = الترف حبه خشق القلب خشقي
لا زاد هجره لي نحيب وتناشيق = وصله يريّح خافقٍ دوم مشقي
ولعاذلي قنص الفلس بالبشاشيق = وغنيمة المقناص عطسٍ ونشقي
ومقناصنا لحم طري مع تواشيق = نشرب قراح وننثر أتلاه رشقي
اخلفت من زود عليَّ التحاشيق = اختل صار يقول للفقش فشقي
آتيه تيّة جمس زين التعاشيق = اربع مية ماهو تمتاتيك عشقي
ويجيه شعري سيل ماهو تراشيق = نهر الفرات اللي شمالي دمشقي
قولٍ وقفيته على وزن آشيق = من يقدر يجاري تواليه بَشْقي
وسلامتكم
حبيت اشارك به نبي ناخذ ونعطي معكم واللي يبي يرد او يجاري او ينتقد او يحلل مسموح بدون تحفظ
ودمتم بحفظ الرحمن
الكاتم