تسّلم والا ماتسّلم

[شنقل]

السلام عليكم ورحمة الله وبركاته ...


قابلت احد الزملاء في احدى المجمعات وكانت معه عائلته

فعندما هممت<< متعوب على هالكلمه :)
بالسلام عليه حسيت انه يتهرب ولايريد السلام علي

سلمت عليه بالغصب
علما بأني كانت معي عائلتي..



هناك أشخاص لايحبون أن تسلم عليهم ومعهم عوائلهم..



شرايكم ...

[بنت الجبل آخت القصيد]

مامن الا الخير

انا لو كانت معي عائلتي اسلم :)










يمكن مايبيك تشوف زوجته :)
بس ولو سلمت يعني بتوقف زوجته معكم اكيد تعداكم او تدخل باي محل :)


.
.

[شنقل]

مامن الا الخير

انا لو كانت معي عائلتي اسلم :)

الله يسلمك ويطول عمرك:)










يمكن مايبيك تشوف زوجته :)
يمكن هذا تفكيره...

بس ولو سلمت يعني بتوقف زوجته معكم اكيد تعداكم او تدخل باي محل :)


مايبي له لازم تصرف نفسه
.




خلي هذا على جنب بوه شين ثاني


فيه بعض الحريم لاتقابلن بالسوق انواع السلام وخشوووم:)

[حسن الشاهين]

السلام عليكم ورحمة الله وبركاته


يالغالي امسحها بلحيتي


وهذي حبة خشمك

وعليكم السلام ورحمة الله وبركاتة


اعذره ما يشوف دربه


ابي هذا ................وابي هذا


الرجال دايخ

[ريال الفسحه]

هلا بشنقل


بعض الناس لاصار معه اهله يستحي يسلم
مايبيك توقف ومعه اهله


طيب اذا زوجتك يالواحد محتشمه وش انت مستحي
منه ؟


ناس دلوخ يالبناخي


اشطب عليه يابعدي

[شنقل]

السلام عليكم ورحمة الله وبركاته


يالغالي امسحها بلحيتي


وهذي حبة خشمك

وعليكم السلام ورحمة الله وبركاتة


اعذره ما يشوف دربه


ابي هذا ................وابي هذا


الرجال دايخ


وعليكم السلام ورحمة الله وبركاته

موهذا قصدي يافلان


كلنا ندوخ بالسوق:)


القصد ان بعض الناس مايبيك تسلم عليه ومعه عايلته


يحسون انها عيب

[شنقل]

هلا بشنقل


بعض الناس لاصار معه اهله يستحي يسلم
مايبيك توقف ومعه اهله


طيب اذا زوجتك يالواحد محتشمه وش انت مستحي
منه ؟


ناس دلوخ يالبناخي


اشطب عليه يابعدي

من جد دلوووخ

ياخي انت فاهمني





على فكره

وصلتك الرساله من الرجال

تراني مضبط الوضع:)

[نايف التومي]

الاخ العزيز شنقل اهلاً وسهلاً بك في قسمنا العام:) وشرفتنا بهذا الموضوع

الحساس جدً ولم نتطرق له بمنضومات ونظريات تختص ذلك العاده التي لابد

ان نحترمها ونقدرها اخي العزيز شرق المملكة ماهو بمثل شماله بعاداته وتقاليده

وجميع ممارسات حياته اليوميه وغربه وجنوبه كذلك لم تتفق بل لكل منها عاداتها

التي يرفعو رؤسهم بها وربما اغلب هذه العادات قبيحه ومنافيه لتعاليم الدين الاسلامي

اما عن عادت هالاخ الي انت قابلته وبالاحرى انا قابلة مثل هذه العينات ولكن الذي اود

اقوله هل تعرف الشخص معرفه تامه ... هل هو من ابناء بلدتك واجتماعياتك اجتماعياته

اذا كانت الاجابه بنعم فترجح الامور الى سبب واحد وهي الحياء القبيح .. دعني اذهب

بعيدً قريبً جداً ولكن يربط بموضوعنا هذا ارتباط وطيد .. الى وهي ان الدين الاسلامي دين

وسطي فلى هو من الغلو ولاهو من الاهمال بل وسطي بكل ماتحمله المعنى .. وانت اعلم

اذً لنعد الى قصة الحياء فالحياء فيه الزين والشين والعاده هذه هي اقرب مالها الحياء ان الرجال

حيااااااااوي ولكن حياء غير مبرر ... او كما قال اخي ريال الفسحه الى وهو اذا حريمك متسترات

وش يمنع انك تسلم .. او حريمك فيهن شي...


تنويه بسيط الى الذي لايحب ان يسلم ومعه عائلته خص.. لاتدع الشك اخي العزيز يظفي المكان فبادر بالسلام لكي تسلم من المسلمين...!!!!

اخي شنقل موضوع بقمة الروعه بجد >>>>>>تراه يرفع بك يبيك دوم هنا... لك وحشه يالعشير...

تقبل تحيتي

ابوالعروبه

[مجبور]

هذا انسان مريض ماعنده ثقة بنفسة
ويشك باي شي بس والله انك احسن ماسويت
لك كل الاحترام

[هلآ الآسلميهـ]

اممم


<< تفكر لو هي مع زوجه وجت خويته بتسلم عليه او لاء..



والله انا بين رايين ..


اذا انتبه لك سلم عليه وتحفّاه ..


بس اذا شفته لاهي ومنحاس لا تسلّم عليه ..


وكلمه بعدين وقلّه انك شفته





..


ولا أقول ..



سلّم عليه الله يسلمك..



..


ولا اقول مادري ..



لا صرت بهالموقف اقولك وش اسوي ..



..


لان والله السلام بهالموقف يعتمد على الوضع اللي انتوا فيه ..


يعني لو اشوف خويتي مع أخوه ولا ابوه والله ما اسلم ياعيباااااااه ..


يمكن عشانا حريم .


بس انتوا رجال عادي..

..


لاهنت شنقلا

[أبو فهد]

وعليكم السلام ورحمة الله وبركاته



موضوع مهم جدا


بالنسبة لي




اكره هالشي لنفسي و لغيري





و لما اشوف واحد معه عائلته انزل نظري او اتلفت و كأني ما شفته



و ألاحظ انه أيضا يبادرني بنفس الشيء و يخجل من نظرتي





----------------
أبو فهد الهمزاني

[أغاريد الرحيل]

طيب ليش
وش فيها الحرمه صحيح عورة بس متسترة وكل هالرجال اللي بالسوق
وش فرقهم عن اللي يعرفه
انا عندي مبداء اذا ماتبي خويك يشوف اهلك عامل كل الرجال كذا
ولاعشانهم مايعرفونك
هذا صار زي اللي مسافرن باهله يم الشرقيه ويوم وصلوا خلاهم على راحتهم
يعني مايغطن براقعهن يوم رجعوا لديرتهم قال تستروا ترانا وصلنا خير إن شاء الله
واهل الشرقيه مو عالم وناس ولا الحرام بس على اللي نعرفهم
تفكير مقلوب ومشنقل شنقله >> على وزن الكاتب ههههههه
والله ياخوي الرجال واحد سوا ابن عم ولاعشير ولاشامي ولاهندي بالاخير كلهم رجال
فالاحرى انه يسلم على خويه ويطق حنك كان بغى والمره تفارتز لاقرب محيل جنبوو
وتهايتز عليهم وتسمع وش يقولون

شنقل
طرح انما ايه تووحفه يتطرق لموضوع يشمل اكثر من هالموقف بس بالاخير يحملن نفس النظره
تقبل مروري

[الشاهري العبيدي]

من الناس من يأخذهم حياء سلبي حقيقية لما يكونون مع اهلهم اي حريمهم

والبعض يتصرف تسرع



والبعض يحط رجله وهذا ما عليك الا انك تسابقه وتوقفه وبصوت عااالي هلااااا ابو فلاااااان :)




صار معي موقف والي بغيته استحى ووقف وسلم والا كانت علوووووم ( واحد يدور النشبة )
:)

[منصور الغايب]

هلا أبو أحمد ...


حياك الله بالعام ...


بصراحة .. الموضوع هذا ملاحظه .. من فترة طويلة ومستغرب ...


وكذا مرة عاتبت بعض الاخوان اللي يقعون فيه ...

انا شخصيا ... ااذا وياي أهلي .. اوقف واحارش ربعي واضاحكهم قدام أهلي ... وش العيب اللي فيها ؟


لاهنت يابو احمد ..

ولا تقاطع ..

[ريم شمر]

ظاهره جميله احترمها جداً وتعجبني
ومن الامور الطيبه اللي اتمنى تستمر في مجتمعنا :thumb:

وانا اللي الاحظه العكس

ان بعض الرجال اذا شاف خويه ومعه عايلته هو اللي يبعد ويصد احتراما له ولهم

يمكن يكون الامر عادي في حالة ان الاثنين معهم عوايلهم

وعلاقتهم قويه ويمونون على بعض


اما رجال وحداني يوقف رجال معه عايلته علشان يسلم عليه ويطق حنك بوقت مو وقته


اعتقد انه تصرف مو سليم ويضايق العائله نفسها مو بس الرجال


واذا مره ذابحه الشوق لخويه

يكلمه ويعزمه والا يسير عليه ويسلم عليه الين يشبع

يعني حبكت الا بهالوقت :)

.
.

علما بأني كانت معي عائلتي..

اللي فهمته من الموضوع انك انت اللي معك عائلتك

والرجال يتهرب منك احتراماً لك ولهم

اجل ليه الردود كلها جايه بالعكس :)



.
.
حياك شنقل بالعام

منورنا والله وعساها دوم هالزياره الكريمه:7ayyoh:

[الحنشل]

<< يقلب الصفحة .. بسم الله و على بركة الله







شنقل


عن نفسي إذا جت عيني بعينه .... ما و الله تنزل عيني الا أنا مسلم عليه



أضعف الإيمان .. أرفع يدي و أسلم عليه لو من بعيد لبعيد




أما سالفة إني أمشي تسني ما شفته .. هذي نص سالفه

[عبسي]

^

الحنشل خشمك ياجدي








شنقل شلونك عقب السلام !



من وجهة نظري تختلف من شخص إلى شخص

ودايم تصير مع أكثر الأشخاص حتى العزابيه مثلي



لكن أنا إذا صادفت واحد اعرفه أسلم عليه ولا علي من أحد حتى لو هو ماوده

لسبب //

عشان مايقول صادفت العمده بهكالسوق ولا سلم عليّ ..

يعني أقطع السالفه من اوله ..










وفيه بعضهم مابي يراعي لك ولا يبي شوفتك ذابحه الحياء مدري ليه يحسب روحه مسوي جريمه ولا يبي أحد يدري !!

[سلام]

السلام عليكم ورحمة الله وبركاته :

يشرفني ويسعدني اني التقي معك اخوي شنقل بموضوع وهذي اول مرة وان شالله مو الاخيرة

والله ياخيي شنقل انت رجل وادرى بالي سواه صاحبك وليش سواة ؟

بس طبعاا مايمنع انك تطرحة هناا وتشووووف الاراء والردوود

والله ياخوي الرجل والرجل الشرقي بذات عندة خجل من اهلة وامة بوجة التحديد خجل مدري قرف مدري حياء مايصنفة الا فااعلة ..

المهم ياخييي ان الرجل اولا: مايبيك تطلع ع عوراتة واهلة ولو انهم متغطين ولاهم كاشفين.

ثانياا" ان الرجل مايبي يخدم اهلة وبنظرة وزعمة انة اذا ودىى اهلة السووق انة خادم ويمشي ورا كلام الحريم وهذي الي مااشية هالنظرية انا قلت بزعم بعض الرجال ..

ثالثا" ممكن انة مايبيك ولا يبيك سلامك

رابعاا" ممكن يكوون الرجال مصرفك والا مصرف احد غيرك وقايلة انة موهنا او نايم ونت شفتة وهو مايبيك تعرفة وتكشف تصريفتة..

خامسا" مايبي اهلة يشووفنك او يعجبون فيك او انت تعجب فيهم >>اصحااب الوساامة فقط..

عن نفسي اخواي كثير يقاابلوون اصحاابهم سووق لكن مجرد مايشوفهم احنا نبعد مانجي عنهم ونسوي انة مو

اخوناا عشاان ماننحرج احنا ولاهو ينحرج وطبعاا مايطول بسلام عليهم واحيانن يسلموون من بعيد

سادساا" ام الاهل يكونون قريبين منك فقط بالسووق يعني الوااحد ينحرج انة يشوفون اهلة وهم داايم ماحد يعرفهم لان المكان الوحيد الخارجي الي يجتمع فية هو واهلة هو السوق.


هذا الي عندي ياخيي بالنسبة اذا كااان هذا الي ماسلم عليك داايم معك كويس بس مع اهلة ماسلم مافي مشكلة اي الاسباب الي سردتهاا كاافية انك تعذرة


اتمنى ماكووون ثقلت عليك خييوو وتقبل مشاكتي وردوودي


احترمااتي .

[شنقل]

الاخ العزيز شنقل اهلاً وسهلاً بك في قسمنا العام:)
هلا بك بنايف التومي

وشرفتنا بهذا الموضوع


الحساس جدً ولم نتطرق له بمنضومات ونظريات تختص ذلك العاده التي لابد

ان نحترمها ونقدرها اخي العزيز شرق المملكة ماهو بمثل شماله بعاداته وتقاليده

وجميع ممارسات حياته اليوميه وغربه وجنوبه كذلك لم تتفق بل لكل منها عاداتها

التي يرفعو رؤسهم بها وربما اغلب هذه العادات قبيحه ومنافيه لتعاليم الدين الاسلامي

اما عن عادت هالاخ الي انت قابلته وبالاحرى انا قابلة مثل هذه العينات ولكن الذي اود

اقوله هل تعرف الشخص معرفه تامه ...

هل هو من ابناء بلدتك واجتماعياتك اجتماعياته

اذا كانت الاجابه بنعم فترجح الامور الى سبب واحد وهي الحياء القبيح .. دعني اذهب

بعيدً قريبً جداً ولكن يربط بموضوعنا هذا ارتباط وطيد .. الى وهي ان الدين الاسلامي دين

وسطي فلى هو من الغلو ولاهو من الاهمال بل وسطي بكل ماتحمله المعنى .. وانت اعلم

اذً لنعد الى قصة الحياء فالحياء فيه الزين والشين والعاده هذه هي اقرب مالها الحياء ان الرجال

حيااااااااوي ولكن حياء غير مبرر ... او كما قال اخي ريال الفسحه الى وهو اذا حريمك متسترات

وش يمنع انك تسلم .. او حريمك فيهن شي...


تنويه بسيط الى الذي لايحب ان يسلم ومعه عائلته خص.. لاتدع الشك اخي العزيز يظفي المكان فبادر بالسلام لكي تسلم من المسلمين...!!!!

اخي شنقل موضوع بقمة الروعه بجد >>>>>>تراه يرفع بك يبيك دوم هنا... لك وحشه يالعشير...

تقبل تحيتي

ابوالعروبه


هلا بابو العروبه عزالله رفعت بي

الرجال اللي قابلته زميل عمل وماظنتي انه حياء

اعتقد انه عادات وتقاليد عندهم


لانه من هاك الصوب

<<< يشر بيده حدر:)

[شنقل]

هذا انسان مريض ماعنده ثقة بنفسة
ويشك باي شي بس والله انك احسن ماسويت
لك كل الاحترام


هلا هلا بمجبور

يمكن مريض ويمكن مهو مريض

ويمكن حياء ويمكن مهو حياء


ويمكن يسلم ويمكن مايسلم



لاهنت .........

[شنقل]

;896612']اممم


<< تفكر لو هي مع زوجه وجت خويته بتسلم عليه او لاء..



والله انا بين رايين ..


اذا انتبه لك سلم عليه وتحفّاه ..


بس اذا شفته لاهي ومنحاس لا تسلّم عليه ..


وكلمه بعدين وقلّه انك شفته





..


ولا أقول ..



سلّم عليه الله يسلمك..



..


ولا اقول مادري ..



لا صرت بهالموقف اقولك وش اسوي ..



..


لان والله السلام بهالموقف يعتمد على الوضع اللي انتوا فيه ..


يعني لو اشوف خويتي مع أخوه ولا ابوه والله ما اسلم ياعيباااااااه ..


يمكن عشانا حريم .


بس انتوا رجال عادي..

..


لاهنت شنقلا


الله يسلمك وياعلك تعرسين
وتشوفين هالموفق على الطبيعه

[شنقل]

ابوفهد

حياك الله

[شنقل]

طيب ليش
وش فيها الحرمه صحيح عورة بس متسترة وكل هالرجال اللي بالسوق
وش فرقهم عن اللي يعرفه
انا عندي مبداء اذا ماتبي خويك يشوف اهلك عامل كل الرجال كذا
ولاعشانهم مايعرفونك
هذا صار زي اللي مسافرن باهله يم الشرقيه ويوم وصلوا خلاهم على راحتهم
يعني مايغطن براقعهن يوم رجعوا لديرتهم قال تستروا ترانا وصلنا خير إن شاء الله
واهل الشرقيه مو عالم وناس ولا الحرام بس على اللي نعرفهم
تفكير مقلوب ومشنقل شنقله >> على وزن الكاتب ههههههه
والله ياخوي الرجال واحد سوا ابن عم ولاعشير ولاشامي ولاهندي بالاخير كلهم رجال
فالاحرى انه يسلم على خويه ويطق حنك كان بغى والمره تفارتز لاقرب محيل جنبوو
وتهايتز عليهم وتسمع وش يقولون
:)
بس فيه ناس تقوم تروووغ عن وجهك
ليه مدري
شنقل
طرح انما ايه تووحفه يتطرق لموضوع يشمل اكثر من هالموقف بس بالاخير يحملن نفس النظره
تقبل مروري
اسعدني مرورك

[شنقل]

من الناس من يأخذهم حياء سلبي حقيقية لما يكونون مع اهلهم اي حريمهم

والبعض يتصرف تسرع



والبعض يحط رجله وهذا ما عليك الا انك تسابقه وتوقفه وبصوت عااالي هلااااا ابو فلاااااان :)



صار معي موقف والي بغيته استحى ووقف وسلم والا كانت علوووووم ( واحد يدور النشبة )
:)

انتا كذااا:thumb:

[شنقل]

هلا أبو أحمد ...


حياك الله بالعام ...


بصراحة .. الموضوع هذا ملاحظه .. من فترة طويلة ومستغرب ...


وكذا مرة عاتبت بعض الاخوان اللي يقعون فيه ...

انا شخصيا ... ااذا وياي أهلي .. اوقف واحارش ربعي واضاحكهم قدام أهلي ... وش العيب اللي فيها ؟


لاهنت يابو احمد ..

ولا تقاطع ..


هلاهلا بمنصور


انت صح يامنصور

بس المشكله اللي يتهرب

ابفهم ليه ؟؟؟

[شنقل]

برب انكس لكم شوي


<<< كفخ للفله

[لوليتا]

*
*

موقفه صعب

اذا صار معى الموقف ومع الرجال اهله
الرجال يكلموا بعض والحريم يكلموا بعض على جنب
حتى لو ما اعرف حريمهم اتعرف ولا يهمنى :)

اما اذا ما معه اهله ووقفنا ابعد انا او اتفرج على اى شئ ويحصلنا زوجى بعد ما يخلصوا سلامات

الموضوع مو محتاج كل هالحرج
لكن هناك رجال يعتبرون المرأة عورة حتى لو متغطية ومو مبين منها شئ


شنقل

يمكن خاف منك بعد كذا تقول ياللى ماشى مع حريمك

كانه عيييب:a:

ما عنده حق

تسلم شنقلا للموضوع الطيب

*
*

[ابو ضاري]

وعليكم السلام ورحمة الله وبركاته

يازينكم لاتقابلتم وتسالمتم

وخيركم من بدا بالسلام

بس بعض العرب >>>>>>>مايبي السلام
لاهنت ياشنقل الغالي

[الونش]

وانت حبكت معك ألا تسلم عليه ومعوه أهلوه >> يدور المحارش :)


صدقني ان بعض الناس يصد عنك وانت مامعك أهلك :)



واحدن من خويانا يقول أنا بالسوبرماركت أتقضى ومعي أهلي وهو يلقف لي واحدن معرفه من خوياي ويسلم علي وقالي تقهو وتعذرت منوه اني مشغول ولا أقدر يقول وهو ينشب بحلقي عدل بدل يامار مابوه طب الماخوذ يقول وأنا أمسك يدوه وأجيبوه عند مرتي وقلت لوه شف هذي المعزبه اعزمه معي على القهوه وان وافقت أبشر هالحين نروح معك يقول يامار ماتشوف ألا مقفاوه ماسكن الباب نحاااش هههههههههه



طبعا هي مافيها شي انك تسلم على رفيقك,,


ولكن ليه ماتقول للشخص المقابل اللي مامعوه مره هل انت تسلم وألا ماتسلم ؟؟


أنا عن نفسي لامني شفتوه ومعوه أهلوه أكيد اني أبي احرف بصري عنهم لين أصيدوه لحالوه :)





:hala1:

[منصور الغايب]

عذرا ابو احمد ...


ولكن رد للاخت ريم حفظها الله ....


سؤال ابو احمد الاخير كان :

هن
اك أشخاص لايحبون أن تسلم عليهم ومعهم عوائلهم..

.
.
.

يعني عرفت منو اللي رده كان عكس الموضوع :(

[ريم شمر]

يعني عرفت منو اللي رده كان عكس الموضوع :(




^
^
اي عرفت

مافي احد :)

الكل رد بصلب الموضوع واولهم انا :d:

بس اللي قصدته ان الجميع يلوم الرجال ويعتبره منحرج من وجود عائلته معه

وشرشحو هالضعيف كنه مسوي جريمه :a:

بينما احتمال انه يكون قصده منحرج من وجود عائلة اخوي شنقل معه

وفيه فرق اكيد !! :thumb:


لأني اشوف ابو طلال اذا شاف زميله ومعه اهله

اشر له بالسلام من بعيد واكتفى بهالشئ

يوم سألته ليه مارحت له وسلمت عليه

قال ليه احرج الرجال واهله ؟!

يمكن هو مايرضى ويمكن اهله يتضايقون

ويمكن الوقت مو مناسب لهم !!

والسلام لاحقين عليه


هذا شئ


الشئ الثاني انا مادري ليه تعتبرون ان هالشئ فيه احتقار للحرمه

انا اشوفه غيره محموده

طيب شئ جميل انك تغار على محارمك حتى لو متغطين بمليون غطوه :)


العجيب ان فيه بعض الحريم اذا طلعت مع رجلها ماتبي احد يشوفه

كن العالم بتاكله :)

ولو تفكر وحده تعرفها انها تسلم عليها تصير كارثه :puzzled:

اعتقد هذا الموقف اللي ماله داعي ويدل على عدم ثقه بالنفس

والغيره الغير محموده


عموماً هي قضيه حريه شخصيه

واحترام وجهة نظر الاخرين

المفروض مانحملها فوق ماتحتمل


وسلامتكم :hala1:

.
.

[سلطااان السويري]

يعطيك العافيه اخوي شنقل


وبالنسبه للسلام ومعك اهلك انا اشوفه شي عادي

وين المشكله لاسلمت ومعك اهلك


بس خويك مستحي من وشو والله مادري


كل واحد وتفكيره



لاهنت يابعدي وثانكيو<<< شرايك بالعنقليزي

[أبــو عبدالعزيز]

أنا واحد لو أشوف أحد أصحابي
من بعيد أتحاشا مواجهته حتى يأخذ راحته وخصوصيته من الذين يعرفونه
أما إن أصبح وجهي بوجه فلا مفر إلا أن اسلم عليه على عجل وغض للبصر .

هذا رأيي بالموضوع وشكراً للطرح الجيد أخي شنقل

[يـــوسف]

السلام عليكم ورحمة الله وبركاته


أسعد الله مسآئك إستاذي شنقل



:)





بآلنسبة لخويك يمكن زعلان وقته ويمكن انه مشغول بآلسوق مع أهله



وبشكـل عام أنا آشــوف إن السلام من بعيد أفضـل








أنا لو أتزوج يمكن مو بس أسلم إلا أصد :)




كل شخص وله خصوصيات










شنقل يمكن بلبوله ويمكن لا اي وقسمن با الله

[شنقل]

اشكر كل من عقب وابداء رأيه

والحاله يمكن حياء


ويمكن عادات وتقاليد


ويمكن يسلم ويمكن مايسلم ,,,,

[عبدالله الجعيثن]

بما أني راعي نذخ!!!



فرأيي ان الخوي اللي مبطي عنّه ابروح اشخفه لو معه اهله


والعكس...حتى لو صد عني ومعي اهلي...اصوّت له وأفشله!!!

[مشــــعل]

التسوق من الخصوصيات

الافضل انك تصد عن الرجل الي معه اهله

عشان ياخذون راحتهم

والسلام لاحق عليه

كذلك لو اتسوق ومعي اهلي

ماأحب اني اواجه واحد اعرفه ..!!

وجهة نظر