المساعد الشخصي الرقمي

مشاهدة النسخة كاملة : شفتها ياسعود!!! إهـداء


راعي العميشاء
12-08-2002, 14:52
القصيدة التالية اهـــداء الى جميع الاعضاء والمشرفين في هذه المضايف ارجو ان تنال اعجابكم
راعي العميشاء
12-08-2002, 14:59
قصيدة اعجبتني واحببت ان انقلها لكم لشاعر محروم من كل شيء



شفتها ياسعود صدفه بعدماغابت سنين=عندقسم المختبروسط مشفى الجامعه
جيتهاثم قلت ممكن في سؤالي تسمحين=ناظرت فيني بدهشه نظرة متواضعه
قالت انته تحسبني من بنات صايعين=تحسبني في زماني عن طريقي ضايعه
قلت اناماراح اطول كل ابوها كلمتين=وابعدت عني شويه ثم جتني راجعه
قالت اسال واضح انك من رجال طيبين=بس هرجك يالسنافي كان وشو دافعه
قلت انا حبيت وحده يوم حنا صغيرين=ومن ثمان سنين راحت للمواصل قاطعه
عقبها ماذقت نوم يهتنيه النايمين=ساهر فيطول ليلي لين شمسي طالعه
اذكرانه فيه حبه فوق ثغره من يمين=واذكر انه لاجرينا كن شعره تابعه
واذكرانه عاشق فالورودالياسمين=صار قلبي بالوروداللي عشقهازارعه
طابع اسمه بقلبي فيه سين وفيه عين=وفيه الف وفيه دال وسط قلبي طابعه
قاطعتني بقولها سبحان رب العالمين=كررتها مره ومرتين ورابعه
قلت وشبك وشبلاك يابنيه ترجفين=ليش عينك يابنيه من كلامي دامعه
قالت الموقف وقلبي والمحبه والحنين=كيف اشوفك اشوفك بعد ماكنت عنك قانعه
قلت انابسالك انكانك انتي تذكرين=عن مواثيق ثمنها من حياتي دافعه
قالت ظروف الزمان اتطيع العاشقين=بيعوني غصب حبك لوهوماني بايعه
انا في دنياي حالي كنهاحال السجين=حتى لو فكوا سراحه فيه شي مانعه
زوجوني غصب واحد وحرموني حاجتين=السعاده في زماني والحياه الرايعه






والحين انا ام لثلاثه عندي ريم وياسمين والولد اسمه على اسمك والمشاعر جايعه

تحياتي للجميع اعي العميشاء
نوف
14-08-2002, 00:43
اخوي راعي العميشاء
تسلم على نقل هالقصيده الرائعه
واللللللللله رائعه وما ادري وش اكتب واعلق
واللي اقدر اقوله

اختيارك دائم موفق
امتعنا بمثلها
او اخرى تدمع اعيننا عند قرائتها

اختك نوف
راعي العميشاء
15-08-2002, 23:47
الاخت نوف يزيد نا شرفاً مرورك للقصيده .وبشري انشاء الله بقصائد اخرى ولكي مني جزيل الود...
سالم
18-08-2002, 10:25
أولا /////
يعطيك العافيه على القصيده اللي نقلته .....

ثانيا /////
ماتعرف الشاعر من هو ؟؟؟

ثالثا /////
مدام أنك نقلت هذي القصيده الأكثر من رائعه , ليش مخبي علينا البقيه .....

رابعا /////
ودي أنك ترسلها لي على ايميلي لو تكرمت ,,,,,,,,,,,

خامسا /////
مقدر أكمل ,,,,,,,,

عيني دمعت ؟؟؟؟؟؟؟؟











أخوك / سالم الشمريr
رفحاء
راعي العميشاء
22-08-2002, 23:19
الاخ سالم الشمري تحيه طيبه
الله يعافيك
الشاعر كما وصلني من احد الاصدقاء محروم من كل شيء
هذا اللي وصلني وماخبيت شي وذا عندك زود جبه لنا
وانشاء الله نرسلها كما وصلتنا على ايميلك
امابالنسبه للدموع مالي حيله وسلامة دموعك وتعيش وتشوف غيرها بدون دموع ....
وتقبل تحياتي ...