عقّل الرغبه ..!!

[لطيفه الشمري]

لاطعنك البعـد مـع قلـة وفـاه=[..صح ..] من ايامً عجزت تذمّها
ولا ذبحك احساس عيا مـاكتفـاه=ولّـد الذكـرى وثــمً سَمـهـا
واحضن الجرح الندي والمس دفاه=وغيّـب الامـك بعـزة كمّـهـا
والذلول اللي مدرهمها [..افـاه..]=ماتـوقـف والـوطـا مالمّـهـا
عقلّ الرغبه على اطراف الشفـاه=واذبح الـزلات واسفـك دمّهـا
واقطع البيـدا ولاتتـرك صفـاه=الا والهيـبـه تـمـر تشمّـهـا
ياالصحاري وان رحل معطي قفاه=الرشـا ضاميـه يتنـى جمّهـا
تستضيق انفاس واطلبنـي نفـاه=وايتنفسـنـي بقـايـا سُمّـهـا
يالجيوش اللي وسط صدري حفاه=العيـون تصيحنـي مـن همّهـا
علة جروحي تبـي بلسـم شفـاه=واحفظ اوقـات الـدوا واصمّهـا
المس الواقـع وتبريـري كفـاه=الضنا همومي وصـدري امّهـا
مابقى مني سـوى تالـي رفـاه=الخناجـر خـال وايـده عمّهـا
يالشمال ارحم دفى حـبً خفـاه=ولملـم اهاتـي ويمـك زمّـهـا
شفني لاشبيـت شمعاتـي طفـاه=الهوى الشرقـي وبنـتً ضمّهـا
الجفن غمض وسط ليـلً غفـاه=والحكـاوي ماتـعـدت فمّـهـا
حاتميً خافقي .. / طيفـك لفـاه=اقطـع عروقـي عشـا واتمّهـا







..[ لطيفه الشمري ..]

[نهير النمش]

الشمريه

صح لسانك الله يعافيك

قصيده روعه وراقيه

لك تحياتي

[هايس الشمري]

..[ لطيفه الشمري ..]


هلا بك يا لطيفه..


ياالصحاري وان رحل معطي قفاه=الرشـا ضاميـه يتنـى جمّهـا

هالبيت رااااااائع جدا اعجبني..!!!!!



تستضيق انفاس واطلبنـي نفـاه=وايتنفسـنـي بقـايـا سُمّـهـا
يالجيوش اللي وسط صدري حفاه=العيـون تصيحنـي مـن همّهـا
علة جروحي تبـي بلسـم شفـاه=واحفظ اوقـات الـدوا واصمّهـا
المس الواقـع وتبريـري كفـاه=الضنا همومي وصـدري امّهـا
مابقى مني سـوى تالـي رفـاه=الخناجـر خـال وايـده عمّهـا
يالشمال ارحم دفى حـبً خفـاه=ولملـم اهاتـي ويمـك زمّـهـا



ابياات راائعه..



صح لسانك



اخووك

[عبدالله الجعيثن]

واحضن الجرح الندي والمس دفاه=وغيّـب الامـك بعـزة كمّـهـا

هنا...ابداع


عقلّ الرغبه على اطراف الشفـاه=واذبح الـزلات واسفـك دمّهـا

هنا.....جمال


ياالصحاري وان رحل معطي قفاه=الرشـا ضاميـه يتنـى جمّهـا


هنا .. تفرد


مابقى مني سـوى تالـي رفـاه=الخناجـر خـال وايـده عمّهـا


هنا...جزاله








[ لطيفه الشمري ..]




نص راقي وجزل




اعجبني جدا




بأبياته وطرقه



صح لسانك

[منصور الغايب]

نص جميل ...


صح لسانك يامبدعة ...

[سلطااان السويري]

صح لسانك اختي لطيفه

وقصيده في قمه الروعه


لاهنتي

[بشير اللويش]

شاعرتنا العزيزه

فعلا مشاركه رائعه ولا مستغربه منك

شكرا لك على ما اتحفتينا به ... ولا تحرمينا التواصل

اخوك .. الراسي

[مقبل الضوي]

لا زلت اردد


الشمريه لطيفه ( لحاله )


الله يوفقك


وصح لسانك




جيت بس اجدد اعجابي بنصوصك

[رادار الحرف]

الشمريه
اين انت عن المضايف ؟
نادرا ما ارى مشاركاتك ، وارد على نفسي انها بالضبط مثل مشاركاتي :)
مشاركتك فيها الشعر واضح والشاعريه الانثويه اوضح وتتجلى فيها العقلانيه
والاصاله والتربية الاسلامية.
وسوف اذهب للنص على عجاله /




لاطعنك البعـد مـع قلـة وفـاه=[..صح ..] من ايامً عجزت تذمّها
ولا ذبحك احساس عيا مـاكتفـاه=ولّـد الذكـرى وثــمً سَمـهـا



من اجمل ما مر علي في مطالع القصائد في هذه الايام
وقد ابدعت في التفنن بالحرف والمعنى.


واحضن الجرح الندي والمس دفاه=وغيّـب الامـك بعـزة كمّـهـا



الجرح صحيح دائما مايكون دافي وادفى عندما يكون ندي ، وهنا يكمن الابداع
وقمة الكبرياء والشموخ في عزة النفس عندما يغيّب صاحب الجرح آلامه عن الغير



والذلول اللي مدرهمها [..افـاه..]=ماتـوقـف والـوطـا مالمّـهـا



فلسفه رائعه


عقلّ الرغبه على اطراف الشفـاه=واذبح الـزلات واسفـك دمّهـا



وتتواصل الفسلفه والحكمه والعقل والرزانه.


واقطع البيـدا ولاتتـرك صفـاه=الا والهيـبـه تـمـر تشمّـهـا



رائعه جدا ، ولكن عجز البيت اعتقد ان فيه نقص حرف ، وبمعنى آخر اجزم بأني قرأته خطأ.


ياالصحاري وان رحل معطي قفاه=الرشـا ضاميـه يتنـى جمّهـا
تستضيق انفاس واطلبنـي نفـاه=وايتنفسـنـي بقـايـا سُمّـهـا



اقسم برب الكعبه بيتين عن قصيدتين .


يالجيوش اللي وسط صدري حفاه=العيـون تصيحنـي مـن همّهـا


وهنا روعه في صور الجيوش ، ولكن في عجز البيت اعتقد ان الافضل ان العيون تدمع ولا تصيح لأن الصياح من الافواه وليس من العيون، وبالرغم من ذلك هناك من الشعراء من يكتب بنفس ماتكتبين به بان العيون تصيح.( ارد على نفسي بالنيابه عنك :)



علة جروحي تبـي بلسـم شفـاه=واحفظ اوقـات الـدوا واصمّهـا
المس الواقـع وتبريـري كفـاه=الضنا همومي وصـدري امّهـا
مابقى مني سـوى تالـي رفـاه=الخناجـر خـال وايـده عمّهـا
يالشمال ارحم دفى حـبً خفـاه=ولملـم اهاتـي ويمـك زمّـهـا
شفني لاشبيـت شمعاتـي طفـاه=الهوى الشرقـي وبنـتً ضمّهـا
الجفن غمض وسط ليـلً غفـاه=والحكـاوي ماتـعـدت فمّـهـا
حاتميً خافقي .. / طيفـك لفـاه=اقطـع عروقـي عشـا واتمّهـا



ولازالت الفلسفه والشاعريه متدفقه وخاتمه جدا جميله


ولك اعجاب وتحيه


رادار الحرف