الشبث
12-12-2009, 13:26
سلامو عليكم
شلونكم يالغالين
تخبرون اول فيه برنامج يطلع على ال بي سي اسموه ياليل يا عين
ترى حتى القناة السعوديه عليه برنامج مثلوه
كان اسموه ياليل التـبن ( الله يعزكم )
وتخبرون بعد اول على قناة المستقبل فيه برنامج اسموه فيس تو فيس
يعني وجه لوجه
حتى حنا بعد
على القناة السعوديه الاولى برنامج كش وجه
كل هاللي فوق مالوه اي دخل بالسالفه لحد يدقق
نجي لسالفتنا
قبل سنوات
وبيوم اربعاء
قالي الوالد يا ولدي ترنا نبي نطلع نخيم بالبر تسان تبي تخاوينا
قلت لا والله يا بابا عندي مبارياااات ما اقدر اخليهن
قال اخس يا محيسن الجمعان انت وهالعراقيب
انطق بكيفك
واطقه نومه
واقعد العصر
ولا اهلي رايحين
ولا فيه بالبيت الا انا
والبس ملابسي واطلع العب كوره مع العيال
وارجع المغرب
يوم نزلني خويي وراح
وانا اراعي لبيتنا
ولا مظلم
وافتح الباب ولا البيت خرمس
يعني ما تشوف يدك
وادخل
الامور تماااااام ولا عندي من الشيطان طاري
وانا افصخ ملابسي واخذ منشفتي وادخل اتروش
شوي
موسيقه تخرع
وهو يهتز الباب
وانا اراعي للباب << فيس واحد على وجهوه صابون
قلت يمكن يزول لي
يمكن ما انتبهت
يمكن عند الجيران
<< فيس واحد خش تحت الدش ثاني مره
واقصد واعرض تحت الدش
شوي
موسيقه حزينه
عفواً موسيقه تخررررررع
ولا فيه واحد يرج الباااااب
<< فيس واحد يراعي للباب بعيون بريئه وسبلتوه تقطر من الخرعه
ويرج الباب ثاني مره
ولا اكيد العلم
وانا امشي شوي شوي
واخذ فرشات الاسنان واقوم احك اذني << استدارت مختوه
ويرج الباااااب قوووه
قلت ميييييييييين << يرتعدن براطموه
قال انا جنييييييييييييييي
قلت العن ابو شكلك وش تبي بي
قال اااااااااايش تقول
قلت اقول وش تبي بي
قال لااا اللي قبله
قلت العن ابو شكلي
قال اهااااا احسبك تقصدني
قلت المطلوووب يا كبتن جني
قال افتح البااااااب
قلت وين افتح ياخوي مصلووخ انا مقدر اهلك ماعلموك العيب
قال ااااااااايش
قلت لا ياخي اقول اخاف افتح الباب وتلبسني وما اكون قد المقام
قال ليه قللللت الناس ما البس الا انت
قلت طيب وش تبي بي العن ابو شكلك << ضمن انوه مهو لابسوه
شوي
شويين
ثلاث شويات
انقطع صوته
قلت يا جني
يا اخ جني
كبتن جني وينك
وانا اتنشف واتلبس وافتح الباب شوي شوي
وكل شوي اقول هالحين يطلع علي بعد وجه
واقوم امشي شوي شوي
وارقا الدرج للدور الثاني
وافتح الغرفه
واجلس مولع اللمبه
وكل شوي اقول هالحين يخش علي
شوي
ويدق تلفون البيت
واروح ارد
الو مين
ولا واحد من العيال هااااااه شبيثاااان امرك تروح معي
قلت ايه واللي يرحم ابووووك بسررررعه
واول ما سكر
وانا اروح ركض ابي اطلع برا البيت
وانا اركض احس فيه احد يركض وراي
واحس اذاني انمغطن
بس فاااااك سبرنت والله ما امسك بريك لو على جثتي
ولا وقفت الا يوم صمخت بجدار جيراننا اللي مقابل لبيتنا
وانتظر خويي برا
ويمرن ونمشي
ونتمشى
ونتعشى
ونسير على خويانا
وكل هالفتره ناسي قصة الجني
قال خويي هاااه يا شبيثان شراك نمشي
قلت يالله
ونقوم من عند خويانا
يوم ركبنا بالسياره قلت لخويي هااه وهالحين وين تبينا نروح
قال ابنزلك ببيتكم
قلت وشووووو
قال ابنزلك بالبيت ليه فيه شي
قلت لا عادي
ونروح
وطول ماحنا بالطريق اهوجس
يوم وقف خويي عند البيت
وانا اراعيلوه
قلت يعني مصمم
قال وشو مصمم
قلت ماودك تنزل تنام عندي
قال لا ياخوي ابروح لبيتنا
قلت طيب ماودك احد ينام عندكم
قال احد ؟ منهو احد
قلت لا يعني اذا فيه احد خايف ينام لحالوه ذالن يجربعونوه الجن بعد شوي عادي ينام عندكم
قال انت خايف يا شبيثان ؟
قلت لا منهو اللي قال انا كذاب
وانا افتح الباب وانزل
وخويي يراعيلي
قال الشبث فيك شي ؟ تبي شي ؟
قلت هاااه لا عادي رح لبيت اهلك اقدر انام لحالي
واسكر باب سيارتوه وانا اراعي لبيتنا وعيوني للدور الثاني << احس انوه يقزن من فوق
راح خويي
وروح وراحت رووووووحي محد ياب اخبارااااه
وانا افتح باب الحوش شوي شوي
وافتح الباب الداخلي
وادخل شوي شوي
واتلفت يمين ويسار
ومسوي فيها ماني خايف
بس الركب لكم عليهن لهن قرشه
شوي
موسيقه تخرش يا مخرج
وتولع لمبة المطبخ
وانا انجضع بالسيب واسوي نفسي نيم
واقوم اشخر
ومافيه احد
واقوم اراعي يمين ويسار
فووق تحت قدام ورا
مافيه احد
وانا اقوم احبي
وازحف
ليما جيت الغرفه
واتكوم بالفراش
واسمع الطقطقه وانا ارجف
ليما اذن الفجر
وتنتهي هالاصوات
ولا نمت الا عقب صلاة الفجر
وقبل انام جهزت اغراضي علشان الحق اهلي بكرى
قلت من اقوم ابي الحقهم يعني كذا على الظهر
وانام
واقوم
واراعي للساعه
ولا الساعه 11 بالليل << فيس واحد متوهق واذانوه انمغطن
يعني لا يمديني اروح
ولا يمديني اجي
ولا فيني نوم علشان انسى
يعني الليله جلسه انا والزقرت
وطول ليلي متلهلم بالبطانيه تسني نيم
واسم اصوات طقطقه
ولا قدرت انام الا عقب صلاة الجمعه
واقوم
الساعه 10 بالليل << متورط متورط الله لا يعوق بشر
قلت بس الليله علومي قشرى
بس
الجوووع كاااافر
ابي اكل شي
وانا انزل شوي شوي واجي المطبخ ولا لمبتوه مولعه
وافتح الثلاجه
واجلس عنده واقوم اكل
واتلفت وانا اكل
وبحدى تلفتاتي شفت كراوه
ايوالله كراع
متمدد بالمقلط
ياربي سكنهم مساكنهم ياااربي
بس رجلوه مثلنا وانا اقوم ازحف ابي اشوفوه
حبه حبه
واراعيلوه ولا متمغط
قلت ايييييه اكيد اني مليشوه هالايام اللي فاتن ونيم
نومة حمد اللي نام ولا قام
وانا اقوم ابي اتغيب بغرفتي
ولا تحرك الجني
قال شبيثااان هاتلي مااء
قلت وشووووو << براطم يتراعدن
قال هاتلي ماء والله مابي حيل اقوم
وانا اراعيلوه
ولا هذا اخوي متعب الكبير
اثريهم جايين من البر
وانا اركض يموه بكل شوق ولهفه وحنكه << ماله دخل بس من الفرحه خانوه التعبير
وياااربي لك الحمد
بس تدرون
كل هالايام اللي حشرن بهن الجني ما قريت المعوذات
علشان كذا حشرن
ولا لو انا قاريهن تسان حاشر ابو اللي جابوه العن ابو شكلوه
وتقلدوا تحيتي
شلونكم يالغالين
تخبرون اول فيه برنامج يطلع على ال بي سي اسموه ياليل يا عين
ترى حتى القناة السعوديه عليه برنامج مثلوه
كان اسموه ياليل التـبن ( الله يعزكم )
وتخبرون بعد اول على قناة المستقبل فيه برنامج اسموه فيس تو فيس
يعني وجه لوجه
حتى حنا بعد
على القناة السعوديه الاولى برنامج كش وجه
كل هاللي فوق مالوه اي دخل بالسالفه لحد يدقق
نجي لسالفتنا
قبل سنوات
وبيوم اربعاء
قالي الوالد يا ولدي ترنا نبي نطلع نخيم بالبر تسان تبي تخاوينا
قلت لا والله يا بابا عندي مبارياااات ما اقدر اخليهن
قال اخس يا محيسن الجمعان انت وهالعراقيب
انطق بكيفك
واطقه نومه
واقعد العصر
ولا اهلي رايحين
ولا فيه بالبيت الا انا
والبس ملابسي واطلع العب كوره مع العيال
وارجع المغرب
يوم نزلني خويي وراح
وانا اراعي لبيتنا
ولا مظلم
وافتح الباب ولا البيت خرمس
يعني ما تشوف يدك
وادخل
الامور تماااااام ولا عندي من الشيطان طاري
وانا افصخ ملابسي واخذ منشفتي وادخل اتروش
شوي
موسيقه تخرع
وهو يهتز الباب
وانا اراعي للباب << فيس واحد على وجهوه صابون
قلت يمكن يزول لي
يمكن ما انتبهت
يمكن عند الجيران
<< فيس واحد خش تحت الدش ثاني مره
واقصد واعرض تحت الدش
شوي
موسيقه حزينه
عفواً موسيقه تخررررررع
ولا فيه واحد يرج الباااااب
<< فيس واحد يراعي للباب بعيون بريئه وسبلتوه تقطر من الخرعه
ويرج الباب ثاني مره
ولا اكيد العلم
وانا امشي شوي شوي
واخذ فرشات الاسنان واقوم احك اذني << استدارت مختوه
ويرج الباااااب قوووه
قلت ميييييييييين << يرتعدن براطموه
قال انا جنييييييييييييييي
قلت العن ابو شكلك وش تبي بي
قال اااااااااايش تقول
قلت اقول وش تبي بي
قال لااا اللي قبله
قلت العن ابو شكلي
قال اهااااا احسبك تقصدني
قلت المطلوووب يا كبتن جني
قال افتح البااااااب
قلت وين افتح ياخوي مصلووخ انا مقدر اهلك ماعلموك العيب
قال ااااااااايش
قلت لا ياخي اقول اخاف افتح الباب وتلبسني وما اكون قد المقام
قال ليه قللللت الناس ما البس الا انت
قلت طيب وش تبي بي العن ابو شكلك << ضمن انوه مهو لابسوه
شوي
شويين
ثلاث شويات
انقطع صوته
قلت يا جني
يا اخ جني
كبتن جني وينك
وانا اتنشف واتلبس وافتح الباب شوي شوي
وكل شوي اقول هالحين يطلع علي بعد وجه
واقوم امشي شوي شوي
وارقا الدرج للدور الثاني
وافتح الغرفه
واجلس مولع اللمبه
وكل شوي اقول هالحين يخش علي
شوي
ويدق تلفون البيت
واروح ارد
الو مين
ولا واحد من العيال هااااااه شبيثاااان امرك تروح معي
قلت ايه واللي يرحم ابووووك بسررررعه
واول ما سكر
وانا اروح ركض ابي اطلع برا البيت
وانا اركض احس فيه احد يركض وراي
واحس اذاني انمغطن
بس فاااااك سبرنت والله ما امسك بريك لو على جثتي
ولا وقفت الا يوم صمخت بجدار جيراننا اللي مقابل لبيتنا
وانتظر خويي برا
ويمرن ونمشي
ونتمشى
ونتعشى
ونسير على خويانا
وكل هالفتره ناسي قصة الجني
قال خويي هاااه يا شبيثان شراك نمشي
قلت يالله
ونقوم من عند خويانا
يوم ركبنا بالسياره قلت لخويي هااه وهالحين وين تبينا نروح
قال ابنزلك ببيتكم
قلت وشووووو
قال ابنزلك بالبيت ليه فيه شي
قلت لا عادي
ونروح
وطول ماحنا بالطريق اهوجس
يوم وقف خويي عند البيت
وانا اراعيلوه
قلت يعني مصمم
قال وشو مصمم
قلت ماودك تنزل تنام عندي
قال لا ياخوي ابروح لبيتنا
قلت طيب ماودك احد ينام عندكم
قال احد ؟ منهو احد
قلت لا يعني اذا فيه احد خايف ينام لحالوه ذالن يجربعونوه الجن بعد شوي عادي ينام عندكم
قال انت خايف يا شبيثان ؟
قلت لا منهو اللي قال انا كذاب
وانا افتح الباب وانزل
وخويي يراعيلي
قال الشبث فيك شي ؟ تبي شي ؟
قلت هاااه لا عادي رح لبيت اهلك اقدر انام لحالي
واسكر باب سيارتوه وانا اراعي لبيتنا وعيوني للدور الثاني << احس انوه يقزن من فوق
راح خويي
وروح وراحت رووووووحي محد ياب اخبارااااه
وانا افتح باب الحوش شوي شوي
وافتح الباب الداخلي
وادخل شوي شوي
واتلفت يمين ويسار
ومسوي فيها ماني خايف
بس الركب لكم عليهن لهن قرشه
شوي
موسيقه تخرش يا مخرج
وتولع لمبة المطبخ
وانا انجضع بالسيب واسوي نفسي نيم
واقوم اشخر
ومافيه احد
واقوم اراعي يمين ويسار
فووق تحت قدام ورا
مافيه احد
وانا اقوم احبي
وازحف
ليما جيت الغرفه
واتكوم بالفراش
واسمع الطقطقه وانا ارجف
ليما اذن الفجر
وتنتهي هالاصوات
ولا نمت الا عقب صلاة الفجر
وقبل انام جهزت اغراضي علشان الحق اهلي بكرى
قلت من اقوم ابي الحقهم يعني كذا على الظهر
وانام
واقوم
واراعي للساعه
ولا الساعه 11 بالليل << فيس واحد متوهق واذانوه انمغطن
يعني لا يمديني اروح
ولا يمديني اجي
ولا فيني نوم علشان انسى
يعني الليله جلسه انا والزقرت
وطول ليلي متلهلم بالبطانيه تسني نيم
واسم اصوات طقطقه
ولا قدرت انام الا عقب صلاة الجمعه
واقوم
الساعه 10 بالليل << متورط متورط الله لا يعوق بشر
قلت بس الليله علومي قشرى
بس
الجوووع كاااافر
ابي اكل شي
وانا انزل شوي شوي واجي المطبخ ولا لمبتوه مولعه
وافتح الثلاجه
واجلس عنده واقوم اكل
واتلفت وانا اكل
وبحدى تلفتاتي شفت كراوه
ايوالله كراع
متمدد بالمقلط
ياربي سكنهم مساكنهم ياااربي
بس رجلوه مثلنا وانا اقوم ازحف ابي اشوفوه
حبه حبه
واراعيلوه ولا متمغط
قلت ايييييه اكيد اني مليشوه هالايام اللي فاتن ونيم
نومة حمد اللي نام ولا قام
وانا اقوم ابي اتغيب بغرفتي
ولا تحرك الجني
قال شبيثااان هاتلي مااء
قلت وشووووو << براطم يتراعدن
قال هاتلي ماء والله مابي حيل اقوم
وانا اراعيلوه
ولا هذا اخوي متعب الكبير
اثريهم جايين من البر
وانا اركض يموه بكل شوق ولهفه وحنكه << ماله دخل بس من الفرحه خانوه التعبير
وياااربي لك الحمد
بس تدرون
كل هالايام اللي حشرن بهن الجني ما قريت المعوذات
علشان كذا حشرن
ولا لو انا قاريهن تسان حاشر ابو اللي جابوه العن ابو شكلوه
وتقلدوا تحيتي