َجاكيشان الشمريََ

[هلآ الآسلميهـ]

السلام عليكم ورحمة الله وبركاته



كل سنه وانتم بخير..


والله يغفر لنا ذنوبنا جميعاً..


واتمنى من الجميع انكم تسامحوني ..



وتحلّوني ..



والله يجعل السنه الجديده فال خير على الجميع ..


ويرزق الجميع .. ويجوزهم وينجحهم << الله العالم بوه حصاة ناشبه تحت حرف الجيم مدقّر يالله يكتب ..


.....


ندخل بصلب الموضوع ..



وآكمل لكم سلسلة حلغآآت برنآآمج طفولتي البريئه ..:315r:



اللي مثل مانتم عارفين مليانه بالبراءه .. والادب والاخلاق والنبيله ..


..


هذي سالفتن جرت لي من هالسنين ..



كنت اول يومي وغده مهجدتن عيال الحاره محد يقوى يقرب لي ..:315r:


لآن ماعندنا أخو كبير يدافع عننا اضطريت اني ألعب دور جاكيشان بهكا الوقت ..


وكانوا اخوتي اللي اصغر مني لا تخانقوا مع احد ..


محد يقولهم شين ..



لآنهم يقولون بنادي لكم أختي"" لولو"" ..:7ayyoh:





اذكر مرتن من المرات .. بوه ولد يرراننا << مشكلة حرف الجججيم





اسموه " فؤاد " حجازي ..





تخانقت انا وياوه



وتعافسنا بالشوش ..


وهو الله حق شعروه جعد..



وعفسي..


وهو عندوه اخوان كبار ..



الانذال واقفين ويشجعونه ..



وانا مافيه احد يشجعن ..




وانا تقوم جنيتي ..



وينحولن عيوني ..


ويحمرن شدوقي..



خلاص عصبت ابعدوا عن طريقي..




قلت هيّن اوريك يالجيزاني المروح ..



وادخل البيت ..



واتناول يد النجر .



ابفضخ راسوه ..



واجيه طايره امشي 2000 معي يد النجر..



ويوم شافوني اخوانوه اني جازمتن بالفضخه ..


وهم يقعدون يلعبون بي..


اصلا انتي شجاعه وانتي وانتي



ياما انتفخت من المدح ..



وقلت خلاص سامحتكم ..




.....


ماهو عشان سواد عيوني البردغانيات ..


الا ذالين من فضخة راس اخوهم ..


حلو وجه فؤاد ومختوه منفضخه ..


هو وبوه مخ الله يجيركم محد يتحملوه من خبالوه ..


شلون ومالوه مخ



..



ومرتن من المرآآت بعد ..


كنت بأول متوسط..



وفيه بنت جيراننا ذاقت نصيبه من التكفيخ بعد يوم حنا صغار


ويوم جينا بالمتوسط تعرفت له على شلة بنات راعين مشاكل


اكبر مننا بسنه ..


ويقاله بتجي وتقتص مني


وتطلع حق كل هالسنين اللي مضن


ويجني البناة بالفصل ..


انتي هلا ..


قلت ايه ..



وش تبون ..؟


قالن موعدنا بالطلعه عند الباصات ..


وانا اعرف ان هالبناة راعيات شر


والله حق اني بالمدرسه مؤدبه ما اوذي احد بس شري بالبيت وعلى عيال الحاره ..<< يومه بثالث متوسط اختاروه المثاليه < خشة واحد مستحي



قلت زين ..



ودريت ان البنت هي اللي محرشتن علي ..


ويوم رجعنا للبيت ..


وقفت له عند باب بيتهم ..


و يوم جت ..


وانا اتولجه وانتف شوشته ..


وابرتس فوقه ..


وتكفيخ وضرب ..


ولعنت ابو سلسبيه ..


قالت والله لا اعلم المديره اخليهم يكتوبنك تعهد..



قلت علميه من يثبت .؟


<< باعته بقوطي صلصل ..




ومن عقبه بطلت تقولي شي وذرقن خوياته مني ..


عرفن ان الله حق


لو هن جاياتن معه تسان خذن نصيبهن ..



..


ادري طولت عليكم ..



بس تحملوا بسادزتي ..



ايه على فكره ..



ترن تممت لآسمي الجديد ..


خروفين وحاشي ..


على حساب ابو ضاري ..:)

[عبدالله الجعيثن]

حجزززززززززززز

[هلآ الآسلميهـ]

88


طيب رقم كم ..؟؟




ياعين جدي ادري انك زعلتي

بعض المواقف مالها حل ثاني







ياحركتااااات يابو غازي والله منت هين .. صح السانك ..

[شام]

;889340']

ايه على فكره ..




ترن تممت لآسمي الجديد ..



خروفين وحاشي ..



على حساب ابو ضاري ..:)




هههههههههههههههههههههههههه
سالفة حلوة
ومبروك عليكم التمايم والاسم الجديد
ليه ابو ضاري عنده مزرعة خرفان وماعندنا علم
من اليوم اذن خرفان العيد بطلب مخصوص من ابوضاري

[أبو فهد]

حجز 1

[هلآ الآسلميهـ]

هههههههههههههههههههههههههه

سالفة حلوة
ومبروك عليكم التمايم والاسم الجديد
ليه ابو ضاري عنده مزرعة خرفان وماعندنا علم

من اليوم اذن خرفان العيد بطلب مخصوص من ابوضاري




حي الله شموسه ..


لا ابو ضاري ماعنده مزرعه ولا شي ..


بس تعرفين حركات النذاله ابي اكلّف عليه ..


ايه افاا عليك اطلبيهن من ابو ضاري وأهم شي ان سعرهن ماينزل عن 1200...



حياااااتس الله..

[عبدالله الجعيثن]

انتي مانا حليلتس



لو ما تمقسينهن ... وتنامطينهن....وتملحينهن بالهبرتي


^

^

هن وشن؟




<<<<<سوالفتس



اقرا السالفه الاولى واتخيّلتس بنقطه حمراء بجبهتس...مثل الهنديات

[هلآ الآسلميهـ]

حجز 1


الحجز ممنوع لازم تدفع مقدم 500 ريال عن كل حجز..:315r:

[هلآ الآسلميهـ]

انتي مانا حليلتس



لو ما تمقسينهن ... وتنامطينهن....وتملحينهن بالهبرتي


ترن مافهمت .. ممكن مترجم :315r:

^

^

هن وشن؟




<<<<<سوالفتس



اقرا السالفه الاولى واتخيّلتس بنقطه حمراء بجبهتس...مثل الهنديات

سالفة يد النجز ..


فكك الله انك مانت فؤاد ولا تسان الحين انواع انفصام الشخصيه...

[عبدالله الجعيثن]

الشبث,,,,اشرح له!!


ابروح اندغ لي كبسه بلبن




وانكس



عاجل:



الببسي من السبت بريال ونص!!!!

[الشبث]

حجزززززززززززز


<< فاهي
















وتقوليد مؤدبه



اقطعي العلاقه ولا تردين علي ولا ارد عليتس












والله من الشر بهالراس هههههههههههههه












الا صحيح


وش سون بتس بالطلعه



اكيد مردغنتس هههههههههههههههههههه





























الا صحيح وين خويتس خزيم


صارلي كم يوم ما شفته














لاهنتي على هالسوالف الطيبه



وتقلدي تحيتي

[أبو فهد]

اجل عاملة فتوة بالحارة





حلولات فؤاد اللي عجزتس




خخخخخخخخخخخ





لاهنتي على خوش هيك سولافي







----------------
أبو فهد الهمزاني

[ســـعود]

^
^
^
هههههههههه اي سبت توي شاري سفن اب بريال ونص وصارت هوشه با البقاله

[هلآ الآسلميهـ]

88


انت صادز ..


ريال ونص عوذاا .



جب لنا غدااا والله اني جاايعه..

[ســـعود]

الشبث,,,,اشرح له!!


ابروح اندغ لي كبسه بلبن




وانكس



عاجل:



الببسي من السبت بريال ونص!!!!

اي سبت انا توي هلحين شاري سفن اب بريال ونص والعايله بخمس ريال

ويوم جيت البقاله لقيت شايب ماسك شوشة الهندي ويدق راسوه علي الطاوله ويقوول كل يوم رافعين علينا السعر ليه

الشايب ماتحمل الخبر مندبله تسبدوه من اول وانفجر عليهم :)

[ســـعود]

;889368']88


انت صادز ..


ريال ونص عوذاا .



جب لنا غدااا والله اني جاايعه..


انا مفلس عطيني فلووس الغداا

[شرهه]

حجز

[هلآ الآسلميهـ]

حجزززززززززززز


<< فاهي
















وتقوليد مؤدبه



اقطعي العلاقه ولا تردين علي ولا ارد عليتس












والله من الشر بهالراس هههههههههههههه












الا صحيح


وش سون بتس بالطلعه



اكيد مردغنتس هههههههههههههههههههه






طنشتهن ورحت للبيت ومردغت خويتهن صارت لهن عضه وعبره .






















الا صحيح وين خويتس خزيم


صارلي كم يوم ما شفته



والله مالي به علم يخيي..










لاهنتي على هالسوالف الطيبه



وتقلدي تحيتي


حياك الله يابو ماقد..

[شنقل]

اخس شي بالحياه


لاخلصت الشطه ونت تغدا

[هلآ الآسلميهـ]

اجل عاملة فتوة بالحارة



افا عليك من يومي لا عدوا اخواني يعدوني مع العيال..

حلولات فؤاد اللي عجزتس




خخخخخخخخخخخ





لاهنتي على خوش هيك سولافي







----------------
أبو فهد الهمزاني


حي الله ابو فهد ..

[هلآ الآسلميهـ]

انا مفلس عطيني فلووس الغداا



انا معادينن الريال لا شافن بجهه هج الجه الثانيه ..


تخيل انه يقوم بنص الليل ويقمز من بوكي ينتحر ..

[منصور الـ ع ـطآوي]

طفلة القمر



كم شخص ضحيتي فيه :)























والله من الشر الي عندك

[هلآ الآسلميهـ]

88


اووووه هو بس ضحيه الا ضحايا وناس واصابات واهم شي تنتيف شوش..


حياك الله منصور..

[سلام]

السلام عليكم ورحمة الله وبركاته :

ههههههههههههههههههه


فاصل>>>


وراة الببسي بريال ونص شكلهم ابووووووووووووووووووووووي قايلن لهم يبي ابطل >>>مافي امل


واللله لااشرية لو انة بعشرة رياال >>>ماتعووق معهاا



عدنا>>>>




واحليلك طفووووووووووولة



متقوية ع جدااااوي كيووووووووووت لاو اسمة فؤااد


هههههههههههههههههههههه



اضحك ربي سنك اختي لاهنتي


يد النجر اجل ههههههههههههه


اشوا انهاا مو رجل النجر هههههههههه



كفوووووووووووة يستااهل مايدري انتس ذيباااااااااان قدي جاكي شاااااااااااان شمر



تسلمين لاهنتي


خفي عليهم يمي يد النجر نبي نطحن فيهاا موكل شوي مأخذتهاا من امتس هدادة


ههههههههههههههههه



دمت بخير يازكرتة .

[هلآ الآسلميهـ]

88


الزكرته انتي يالبا معاليدز سنونتس..


حياتس الله ..

[الشمـــ نور ــــري]

اشلع يا الطفله طلعتي جنقر هههههههههههههههه والله منتي هينه:solh:


ماصرتي مثلي كل عياال الشارع يحبوني ويدقوون الباب ع جدي يطلبووني بالاسم :d:

[εïз خزامى εïз]

هههههههههههههههههههههههههههههههههههههههه هههههههههههههههههه
عاد الا النجر وش تحسين به
زودتيهآ حيل هههههههههههههههههههههههههههههههههههههه
ودي انزل لكم شئ سويته وانا بالابتدائي موقف يدل على بيآختي مرآآآآآآآآ
يععع كش علي هههههههههههههههههههههههههههه
كل عآم وانتي بخير ياقلبي
وهـ بس ياجعلي نجر هههههه :throb:
ميرسي للسوآلف الحلوه

[جود الضياغم]

وعليكم السلام ورحمة الله وبركاته


عفيه عليتس يالبطله يالشجاعه يا مكفخيه


عيال الحتيه بصراحه احب البنات القويات


وشرايتس تصرين المتحدثه الرسميه


لبنات الفله لاننا نعاني شتى انواع


الاضطهاد العنصري من بعض المشرفين


نبيتس تاخذين حقوقنا بيد النجر


تسلمين يا طفله على سوالفتس


الحلوه 00000000

[هلآ الآسلميهـ]

[QUOTE=الشمـــ نور ــــري;889516]اشلع يا الطفله طلعتي جنقر هههههههههههههههه والله منتي هينه:solh:


ماصرتي مثلي كل عياال الشارع يحبوني ويدقوون الباب ع جدي يطلبووني بالاسم :d:[/


QUOTE]



المشكله على كل عملي بعيال الحاره يحبوني ..


وكلهم اصدغائي ايام الصبا ..



حيااتس نوّاره..

[هلآ الآسلميهـ]

هههههههههههههههههههههههههههههههههههههههه هههههههههههههههههه
عاد الا النجر وش تحسين به
زودتيهآ حيل هههههههههههههههههههههههههههههههههههههه
ودي انزل لكم شئ سويته وانا بالابتدائي موقف يدل على بيآختي مرآآآآآآآآ
يععع كش علي هههههههههههههههههههههههههههه
كل عآم وانتي بخير ياقلبي
وهـ بس ياجعلي نجر هههههه :throb:
ميرسي للسوآلف الحلوه




علمينا بسوالفتس يومتس صغيره الضاهر ماكان عندتس اي مغامرات ابد مثلي ..



ياااااه ياكثر علومي وسوالفي بس المشكله اني ما اذكرهن هههههههه



نياهاهاهاها << تحس ان طلع له قرون ..




حيااااااتس خزيّم..

[هلآ الآسلميهـ]

وعليكم السلام ورحمة الله وبركاته


عفيه عليتس يالبطله يالشجاعه يا مكفخيه


عيال الحتيه بصراحه احب البنات القويات


وشرايتس تصرين المتحدثه الرسميه


لبنات الفله لاننا نعاني شتى انواع


الاضطهاد العنصري من بعض المشرفين


نبيتس تاخذين حقوقنا بيد النجر


تسلمين يا طفله على سوالفتس


الحلوه 00000000




خلاص ابشري ماعليتس اصير المتحدثه الرسميه وتشرتشر سكرتيرتي ..


حياااااتس جوّاده ..

[يـــوسف]

يالربع انا قريت ان فيه قضايا وشكاوي مقدمة من رجال متمردغاتهم حريمهم


بس توي تأكدت ان فيه فعلآ حريم لويتزوجن لهن هديفه يلعنن أبو كوثروه :)












ووغدة القمر ماتوذي بس سبلكس وكم حركة من حركات سنوكا وخلصنا :)







الحين انتي سلام تقرب لك شي ؟؟








متأكده منتي اخته اللي تكفخ العبدات ههههههههههه











لآهنتيش ياوغيدة القمر :)

[ابو ضاري]

وشرايتس تصرين المتحدثه الرسميه


لبنات الفله لاننا نعاني شتى انواع


الاضطهاد العنصري من بعض المشرفين





يغمز للشبث ليه هلون هههههههههههههههههههههه

[ابو ضاري]

وعليكم السلام ورحمة الله وبركاته
الحمد لله صارت من البنات مقروده مثل غالينا ابو ماجد

ليه النذاله وتعرفين الخرفان غاليه >>>>>>>>>>>ماتنفع بنات المذن هههههههههه

ابشروا كل الخرفان من عندي والحساب على الجعيثن

كل حياته تكفيخ

ياقشره وانت تغدا وتغص وماعندك ماء

[فرانسيسكا]

وعليكم السلام ورحمة الله وبركاته
مساك الله بالخير أختي مازنجر زد :thumb:
وانتي بخير وصحة وسلامة
عاشت الشجاعة pearl :p:
يد النجر مرة وحدة تبين تطحنين راس فؤاد مسكين ههههههههه
تحسبيه قهوة :p:
مشكورة على سوالفك الحلوة
ونطمع بالمزيد
دمت بعافية

[ابو ضاري]

انتي للحينتس معاتس يد النجر

ابيتس تمغطين واحد بهذا

[صعوة فسفورية]

لولو ع كم الحجز

ع حسب اللوك الجديد وشرايك بلوكي :)


ولولو ابجيك اصبري بس لين ماتهدأ النفسيه :)

[ابو ضاري]

^
^
^
تبيعين سيارتك سكاليد اسود

الجعيثن يقول عنده سياره ابي اشريها لخالي

[صعوة فسفورية]

الا سكاليد خلاص بعتها

اذا يبي بنتلي موجودة

[ابو ضاري]

على العموم

انا موافق

بكم

[عبدالله الجعيثن]

^

^



يعني.......اهدي الهايلكس لاخوي


صعوه...السكاليد افلسنا منه



بس البنتلي.......مغريه!!!!!!!

[ابو فارس]

;889340']لآنهم يقولون بنادي لكم أختي"" لولو"" ..:7ayyoh:
ويجني البناة بالفصل ..




انتي هلا ..


حتى بالواقع اسمك يتغير
يعني بالابتدائية لولو
وبالمتوسط هلا


لازالت متعجب- بس مو خوينا لالا
متعجب يعني حالة نفسية -- وجه متغير


وانا اقول ليه طلال كل ماتقولين له بغير اسمي يطيعك على طول
اثريك شريرة


دمت بخير

[هلآ الآسلميهـ]

88


بعد ابشّرك يابو فارس شكلي ابغيره مره ثالثه ماجاز لي ..


ابصّك اسمي الرباعي ازين شي وارتاح..


بس والله اني يوم كبرت ما اوذي احد مناحليلي مؤدبه..


لا هنتش عالمرور..

[ابو فارس]

شوفي
احسن الاسماء لك
اسماء البدو الاولين

اخذي منهم احسن من هالحركات اللي تقل مدري وش هي



اما طفلة القمر
بكرى ابو غازي يغير الى طفل القمر
ونبلش

[عبدالله الجعيثن]

وش دراك اني افكر

[ابو فارس]

شايفن شدوقك كانها القمر ليلة 14


وليا مزيت الراس يصير الدخان كأنه غيوم حول وجهك البهي

وعندي صورة
تبيها؟

[هلآ الآسلميهـ]

اجل ابغير يوزري لـ صلفيدزه ..


ولا صلفه ..

ولا صريخه..

[ابو فارس]

ياربيه
الى الان في كي بوردك مشكلة

اختاري مثلا مثلا

وضحى
فلحى
شقحى
ملحى

هذه اسماء ليا نطقتها تملأ افمك بهاء وجمالا ورونقا وياهلال

[الفاضي]

طفله وش رايك تصيرين صديقتي <<<<<<<<ذالن تزعل عليه يومن من الاياام وتكفخووووووه تكفيييييخ عاد ما يحتاج الود طقووووع بليااااا هههههههههههه


لي نكسه ثاااااااانيه ان شاء الله




الفاضي مره من هناااا مشوووووت ملايين من زود الذله خخخخخخخ

طاااااااااو

[ابو فارس]

الله يذكرك بالخير يـ الكتراز:g: على توقيعن سويته لي اكالسنيه قبل 6 سنين ورج المضايف بازعاجه ... والله ان ودي ارجعه بس ذالن من بابا ابو سلطان يحشرن بالربعه ويجلدن بالعقال عاد عقال ابو سلطان غير شكل للي ما جربه نحيفن تقل سليتس . محطتن وحده منه وهي ناقزتن دميعتك <<< عن تجربه
ياهلا بالفاضي القاضي

يالله حيه
يا اخوي وش اخبار الكتراز الله يذكره بالخير

وين الدنيا به؟

وانت شلونك؟

[هلآ الآسلميهـ]

ياربيه
الى الان في كي بوردك مشكلة

اختاري مثلا مثلا

وضحى
فلحى
شقحى
ملحى

هذه اسماء ليا نطقتها تملأ افمك بهاء وجمالا ورونقا وياهلال


ابحط اسمي وضحا الشمريه..

[ابو فارس]

اولا اسمها وضحى مو وضحا
ثانيا الشمرية مو الشمريه



مين اللي نجحك بالمتوسطة؟؟
عطيني عنوان المدرسة برسل لهم الرقابة

لايكون وصلتي لاول ثانوية وانت كذا؟

[هلآ الآسلميهـ]

طفله وش رايك تصيرين صديقتي <<<<<<<<ذالن تزعل عليه يومن من الاياام وتكفخووووووه تكفيييييخ عاد ما يحتاج الود طقووووع بليااااا هههههههههههه


لي نكسه ثاااااااانيه ان شاء الله




الفاضي مره من هناااا مشوووووت ملايين من زود الذله خخخخخخخ

طاااااااااو




تصير صقيقي بس بشرط..


ترد على كل مواضيعي بالمضايف ..



ولا ادبّك..

[هلآ الآسلميهـ]

اولا اسمها وضحى مو وضحا
ثانيا الشمرية مو الشمريه



مين اللي نجحك بالمتوسطة؟؟
عطيني عنوان المدرسة برسل لهم الرقابة

لايكون وصلتي لاول ثانوية وانت كذا؟




يابوي اطلع من حياتي ..


لا تذكرن بلإملاء كانت عقدتي ..

[ابو ضاري]

خليتس على طفله القمر

احسن من اسامي ابو فارس

[روح حايل]

لولو تبين طرطيعان << ترشيه تبيه خويتن له :)

[هلآ الآسلميهـ]

88


ابي شقليط وتصيرين خويتي ..

[روح حايل]

^


طبي وتخيري كلهن منتهيات مدتهن مايغلن عليتس ابد :)

[شامان]

الحين لولو دلع هلا ؟؟

المهم في جزء مقطوع مدري من الرقابة والا عن الفضايح

ما قلتي وش سون البنات عند الباصات !!! وش صار للمعركة هذي

هذي معركة فاصلة بالتاريخ يا سي جاكشان الحارة .

بعدين السوالف هذي كلها قبل الحين الحمد الله ما في جاكشان
ولا جاك سبارو يعني مأدبه ما نخاف منج عادي ( حلو منج مو )

[الفاضي]

ياهلا بالفاضي القاضي

يالله حيه
يا اخوي وش اخبار الكتراز الله يذكره بالخير

وين الدنيا به؟

وانت شلونك؟

ياهلابك يابو فاااارس

انا بخيررررر وباحسن حال انت وشلونك وش علومك ان شاء الله طويب

والله يابو فارس علمي بالكتراز علمك اخر علمي بووه يوم يترك المضايف والنت والكمبيوتر كله على حسب الي سمعت قبل 6 سنين او اكثر

والله ان الرجال فقيده قسم بالله


تحيتي خيك المغبر فض فض

[الفاضي]

;891136']تصير صقيقي بس بشرط..


ترد على كل مواضيعي بالمضايف ..



ولا ادبّك..



^
^
^
لا يا بعد حيي مدام الدعوى به دبه ارد على كل ابو مواضيعتس حتى لو تبين قبل ينزل الموضوع ارد هههههههههههه



تحيتي
صقيقتس خخخخخخ

[هلآ الآسلميهـ]

الحين لولو دلع هلا ؟؟
عليك شمعه:315r:


المهم في جزء مقطوع مدري من الرقابة والا عن الفضايح

ما قلتي وش سون البنات عند الباصات !!! وش صار للمعركة هذي

هذي معركة فاصلة بالتاريخ يا سي جاكشان الحارة .

ههههههههههههه والله ماخاااااابر..

بعدين السوالف هذي كلها قبل الحين الحمد الله ما في جاكشان
ولا جاك سبارو يعني مأدبه ما نخاف منج عادي ( حلو منج مو )



حياااااااك الله يابو جوجو ..