الحيمري
03-12-2009, 20:49
فيه شائبا بالعيد جانا في خيمه العيد وحضر العشا وبعد مانتهينا من العشا وجلسنا نسولف كل واحد يجيبله سالفه تونس والسوالف عن شمر وغير شمر
قال الشايب
جا اباذراع طرقي واباذراع من الظفير يجيب فرسه مودعه عند له عرب ويوم اخذ فرسه من العرب مشي راكبن فرسه ويقود ذلوله وهاكاليوم صار بالذلول والفرس عطش قال انا لازم ارد على العد الفلاني بالقرب ديار شمر ورد الرجال على العد
ويوم قرب للعد يمار عليه ابل وفيه واحدن شباب وبنت حوله بالعمر يسقون الابل والراعي على السانيه وهم من شمر من الاسلم الجنفا اسقا ذلوله وفرسه وقاله الولد شف اهلنا وراء هاكالرجم رح يمهم وتغد خلا ذلوله مع الابل وراح على فرسه يم العرب ويوم اندفع شوين يوم انقضه الغزو على الابل وعددهم حوالي الثلاثين بين خياله واهل جيش يعني ركاب من مطير وهم ياخذون الابل كامله والولد اللي يسقي وهو ينحاش يم اهله والراعي كذلك والبنت وقفه في محله
اباذراع لحق الغزو وطلع ذلوله من وسط الابل بالغصب يقول والغزو يصيرون قسمين قسم مع الابل وقسم يحمونهم من خلف يقول اباذراع يوم اخذت لي شوي يمار هذا الولد على هاكالمهره تقول سهم وبيده له كرده تبرق وهو يلحق القوم واول من يناطحه المجموعه اللي خلفهم يقول وهو يخضهم مع الوسط يمار اثنين مابهم روس وبوجهه يم اللي مع الابل وهو يرفسه بوسطهم ويمار ثلاثه منهم بالارض مابهم روح وجميع القوم تجنب الابل وينهزمون
واباذراع يتفرج على هالمعركه ويوم نظر يم البيوت يمار هاكالشايب هاكالصلج جاين يمشي ويتبعه له شايبا مثله بس صلجته اخف شوين يمكن براسه اربع شعرات ههه وهم اخوان قال الشايب الاول ينشد اباذراع وش سواء الولد قال اباذراع الولد ذبح خمسه من الغزو وفك ابله قال الشايب وهو سالم وفرسه سالمه قال اباذراع هو سالم وفرسه
يقول وهو يلتفت يم الشايب اللي يتبعه قاله الله يلعن هالصلجه ولدك سالم وفرسه سالمه ومخلين الغزو يروحون يوم انا اقولك لاتاخذ امه اعجبنك مبروم سيقانه
وهم يروحون يم الولد وعنده الابل والبنت يمار يشرب لبن هو وبنت عمه قال الشايب وليه تخليهم يروحون وانت مابك بلا قال الولد يعم انا تبيني مثلك ماني مثلك انا يالله ذبحت خمسه وفكيت الحلال منهم
قال باذراع هالحين البطل هذا فعل فعلا ماحد يفعله وتلومون عليه رد عليه الشايب انت يارجل ماهذا فعل ابوه وجده
(((وهم الجنف من الاسلم والفين نعم ))) لكن اللي يقص ماسماهم
قال الشايب
جا اباذراع طرقي واباذراع من الظفير يجيب فرسه مودعه عند له عرب ويوم اخذ فرسه من العرب مشي راكبن فرسه ويقود ذلوله وهاكاليوم صار بالذلول والفرس عطش قال انا لازم ارد على العد الفلاني بالقرب ديار شمر ورد الرجال على العد
ويوم قرب للعد يمار عليه ابل وفيه واحدن شباب وبنت حوله بالعمر يسقون الابل والراعي على السانيه وهم من شمر من الاسلم الجنفا اسقا ذلوله وفرسه وقاله الولد شف اهلنا وراء هاكالرجم رح يمهم وتغد خلا ذلوله مع الابل وراح على فرسه يم العرب ويوم اندفع شوين يوم انقضه الغزو على الابل وعددهم حوالي الثلاثين بين خياله واهل جيش يعني ركاب من مطير وهم ياخذون الابل كامله والولد اللي يسقي وهو ينحاش يم اهله والراعي كذلك والبنت وقفه في محله
اباذراع لحق الغزو وطلع ذلوله من وسط الابل بالغصب يقول والغزو يصيرون قسمين قسم مع الابل وقسم يحمونهم من خلف يقول اباذراع يوم اخذت لي شوي يمار هذا الولد على هاكالمهره تقول سهم وبيده له كرده تبرق وهو يلحق القوم واول من يناطحه المجموعه اللي خلفهم يقول وهو يخضهم مع الوسط يمار اثنين مابهم روس وبوجهه يم اللي مع الابل وهو يرفسه بوسطهم ويمار ثلاثه منهم بالارض مابهم روح وجميع القوم تجنب الابل وينهزمون
واباذراع يتفرج على هالمعركه ويوم نظر يم البيوت يمار هاكالشايب هاكالصلج جاين يمشي ويتبعه له شايبا مثله بس صلجته اخف شوين يمكن براسه اربع شعرات ههه وهم اخوان قال الشايب الاول ينشد اباذراع وش سواء الولد قال اباذراع الولد ذبح خمسه من الغزو وفك ابله قال الشايب وهو سالم وفرسه سالمه قال اباذراع هو سالم وفرسه
يقول وهو يلتفت يم الشايب اللي يتبعه قاله الله يلعن هالصلجه ولدك سالم وفرسه سالمه ومخلين الغزو يروحون يوم انا اقولك لاتاخذ امه اعجبنك مبروم سيقانه
وهم يروحون يم الولد وعنده الابل والبنت يمار يشرب لبن هو وبنت عمه قال الشايب وليه تخليهم يروحون وانت مابك بلا قال الولد يعم انا تبيني مثلك ماني مثلك انا يالله ذبحت خمسه وفكيت الحلال منهم
قال باذراع هالحين البطل هذا فعل فعلا ماحد يفعله وتلومون عليه رد عليه الشايب انت يارجل ماهذا فعل ابوه وجده
(((وهم الجنف من الاسلم والفين نعم ))) لكن اللي يقص ماسماهم