اصل التومان

[زين التومان]

السلام عليكم ورحمة الله وبركاته
يشرفني ان اكون احد افراد هذا المنتدى,
انا ابغى اتأكد من نسب التومان يرجعون شمر ولا حرب لاتستغربون من سؤالي لأن في الهوية مكتوب التوماني الحربي عشان ابوي طلعها من عند ناس حروب ونص جمعتنا زبيد عشان كذا مو مقتنعة إنا حروب, واللي عندة دراية بالموضوع يرد بالتفصيل ولو في رسم شجري يوضح بعد أحسن وشكراً

[شرهه]

طيب ليه ماتنشدين ابوتس ياخيه

واظن ابوتس ابخص

[أبو فهد]

السلام عليكم ورحمة الله وبركاته
يشرفني ان اكون احد افراد هذا المنتدى,
انا ابغى اتأكد من نسب التومان يرجعون شمر ولا حرب لاتستغربون من سؤالي لأن في الهوية مكتوب التوماني الحربي عشان ابوي طلعها من عند ناس حروب ونص جمعتنا زبيد عشان كذا مو مقتنعة إنا حروب, واللي عندة دراية بالموضوع يرد بالتفصيل ولو في رسم شجري يوضح بعد أحسن وشكراً



وعليكم السلام ورحمة الله وبركاته



الاخت زين التومان



التومان اللي من شمر يقال لأحدهم تومي و لا ينقال لوه توماني بحسب ما اعرف




و طبيعي لما يكون جدتس او ابوه عايشن مع حروب يبي يكتب حربي



عندنا واحد من اللي معهم اختام الله يجزاه خير كان كل من جاه ختم له



حتى انه خاتم لكم من واحد مهوب منا :)


هذا و الله اعلم



--------------
أبو فهد الهمزاني

[أخو الـيـتـمـان]

التومان من شمر وهاذي ليس عليها غبار ولا تحتاج تفاصيل ......

ولاكن قد يكون بعض العوايل من خارج قبيله شمر لها نفس اسم احد فخوذ شمر وهذا والله اعلم

[الحيمري]

التومان من زوبع من روس شمر
وشيرزين بالمعارك ولهم شهره في اكثر معارك نجد الكبيره والرجل منهم يقاله تومي والفخذ التومان وهذا الاسم معروف في كل قبايل نجد وشيخهم التمياط








وطيب ليه ماتنشدين ابوتس ياخيه


واظن ابوتس ابخص


شرهه


زين التومان تستفسر لماذا هذه الاجابه هل انتي ماتعرفين الاجابه كان احسن سكتي

[صلفيق]

ياجماعة انت مصدقّين هالسؤال ؟؟؟

فيه أحد يشكك بكون التومان مهم من شمر ؟؟ وشلون منهم وتسأل ؟

ونعم بـ حرب ،، بس لو سألتي بصيغة أخرى .. يمكن أحسن تكون !!

زبن التومان .. أسألك بالله أنتي من التومان ؟

أقرأي رد شرهه ، وأعملي به.

[المفضلي11]

التومان معروفين ما يحتاجون احد يعرف بهم
بس انتي سؤالك ما ندري اشلون جاي يمكن وراه مقصد
يمكن فيه فخذ من حرب اسمه - التوماني - مهو التومي

[المهاجر]

التوم
يوجد بمطير وايضا بعتيبه عوئل باسم التوم


الاكثر شهره هم تومان شمر لانهم فخذ كامل ومثل ماقال الحيمري
السؤال ماهو عيب بس طريقه السؤال عليها مأخذ