حبّة الوغد

[عبدالله المهيني]

http://thumbs.bc.jncdn.com/f3ddf932b076d26b4df939924f2eeb52_lm.jpg





^
^



هذه الصورة فتحت نقاش هذا الموضوع


النقاش سيكون هنا


( عبدالرحمن هذا إعتراف مني :) )





.
.
.





أشعلت جملة أطلقها أستاذي عبدالرحمن حول هذه النقطة


وفتحت باب نقاش بيني وبينه حول حبة الوغد ( تبويس الطفل المولود )




أنا رأيي في هذا الموضوع واضح من خلال الصورة


فأنا لا أشاهد أن هناك أي إشكال في حبة الطفل




أما أستاذي عبدالرحمن فقال






حنا يالشباب من اول مانشوف ولا نحب عيالنا الا بعد سنة او سنتين
وشباب اليوم يزرقوه بعد نص ساعة :السبب طال عمرك!




أنا ودي أعرف السبب أو الأسباب اللي كانت تمنعك أنت ومن هو في جيلك


من حبة طفلك ولماذا تبحث عن سبب تحولنا كجيل حالي عما كنتم عليه ؟






.
.
.





أما فيما يخصكم أنتم إخواني وأخواتي هنا


هل أنت ../.. أنتي مع أو ضد وضع قبلة على خد طفلك ؟


ولماذا ؟






roooose

[شام]

وليه لأ
اجمل قبلة تضعها على خد مخلوق هو ابنك الصغير
فالغرض ليس تلامس الشفاه مع خد المولود
بل تعبير عن الحب والمشاعر السامية بين الاباء و الامهات و اولادهم ..
ليس في ذلك عيب أو تحريم شرعي .. بالعكس ..
لنعود الى السيرة النبوية المطهرة ولنرى كيف تعامل النبي عليه الصلاة والسلام
مع الحسن و الحسين ..
سنجد مدرسة في التعبير عن هذا الحب والذي أرى أنه الحب الوحيد الباقي
في هذه الآونة..
فلا حب بين رجل وامرأة يدوم ولا بين اصدقاء دائم ولا ولا ولا
الحب الحقيقي الوحيد الباقي هو هذا الحب الابوي للأولاد
والتعبير عنه لا يكون بلعبة ولا بملابس فاخرة ولا بكلمات رنانة
بل بالقبلة النابعة من شفاف القلب للولد سواء كان ذكر أو انتى ..
بل لدي قراءة بأن هذا الامر له انعكاس ايجابي على الحياة الصحية
والعاطفية سوف ابحث عنها وانشرها إن وجدتها بين ملفاتي ..
موضوع شيق أخي عبد الله ..
اشكرك لطرحه و بارك الله لك بالمولود ورزقك حبه وبره .

[عبدالله الجعيثن]

لي عوده بعد عبدالرحمن

[منصور الغايب]

هلا ابو خالد :) ..


ومرحبا بك في مضيفك العام ...


وحسنا طلبت أن يكون محاورك ... هو الاستاذ الراقي عبدالرحمن ...

وفيما وجهته لباقي القرّاء فأقول :

هل أنت ../.. أنتي مع أو ضد وضع قبلة على خد طفلك ؟

بالطبع مع ... وضد .. الـ ضد .... لانها وببساطة ... رحمة جعلها الله في قلوبنا تحاه أبنائنا ... كان يتشدق بضدها أجدادنا غفر الله لهم ...

فقد كان رسول الله صلى الله عليه وسلم يقبل الحسن والحسين ... ورآه أحد الصحابة فقال إن لي عشرة من الولد ما قبلت منهم أحدا ... فجاوبه بجواب هو درس لكل من وقع في هذه الغلظة والجفوة .. فقال .. وهل أملك أن نزع الله من قلبك الرحمة ...




ولماذا ؟


يبدو أنني سبقت في الاجابة أعلاه .. :)


شكرا لك أبو خالد ....

[عبدالرحمن]

اولا -اهلا بأخي الغالي ابو صالح وعسى الله يسعدك ويطول عمرك ويصلح ذريتك
اما بشأن صورة وغدك واللغط التي أثارته:)
اقول في البدء انا لم استنكر ان انت او اغيرك يقوم بتقبيل وتصوير وحمل مولوده
انما نظرت للامر بصورة اشمل واعم! نعم نظرت للصورة من خلال المشهد الاجتماعي
الذي كنا نراه في صغرنا!وليس من خلال امر شخصي يتعلق بي!
فأنا من اكثر القوم تقدمية في هذا الجانب!
و نعم كان تسأل وليس استنكار!
فوالدي لم يحمله او يقبله جدي إلا بعد مدة طويلة!
وجد والدي لم يقبله جدي إلا بعد مدة اطول!
والامر لاينطبق على المولود انما يمتد الى امور كثيرة
فعد الى الماضي! هل كان الاب او الشقيق يحضر زواج
اخته او ابنته!
فهذا المشهد هو السائد لدي كل القبائل العربية في الماضي!

فمن بدل هذا المشهد؟0

لك تقديري عزيزي وقد اعود اليه مرات ومرات!
فما هذه لا دفعة اولى!

[عبدالله الجعيثن]

شباب هناك لبس بالموضوع


عبدالله وعبدالرحمن نقاشهم حول (زرقة الوغد)


اي حبّة الطفل

مابين الساعات الاولى للولاده



وليس على مدى الايام..........هناك فرق



اذا انا فاهم غلط...امسحوا ردي وواصلوا النقاش!!!

[ريم شمر]

ماعليك يابو خالد من هرج الشياب :)

قال بعض جُـفاة الأعراب حين رأى النبي صلى الله عليه وسلم وأصحابه يقبـّلون أولادهم الصغار ، فقال ذك الأعرابي : (( إن لي عشرة من الولد ما قبّـلت واحداً منهم )) ، فقال النبي صلى الله عليه وسلم : (( أو أملك لك شيئاً أن نزع الله من قلبك الرحمة ؟ ))


صغير والا كبير موب ولدك حشاشة جوفك وشعرة قلبك ؟!!

لو تبي تاكله اكله :)

[عبدالرحمن]

بالطبع مع ... وضد .. الـ ضد

نحن كلنا ضد الضد! لكن في حقيقتنا نحن ضد هذا الضد!
نحن نعلم ان هذا هو الصحيح- التقبيل- لكن مجتمعنا
لا يتقبل هذا الامر بسهولة!
ونح نعلم ان الاسلام مع هذه الملاطفة والمداعبة
ونعلم ان هناك نص قرآني يأمر طارق الباب بأن يرجع
ان قيل له ارجع! فهل نستطيع تطبقه؟
واذا ماطق منصور الغايب باب عبدالرحمن وقال له
عبدالرحمن ارجع هل يرجع واذا رجع ماذا يقول عن عبدالرحمن؟
ابو عبدالله فك روحك وابو غازي حضر كافة الاعتدة والعدة!

[عبدالرحمن]

اي حبّة الطفل

مابين الساعات الاولى للولاده

نعم نعم هذا هو المختصر المفيد
والله ينور عليك يابو غازي0

[عبدالرحمن]

لو تبي تاكله اكله :)


هذه حال من يعاني من غربة جغرافية:)

هلا ام طلال انا مع الاخ ابو خالد واتمنى ان تنتهي
هذه العادات التي هي بالاصل رواسب الجاهلية!

[منصور الغايب]

ابو عبدالله فك روحك وابو غازي حضر كافة الاعتدة والعدة!


أنا لها .. :)


شكلك تبي تدخلني بالنقاش يا أستاذ :)


انا عطيت اللي عندي وهجيت ...


صدقت .. كثير من الامور الواردة في الكتاب والسنة قد نغفل عنها ولا نطبقها .. ونسعى جاهدين لتطبيق بعض عاداتنا وتقاليدنا ... ولكن حتى ولو ... فالعادة او العرف اذا خالف الشرع فانه يطرح جانبا ...

وعدم تقبيل الاطفال يخالف صريح ما دعت اليه الشريعة من المحبة والالفة ... والاحسان الى الاخر ... فمن كان لا يستسيغ تقبيل اطفاله .. فمن باب اولى .... ان قلبه قاس على أطفال غيره ...


شكرا لك ...

[عبدالله الجعيثن]

منصور...ريم


لا يوجد انسان لا يقبل ابناءه او يحبهم



حتى الحيوانات تحب ابناءها



النقاش على الساعات الاولى

[بالمختصر..]

تقول أمي إن الرجال قبل ما يحبون عيالهم و هم صغار لأنهم يخافون يتعلقون فيهم حيل و بعد كذا يموت الطفل ( خصوصاً إنه كانت فيه أمراض بالسابق و كانوا يموتون الأطفال الرضع )


غير كذا مدري ..! :)




.
.

[منصور الغايب]

منصور...ريم


لا يوجد انسان لا يقبل ابناءه او يحبهم



حتى الحيوانات تحب ابناءها



النقاش على الساعات الاولى



لافرق ... عندي ...


بين الساعات الاولى .... وغيرها :)


شكرا ابوغازي

[هلآ الآسلميهـ]

مو بس تحبه الا اشخفه شخف وضمه على صدرك خله يحس بحنانك..


اذا ماحبيت وغدك من تحب..؟؟



واحد من عمامي كذا مايحب وغدانوه الا لاكمل سنه ..



الله لا يبلاني..



بس اشوف ابوي الله يطول بعمره عادي يحب اخواني الصغار لو توهم مولودين..








شكراا عبدالله ..


الله يحفظه لك..


وصدقني ان هالصوره بتصير من أجمل الصور بحياة ولدك وقل هلا ماقالت..

[صلفيق]

الغرض من [الحبه] ليس تلامس الشفاه مع خد المولود
بل تعبير عن الحب والمشاعر السامية بين الاباء و الامهات و اولادهم ..
ليس في ذلك عيب أو تحريم شرعي ..
بل هي مودة ورحمة..

مشكور ابو صالح
وياعله يتربى بعزّك
والله يصلحه ويخليه


احترامااات لك

[ريم شمر]

منصور...ريم


لا يوجد انسان لا يقبل ابناءه او يحبهم



حتى الحيوانات تحب ابناءها



النقاش على الساعات الاولى


معلوم يابوغازي


انا فاهمه السالفه من اولها


راجع ردي
7
7



صغير والا كبير موب ولدك حشاشة جوفك وشعرة قلبك ؟!!

لو تبي تاكله اكله



و ادري وش المقصد لأن بعض اخواني من هالنمونه :a:

مايحب ولده الا بعمر شهرين او اكثر

وواحد منهم كان اذا دخل مجلس فيه مولود صغير يتلطم ويصد

يوم جا ولده من اول يوم تسمع صوت الحبه وانت باخر الشارع :)




هذه حال من يعاني من غربة جغرافية:)


:solh::solh:

[صعوة فسفورية]

موضوع غريب واول مرة اسمع بكذا

حنا عادي من يوم مايولد وهاتك تبويس

لازم نغرقهم بالحنان

عني انا عيالي اصبح وامسي عليهم بالاحضان والبوس

حشاشة جوفي وقلبي عسى ربي يحفظهم

عبدالله صورة جنان ومعبرة عسا الله يطرح فيه البركة

[ريم شمر]

^
^
صعوه ياقلبي ...هم يقصدون الاب مو الام :)


والامر مو غريب


اعتقد هذا كان الغالب في الماضي او ماهو متعارف عليه


وحالياً بدا يندثر مع ان البعض مازال متمسك فيه

[نايف التومي]

جميلً ان نلتقي باساتذتي الاخ عبدالله والاخ عبدالرحمن وكان لدي لبسٌ بالماضي
كان لدي هاجس بان الاخ عبدالرحمن اصغر مني والاخ عبدالله شويب:) والان تبين العكس
ولكن كلكم شيبان عندي:) هههه .. ندخل في الموضوع اما عن ناحيتي اتفق مع الاثنين
اتفق عندما يحب الاب ابنه المولود واتفق مع ان الاب لايحب ولده المولود .. بمعنى لدينا
شرائح مختلفه واطياف متعدده مثل مايكون هناك فكر بان الطفل يٌحب بالصغر برضو توجد شريحه
اخرى لاتحب اطفالها اما عن والدي الله يطول بعمره لايحب الصغار ايً كان ولده حفيده ايحبه حتى
يتجاوز اقل شيئ سنه من العمر ..


ذكر اخي عبدالرحمن ان في السابق كان لدينا عادات واندثرت هذه العادات
واحيانً نقول ولله الحمد لاندثارها وتاره نقول الله يرحم ايام اول وبالفعل كان
اخو الزوجه لايحضر الزواج ولو كلف الامر اي شيئ بدافع المنقود والصخريه وربما
يرونها نقص لدى الرجال وحب الاطفال و و و وعادات كثيره بالاحرى اندثرة فما الذي
تسبب في تغيرها ربما الوقت فنحن في وقت تغيرت فيه عادات وسلوكيات كثيره جدً
فمن الممكن قد تكون رحمه لنا ولكنني اتلذذ لذالك الوقت لكونه فيه التزامات وروابط
اساسيه معتاد عليها ومعروفه لدى اغلب الناس ونشعر بارتياح ونشعر بسستم معين
وبانتظام اما هذه الايام كل يوم صرخه كل يوم عاده وعتاده!! ولا نقول الى الله يرحمنا برحمته

اما انا حبيت العروبه وعمر 10 ايام اما اذا كانت بالحضانه لا اقدر احكم على نفسي كوني مسافر:)

لك الشكر اخي عبدالله:)

[عبدالله الجعيثن]

^

^


ياسلام عليك يانايف


انا ما اعرف اعبر ... لكن اللي يقرأ مابين السطور بكلام اخي نايف يفهم المغزا

لكن اختلف معه بأنه سنه......((قريّب بدو)):) او العكس


يعني اقروا كلام نايف وهالابيات اللي تعبر عن مقصدي




شيمة بدو صعبن عليك تعرفها=فيني من جذور البداوه محاصيل
لو ان بنك الوقت فيني صرفها=اطلب من الايام "محتاج تبديل"
لو ان حب الطفل عيني غرفها=اشوم عنها ليه؟ من دون تحليل



يعني اول يومين او ثلاثه شيمة بدو تمنع البدوي عن اشياء كثيره ليست فقط حبّة المولود


انا في نفسي ضدها......ومع ذلك احب هالشيمه اللي عساه ماتنقطع



وفي الاخير.......هذا رأيي الشخصي!!!!

[صعوة فسفورية]

ريم ادري انوه الاب

واول مرة اسمع بهالشي.. لانوه ماعندنا

وومنكم نستفيد

[شرهه]

يعععع >>فيس سادن خشمه



وتسبدي


اما تحبه و هو بالساعات الأولى


و هو يتمغمغ


وحالته حاله
هههههههههههههههههه


ما ادانيهم ولا حتى اراعي لهم



لكن ممكن راح يكون رأيي مختلف
لو لي وغدان >>>اقول يمكن مهو أكيد






ابو صالح
يا بيشي ياصغير وغدك
الله يخليه لك و يصلحه











عندي استفسار بعيد عن السالفه

وشنوحك لابسن باغه^_^

[عبدالله المهيني]

وليه لأ
اجمل قبلة تضعها على خد مخلوق هو ابنك الصغير
فالغرض ليس تلامس الشفاه مع خد المولود
بل تعبير عن الحب والمشاعر السامية بين الاباء و الامهات و اولادهم ..
ليس في ذلك عيب أو تحريم شرعي .. بالعكس ..
لنعود الى السيرة النبوية المطهرة ولنرى كيف تعامل النبي عليه الصلاة والسلام
مع الحسن و الحسين ..
سنجد مدرسة في التعبير عن هذا الحب والذي أرى أنه الحب الوحيد الباقي
في هذه الآونة..
فلا حب بين رجل وامرأة يدوم ولا بين اصدقاء دائم ولا ولا ولا
الحب الحقيقي الوحيد الباقي هو هذا الحب الابوي للأولاد
والتعبير عنه لا يكون بلعبة ولا بملابس فاخرة ولا بكلمات رنانة
بل بالقبلة النابعة من شفاف القلب للولد سواء كان ذكر أو انتى ..
بل لدي قراءة بأن هذا الامر له انعكاس ايجابي على الحياة الصحية
والعاطفية سوف ابحث عنها وانشرها إن وجدتها بين ملفاتي ..
موضوع شيق أخي عبد الله ..
اشكرك لطرحه و بارك الله لك بالمولود ورزقك حبه وبره .





كلام جميل جداً

هو كلام يتفق مع رأيي تمام الإتفاق



الله يعطيك العافيه على هالحضور

لكـٍ الود أختي

[عبدالله المهيني]

هلا ابو خالد :) ..


ومرحبا بك في مضيفك العام ...


وحسنا طلبت أن يكون محاورك ... هو الاستاذ الراقي عبدالرحمن ...






جميل جداً أن أتعلم في لحظات محاورتي مع أستاذ كـ عبدالرحمن




أبو عبدالله

موافقة أمر كنت أتوقعه :)

خلنا نشوف المعارضين :)



لا هنت

[عبدالله المهيني]

اولا -اهلا بأخي الغالي ابو صالح وعسى الله يسعدك ويطول عمرك ويصلح ذريتك
اما بشأن صورة وغدك واللغط التي أثارته:)
اقول في البدء انا لم استنكر ان انت او اغيرك يقوم بتقبيل وتصوير وحمل مولوده
انما نظرت للامر بصورة اشمل واعم! نعم نظرت للصورة من خلال المشهد الاجتماعي
الذي كنا نراه في صغرنا!وليس من خلال امر شخصي يتعلق بي!





أستاذي عبدالرحمن


أولاً هو خالد وليس صالح :)

أعلم تمام العلم بأنك لا تنكر علي ذلك وحتى لو أنكرت لذلك لقلت لك أبشر لأنه أنت وليس غيرك



دعنا نتكلم عن المشهد الاجتماعي

لماذا ؟ وليه ؟ وماهي الأسباب لإنقاد أفراد المجتمع خلف هذا العُرف الاجتماعي ؟



قد تكون الأسباب مقنعه

وقد تزيدني عناداً لها :)

[عبدالله المهيني]

اي حبّة الطفل


مابين الساعات الاولى للولاده




وليس على مدى الايام..........هناك فرق








بالضبط هذا مربط النقاش

أصبت المطلوب بالضبط يابو غازي



لا هنت

[عبدالله المهيني]

صغير والا كبير موب ولدك حشاشة جوفك وشعرة قلبك ؟!!

لو تبي تاكله اكله :)




اي هذا الكلام السنع :)

صباح ومساء مصمصه وتبويس والله


مرور يونس :)

[الحاتميهـ]

من وجهه نظري لاصار ولدكـ اكيد تحبه حتى لو هو يتمغمغ

اما ولد غيركـ لااااااااااا

[الكاتم]

شوفوا يالربع
حبة الوالد لولده اول سنة كانت عيب عند الاولين لسببين
الاول كان الاولين يتفاخرون بالقوة والشدة فاذا عرف عن احدهم رحمته لاولاده استضعف العدو شأنه.
الثاني ان شافن الحريم حب الآباء لاولادهن ركبن على كتوفهم وقامن يتشرطن عليهم ابي وابي وابي... ما تنتهي طلباتهن ابد
والسالفة التالية جرت لي نبي نضحككم:
جدتي الله يسكنه الجنه واموات المسلمين امراة حكيمة جداً نصحتن قبل ما اعرس اني ما ابين حبي لاولادي قدام زوجتي وقالت لي ان بغيت تحب ولده حبه وعقبه قل لامه اقلعيه عني يعني لا تشخفه وهي تشوف وعملت بنصيحته ونجحت مع اول 3 عيال لكن يوم جت البنت ماش ما قدرت اثقل ما ادري بسبة كبر العمر والا ان البنت غلاه غير واشوف امها كبرانن راسه شوين الله يستر.

هاذي مشاركتي بالنقاش مع اني ادري انكم تكلمون عن حبة الوغد بالساعات الاولى لكن للحديث تفرعات مفيدة
ويتربى بعزك يابو خالد
دمتم بحفظ الرحمن

[عبدالله المهيني]

نحن كلنا ضد الضد! لكن في حقيقتنا نحن ضد هذا الضد!
نحن نعلم ان هذا هو الصحيح- التقبيل- لكن مجتمعنا
لا يتقبل هذا الامر بسهولة!





اي هذا المعتقد أو العُرف السائد

لكن السؤال ليه ؟

شنو سبب هذا الاعتقاد ؟




:)

[عبدالله المهيني]

هلا ام طلال انا مع الاخ ابو خالد واتمنى ان تنتهي
هذه العادات التي هي بالاصل رواسب الجاهلية!





سأعتبر هذا إعتراف ضمني

ولكن بودي أعرف سبب هذه العادة

[عبدالله المهيني]

النقاش على الساعات الاولى




طيب ليه ؟

ليه ممنوع في الساعات الاولى او في اليوم الاول او الثاني ؟


ودي أعرف السبب :)

[عبدالله المهيني]

تقول أمي إن الرجال قبل ما يحبون عيالهم و هم صغار لأنهم يخافون يتعلقون فيهم حيل و بعد كذا يموت الطفل ( خصوصاً إنه كانت فيه أمراض بالسابق و كانوا يموتون الأطفال الرضع )


غير كذا مدري ..! :)




.
.





طيب هل هذا الكلام منطقي أو هل هو مقنع ؟

والله إن الواحد يتعلق فيه قبل يولد عاد بتفرق حبة ولده او لا


ماش ماهو مقنع بالنسبة لي هالكلام

مع انه قد يكون مقنع لغيري وقد لا يكون هناك سبب آخر


وقد تكون عادة فقط بدون أسباب واضحة

[عبدالله المهيني]

مو بس تحبه الا اشخفه شخف وضمه على صدرك خله يحس بحنانك..











اي هذا الكلام اللي يوسع الصدر :)

لا توصين حريص صبح ومساء <<< صار علاج ماهو بوس :)




يطول عمرك أختي على هالمرور

[عبدالله المهيني]

الغرض من [الحبه] ليس تلامس الشفاه مع خد المولود
بل تعبير عن الحب والمشاعر السامية بين الاباء و الامهات و اولادهم ..
ليس في ذلك عيب أو تحريم شرعي ..
بل هي مودة ورحمة..

مشكور ابو صالح
وياعله يتربى بعزّك
والله يصلحه ويخليه


احترامااات لك




صلفيق


الله يجزاك خير ويطول عمرك يابعدي

حضور أحترمه كثيراً



لكـ الود

[عبدالله المهيني]

موضوع غريب واول مرة اسمع بكذا

حنا عادي من يوم مايولد وهاتك تبويس

لازم نغرقهم بالحنان

عني انا عيالي اصبح وامسي عليهم بالاحضان والبوس

حشاشة جوفي وقلبي عسى ربي يحفظهم

عبدالله صورة جنان ومعبرة عسا الله يطرح فيه البركة





الموضوع ماهو غريب وموجود

بس يمكن أول مره تسمعين فيه



فيه من يؤيد وفيه من يعارض

لذلك يوم مسكت واحد من المعارضين أو ممن طبقوا المعارضة حتى لو لم يكن مقتنع

حبيت أفتح هالموضوع لكي نتعرف على الأسباب

ونسمع لوجهة نظر المقابل



شاكر لك حضورك أختي

لكـٍ الود

[عبدالله المهيني]

جميلً ان نلتقي باساتذتي الاخ عبدالله والاخ عبدالرحمن وكان لدي لبسٌ بالماضي
كان لدي هاجس بان الاخ عبدالرحمن اصغر مني والاخ عبدالله شويب:) والان تبين العكس
ولكن كلكم شيبان عندي:) هههه .. ندخل في الموضوع اما عن ناحيتي اتفق مع الاثنين
اتفق عندما يحب الاب ابنه المولود واتفق مع ان الاب لايحب ولده المولود .. بمعنى لدينا
شرائح مختلفه واطياف متعدده مثل مايكون هناك فكر بان الطفل يٌحب بالصغر برضو توجد شريحه
اخرى لاتحب اطفالها اما عن والدي الله يطول بعمره لايحب الصغار ايً كان ولده حفيده ايحبه حتى
يتجاوز اقل شيئ سنه من العمر ..






نايف

عبدالرحمن أتفق معك بأنه شايب :)

ولكن ماأتفق معك بأنك أصغر مني لأني على حسب معلوماتي أصغر واحد بالمنتدى :)




أعلم ونعلم جميعاً بوجود شريحتين من المجتمع

شريحة تؤيد وشريحة ترفض

الشريحة التي تؤيد تتبع أن لا ضير في وضع قبله على خد الطفل وأن ذلك مافعله الرسول

وأن هذا بيان محبة ورحمه وسكنى في القلب للمحبوب الذي هو الطفل

كما أنها لا تعلم سبب يجعلها تمنع النفس عن فعل ذلك



أما الشريحة التي ترفض هي مربط السؤال هنا

لهم وضعنا هذا المتصفح وكأننا نقول يا جماعة الخير لماذا ترفضون تقبيل الطفل ؟ وماهي الأسباب ؟



عطنا علم كان عندك علم عنهم :)



لكـ الود يا بعدي

[عبدالله المهيني]

شيمة بدو صعبن عليك تعرفها=فيني من جذور البداوه محاصيل
لو ان بنك الوقت فيني صرفها=اطلب من الايام "محتاج تبديل"
لو ان حب الطفل عيني غرفها=اشوم عنها ليه؟ من دون تحليل







إن لم يكن هناك تحليل

أو لم يكن هناك معرفة لـ سبب يقدم على سبيل تحليل

كأنك تقول ليس هناك ما يمنع إنما هي عادة فقط



فإن لم يكن هناك ما يمنع فـ سنفعلها <<< يا عيني لف ودار وسوا اللي برأسه :)



ابو غازي

صح لسانك يابعدي

[عبدالله المهيني]

لكن ممكن راح يكون رأيي مختلف
لو لي وغدان >>>اقول يمكن مهو أكيد



الله يرزقك بالزوج الصالح أولاً

ويرزقك بالذرية الصالحه ثانياً

وراح يتغير رأيك إذا شفتي ولدك







عندي استفسار بعيد عن السالفه

وشنوحك لابسن باغه^_^


تعجبني فيك شدة الملاحظة :)

هذا لباس وقائي يتم إلزام كل من يدخل للحضانة بلبسه

ومتوفر بالألوان <<< اطلع من راسي يا شيخ :)




شرهه

شاكر لك هالحضور أختي

لكـٍ الود

[عبدالله المهيني]

من وجهه نظري لاصار ولدكـ اكيد تحبه حتى لو هو يتمغمغ

اما ولد غيركـ لااااااااااا




رأي آخر مؤيد لوجهة نظري

شاكر لك هالحضور يالحاتميهـ



لكـٍ الود أختي

[عبدالله المهيني]

شوفوا يالربع
حبة الوالد لولده اول سنة كانت عيب عند الاولين لسببين
الاول كان الاولين يتفاخرون بالقوة والشدة فاذا عرف عن احدهم رحمته لاولاده استضعف العدو شأنه.
الثاني ان شافن الحريم حب الآباء لاولادهن ركبن على كتوفهم وقامن يتشرطن عليهم ابي وابي وابي... ما تنتهي طلباتهن ابد
والسالفة التالية جرت لي نبي نضحككم:
جدتي الله يسكنه الجنه واموات المسلمين امراة حكيمة جداً نصحتن قبل ما اعرس اني ما ابين حبي لاولادي قدام زوجتي وقالت لي ان بغيت تحب ولده حبه وعقبه قل لامه اقلعيه عني يعني لا تشخفه وهي تشوف وعملت بنصيحته ونجحت مع اول 3 عيال لكن يوم جت البنت ماش ما قدرت اثقل ما ادري بسبة كبر العمر والا ان البنت غلاه غير واشوف امها كبرانن راسه شوين الله يستر.

هاذي مشاركتي بالنقاش مع اني ادري انكم تكلمون عن حبة الوغد بالساعات الاولى لكن للحديث تفرعات مفيدة
ويتربى بعزك يابو خالد
دمتم بحفظ الرحمن






عيب :3ajeeb:


إذاً على الأسباب اللي أوردتها فأنا لا أشاهد فيها من الحكمة شيء

هل قوة البأس تقاس بعد تقبيلك لطفلك ؟

هل زوجتك لم تكشف ضعف أو قوة شخصيتك خلال الشهور الأولى للزواج أو خلال شهور الحمل

ولم تستطع كشفها إلا بعد الولادة

إن قبلة طفلك فأنت ضعيف شخصية وإن لم تقبله فأنت قوي شخصية ؟

أعتقد أن المحك أو المعيار هذا من وجهة نظري ضعيف ليتم القياس عليه





وقس عليه العدو ومعرفته فيك








أخوي الكاتم

أحترمك وأقدرك ولا يعني إختلافي بالرأي معك غير ذلك

شاكر لك حضورك يابعدي


لكـ الود

[منصور الغايب]

هلا ابو خالد من جديد ...


لكن السؤال ليه ؟

شنو سبب هذا الاعتقاد ؟


من وجهة نظري ...


السبب تقليد من قبلهم من الاباء والاجداد ...


ثم .. حتى لا يظهر بمظهر ضعف أمام زوجته وهو يقبل الولد ويلاطفه ويلاعبه ... والاولين .. كان من طبعهم ظهور الغلظة والجفاء ...


ثالثا وهو الاهم ... ان الله نزع من قلوبهم الرحمة ... بنص حديث الرسول صلى الله عليه وسلم ...

[المطنوخ]

من خلال قراءتي لبعض الردود + حنكتي المعروفة ادامها الله :)

أرى أن إندثار بعض العادات القديمة مثل حبة الطفل بالمهد وحضور الرجل زواج شقيقته .. الخ

انما اندثرت الان لانها كانت عادات وقتية ( أي ارتبط تواجدها بأحداث معينه , مثل قوة بأس الرجل بالحروب وعدم وصفه باللين و و ..الخ ) انتهت تلك الاحداث ولكن بقيت رواسبها موجوده وبدأت الان بالتحلل والاندثار حتى من رؤوس الرعيل الاول

يعني انت يابوخالد الحين قاعد تناقش بقايا ذكريات وتواريخ على جدران نفوخ ابوداحم ( أصغر عضو بالمواقع النتية ) :) <--اذكرها يابوداحم :)


من ناحيتي انا وبعدم سابق تجربه
أطفال هالعمر هذا ما اداني اقرب لهم ( مو تشيّم منهم ) لكن ياخوي مايونسون :)
لكن جيبه لي من يتعلم القعده اعرف شلون الشغل فيه :)


عسى الله يصلح لك خالد يابوخالد
وحفظه الله من كل سوء

[منصور الغايب]

أطفال هالعمر هذا ما اداني اقرب لهم ( مو تشيّم منهم ) لكن ياخوي مايونسون


الحكي هالحين ... سهل ...


خل يبلغونك بوصول اول مولود ... وانت تسوي دباية قدام غرفة الوضع بمستشفى الجهراء ... ولايهون العرف :)

[محمدالشمري]

عبدالله مبروك وعساه من الذرية الصالحه

انا شخصيا اتبعت هذه العادة دون ان اسال عن السبب وحين سئلت لم اعرف الجواب فوجب علي ان آخذ العلم ممن سبقني بهذه العادة ...

فابلغت بالآتي :

عدم تقبيل الطفل بعد ولادته لاعتقاد البعض بعدم طهارته واقصد نظافته من الحيض كرمكم الله !!!

يعني قبل ما كان فيه ديتول وصابون ومواد مطهرة مثل الحين ولاكو مستشفيات ولا غيرها يجعل من هذا المخلوق محل تقبيل بعد الولادة ...

اعتقد ان هذا الشيء قد اندثر والدليل تقبيل والدي حفظه الله لابنائي وابناء أخوتي بعد ان كان يأنف من ذلك في تقبيل ابنائه كما ابلغتنا أمي رحمها الله ...

هذا ما لدي من معلومة عجز عن أظهارها العزيز عبدالرحمن " اصغر عضو بالمضايف " رغم بلوغه الهرم !!

[ابو عبدالعزيز]

http://thumbs.bc.jncdn.com/f3ddf932b076d26b4df939924f2eeb52_lm.jpg






^
^



هذه الصورة فتحت نقاش هذا الموضوع


النقاش سيكون هنا


( عبدالرحمن هذا إعتراف مني :) )





.
.
.





أشعلت جملة أطلقها أستاذي عبدالرحمن حول هذه النقطة


وفتحت باب نقاش بيني وبينه حول حبة الوغد ( تبويس الطفل المولود )




أنا رأيي في هذا الموضوع واضح من خلال الصورة


فأنا لا أشاهد أن هناك أي إشكال في حبة الطفل




أما أستاذي عبدالرحمن فقال







أنا ودي أعرف السبب أو الأسباب اللي كانت تمنعك أنت ومن هو في جيلك


من حبة طفلك ولماذا تبحث عن سبب تحولنا كجيل حالي عما كنتم عليه ؟






.
.
.





أما فيما يخصكم أنتم إخواني وأخواتي هنا


هل أنت ../.. أنتي مع أو ضد وضع قبلة على خد طفلك ؟


ولماذا ؟








roooose




السبب بكل بساطه ان بالسابق كان هناك رجال لديهم عادات وتقاليد واحكام واعراف

لايحيدون عنها لذلك سموهم رجال اما وقتنا هذا شف حال الدنيا من استهتار بالطرقات

ومضايقه للخلق وترك كثير من العادات اللي بالسابق لو تركها احدهم كان دفقو الفنجال

بوجهه اما الان تساوت واصبح البعض يقلد الاخر حتى لو انه على خطأ وهذا ضعف وعيب

هذا الزمان فنجد ان السئ ينشر موضوع هو بالاساس سئ ولايستحي منه ضنا منه

انه على صح البعض يقول ابوي يحب ابناؤه الصغار هذا الان لكن بالسابق لو ذكر ان

فلان قبل ابنه الصغير لاأ صبح مصخره وحديث وقته الان نجي حنا وننتقد افعالهم ههههه

لم يصلو الى ماوصلو اليه الا بهذه الافعال يقولون من ترك عادته قلة سعادته هذا الحاصل

الان حتى العيد والاعراس والمناسبات الجميله ليست لها معنى والسبب ترك عادات

كثيره وتقليد اخرين بالسابق لايحضر الاب او الاخ زواج ابنته والان تجده مشخص

ويرحب ويعزم على عرس بنته ماهذا الجيل ؟ الهدف من هذا الهجوم هو الرجوع للماضي

وليس اقتصاص او انقاص من احد وهناك اسباب كثير يعرفها رجال من جيلي حول

حبة الوغد والاسباب التي تمنعه ولعلمك مافيه احد مايحب ابناؤه كما تزعم وكانو يسرقون

هذه القبل خفيه وماحد يشوفه حتى زوجته ماتشوفه والفرص كثيره مهو مصور مع وغدك

وزارقه باول ساعه من ولادته وتبي نصفقلك

ولي عوده لتوضيح عدم حب المولود والاسباب اللي يجهلها كثير بهذا الوقت

[الكاتم]

عيب :3ajeeb:



إذاً على الأسباب اللي أوردتها فأنا لا أشاهد فيها من الحكمة شيء


هل قوة البأس تقاس بعد تقبيلك لطفلك ؟


هل زوجتك لم تكشف ضعف أو قوة شخصيتك خلال الشهور الأولى للزواج أو خلال شهور الحمل


ولم تستطع كشفها إلا بعد الولادة


إن قبلة طفلك فأنت ضعيف شخصية وإن لم تقبله فأنت قوي شخصية ؟


أعتقد أن المحك أو المعيار هذا من وجهة نظري ضعيف ليتم القياس عليه






وقس عليه العدو ومعرفته فيك









أخوي الكاتم


أحترمك وأقدرك ولا يعني إختلافي بالرأي معك غير ذلك
والله ما شفت اي احترام بردودك علي<<<لكن نبي نقدر صغر سنك ونناقشك بحكمة
شاكر لك حضورك يابعدي




لكـ الود


طرحت الموضوع لمعرفة الاسباب وابديت راي اللي يختلف عن رايك لاختلاف جيلنا وهو
1-كثرة تقبيل الاطفال امام ناظر امهم يجعل بعض الامهات تكثر الدلع على الاب لمعرفتها بعدم صبره على فراق اولاده او بكائهم فاذا ارادت حاجة او تبي تروح مكان قالت لاولاده قولوا لبوكم نبي ونبي على عكس رغبة الاب فينصاع لاوامرهم مداراةً لبكاء اولاده ومع الوقت تتفرعن الام والاولاد على الاب ومثل هالنوع نشوفهم كثير وياما شفنا وغدان وحريم يسقن رجالهن وابوانهم سوق .....
2-العادة قديمة جداً وكان الرجال اول يتفاخرون بقلة الرحمة والضراوة وكان يفرضه عليهم وقتهم يعني ياقاتل يا مقتول والحمد لله تغير الوقت وانتشر الامن واكيد هذه الطبائع بدت تندثر وهذا هو المطلوب انتشار الرحمة والتآلف وحسن التعامل بين الاب وزوجته وابنائهم لكن بدون افراط وتفريط يعني قبل اولادك لكن بدون ما تفسدهم او تجرِّي امهم عليك
3-نبي نسمع رأيك بعد 15 سنة ونتمنى لك التوفيق والسعادة بحياتك الزوجية وان تنجح بتربيك ابنائك لما فيه صالحهم .
دمتم بحفظ الرحمن

[ابو عبدالعزيز]

طيب ليه ؟



ليه ممنوع في الساعات الاولى او في اليوم الاول او الثاني ؟




ودي أعرف السبب :)




والله الاسباب معروفه ومشيمين الاعضاء عن عدم ذكرها

كل رجل يعرفها ولكن البعض يفعل فعل ويبي الناس تأيده

والاثباتات كثيره وان لزم الامر سأذكرها لك ولكن لاتلوم الا نفسك

لانك وضعت نفسك موضع سيكون محل للانتقاد انت ومن ذهب معك بهذا الفكر

انت حبيت وغدك صح !! لاتنكر هالكلام بردي الجاي لانه سيوضح كثير من الامور

[ريم شمر]

بعد اذنك اخوي ابو خالد

برد على كلام اخوي ابو عبدالعزيز



والله الاسباب معروفه ومشيمين الاعضاء عن عدم ذكرها

كل رجل يعرفها ولكن البعض يفعل فعل ويبي الناس تأيده

والاثباتات كثيره وان لزم الامر سأذكرها لك ولكن لاتلوم الا نفسك


لا لاتذكر شي يابو عبدالعزيز لأن هالاسباب تعتمد على قلة معرفه وافكار غير حقيقيه

خصوصا في هالعصر المختلف تماما في كل شي عن الماضي

ماكان يعتبر اسباب قديماً لاجود لها الان





كل الاحترام والتقدير لابائنا واجدادنا وانا ابوي وجدي من اللي مايناظرون الولد الين يمشي

مو عاد يحبونه !!! وبعض اخواني مثلهم لكن هذا شي راجع لهم وعلى ماتربوا عليه

وماارغموا احد على انه يكون مثلهم ولا اعتبروه من ملازيم الرجوله !!!!!

الرجوله وانا اختك تحددها امور كثيره مو من ضمنها حبة وغد :3ajeeb:





هذا شي

الشي الثاني عادات الاجداد مهيب قرآن منزل والا سنه مؤكده

وحنا نتبع ديننا ونبينا والعادات اللي ماتعارض الدين


واذا بتعتبر عمل جدك او ابوك افضل من عمل الرسول صلى الله عليه وسلم وارجل

فهذي مصيبه !!!!:(

أخرج البخاري في صحيحه عن أسماء بنت أبي بكر رضي الله عنهما

( أنها حملت بعبد الله بن الزبير بمكة .. قالت : خرجت وأنا متم

أي قد أتممت مدة الحمل الغالبة وهي تسعة أشهر ] فأتيت المدينة

فنزلت قباء فولدت بقباء ثم أتيت به رسول الله صلى الله عليه وسلم

فوضعه في حجره ثم دعا بتمرة فمضغها ثم تفل في فمه فكان

أول شيء دخل جوفه ريق رسول الله صلى الله عليه وسلم

ثم حنكه بالتمر ، ثم دعا له فبرَّك عليه ......)


نبيّك يابو عبد العزيز واللي تاخذ منه كل مايخص دينك ودنياك

ماتقرّف من طفل توه مولود ولا عده منقصه بالرجوله

حتى ان الولد مهو ولده !!!!!


ولو كان فيه ضرر او قذاره او اذى مافعله الرسول صلى الله عليه وسلم

ولنهى عنه كما نهى عن غيره



اما قضية ان الرجل تضعف شخصيته عند زوجته بسبب حبة الوغد

فهذا مما يعجب له !!!!!:a:


يااخي اي رجل يتوقف احترام زوجته له على مثل هالامور اسمح لي اقولك موب رجال !!

اذا بتأثر مجرد حبه او اي شي طبيعي يفعله كل اب على شخصيته امام زوجته

فهو من الاصل لديه نقص بالشخصيه والرجوله


الرجل الحقيقي يفرض احترامه وشخصيته بالطرق الصحيحه

مهو بالقساوه او الصراخ او اللي يسويه بعض الرجال

ويحسب انوه جايب الذيب من ذيله

وهو مايدري ان زوجته تحتقره بينه وبين نفسها

ولاتحمل له ذرة احترام

حتى لو ماحب الولد الا وعمره ثلاثين سنه :)




انا فعلا مادري وش تحسبون الحريم ؟!!!!


غبيات ومغفلات لهالدرجه :)



اذا حب الولد معناته انه ضعيف ومخفه واذا ماحبه يصير قوي وبطل ويخوف؟!! :solh:


معقوله تتوقعون مانقدر نميز بين شخصيه قويه ورجوله حقيقيه تفرض احترامها

وبين مدعي يحاول يصير رجال بتقليد امور اندثرت مجرد تقليد اعمى ؟!!


معقوله احترامي لأبو عيالي بنظركم يحدده امر تافه مثل هذا ؟!!!!


حب ولده والا ماحبه ....يبقى في عيني كبير وله احترامه ومكانته


لأن شخصيته ورجولته هي اللي فرضت الاحترم مهو مثل هالامور



انا احترم وبصدق اللي متمسك بهالشي عن قناعه

لأن ابوي واخواني كذا واحترم ابو غازي لقناعته

واحترمهم اكثر انهم مايفرضون هالشئ على الغير

او يعتبرونه من اسس الرجوله !!!

او ان الواحد فيهم يحتقر عقل المرأه لهالدرجه :(


رجاء يااخوان


الرسول صلى الله عليه وسلم

حدد معنى نقص العقل والدين

ولايتعلق ذلك بكونها مغفله تتحدثون عنها كأنها ماتفهم ولاتفقه

او انها نجسه تتعففون عنها بطهركم ؟!!!

انت من اين اتيت اصلا يامن تترفع وتتعالى ....ومن ولدتك الا امرأه !!!





وشكرا لك ابو عبدالعزيز

[الونش]

^
^
هوني عليك يا أختاه :)

حط الوغد بلوه غرفتن ماحولوه الوالي اللي يخلق وشف وشلون الشخخخخخف :)

قبل لا قول رأيي بحبة الوغد أنا أشوف بعض الحريم تتحايل وأحيان تجبر زوجها على حبة وغدها ويتفاخرن بذلك بينهن :a:>>> وهذا موجود ولاعنه منشود :)

فلماذا يفعلن ذلك ؟! وماهو السبب وراء ذلك ؟!!!!!!!

مشكور يابو خالد على جرائتك بنشر صورتك :goooood:

[متعجب]

الف مبرووك يالمهيني

الله يصلح ما عطى


وإذا المرجلة واقفة على هالبوسه

*
*
*
*
بلاش تبوس



أمطقوه مطق



تهانينا بالمولود مرة أخرى

[ريم شمر]

حياك الونش

وانا الامر عندي هين:)

بس ماحب هالنظره الدونيه



حط الوغد بلوه غرفتن ماحولوه الوالي اللي يخلق وشف وشلون الشخخخخخف

هههههههه والله اللي بيخاف من الناس والا بيحسب لهم حساب في امر لاهو حرام ولاعيب

مشكوك بامروه :)


قبل لا قول رأيي بحبة الوغد أنا أشوف بعض الحريم تتحايل وأحيان تجبر زوجها على حبة وغدها ويتفاخرن بذلك بينهن >>> وهذا موجود ولاعنه منشود

فلماذا يفعلن ذلك ؟! وماهو السبب وراء ذلك ؟!!!!!!!


انا اذكر جدتي الله يرحمها كانت تقول شوفي للرجال تسانه حب الولد

فهو يحب حرمته وان تسانه صد عنه فهو مهو يمها

يمكن هذا السبب


هالضعيفات يبن يتأكدن هم رجالهن يحبونهن والا لا ؟!:)


وعموما الرجال اللي يناظر لهرج حريم وسوالفهن ويتصرف على اساسه

برضه مشكوك بامره :)

تسلم يالونش


الا انت منين طلعت ؟!!!:)

[عبدالله الجعيثن]

سؤال شاطح.......بس له خصوص بالسالفه



ليه السمك المقلي.......يحطون معه ليمون؟



اللي بيقول لي عشان يعصرونه على السمك ... يوفر اجابته!!!

[عبدالرحمن]

شيمة بدو صعبن عليك تعرفها

فيني من جذور البداوه محاصيل

لو ان بنك الوقت فيني صرفها

اطلب من الايام "محتاج تبديل"

لو ان حب الطفل عيني غرفها

اشوم عنها ليه؟ من دون تحلي


شيمة بدو صعبن عليك تعرفها

فيني من جذور البداوه محاصيل

لو ان بنك الوقت فيني صرفها

اطلب من الايام "محتاج تبديل"

لو ان حب الطفل عيني غرفها

اشوم عنها ليه؟ من دون تحليل

تسلم وصح لسانك شاعرنا القدير ابو غازي
على هذه الابيات الرائعة التي بينت بها الاسبا
اما الاخ الغالي ابو خالد فمعه الحق في سؤاله
عن الاسباب التي تمنع الاب من تقبيل مولوده
وقد بين اغلب المشاركين البعض من هذه الاسباب الكثيرة
والتي اغلبها عادات واعراف اجتماعية
مانزل الله سبحانه بها من سلطان
بل طالبنا الله سبحانه وتعالى بالعكس منها!
اتمنى من الاخوه الاعزاء مناقشة الموضوع بموضوعية
بعيدا على التشنج ومحاولةفرض وجهات النظر الخاصة
على من يختلف مع وجهة نظره
0
سوف اعود ان شاء الله تعالى
لمواجهة فريق المدافعين
خاصة عرب الشيخ نجاد
والشيخة ام طلال:)!

[عبدالرحمن]

ليه السمك المقلي.......يحطون معه ليمون؟

حنا عجزنا عن حل الواضح وانت تبينا نحل لغز>يحسبوه لغز!

[عبدالله الجعيثن]

فعلا........المهيني سأل.....هل انت مع او ضد؟


واسبابك انت!!!



يعني مالك دخل بغيرك



انا اشوف الموضوع بدأ يخرج عن مساره


والرسول صلى الله عليه وسلم في سياق الحديث حنّك ولم يقبّل


ولا تدخلون "حبة السلا".....بالرحمه



لان مافيه اب مايحب اولاده ولا يرحمهم.......الا من نزعت منه الرحمه

[عبدالرحمن]

أمطقوه مطق

اخ متعجب يعني انت من فريق المطقة والنشة والشخفة
طيب ياسيدي الكريم هلأ لك بقول رأيك
بعيدا عن الاختصار المخل والاسهاب الممل!

[ابو عبدالعزيز]

بعد اذنك اخوي ابو خالد


برد على كلام اخوي ابو عبدالعزيز






لا لاتذكر شي يابو عبدالعزيز لأن هالاسباب تعتمد على قلة معرفه وافكار غير حقيقيه


خصوصا في هالعصر المختلف تماما في كل شي عن الماضي


ماكان يعتبر اسباب قديماً لاجود لها الان






كل الاحترام والتقدير لابائنا واجدادنا وانا ابوي وجدي من اللي مايناظرون الولد الين يمشي


مو عاد يحبونه !!! وبعض اخواني مثلهم لكن هذا شي راجع لهم وعلى ماتربوا عليه


وماارغموا احد على انه يكون مثلهم ولا اعتبروه من ملازيم الرجوله !!!!!


الرجوله وانا اختك تحددها امور كثيره مو من ضمنها حبة وغد :3ajeeb:






هذا شي


الشي الثاني عادات الاجداد مهيب قرآن منزل والا سنه مؤكده


وحنا نتبع ديننا ونبينا والعادات اللي ماتعارض الدين



واذا بتعتبر عمل جدك او ابوك افضل من عمل الرسول صلى الله عليه وسلم وارجل


فهذي مصيبه !!!!:(


أخرج البخاري في صحيحه عن أسماء بنت أبي بكر رضي الله عنهما


( أنها حملت بعبد الله بن الزبير بمكة .. قالت : خرجت وأنا متم


أي قد أتممت مدة الحمل الغالبة وهي تسعة أشهر ] فأتيت المدينة


فنزلت قباء فولدت بقباء ثم أتيت به رسول الله صلى الله عليه وسلم


فوضعه في حجره ثم دعا بتمرة فمضغها ثم تفل في فمه فكان


أول شيء دخل جوفه ريق رسول الله صلى الله عليه وسلم


ثم حنكه بالتمر ، ثم دعا له فبرَّك عليه ......)



نبيّك يابو عبد العزيز واللي تاخذ منه كل مايخص دينك ودنياك


ماتقرّف من طفل توه مولود ولا عده منقصه بالرجوله


حتى ان الولد مهو ولده !!!!!



ولو كان فيه ضرر او قذاره او اذى مافعله الرسول صلى الله عليه وسلم


ولنهى عنه كما نهى عن غيره




اما قضية ان الرجل تضعف شخصيته عند زوجته بسبب حبة الوغد


فهذا مما يعجب له !!!!!:a:



يااخي اي رجل يتوقف احترام زوجته له على مثل هالامور اسمح لي اقولك موب رجال !!


اذا بتأثر مجرد حبه او اي شي طبيعي يفعله كل اب على شخصيته امام زوجته


فهو من الاصل لديه نقص بالشخصيه والرجوله



الرجل الحقيقي يفرض احترامه وشخصيته بالطرق الصحيحه


مهو بالقساوه او الصراخ او اللي يسويه بعض الرجال


ويحسب انوه جايب الذيب من ذيله


وهو مايدري ان زوجته تحتقره بينه وبين نفسها


ولاتحمل له ذرة احترام


حتى لو ماحب الولد الا وعمره ثلاثين سنه :)





انا فعلا مادري وش تحسبون الحريم ؟!!!!



غبيات ومغفلات لهالدرجه :)




اذا حب الولد معناته انه ضعيف ومخفه واذا ماحبه يصير قوي وبطل ويخوف؟!! :solh:



معقوله تتوقعون مانقدر نميز بين شخصيه قويه ورجوله حقيقيه تفرض احترامها


وبين مدعي يحاول يصير رجال بتقليد امور اندثرت مجرد تقليد اعمى ؟!!



معقوله احترامي لأبو عيالي بنظركم يحدده امر تافه مثل هذا ؟!!!!



حب ولده والا ماحبه ....يبقى في عيني كبير وله احترامه ومكانته



لأن شخصيته ورجولته هي اللي فرضت الاحترم مهو مثل هالامور




انا احترم وبصدق اللي متمسك بهالشي عن قناعه


لأن ابوي واخواني كذا واحترم ابو غازي لقناعته


واحترمهم اكثر انهم مايفرضون هالشئ على الغير


او يعتبرونه من اسس الرجوله !!!


او ان الواحد فيهم يحتقر عقل المرأه لهالدرجه :(



رجاء يااخوان



الرسول صلى الله عليه وسلم


حدد معنى نقص العقل والدين


ولايتعلق ذلك بكونها مغفله تتحدثون عنها كأنها ماتفهم ولاتفقه


او انها نجسه تتعففون عنها بطهركم ؟!!!


انت من اين اتيت اصلا يامن تترفع وتتعالى ....ومن ولدتك الا امرأه !!!






وشكرا لك ابو عبدالعزيز









شكرا لك لو ان السالفة متعديتك

[ابو عبدالعزيز]

البعض هداه الله اخذ الامر من منظور اخر !!

الجانب الديني عادة لااناقش فيه ابدا ( الا ان لزم الامر )

نرجع لموضوع تقبيل المولود !! لو اني لااريد الخوض به لكن لاحياء بالدين

اول سبب اجلكم الله هو موضوع الطهاره سواء للمولود وامه اليس هذا كافيا !!

يامن تدافعون عن الحاضر وتجنيتم على رجال الماضي هل انتم ارحم منهم ؟

او افهم منهم او افضل منهم والله يااخوان هناك شعوب بالهند والصين وبلاد اخرى

لديهم عادات وتقاليد لم يتخلو عنها وحنا بكل سهوله نتخلا عنها ونحاول ان نقلد الاخرين

طبعا عادتنا كلها مستمده من ديننا الحنيف ولكن البعض يريد ان يناقش فقط ليس من اجل شئ



ثانيا ثبت طبيا الاتي :


لدينا عادة سيئة للغاية، وهى عادة شائعة في مجتمعنا، وهى كثرة تقبيل الأطفال من أفواههم، دون أن نشعر بخطر تلك القبلات على الأطفال، وما قد تسببه لهم من أمراض، وليست أمراض هينة، وإنما أمراض خطيرة.
فالحقيقة أن القبلة التي تطبعها الأم أو الأب على فم الطفل، كفيلة أن تنقل إليه الأمراض، وخاصة في الأشهر الأولى من ولادته.
وللعلم بأن الأطفال في الستة شهور الأولى من عمرهم، ليس لديهم مناعة من الأمراض، وعندما يقبل شخص بالغ طفل رضيع، أولا ينشأ التهاب فطري باللسان، ينتشر بين اللثة،
ثم ينتشر في جميع أنحاء فم الطفل، وبالتالي تكون الريالة عنده مستمرة، وبالتالي عدم القدرة على الرضاعة بشكل كافي.
كما تنتقل بعض الميكروبات، منها مجموعة الميكروبات العنقودية، وهى تتواجد في فم الإنسان بصورة طبيعية، حتى وإن كان سليما.
ومن خلال القبلة تنتقل للطفل، ونظرا لأن مناعته ضعيفة، يصاب بالعديد من الأمراض، وهذه الأمراض مثل التهاب الحلق، والفم، والتهاب اللوزتين ...إلخ.
وعندما يبلغ الطفل العامين من عمره، تكبر معه المضاعفات، فمن الممكن أن تصل إلى القلب، أو التهابات متكررة في الكليتين.
ومن الأمراض أيضا، مرض الحمى الشوكية، وهى تنتقل عن طريق ميكروبات موجودة بصفة مستمرة في فم الإنسان.
وهناك العديد من الأمراض، التي قد تصيب الأطفال، بسبب تقبيلهم، العنصر المسبب لهذه الأمراض، هي الفيروسات، وسنتحدث عنها فيما بعد.
وأخيرا، ننصحك بعدم تقبيل أطفالك من أفواههم، سواء كنت أنت أم أي شخص آخر، وذلك للحفاظ على طفلك، حتى لا يصاب بالأمراض.


هذا كلام الطب وليس من عندي والاولين اكيد ينظرون لهذا الامر من هذا الباب

ناهيك عن الاسباب الاجتماعيه الاخرى وتحدثو عنها بعض الاخوان من علاقة الزوج

بالزوجه والاولاد مستقبلا وما ينتج عنها مستقبلا من امور

الاسباب كثيره والموانع اكثر لكن وش تقول لناس يريدون التغير للاسوأ !!

اكيد هناك اسباب اخرى لامجال لذكرها كلها

ساروي لكم قصه حدثت امامي مره كنت مصطحب احد ابنائي للمستشفى قسم الاطفال

والا بشاب شايل مولود بزماله وفي يد المولود ربطه اللي يحطونها بالجناح وبه اسم الام

وبيانات المولود يعني عمره يوم يومين ليس اكثر شكل ام الطفل بالمستشفى او لاتستطيع الحضور

المهم الطفل يصرخ والا بالشاب اللي هو ابوه يقول للمولود بس ياحبيبي بس تبي ماما

الحين تجي ماما ههههههه بصراحة ضحكت من قلبي للموقف وانتبه الحاضرين للموقف

واخذو يضحكون من شدة الموقف بالله طفل وبيده ربطة حقة البيانات يعني عمره يوم

والحبيب يقول بس ياحبيبي بس تبي ماما الحين تجي ماما هههههه انا ارى ان هذا الاب

عمره بعمر طفله وش فهمه لماما والحين تجي ههههههههههههههههههههههههه مالت عليك

وعلى ماما تكلم طفل وتشخفه قدام الناس وكل شوي بس حبيبي تبي ماما الحين تجي ماما

ههههههههههههههههههههههههههههههههه

[منصور الغايب]

لو سمح لي الاخ ابوخالد ...


فقط .. تنبيه للاخ ابو عبدالعزيز ..

في قصة مقتل الحسين رضي الله عنه عندما أخذ ابن زياد يضع في فم الحسين قضيبا كان بيده فقال له ابو برزة رضي الله عنه ارفع قضيبك فقد رايت رسول الله صلى الله عليه وسلم يضع فاه على في الحسين ....

يتبين مما مضى ان النبي صلى الله عليه وسلم كان يقبل لحسين في فمه ... بل وجاء في بعض الروايات تقبيله لاماكن غيرها ...


ويعود الامر الى كونه رحمة .. كما قال النبي صلى الله عليه وسلم


شكرا لك ابوعبدالعزيز ..

[القناصه]

اخوي عبدالله


بس حبيت اقولك الله يبارك لك فيه ويخليك لوه ويخليه لك



بالنسبه للموضوع لا تعليق ,,,,,,,,,



تحيــــــــــاتي
,,,,,,,,,,,,,,,,,

[عبدالله المهيني]

هلا ابو خالد من جديد ...




من وجهة نظري ...


السبب تقليد من قبلهم من الاباء والاجداد ...


ثم .. حتى لا يظهر بمظهر ضعف أمام زوجته وهو يقبل الولد ويلاطفه ويلاعبه ... والاولين .. كان من طبعهم ظهور الغلظة والجفاء ...


ثالثا وهو الاهم ... ان الله نزع من قلوبهم الرحمة ... بنص حديث الرسول صلى الله عليه وسلم ...





وهل الزوجة لم تتعرف على شخصيتك خلال الفترة الماضية ؟

هل تحتاج أن تنتظر إلى حين وصول المولود لتتعرف على شخصيتك ؟



أشاهد أن هذا السبب غير منطقي

:)

[عبدالله المهيني]

من ناحيتي انا وبعدم سابق تجربه
أطفال هالعمر هذا ما اداني اقرب لهم ( مو تشيّم منهم ) لكن ياخوي مايونسون :)
لكن جيبه لي من يتعلم القعده اعرف شلون الشغل فيه :)





إن غداً لناظرة لقريب :)

[عبدالله المهيني]

عبدالله مبروك وعساه من الذرية الصالحه

انا شخصيا اتبعت هذه العادة دون ان اسال عن السبب وحين سئلت لم اعرف الجواب فوجب علي ان آخذ العلم ممن سبقني بهذه العادة ...

فابلغت بالآتي :

عدم تقبيل الطفل بعد ولادته لاعتقاد البعض بعدم طهارته واقصد نظافته من الحيض كرمكم الله !!!

يعني قبل ما كان فيه ديتول وصابون ومواد مطهرة مثل الحين ولاكو مستشفيات ولا غيرها يجعل من هذا المخلوق محل تقبيل بعد الولادة ...

اعتقد ان هذا الشيء قد اندثر والدليل تقبيل والدي حفظه الله لابنائي وابناء أخوتي بعد ان كان يأنف من ذلك في تقبيل ابنائه كما ابلغتنا أمي رحمها الله ...

هذا ما لدي من معلومة عجز عن أظهارها العزيز عبدالرحمن " اصغر عضو بالمضايف " رغم بلوغه الهرم !!





أستاذي ابو جاسم

الله يبارك بعمرك



كلام منطقي جداً أحترمه تماماً وأتفق معه

لكـ ولحضورك كل الود

[عبدالله المهيني]

مهو مصور مع وغدك

وزارقه باول ساعه من ولادته وتبي نصفقلك





لم أقترف كفراً

لذا أصور وأنا كلي فخر بهذه الصورة


شاكر لك حضورك

[عبدالله المهيني]

والله ما شفت اي احترام بردودك علي<<<لكن نبي نقدر صغر سنك ونناقشك بحكمة






هلا بأخوي الكاتم

بالعكس أنت كـ شخص لك كامل الإحترام


أنا قصدت بقولي عدم مشاهدة الحكمة بـ الرأي أو الأسباب التي ذُكرت لك وليس بشخصك

يبقى لـ وجهة نظر وتبقى لك وجهة نظر وكل شخص يعرض مالديه

إن إستطاع إقناع المقابل بالحسنى فكان بها وإن لم يقتنع المقابل فليس لزاماً إقناعه


شاكر لك سعة صدرك أخوي

لكـ الود

[ليلى بنت عبدالعزيز]

الله يصلحه ويخليه لك ويخليك له ويرزق بره
ومافي اغلى من حبة طفلك ,,

[عبدالله المهيني]

انت حبيت وغدك صح !! لاتنكر هالكلام بردي الجاي لانه سيوضح كثير من الامور



صدقت لقد فعلت ذلك

والإثبات بالصورة المدرجة



لا أجد في ذلك عيباً ولم ألزم أحد بفعل ماأفعله ولا ألزم أحداً بالأخذ برأيي

أنا أعرض مالدي وأنت تعرض مالديك إن إقتنع أحدنا بالرأي الآخر فكان بها

وإن لم يقتنع أحداً فليس هذا بنهاية المطاف


لكـ الود

[عبدالله المهيني]

بعد اذنك اخوي ابو خالد


برد على كلام اخوي ابو عبدالعزيز






لا لاتذكر شي يابو عبدالعزيز لأن هالاسباب تعتمد على قلة معرفه وافكار غير حقيقيه


خصوصا في هالعصر المختلف تماما في كل شي عن الماضي


ماكان يعتبر اسباب قديماً لاجود لها الان






كل الاحترام والتقدير لابائنا واجدادنا وانا ابوي وجدي من اللي مايناظرون الولد الين يمشي


مو عاد يحبونه !!! وبعض اخواني مثلهم لكن هذا شي راجع لهم وعلى ماتربوا عليه


وماارغموا احد على انه يكون مثلهم ولا اعتبروه من ملازيم الرجوله !!!!!


الرجوله وانا اختك تحددها امور كثيره مو من ضمنها حبة وغد :3ajeeb:






هذا شي


الشي الثاني عادات الاجداد مهيب قرآن منزل والا سنه مؤكده


وحنا نتبع ديننا ونبينا والعادات اللي ماتعارض الدين



واذا بتعتبر عمل جدك او ابوك افضل من عمل الرسول صلى الله عليه وسلم وارجل


فهذي مصيبه !!!!:(


أخرج البخاري في صحيحه عن أسماء بنت أبي بكر رضي الله عنهما


( أنها حملت بعبد الله بن الزبير بمكة .. قالت : خرجت وأنا متم


أي قد أتممت مدة الحمل الغالبة وهي تسعة أشهر ] فأتيت المدينة


فنزلت قباء فولدت بقباء ثم أتيت به رسول الله صلى الله عليه وسلم


فوضعه في حجره ثم دعا بتمرة فمضغها ثم تفل في فمه فكان


أول شيء دخل جوفه ريق رسول الله صلى الله عليه وسلم


ثم حنكه بالتمر ، ثم دعا له فبرَّك عليه ......)



نبيّك يابو عبد العزيز واللي تاخذ منه كل مايخص دينك ودنياك


ماتقرّف من طفل توه مولود ولا عده منقصه بالرجوله


حتى ان الولد مهو ولده !!!!!



ولو كان فيه ضرر او قذاره او اذى مافعله الرسول صلى الله عليه وسلم


ولنهى عنه كما نهى عن غيره




اما قضية ان الرجل تضعف شخصيته عند زوجته بسبب حبة الوغد


فهذا مما يعجب له !!!!!:a:



يااخي اي رجل يتوقف احترام زوجته له على مثل هالامور اسمح لي اقولك موب رجال !!


اذا بتأثر مجرد حبه او اي شي طبيعي يفعله كل اب على شخصيته امام زوجته


فهو من الاصل لديه نقص بالشخصيه والرجوله



الرجل الحقيقي يفرض احترامه وشخصيته بالطرق الصحيحه


مهو بالقساوه او الصراخ او اللي يسويه بعض الرجال


ويحسب انوه جايب الذيب من ذيله


وهو مايدري ان زوجته تحتقره بينه وبين نفسها


ولاتحمل له ذرة احترام


حتى لو ماحب الولد الا وعمره ثلاثين سنه :)





انا فعلا مادري وش تحسبون الحريم ؟!!!!



غبيات ومغفلات لهالدرجه :)




اذا حب الولد معناته انه ضعيف ومخفه واذا ماحبه يصير قوي وبطل ويخوف؟!! :solh:



معقوله تتوقعون مانقدر نميز بين شخصيه قويه ورجوله حقيقيه تفرض احترامها


وبين مدعي يحاول يصير رجال بتقليد امور اندثرت مجرد تقليد اعمى ؟!!



معقوله احترامي لأبو عيالي بنظركم يحدده امر تافه مثل هذا ؟!!!!



حب ولده والا ماحبه ....يبقى في عيني كبير وله احترامه ومكانته



لأن شخصيته ورجولته هي اللي فرضت الاحترم مهو مثل هالامور




انا احترم وبصدق اللي متمسك بهالشي عن قناعه


لأن ابوي واخواني كذا واحترم ابو غازي لقناعته


واحترمهم اكثر انهم مايفرضون هالشئ على الغير


او يعتبرونه من اسس الرجوله !!!


او ان الواحد فيهم يحتقر عقل المرأه لهالدرجه :(



رجاء يااخوان



الرسول صلى الله عليه وسلم


حدد معنى نقص العقل والدين


ولايتعلق ذلك بكونها مغفله تتحدثون عنها كأنها ماتفهم ولاتفقه


او انها نجسه تتعففون عنها بطهركم ؟!!!


انت من اين اتيت اصلا يامن تترفع وتتعالى ....ومن ولدتك الا امرأه !!!






وشكرا لك ابو عبدالعزيز










:3ajebni:



حضور كبير جداً

ولا غرابة فهذا حضور ريم شمر


أقف إحتراماً وإجلالاً

[عبدالله المهيني]

مشكور يابو خالد على جرائتك بنشر صورتك :goooood:





لأنني لا أشاهد في ذلك من حرج

أنشرها وبفخر



ولكن لك وعد مني إن تأكد بأنني على خطأ

فسوف أعلن وأمام الجميع بالتراجع عن رأيي



لكن لحد الآن لم أقرأ سبب مقنع ومنطقي




الونش

لكـ الود ياراعي الشاهي :)

[عبدالله المهيني]

بلاش تبوس



أمطقوه مطق



تهانينا بالمولود مرة أخرى




يالمتهور :)

ماتخاف يجيك هجوم منا وإلا منا :)



الله يبارك بعمرك يابعدي

شاكر لك



لكـ الود

[أبو رغد]

ولا تدخلون "حبة السلا".....بالرحمه

هههههههههه:goooood:

مبروك المولود ويتربى بعزك يالمهيني:mabrook:

الله يخليه ويصلحه بس والله مهو هاللون:(

لعن ابو بليسكم وش خليتوا للأمهات:za3lan:

أخييييييييييييييه لا واحلولات الي ينزل هالصورة بلوتوث وينشره بين شيبانكم:thumb:

[عبدالله المهيني]

اما الاخ الغالي ابو خالد فمعه الحق في سؤاله
عن الاسباب التي تمنع الاب من تقبيل مولوده
وقد بين اغلب المشاركين البعض من هذه الاسباب الكثيرة
والتي اغلبها عادات واعراف اجتماعية
مانزل الله سبحانه بها من سلطان
بل طالبنا الله سبحانه وتعالى بالعكس منها!
اتمنى من الاخوه الاعزاء مناقشة الموضوع بموضوعية
بعيدا على التشنج ومحاولةفرض وجهات النظر الخاصة
على من يختلف مع وجهة نظره






كلام منطقي جداً

جدير بأن يخرج من أستاذي عبدالرحمن




لدي قناعة تقول

علو الصوت ليس دليلاً على قوة الحجة دائماً


لكـ الإحترام أستاذي

أتشرف بالحوار معك

[عبدالله المهيني]

فعلا........المهيني سأل.....هل انت مع او ضد؟


واسبابك انت!!!



يعني مالك دخل بغيرك






:thumb:


ياحبي لك يابو غازي

[ملامح شمري]

http://thumbs.bc.jncdn.com/f3ddf932b076d26b4df939924f2eeb52_lm.jpg



حبيت وغدك :3ajeeb:


<< طب بارك له قبل وقل الله يرزقك بره و يصلحه هالحين :tongue:
لا تقول لي ما نحلت له ولا عقدت سره بشعفة البعير بعد :za3lan:
الله يستر منكم ومن طلعاتكم انتم با هالجيل التالي , جيل النيدو .. خربت افكاركم الدشوش :puzzled:






يتربى بعزك و الله يصلحه لك و يكتب لك بره اخوي عبدالله


و لا تنسى , قدم له على خط dsl من هالحين .. :(


http://www.youtube.com/v/amCmIo-1HnY


,,,


sms لمنصور الغايب ..


ولدك عبدالله حبيته مثل ما سوى المهيني او لا ..؟ :)

[عبدالله المهيني]

اول سبب اجلكم الله هو موضوع الطهاره سواء للمولود وامه اليس هذا كافيا !!





أعتقد بأن موضوع طهارة الطفل أصبحت من المسلمات في هذا الزمان

فالمستشفيات تستخدم أفضل المطهرات وأنواع الصابون والشامبو

إذا يصلك طفلك بنظافة تامه :)




ثانيا ثبت طبيا الاتي :


لدينا عادة سيئة للغاية، وهى عادة شائعة في مجتمعنا، وهى كثرة تقبيل الأطفال من أفواههم،




سلمك الله صدقت

بس لو قلت التقبيل على الخد وعلى الجبين أعتقد بأنني لم أدخل تحت مظلة هذه الدراسة الطبية

لأنها حددت الموضع وهو تقبيل الاطفال من أفواههم



هل التفنيد مناسب أستاذي ؟

[عبدالله المهيني]

لو سمح لي الاخ ابوخالد ...


فقط .. تنبيه للاخ ابو عبدالعزيز ..

في قصة مقتل الحسين رضي الله عنه عندما أخذ ابن زياد يضع في فم الحسين قضيبا كان بيده فقال له ابو برزة رضي الله عنه ارفع قضيبك فقد رايت رسول الله صلى الله عليه وسلم يضع فاه على في الحسين ....

يتبين مما مضى ان النبي صلى الله عليه وسلم كان يقبل لحسين في فمه ... بل وجاء في بعض الروايات تقبيله لاماكن غيرها ...


ويعود الامر الى كونه رحمة .. كما قال النبي صلى الله عليه وسلم


شكرا لك ابوعبدالعزيز ..





تفضل المايك عندك :)

[عبدالله المهيني]

اخوي عبدالله


بس حبيت اقولك الله يبارك لك فيه ويخليك لوه ويخليه لك



بالنسبه للموضوع لا تعليق ,,,,,,,,,



تحيــــــــــاتي
,,,,,,,,,,,,,,,,,





الله يبارك فيك يا زعيمة الهلاليين

شاكر لك حضورك ومباركتك أختي


لكـٍ الود

[عبدالله المهيني]

الله يصلحه ويخليه لك ويخليك له ويرزق بره


ومافي اغلى من حبة طفلك ,,





الله يجزاك خير أختي

شاكر لك هالحضور



لكـٍ الود

[عبدالله المهيني]

مبروك المولود ويتربى بعزك يالمهيني:mabrook:







الله يبارك فيك

[عبدالله المهيني]

يتربى بعزك و الله يصلحه لك و يكتب لك بره اخوي عبدالله


و لا تنسى , قدم له على خط dsl من هالحين .. :(








إن جميع المأمير مشغولين في خدمة عملاء آخرين :)


الله يجزاك خير يابعدي

شاكر لك هالحضور



لكـ الود

[الونش]

طيب أبي رايك باللي شايلن وغدوه بالسوق والمره تباريه هل فيها شي ؟

أبي رد صريح مثل صراحتك بشخفت وغدك :)


-


-

[الونش]

حياك الونش
وعموما الرجال اللي يناظر لهرج حريم وسوالفهن ويتصرف على اساسه
برضه مشكوك بامره :)
تسلم يالونش
الا انت منين طلعت ؟!!!:)




صدقت ياريم :thumb:

وأنا طلعت من بريدز شاهي المهيني :)


-



-

[منصور الغايب]

هلا بملامح ... الذي عجزت عن تصنيفه .. هل هو من الشيبان .. أم من الشباب :)



sms لمنصور الغايب ..


ولدك عبدالله حبيته مثل ما سوى المهيني او لا ..؟


اول يوم ما تهيّالي ... انشّه :)


لكن ثاني يوم .. يوم طلعتهم من المستشفى ....


خذيت الحبّة ... بأثر رجعي :)


لاهنت ...

[بنت الجبل آخت القصيد]

انا متابعه للموضوع من اول

وقريت الردود رد رد :)


ماقول شيء بعد رد ريم
كفت ووفت

ابوي وعمي
كانو ينتظرون امي بالقسم

جت الممرضه تبشرهم بالمولوده اختي

عمي طقه لطمه ومشى وابوي جلس ينتظر المولوده لحد ماشافه وسلم عليها وامها :)

عادات ماله سنع
ورجال اول ماهم واحد بعد:)



يتربى بعزك ان شاء الله

.
.

[الشمـــ نور ــــري]

فعلا قبل جداني وعلى حسب قول ابوي وامي لي ماكانوا يحبوون الوغد اول ما ينولد..
ولا لهم بوه إلا لين يكمل سنه او سنتين:3ajeeb:

بس بالوقت الحالي اوبوي ولا عمامي بالعكس عاادي من اول ما لحظه وهم بووس وتحضن...


لذلك بووس ولدك وانا اختك ولا شي يردك شي..:)

[ابو عبدالعزيز]

أعتقد بأن موضوع طهارة الطفل أصبحت من المسلمات في هذا الزمان





فالمستشفيات تستخدم أفضل المطهرات وأنواع الصابون والشامبو


إذا يصلك طفلك بنظافة تامه :)






سلمك الله صدقت


بس لو قلت التقبيل على الخد وعلى الجبين أعتقد بأنني لم أدخل تحت مظلة هذه الدراسة الطبية


لأنها حددت الموضع وهو تقبيل الاطفال من أفواههم





هل التفنيد مناسب أستاذي ؟




لاغير مناسب وغير صحيح انت رضيت بهذا الوضع فيجب عليك ان تتحمل

نقد الاخرين لك اولا انت تريد السبب الرئيسي من عدم تقبيل المولود

وذكرت لك جزء منها بالمشاركه رقم 60 والان تجي حضرتك تفند هذه الاسباب

مهو بكيفك انت تراها وانا ارها لذلك لايجب ان تفند على كيفك او مشتهاك

عطيناك الاسباب اللي كنت تتسائل عنها والان تفندها ياسبحان الله

عموما هناك مثل يقول احذر ثلاث من انواع الرجال لاتجي حتى مجلسهم

الرجل اللعبا ،، والرجل الركزا ،، والرجل النودا .


نشرح اللعبا وهم من يلعب مع الطفل امام الرجال او يقبله كما فعلت انت !!

نجي للركزا وهم من يرتكز في مجلسه ولايجي احد وفي مجلسه تجده على المركا

النودا وهم من ينعسون في مجالسهم عند استضافة الاخرين ويشعرك بانه يريد النوم


نعمل مقارنه للوضع بشكل عام الملاحظ الان اننا نشاهد رجال يحضرون اطفالهم للمسجد

وهم باعمار سنه او سنتين او ثلاثه او اربع او خمس وهم بكثره برايك ماهو السبب !!

والله المنظر هذا يتكرر بشكل يومي والغريب ان بعض الاطفال اجلكم الله لابس حفاظه

وجايبه معه الاب للمسجد هل هذا الاب تصرفه صحيح هل تريد منا تقليدهم هذولا

ناس محكوم عليهم والامر ليس بيدهم لاتنكرو هذا الامر بدايه الحريق شراره وبداية

الدلع قبله بريئه نجي للوضع بشكل اكبر كبر هذا الطفل فأصبح عمره 7 سنوات

فتجد ان لديه جوال ههههه واصبح شابا ! فتجد ان لديه لاب توب واصبح يناقش الكبار

وبعدها يريد سياره والاب لايستطيع فعل شئ ولايستطيع ان يقول كلمة ( لا) تزوج هذا

الشاب واصبح مايمر ابوه ولايعتني به كما اعتنى الاب به في مراحل حياته كل هذه الامور

حصلت والاسباب كثيره ومنها العادات ومن ترك عادته قلت سعادته لاتصتصغر الامور

اخي ومن يدافع عن جهل اقول له اترك المهاترات وتقليد الاخرين انت وقعت بالخطأ

فلا تساعد في نشره انت لم تستطيع ان تمشي ابائك واجدادك انت ضعفت فلا تحاول

ان تجعل الاخرين يمشون مشيك اخير كلنا نحب ابنائنا والحمد لله والله يصلحهم لنا

ويرزقنا نفعهم بالدنيا والاخره ولكن هناك خطوط حمراء لو لم نتجاوزها لما وصلنا الى هذا الامر

البعض يأتيه مولود فتجده يضعف امام الزوجه واما هذا الطفل مستقبلا كما شرحتها لك

المشكله ليست بالقبله المشكله تأتي لاحقا والشواهد اللي ذكرتها انا كثيره بهذا الرد

ناهيك عن الردود والموانع الاخرى اللي الاخ يحاول تفنيدها وسيحاول ان يفند هذه الحقائق

ايضا للاسف اننا وصلنا لمرحله اننا نسمع ولانفهم اخيرا امتنع عن النقاش بهذا الموضوع

لان البعض خلط الحابل بالنابل ولايفرق بين التحنيك او التقبيل واخذ يروي عن النبي

عليه الصلاة والسلام كلام لم يفعله والبعض الاخر ذهب لمذهب الروافظ باستدلاله ببعض

الرويات الغير مؤكده انت اشوى حبيت وقدك البعض يجيب وغده للرجال ويبيهم يحبونه

والله حصلت مثل هذه الحادثه وهو يمشي به على الموجودين طبعا عددهم ثلاثه

وجابه لي وقلت اقلعه مانفع ال*** فذ ولده وزعل من هالسالفه الى يومنا هذا

لاحظت كيف الرجال اول تضرب اي وغد ولااحد يقولك ليش الان يزعل لما تنتقد ابنه

والله عطيتك الاسباب كلها تبي تقتنع بكيفك والا تحبه من اي مكان اخر بكيفك

[ابو عبدالعزيز]

انا متابعه للموضوع من اول

وقريت الردود رد رد :)


ماقول شيء بعد رد ريم
كفت ووفت

ابوي وعمي
كانو ينتظرون امي بالقسم

جت الممرضه تبشرهم بالمولوده اختي

عمي طقه لطمه ومشى وابوي جلس ينتظر المولوده لحد ماشافه وسلم عليها وامها :)

عادات ماله سنع
ورجال اول ماهم واحد بعد:)



يتربى بعزك ان شاء الله

.
.




لالا شوفي الرد رقم 88 راح تغيرن كلامك انت ومن معك

[فرانسيسكا]

مساك الله بالخير أخوي عبد الله المهيني
ياربي على الكتكوت الصغنون
عسى الله يصلــحه ويهديه ويتربى في عز والديـــــه
الحمد لله أنك رحيم بولدك وعطوف مو مثل غيرك الله لا يبلانا
النبي صلى الله عليه وسلم كان يقبل الأطفال ويمازحهم
عن أبي هريرة - رَضِيَ اللهُ عَنْهُ- قال: قبّل النَّبيّ -صَلَّى اللهُ عَلَيْهِ وسَلَّمَ- الحسن بن علي - رَضِيَ اللهُ عَنْهُما- وعنده الأقرع بن حابس فقال الأقرع: إن لي عشرة من الولد ما قبلت منهم أحداً، فنظر إليه رسول الله -صَلَّى اللهُ عَلَيْهِ وسَلَّمَ- فقال: (من لا يَرحم لا يُرحم). أخرجه البخاري كتاب الأدب باب رحمته الولد وتقبيله ومعانقته (10/440) رقم (5998). يقول ابن حجر- رحمه الله- في الفتح: لقد أجاب النَّبيّ -صَلَّى اللهُ عَلَيْهِ وسَلَّمَ -الأقرع بن حابس، أن تقبيل الولد وغيره من الأهل، والمحارم وغيرهم من الأجانب، إنما يكون للشفقة والرحمة. فتح الباري (10/430).
دمت بعافية

[عبدالله الجعيثن]

يعني ما أحد جاوب على تسائلي!!!


حسنا......سأجيب انا



الليمون يقدم مع السمك...لتنضيف (فرك) راحت اليد والاصابع به ... ومن بعد ذلك يغسل يديه بالصابون


ومع ذلك.......تبقى رائحة السمك باليدين لساعات....


_اتمنى انها وصلت الرساله


_________


انا لست ضد ولست مع........كل منا له قناعات...


ومن يقول او يحدد بــ شهور او سنه.......انا ضده ولست معه تماما


يعني يوم او يومين .......



وجهة نظري الخاصه

[εïз خزامى εïз]

كلن وبزرهـ..!
يبي يبوسه يبوسه
مآيبي .. لا يبي
بزره وكيفه مع تمسكه بتقاليد واعراف قديمه او لا..!

الله يخليه ويصلحه لك ياعبد الله
وجعلك تبوس عيآله يآربي

[ابو عبدالعزيز]

لاغير مناسب وغير صحيح انت رضيت بهذا الوضع فيجب عليك ان تتحمل

نقد الاخرين لك اولا انت تريد السبب الرئيسي من عدم تقبيل المولود

وذكرت لك جزء منها بالمشاركه رقم 60 والان تجي حضرتك تفند هذه الاسباب

مهو بكيفك انت تراها وانا ارها لذلك لايجب ان تفند على كيفك او مشتهاك

عطيناك الاسباب اللي كنت تتسائل عنها والان تفندها ياسبحان الله

عموما هناك مثل يقول احذر ثلاث من انواع الرجال لاتجي حتى مجلسهم

الرجل اللعبا ،، والرجل الركزا ،، والرجل النودا .


نشرح اللعبا وهم من يلعب مع الطفل امام الرجال او يقبله كما فعلت انت !!

نجي للركزا وهم من يرتكز في مجلسه ولايجي احد وفي مجلسه تجده على المركا

النودا وهم من ينعسون في مجالسهم عند استضافة الاخرين ويشعرك بانه يريد النوم


نعمل مقارنه للوضع بشكل عام الملاحظ الان اننا نشاهد رجال يحضرون اطفالهم للمسجد

وهم باعمار سنه او سنتين او ثلاثه او اربع او خمس وهم بكثره برايك ماهو السبب !!

والله المنظر هذا يتكرر بشكل يومي والغريب ان بعض الاطفال اجلكم الله لابس حفاظه

وجايبه معه الاب للمسجد هل هذا الاب تصرفه صحيح هل تريد منا تقليدهم هذولا

ناس محكوم عليهم والامر ليس بيدهم لاتنكرو هذا الامر بدايه الحريق شراره وبداية

الدلع قبله بريئه نجي للوضع بشكل اكبر كبر هذا الطفل فأصبح عمره 7 سنوات

فتجد ان لديه جوال ههههه واصبح شابا ! فتجد ان لديه لاب توب واصبح يناقش الكبار

وبعدها يريد سياره والاب لايستطيع فعل شئ ولايستطيع ان يقول كلمة ( لا) تزوج هذا

الشاب واصبح مايمر ابوه ولايعتني به كما اعتنى الاب به في مراحل حياته كل هذه الامور

حصلت والاسباب كثيره ومنها العادات ومن ترك عادته قلت سعادته لاتصتصغر الامور

اخي ومن يدافع عن جهل اقول له اترك المهاترات وتقليد الاخرين انت وقعت بالخطأ

فلا تساعد في نشره انت لم تستطيع ان تمشي ابائك واجدادك انت ضعفت فلا تحاول

ان تجعل الاخرين يمشون مشيك اخير كلنا نحب ابنائنا والحمد لله والله يصلحهم لنا

ويرزقنا نفعهم بالدنيا والاخره ولكن هناك خطوط حمراء لو لم نتجاوزها لما وصلنا الى هذا الامر

البعض يأتيه مولود فتجده يضعف امام الزوجه واما هذا الطفل مستقبلا كما شرحتها لك

المشكله ليست بالقبله المشكله تأتي لاحقا والشواهد اللي ذكرتها انا كثيره بهذا الرد

ناهيك عن الردود والموانع الاخرى اللي الاخ يحاول تفنيدها وسيحاول ان يفند هذه الحقائق

ايضا للاسف اننا وصلنا لمرحله اننا نسمع ولانفهم اخيرا امتنع عن النقاش بهذا الموضوع

لان البعض خلط الحابل بالنابل ولايفرق بين التحنيك او التقبيل واخذ يروي عن النبي

عليه الصلاة والسلام كلام لم يفعله والبعض الاخر ذهب لمذهب الروافظ باستدلاله ببعض

الرويات الغير مؤكده انت اشوى حبيت وقدك البعض يجيب وغده للرجال ويبيهم يحبونه

والله حصلت مثل هذه الحادثه وهو يمشي به على الموجودين طبعا عددهم ثلاثه

وجابه لي وقلت اقلعه مانفع ال*** فذ ولده وزعل من هالسالفه الى يومنا هذا

لاحظت كيف الرجال اول تضرب اي وغد ولااحد يقولك ليش الان يزعل لما تنتقد ابنه

والله عطيتك الاسباب كلها تبي تقتنع بكيفك والا تحبه من اي مكان اخر بكيفك



اخير المايك عندك هل تقبل بان توصف باللعبا

[سلام]

السلام عليكم ورحمة الله وبركاته :

اخوي عبدالله المهيني


اولا:الله يبااارك لك في مولودك ويجعلة من الذرية الصااالحة ويجعلة بااارفيك وفي امة ويجعلة من مواليد السعادة اللهم امين .


ثانياا:بعد اذنك اخوي ولاهنت سؤالك واضح والي تبية اوضح


لكن ولاهنت اخوي الكاتم واخوي منصور الغايب واخوي محمد الشمري


وضعوا بين يديك الاجوبة التي دارموضوع نقاشك عندهاا وادلوا بماهو معروف لدى الاولين ولم يقولو بانها ارااءهم الشخصية انتا سألت وهم ردو عليك الرد الكافي والمعروف والي يكفيك من اجوبة اخرة


ونت قلت هالشي مو منطقي صحيح ياخوي هالشيء مو منطقي بعهدناا هذا ولكن الاول هذاهوردهم عن حبة الطفل وهم ماغلطوا ولاقالوا شي يقلل من رجولت حد فيكم


لاتزعل ياخيي ع تطفلي ولكن هو نفس الكلام الي كنت بقولة هم قالوة مع اننا لم نؤيد هذة النظرية ومع اني ضدها تمام
لا ياخوي بوس ولدك وامطخة زي ماتبي عساة بالعافية ولاعليك من حد انت سألت ليش وجاك الجواااب الشافي مع اني يوم جا ولد اختي وبنت اخوي صغااار معرووف عني ماجيهم ولاابوسهم بس مو تحقير


لاكن اخااف يجيهم شي مني وحتى اخااف يطحون او اني اجرثهمهم او يجيهم شي بسبتي وهم وحيدين اهلهم وتو عظامهم رخوة ولحمهم طري عشان كذا انا ماابوسهم ولاحتى امسكهم الا بعد 6شهورومن بعيد الاعبهم


لاني صغيرتة عيلتي واخاااف توي ماتعلمت ع مسك الوغداان
وبعد من اسباب بوسهم وهم بالساااعات الاولى انة توة مانظف وتخاااف اجرثمة اتكلم بنسبة لعمة وخالة وليست ام او اب اكيد انك بتفرح


انا اخوي بنتة الحين عمرهاا9 شهور حفظها ربي لة وهو ملتزم وعارفن كل شي عن العادات وعادات كل القبايل مع كذا مامنعة انه يبوس بنتة ويوذئن في اذنها وهذاا حالة وحاال الجيل التاالي كلة


وكيف انة طاااير بعيااله كنت استغرب ان تصرفاتهم هالشباب لما يجيهم عيال غير تصرفات اهلهم

لكن مع اضاافات مني انة بيسوي الي ابوة ماسواة لة يبي يبدع بحنانة وعطفة ع ولدة يبي يطلع كل طاقتة وامكانياتة في ولدة وكيف وهو الي جاي من صلبة وهو الي طلع للدنيا بعد ربي منة ماتبية يبوسة او يحبة


لاتكااااااااااابرون بوسو عياالكم ولاتفوتون لحظة حنان او عطف ولاتمشووون مع المثل القاايل >فاقد الشي لايعطية >>هذااالمثل الذي احبط جميع المعاني في كافة المجااالاات لابالعكس الفااااااقدمفررروض انة يعوض الي فقدة ولايحرم شخص يحبة من عطفة وحنانة وكيف لاصااار ابوووك


اتمنى مااكون اطلت واتمنى تقبلوووا نظرتي واتمنى ياعبدالله مازعجك بااضافاتي وتوضيحي وتعقيبي


ارجع اقوووووووووووووووووووووول لاترجعوووووووووووون للخلف كونوا في المقدمة دااايماا


وليس استحقااار في ماضيناا وعاادتناااولكن جميعااا يعلم بأن الامور في المااااااااااضي اغلبهم مبنية ع جهل وليس بضرورة ان تكوووووون جميعهااا صحيح واكبر دليل بنظري اناا عاادات الاولين وتقااليدهم لمااذا سمحت للرجااااااااال لالاختلاط بنساااء كيفماا يشااؤؤون وسمحت اقااماات العلاقاات بينهم ولم يكن هنااك مايعيبهم لماذا نستسلم لعاادتهم ونظريااتهم الجاااهلة وليس معنى كلامي ان يكووون هنااك اباااحة في العلاقااات بين الرجل والنسااء وليس كلامي انني ابيح ماهو محظور ولكن خرجت كلاماتي مع هذة القضية وهي انهم يعيبون ماهو ليس عيباا وهم يمدحوون ماهو عيبااا ولمااذا الان في حاظرنا العااداات تعيب ع النساااء اختلاطهاا برجاال لمااذا سابقاا لم يكن هذاا راائهم ؟وجة نظري الخااصة وليس بضرورة انني اشمل الجميع بوجهتي وانا اعلم جيداا لولا ماضيناا ماكانا لنا احاااضر .




اشكرك اخي ع هذا الطرح واعتذر ع اطالتي واعتذر اذا اخرجت عن صلب موضوعك.


دمت بخير ورضى من الرحمن انت وولدك وامة ومن احببت من الناااس.

[منصور الغايب]

تم اغلاق الموضوع من قبلي ...

فالموضوع تم اشباعه .... نقاشا ...

وكل قد أدلى بدلوه ...

وللجميع هنا ... الاحترام والتقدير .. على ما أبدوه من وجهات نظر ...

ولكاتب الموضوع الاخ ابوخالد ... شديد الاعتذار ...


تقبلوا الاحترام ...