راسي منتفخ

[المطنوخ]

السلام عليكم ورحمة الله وبركاته

يادكتور قبل يومين كنت قاعد بالبر وعلينا هواء جنوبي هكالوقت مانا زينوه
لكن الحين احس راسي لوه دوشه وتقل مصدع ولاهو مصدع
احس تقل منتفخ

وش السواة ؟

اشد راسي ؟

اخاف لايصكن فري :)

المعذب :
م.ط
(المنتفخ راسوه) <-- يعني لقب :)


الرجاء من الشامتين عدم الصياح عند راسي لانوه يوجعن هالحين

[صلفيق]

ههههههههه
يالله حي المطنوخ
7
7
موجعك راسك ومنتفخ من الهواء
والا من جلغفتك لمنصور الغايب انت والثنين اللي معك؟؟

هالحين انا اللي ابتشمت بك..
تجلس بالهواء ولا عليك شماغ أو طربووووش !!!

نجي للجد ... يبدو لي انك أخذت دور برد .
عليك حرارة ؟
تحس بأشواك بالحلق أو صعوبة في البلع ؟
تحس بثقل في الجفون العلوية ؟

ان كان كذلك .. الحق نفسك هالحين بالتالي:
حبتين بنادول + حبة بروفين 400 ملغم. + أموكسلين 500 ملغم
جرعة واحدة فقط.

والزنجبيل تراه زين..

بس خفّوا على ابو عبدالله.

ماتشوف شر يالعزوة


احترامااات لك،،،

[عبدالله المهيني]

ماتبي المضاد الحيوي اللي أنت تقوله



:)

[ابو فارس]

صلفيق ترى المطنوخ مابه الا العافية
هذا ياطويل العمر قمت اهدده بالبلياردو
وراح يدور عذر مالقى الا انه يقول هالسالفة

-------------------------


سؤال جدي

اخوي صلقيق
اكثر الاطباء دائما يوصون بان يستمر المضاد الحيوي على الاقل ثلاث الى اربع ايام
حتى تستعيد الكريات الدم نشاطها وقوتها ومضادتها للمرض

وانت الان تقول جرعة واحدة فقط


افدنا لاعدمناك

دمت بخير

[قمر اللــيل]

لالا تسمع شور دكتورنا تريه الزنجبيل يصدع بالراس >> ابوي نفس مشكلتك الظاهر نفس المخيم !!:)


هذا هواء داخل براسك يعني حاول انك تعطس


جربته على ابوي عاد جربه>> مراح تخسر شي يا /// م ....ط

جبتلوه فلفل اسود عشان يعطتس :)



وسلامات غدي الشر

[صلفيق]

ابو فارس..
هذي جرعة وقائية يالغالي ، لأن الدور لسه في ببدايته ، ولم تظهر أعراض المرض.
ولو ان الأعراض ظهرت .. هنا لابد من كورس علاجي.
أرجو أن تكون الفكرة قد وصلت.

والله ياعزوتي اني ادري بحيالات المطنوخ ، من شفته من شوين متورشعن له رجال.

والظاهر انه مثل ماذكرت.


شكرا لمرورك الغالي ابو فارس

احترامات لك،،،

[صلفيق]

قمر الليل..
هههههههههههههه
ماتكفي العطسة لحاله !!
قولي له يطق راسه بلوه مصلاب من وراء مع العطسة.

انصحيه...

[المطنوخ]

دكتورنا


نجي للجد ... يبدو لي انك أخذت دور برد .
عليك حرارة ؟
تحس بأشواك بالحلق أو صعوبة في البلع ؟
تحس بثقل في الجفون العلوية ؟

لا احس بغثيان :)
لا ياخوي ولا وحده احس بهن ماغير راسي تقل هدير مكيف جنرال محطوط على تبريد منخفض <--ادزديت بالوصف :)




ان كان كذلك .. الحق نفسك هالحين بالتالي:
حبتين بنادول + حبة بروفين 400 ملغم. + أموكسلين 500 ملغم
جرعة واحدة فقط.

ياخوي قل كل قنبلة يدوية اصرف من هالارقام :)
ابشرك اني عصبت راسي بوبر ياما صفرن اذاني وعردزت شوين واحس اني اشوا واقدر اشابط حفنة من قوم اللي انت خابر :)

[المطنوخ]

المهيني

ماظن اللي انا خابر 1 مل ماييزي شين ههههههههههههههههههههه

[المطنوخ]

ابوفارس

ترن هالحين مصتصح واشوف الشرر يقند من راسي

اكتنوه شايش

مير البد ورى الكبسولة الظاهر محدن فاكك مني الا هو وهذا انا امسد من عصيان الزقرت وجايك :)

[المطنوخ]

يالربع اشي وخروا شوين عن هالرد :)


جبتلوه فلفل اسود عشان يعطتس :)

اقول يابنت الاجواد لاتنكبين ابوتس
تسمعين بالادوية ياخالة انتي :)
مابقى الا تقولين اكتم نفسك لمدة ساعه ! :)


على طاري الفلفل الاسود

هذا مره كنت مخشوش واشرب من شوربه واخذ فلفل باصابعي واذره على الشوربه وهي تحكن عيني
وانا انسى الفلفل اللي باصابعي وانا اعرك عيني يوم قامت القيامه بعيني الله لايبلا وانا قاعد اصيح واركض مادري وين
يوم بردت اثري الخشة انحاشت يوم شافت هالخبال :)

شكرا ياتستر

[عبدالرحمن]

ماتشوف إلا العافية ان شاء الله مطنوخنا الغالي
مثل ماقالو الربع والربعات! لكن تعددت الاسباب!
فقد تكون فيك حساسية موسمية وقد تكون عندك جيوب انفية
وقد تكون عندك لحمية وقد تكون تعاني من نزلية شتوية داخلية!
وقد تكون جلس في نسرية تحمل اتربه غبارية !
وقد تكون00 الظاهر كثرناه عليك وانت مريص:055r:!

[بنت الجبل آخت القصيد]

ماينفع لك الا تشرب صعوط


تعرفوه :)

[الشمـــ نور ــــري]

^
^
لا والله انا ماعرفوه...؟







على طاري الصدااع والراس..انا لو صدعت ...حواجبي يصيرن يعورني....؟

يعني الصدااع بالحاجب مو بالراس....:puzzled:
والله من صج اتكلم شسوي....؟

[المطنوخ]

ياهلا ببوداحم

الله يعافيك

لا يابعدي اخبر الجيوب الانفية واللحمية
بالله ماعمرك قعدت بهواء جنوبي وانت مفرع ؟ :)
ماش كود تجرب وانا اللي اعصبك بعصابتن تهول تهويل :)
<--يبي يعصر راس العود :)

[المطنوخ]

خيتي عطر

ليه قالوا لتس مخشوش وتسبدي تزوم علي ؟ :)

قولي بعد إلهم سفوف :)

[المطنوخ]

خيتي نور

هذي مجرد اعصاب تكون مشدوده حيل لما تصدعين
وعلاجها زيت زيتون ساخن ومعاه زنجبيل شوي وتخلطينهم وبعد تدهن منطقة الالم وتفرك حتى يتشرب الجلد الزيت وبعدين تربطين عصابه على الراس عموما ولا يحوشه برد وخليه الين تحسين بالتعرق بالراس
علمتس بالشر ان شاء الله


/
صلفيق عقب هالوصفه اشي عطن سماعة مثل اللي انت معلقه على رقبتك :)

[ليلى بنت عبدالعزيز]

ماتشوف شر وطهور ان شاء الله

الله واعلم انه دخلك هواء براسك

قم ودخن اذانك بالأذخر وهو علمك بالشر