...الاكل بالمطاعم...

[عبدالله الجعيثن]

مداهمة مطعم 5 نجوم بالرياض






مطعم ماريز في الرياض



أدخلوا عالرابط وشاهدوا البلاوي بعيونكم






http://forums.graaam.com/up/uploaded10/138835_21213910974.gif



http://www.youtube.com/watch?v=B7BriJuiewU (http://www.youtube.com/watch?v=B7BriJuiewU)





ان ودي اننا نتناقش



المطعم من ارقى المطاعم بالرياض



هل ممكن انك تذهب له بعد ماشاهدت هذا الرابط؟؟؟؟

[أبو فهد]

هذا أرقى مطعم


فكيف بأدنى مطعم


:)


والله حالة يرثى لها



هالبلدية و الرشاوي قضية لا تنتهي و لا يهونون هيئة المحافظة على البيئة




لاهنت يبو غازي موضوع مهم للجميع



كما اني لا احب المطاعم و لا الأكل فيها




-----------------
أبو فهد الهمزاني

[εïз خزامى εïз]

مآمآ خلقتهآ مآتحب المطآعم وتمنعنآ عنهآ
لو تشوف هذآ بتدلي تحرمه نهآئيآ....! :w00t:< أثآريهآ مآتنآم:frown:
والله هالمطعم مستحيل اروح له بعد هاللي شفته
لان اللقمه مآرآح تنزل ابد
عمومن الاكل الكثير من مطاعم الوجبات السريعه والمطاعم من هالنوع
ما اثق فيه كثير ولا ارتآح له
لانه يجيب التسممآت كثيــــــــــــــــر...!
ولا باكل البوفيهات بالذآآآآآآآت
لكنهآ شر لابد منه
يعني لابد انك بتآكل منه في يوم
لكني للحين ما بعد انفر نهائيا من المطاعم الراقيه ..
واكل الفنآدق بعد..!
لأنو ماسمعت عنها كلآم واحس بنظآفتهم مدري ليه..!؟
بس مو كلهم ارتآح لهم..!
هذآ المطعم استغفرالله :frown:
الله يعين يآرب
بس بيني وبينك لبس العمآل فيه...
يدل ان المطعم ماهو نظيف..!
شف لبسهم مبهذل..!
يآآآآآآآآربي اشر شئ الصرصوره وهي تتمشى
استغفر الله ياربي

ميرسي لك عبد الله:throb::throb:
موضووع قيّم مرآ

[روح حايل]

وشرايكم باللي حاطين لهم مقبلات ومخللات :)



والمطعم معروووووووووووووووووووووووف



وبالمخلل صريصير مقتلب على ظهروه ومنتفخ من النعمه :) << ويمكن متخلل مع الاكل



اعتذر المسؤل جزاه الله خير لكن القرسون اللي قدم الاكل يوزع ابتسامات :)



<< يعني الوضع متعود عليه الاخ




مافيه افضل من طبخ البيت وبيدين راعية البيت بعد لا شغاله ولا طباخ


محد ضامن نظافتهم


لاهنت يالجعيثن

[ابو ضاري]

هلا وغلا بابو غازي يابعد وجهي انت >>>>>>>ماعينت شبيثان الغالي اذرف الدموع على فرقاه

اسمع يابو غازي

لا تقول احسن مطعم كلها تجيب المرض احسن مطعم واخس مطعم لكن حنا مايفيدبنا

الواحد صفط بطنه متورمات من اكل المطاعم


بس مااروح بعد مااشوف عليه ملاحظات

يازين طبخ ام العيال .......................امسك ارضك

[شموخ شمالية]

مااشتغل عندي المقطع !!!!!


وصحيح من يظمنهم ويظمن نظافتهم ونزاهتهم

وحنا من يمنعنا من المطاعم خاصة الوجبات السريعة والله عندنا مشكلة كبيرة

وخاصة اذا شفنا المطعم رااقي نظن انهم أهل النظافة وهم بس شكليآ ولباس خارجي
مرتب وداخل المطبخ تشوووف الهوايل .....



الله يسلم لنا طبخ البيت وطبخ الوالدة اللي يفتح النفس

تسلم أخوي عبدالله على موضوعك المهم

أحترااامي وتقديري لك

[صلفيق]

حاله حال كل المطاعم يابو غازي

وبعدين ..
وشو راح يصير بهالمخالفة ؟؟
كلها يوم أو يومين بالكثير ويعاود نشاطه زي ماكان

مانقول الا حسبنا الله ونعم الوكيل



احترامات لك

[عبدالله الجعيثن]

للجميع شكرا على المرور


سواء من رد او من تصفح الموضوع


هذا حال ارقى المطاعم...فما بالكم بالمطاعم العاديه


انا قليل اكل برا....


لكن اذا اضطريت فأشري شي معروف كتصبيره


مثل المسلوق والمقلي ... تقل اهون ولو ان الزيت ونظافة الماعون به شكّه


بس بزعمي اهون من غيره...


ولا على ماقالوا.....(لوزين) والحق هلك!!!!

[منصور الغايب]

من يريد أن يأكل خارج البيت ... فليتحمل ... :)


حتى بعض البيوت التي تزورها وتأكل فيها ..

قد يكون أهلها لا يهتمون بالنظافة على الوجه الاكمل ...

من وجهة نظري ..

لا يوجد مثل أكل البيت ..


وأيضا ..


هناك تهويل في مسألة عدم النظافة في المطاعم .. وكلها حروب .. يستفيد منها أناس ضد أناس ...


شكرا لك ... أبوغازي


منور العام ...

[فرانسيسكا]

مساك الله بالخير أخي الكريم عبد الله الجعيثن
يا الله وش هالقرف اعوذ بالله
كل المطاعم وسخين واكلهم رخيص وبايت
والله نصيحة للجميع لا تاكلون من برى
انا شخصيا ضحية هالوجبات ما كنت اسمع لامي
حتى مرضت وساءت حالتي
كلها زيوت قديمة تسبب الأمراض الخبيثة
أتمنى الكل يعتبر
مشكور أخوي على الفيديو
دمت بعافية

[قمر اللــيل]

الله يدفع البلا

لالالا يابو غازي مافيه شي اسمه مطعم بيتنا ممنوع منعاً باتاً

الله يسلم ايدين الماما :)


الجوعان يروووووووح يطبخ حق نفسه مافيه شي اسمه مطعم اللي يبي المرض ياكل اكل مطاعم

واللي يبي صحته ياكل طباخ بيته


لاهنت يابو غازي

[ابو فارس]

لمن لايعرف هذا المطعم

فصاحبه الشاعر عبدالرحمن العشماوي
كنت اتردد عليه قبل ثلاث سنوات او اكثر
كان قمة في النظافة والاكل الطيب
حتى ان كل اكلة يأتي باهلها المتخصصين
يعني تجد العمالة من كل بلد
وكان يعمل بوفيه مفتوح بصراحة شئ راقي جدا
اضافة الى الديكورات التي تعطي انطباع شاعري راقي

لكن دائما المطاعم عندنا تبدأ vip
وتنتهي على مستوى بنقالي

احتمال انتقلت ملكيته عن الشاعر


لكن جبنة وخبزة تغني عن بوفيه مثل هذا

شكرا ابو غازي
دمتم بخير

[الحيمري]

فيه مطعم بالرياض متوسط من الحاره في يوم خميس كل اكثر سكان الحاره تسممو منه ويوم حققو مع اهل المطعم ظهر لهم ان احد العاملين في المطعم واسمه(((سليم ابو الكلام)))
معه جرثومه وتسمم وتم تسفيره الى بلاده

وبعد شهرين رجع الى نفس المطعم واسمه(((ضياء ابو الكلام))) وهالحين شغال كبير الطهات
اقول خلوها على الله

[هلآ الآسلميهـ]

<< لا تعليق من هول المنظر ..



ولا بعد هاللبنايني معه وجه يقول وبكل ثقه ..



فيه بيت في الرياض مافيه فيراااان ..!!





الحمد لله والشكر يارب اننا نعرف نطبخ ولا ناكل بمطاعم الا ماندر..


....



هذا حال أغلب السعودين لا شافوا واحد أجنبي ولا لبناني انغروا

بالكلام المعسول ..




.....


تشنكرآآآآآآآت يابو غازي ..

[الشاهري العبيدي]

مطاعم 2000 وما وراءه من تاؤيخ هو شر لابد منه ولا مفر


لكن الواحد يسمي وياكل ولا ينسى يحدد اقرب مستوصف للحالات الغير عادية
:)



مرحب بوجودك ابو غازي نورت المكان

[شام]

الاكل بالمطعم غير مستحب ولو كان سحلول والعربي وابو كمال
رغم سمعتهم النظيفة إلا أنه يخشى من الاهمال وانعدام النظافة
و انتشار الاوبئة.
أخر مرة حرمت ادخل مطاعم مهما كان الظرف بسبب مشاهدتي
مباشرة لمادة سم الفئران وضعت تحت الطاولات بالزاويا.
لذلك الطعام بالبيت ولو كان خبزة وزيتونة أفضل و أنظف
مشكور اخي عبدالله ..
مافتح عندي المقطع .. بس كأني شاهدته
يعطيك العافية