الشوق

[عبدالله المفضلي]

احسب اني من عذاب الهوى تايب=قبل اشوف الشوق والسحر بعيونك
صارلي مده واناعاشق وهايب=هبت وصلك لين فاتتني ظعونك
ياروى كبد العطش ياعسل ذايب=الحيا رد المشافيق من دونك
تنفرد بالقلب يالحاضر الغايب=من غلاك اغلي خطاياك وطعونك
سهم رمشك في صميم الحشا صايب =لعنبو حيك ترفق على هونك
ثغرك اللي مثل لون الشفق رايب=الورود يضيع الوانها لونك
الجديل اللي على عاتقك سايب=كنه الشلال يضفي على متونك
ماشقابه من يقول الهوى عايب=قلت له خل المشاهير يفتونك
لويطول الوقت ماطاب لي طايب=سمني يامايس القد مجنونك
واهنيي كان هو جابك الجايب=لاتكاثر لو فرح فيك مفتونك
قلبي اليافع على عقلي الشايب=لويبيعونك بلحظات يشرونك
ماثنتني صاحبي كلمة الخايب=العواذل كلهم لايهمونك

[الكاتم]

لم اتحسس جماليات ابيات القصيدة الا بعد ان شلتها على شيلة سامرية
قصيدة جميلة
صح لسانك يا شاعرنا

[رادار الحرف]

عبدالله الفضلي ، ماشاء الله
انت شاعر ورائع ولا غبار على شاعريتك وكل يوم يزداد اعجابي بنصوصك
وفعلا انا مؤيد لأخي الكاتم ، في شيلتها سامريه لمن يريد ان يستمتع بها اكثر.


وصح لسانك مقدما وفي كل الاوقات .



وسأذهب للتعليق على بعض الابيات //



احسب اني من عذاب الهوى تايب=قبل اشوف الشوق والسحر بعيونك
صارلي مده واناعاشق وهايب=هبت وصلك لين فاتتني ظعونك
ياروى كبد العطش ياعسل ذايب=الحيا رد المشافيق من دونك


قمة الابداع منذ البدء في النص ، وقد استخدمت السجع والتضاد وهذا من الذكاء الشاعري.


تنفرد بالقلب يالحاضر الغايب=من غلاك اغلي خطاياك وطعونك



كذلك يتضح ذلك اكثر واكثر


سهم رمشك في صميم الحشا صايب =لعنبو حيك ترفق على هونك



ملاحظة بسيطه وهي (( اللعنه لحي المعشوق )) لاتجوز واعتقد انك تؤيدني الرأي


قلبي اليافع على عقلي الشايب=لويبيعونك بلحظات يشرونك



قمة البلاغة في صباء القلب ونضوج الفكر لدى الشايب ( ماشاء الله عليك )



رادار الحرف

[بشاير نجد]

واهنيي كان هـو جابـك الجايـب
لاتكاثر لـو فـرح فيـك مفتونـك
قلبي اليافع علـى عقلـي الشايـب
لويبيعونـك بلحظـات يشـرونـك


قصيدة رائعه من شاعر مبدع بحجمك
تقبل مروري المتواضع
صح لسانك وسجلني من متابعيك استاذي

[سيف الدولة]

أخي عبالله

حضور مميز

صح لساااانك ولااااهنت

[نهير النمش]

شاعرنا الكبير عبدالله

ماهو غريب عليك الابداع ولا جديد

صح لسانك وطاب فالك ابا نايف

دمت بخير وعافية