هل هذا ولي امر عائله !!

[منصور الـ ع ـطآوي]

السلام عليكم

صباح الخير

شي شفته بعيوني و استغربت منه

طلعت من الاستراحه اليوم الساعه 11 بالليل ابي اروح العب كوره

و بطريقي شفت مجمع بحائل وهو مجمع الجامعين

و اشوف حريم جالسات على الكراسي ينتظرن احد ياخذهم

و بعض المحلات مقفله و بعضه يبي يقفل

و الاجانب عمال المحلات يا كثرهم بالشارع

و كملت طريقي و شفت نفس الوضع عند مستشفى سلامات

حريم برى جالسات على الكراسي و نفس الحكايه

شلون لو رحت سوق بزان وش يبي يكون عدد الحريم هناك !!

طيب وين الرجال ( ولي امرها )

ليش تاركها الى هذا الوقت بالسوق

معقوله فيه اشغال اهم من اهله و عرضه

معقوله يكون ماهو فاضي لهم

لو انخطفت بنته او زوجته او اخته

وش يبي يكون موقفه بعد ما يطيح الفأس بالرأس

بصراحه استغرب ان يكون هذا ولي امر عائله

و اتوقع انه ما يستاهل يكون ولي امر عائله

[جود الضياغم]

وعليكم السلام ورحمة الله وبركاته


صحيح الايام هاذي صرنا انشوف اشياء غريبه


على مجتمعنا المحافظ ساعات يكون الرجل


بس يبي يتملص من مسؤلياته وصار عندهم


تبلد احساس وساعات المراه تكون قويه


ولا تتقبل ان الرجل عنده عمل مايقدر ايوديهم


وتصر وتلح الا تروح وهذي كلمه جديده نزلنا


ورح لعملك وساعات غصبن عليه يتاخر


تسلم يامنصور على تعاطفك

[بالمختصر..]

أتوقع مو ولي أمرهن اللي مخليهن ينتظرن كل هالمده برا .. يمكن سواق !

و المفروض يكون معهن أحد أخوانهن و هن يتسوقن مو ينزلونهن و يمشون ..


بس مهما كان ما نقدر نحط اللوم على ولي الأمر .. لأننا ما ندري وش الوضع ؟

يمكن يكون ولي أمرهن مسافر و ألا متوفي و ألا ما يدري عنهن " يعني طلعن بدون إستئذان " !


والله كثير نشوف مثل هالحالات سواءاً بـ سوق أو مستشفى أو جامعه ..

الله يعين ..




.
.

[منصور الغايب]

للأسف هؤلاء ممن ضيعوا ما استرعاهم الله إياه ...



شكرا لك منصور .. وحياك الله في العام ..

[صلفيق]

مرحبا اخي منصور
في هذا الجانب حدّث ولا حرج !!
ياكثر مانشوف مما ذكرت .. ولكن في نظري قد تكون الأتكالية أحد الأمور المهمة فيما نراه
من تخلي عن المسئولية تجاه الأهل.
وهذا ليس عذرا لهم ،،، فمن يتكل على من ليس أهل للمسئولية في هذا الجانب أو ان يتأخر هو نفسه..
فلا يستحق ان يكون أهل لتولي الأمر..!
ولكن السؤال الأهم من هذا :
لماذا تترك أختك أو زوجتك أو ابنتك بالسوق لوحدها، حتى وان كن مجموعة ، خصوصا في الليل ؟
لنبعد الجوانب السيئة عن تفكيرنا ... ولنحسن الظن ، فلو حصل لاسمح الله حادث لأحداهن .. مالعمل ؟
فضلا عما تتعرض له من هي دون عائل لإهانات من بعض أصحاب المحلات والمارة ، وقذف كلمات مخلة
بالآداب العامة.
منصور ..
كلمة ماأقدر أقولها لهذا "الرجل" الذي ترك أهله حتى ساعة متأخرة بالأسواق، وتخلى عن حمايتها.
ولكن مانقول الا الله يهديهم.

ماودي استرسل في هذا .. فأظن الفكرة وصلت !!

شكرا لك


احتراماتي،،،

[فوووز]

وعليكم السلام


اللي شفته يامنصور .. شي نشوفه في كل مكان..

بس تتوقع وش سبب بقاء الحريم الى هالوقت.. ووين ولي أمرهم عنهم..

أنا بقولك توقعي وش ممكن يكون سبب قعدتهم الى هالحزة..

ممكن يكونون تأخروا في السوق أو المستشفى وعلى مادقوا علي ولي أمرهم يجي ياخذهم صار بعيد.. وبيتأخر عليهم .<< هذا أهون الاحتمالات..

و أسوءها لو قالهم أنا بعيد دبروا أنفسكم <<< تراها والله تصير كثيييييير.

فأكيد بتدور لها سائق أو أجره توصلها للبيت ..

غير أنها ممكن من الاساس أصلاً جايه مع سائق يعني حتى ولي أمرها ماهو هو اللي وصلها للسوق أو المستشفى.

وما نقدر نحكم على الكل أنهم مهملين أهلهم.. ممكن له عذر في تأخره.. ونقول الغايب عذره معه..

[أبو فهد]

وعليكم السلام ورحمة الله وبركاته




منصور



تدري اني عرفت انك اعزب من قريت موضوعك



طبعا هذا مما ابتلي به ابناء هذا الزمن



طيب تصدق بوه واحدن قلت لوه سيّر علي



قال لا انت سيّر



قلت لوه مالي مسيار للديرة الفلانية



قال عادي اذا نزلت اهلك للسوق سيّر علي



والله اني مسكت راسي



قلت معقوله فلان يعمل هاللون



و ازيدك من الشعر بيت



هالحين ما تطلع الحرمة لحالها للسوق او يكون زوجها هو اللي موصله



هالحين يتجمعون شلة حريم



و يروحون بليموزين للسوق



و يتمشن و يتغنجن




و يغازلون فلان و فلان




سبحان الله




اخبر زمان على اول طلعة الاسواق




الشلل للرجال و هم اللي يغازلون




مثل واحد يعلمن



يقول دخلت مجمع الراشد لي شغلة بمحل جوالات عندهم



طبعا هو عليه زين



المهم و يمرون من جنبه شلة حريم




و اللي تقوله الله يطعني بهالزين



و اللي تقوله يا واد يا سكّره




الحمد لله و الشكر




بس المتاهلين و بالذات الناس المتفتحين منهم



غالبا يتركون اهلهم بالسوق و يروحون اما لاستراحة او كافيه



او من هالشغلات




و انا يا محاكيك استغرب هالشي



حتى عيال حمايل و البدو طاحوا بهن




مرة كنت مع واحد من الجماعة




و اهله يبون السوق




و انا بسيّر عليه




قالي : نجدع الحريم بالسوق و نروح الاستراحة




والله تعذرته




و نكست لديرتي




يالله ترحمنا برحمتك





لاهنت يا منصور




الله يجزاك بالخير




--------------
أبو فهد الهمزاني

[سلطااان السويري]

يعطيك العافيه اخوي منصور

والاخوان كفووو وفووو

وعلى قوله الشاعر الامير الراحل طلال الرشيد


مالومك والزمن سوى العجب هو بقى غير الكرامه بالجفير


الزمن هاذا نشوف فيه العجايب

والادهى والامر انه صار عند اهل الحمايل

ياكم وكم من عوايل هم شيوخ ربعهم ويرضون بان السواق هو من يذهب

بنسائهم وبناتهم وواخواتهم الى السوق


لاهنت اخوي منصور ومشكور على الموضوع

[شموخ شمالية]

ياكثر هالحالات هذي يامنصور


انا اعتقد ان المرأة تبقى بالسوق لحالها وقت النهار
مافيه مشكلة اذا كانت مضطّــرة

امابالليل مستحيل احد منا يجلس بالليل بدون رجل
او على الاقل يكون أحد العيال وعمرة فوق الـ15


الله يكفينا شر الفتن

ويحفظنا بحفظة



ماقصرت ياأخوي على غيرتكـ وخوفكـ على اخواتكـ


احترااااامي لكـ

[نايف التومي]

الزمن هذا كثرٌت فيه الفتن والشهوات والشبهات
وفي هذا الزمن قلة المسؤلية وقلة المراعات ومراعات
للموضه وفي هذا الزمن تلقى المراه تقود الرجٌل وفي
هذا الزمن ياللعجب من هذا الزمن... ولكن المشكله تكمن
في الرجٌل هو الذي يقرر متى تذهب متى تاتي وكلكم راعً
وكلكٌم مسؤلً عن رعيته او كما قال رسولنا الهادي المنير
من منا شاهد رجالً مع نسائه ويتسوق معهم بالله من منا
الى القليل القليل .. لا اخفيكم مره من المرات ذهبنا الى السوق
وبصحبت اهلي وتجولنا بالسوق وارتدنا محلً ما تصدقون بالله العظيم
اني ببداية الامر خجلت من نفسي عندما دخلت المحل ماتشوف رجال
بالمحل كل المحل عٌمااااااااااااااال وحريم قلت اخيه وش الي جابني بالنهاية
شفت العمال والحريم وشف عاد الاختلاط ومالله به عليم .. ولكن اين الرجال
عن نسائهم لا اقول الى قبحك الله وقبح العمل الذي ارتدته حتى لو كان في بر والديك
لان الامر يمس الشرف والكرامه ..... ولكن نحنٌ قومً نقول مالانفعل لو سالنا احد رجال
تلك النساء الاتي صادفتهن بالسوق لقال كذا وكذا ولكن مدشر حريمه وينتقد فلان وعلان
يسوي كذا وكذا وهو ....!!!!!! خله على الله

اخي العزيز فتحت جروحً كادة ان تبرئ

لكــ شٌكــ ري واتقديري

[ابو ضاري]

لاحول ولا قوه الا بالله

هذه فيها قله للمسوليه وقله في رعيه اهله

لو كان حافظ على رعيته ماكان تاركهم لاخر الليل

نسال الله العفو والعافيه

لاهنت يالعطاوي الغالي