المساعد الشخصي الرقمي

مشاهدة النسخة كاملة : يانــــوف...؟؟


هداج
08-08-2002, 19:40
تحيه صادقه للجميع......

ذكرني الاخ فيصل اللويش بقصيدته الجميله (نوف)....الى قصيدة لها حول خمس سنين ...ذكرت فيها (نوف) ....ولا تروحون بعيد ...نوف :بنت لي صغيره!!
عساها تعجبكم .......


ياذيب ياسرحان ياضامر الجوف **** حاديك وقتك والليال الشدادي

ان كان انا موجود وان كان لي نوف **** لا ارويك من دم الثنادي وكادي

وانا معك بالوقت والامن والخوف **** كفي بكفك والمطيه تقادي

لين الظلام يزول م تطرق الشوف **** وتشيل بالنيبان عنها الحدادي

ولا تشتكي ياذيب من كثرة الحوف **** كل خذا حقه بوقته وزادي

من خلقت الدنيا بخالف ومخلوف **** جيل ورى جيل محاها النفادي

لو يبني الرجال طوف ورى طوف **** حرز مكين ويستلذ الرقادي

ياتيه من سبع السماوات شاحوف **** ماتنفعه دعواه والرب رادي

وخلك صبور وثابت وانت معروف **** بالصبر والحنكه مع الاجتهادي

مثل الجبل ثابت ولو هب عاصوف **** خلك سوات الضلع حر و برادي

والنبته الغضه يجيها الف صادوف **** ان ما هماها الغرب جاها الجراد

واصحى تطاوع بالردى كل ملقوف **** لا صنقرت ياذيب ياتيك عادي

لكن عسى الله يفرج الهم يانوف **** واجول انا والذيب في كل وادي

واصير انا والذيب راكب ومردوف **** من فوق عوصى ضاريه للطرادي

نمسي على الباطن ونصبح على الجوف **** وحياتنا يانوف قطم التوادي





وسلامة الجميع ,,,,,,,,,,
النسناس
08-08-2002, 22:31
تسلم اخوي ابو فارس صح لسانك وهذا اللي تعودناه منك دائما ... ولا تخل علينا


تحياتي ..... النسناس
فيصل اللويش
08-08-2002, 23:29
ياذيب ياسرحان ياضامر الجوف **** حاديك وقتك والليال الشدادي

ان كان انا موجود وان كان لي نوف **** لا ارويك من دم الثنادي وكادي

وانا معك بالوقت والامن والخوف **** كفي بكفك والمطيه تقادي

لين الظلام يزول ثم تطرق الشوف **** وتشيل بالنيبان عنها الحدادي

ولا تشتكي ياذيب من كثرة الحوف **** كل خذا حقه بوقته وزادي



هداج الله يخلي لك نوف


وصح لسانك


وربي ابيات رائعه لا يكبها الا متمكن


اخوك000 فيصل اللويش
المشرف العام
09-08-2002, 06:45
هداج :

تسلم وابيات جزله ورائعه

لا عدمناك يالحبيب
نوف
09-08-2002, 14:39
تسلم يا اخ هداج
على هالقصيده الرائعه
والله يخليلك نوووووووفه