تدري وش اللي ع الفرقا مصبرني

[نداااوي الشمال]

http://img440.imageshack.us/img440/4841/484140ky1.gif (http://www.disk4arab.net/)




ياللي جفيت وجفاك المر ذابحني
عقبك وجيه البشر ماني بدانيها




من يوم حبك غزا القلب وتملكني
قطعت كل العلاقات وطواريها




أقرى رسايلك ودموعي تسابقني
وأرد أقرى الرسايل وأحتفظ فيها




انت آخر انسان هاقي منه يصدمني
والظاهر ان هقوتي بانت مواريها




لو الوصايا ليا احتديت تنفعني
ياكثر ناسن عليك اليوم اوصيها




ليت الفرح بنك لاجيته يسلفني
واقصاده راحتي وحقوقه اوفيها




من كثرما كنت جارحني وظالمني
قمت أعزل جروحك بقلبي واسميها




تدري وش اللي يبكيني ويضحكني
انك محامي قضيتنا وقاضيها




تدري متى تعرف قدري وتفقدني
لا ارخصت نفسك لشخص مايراعيها




بكرة لا هملوك الناس تذكرني
وتقول عزاه عيني من يداريها




مدام غيري على قلبك مشاركني
وشهوله اعلق الآمال وابنيها




يكفيني انك رحلت ومنت عايفني
هذا عزا النفس من كثرة بلاويها




أهديتك دموع من طعنتك تحرقني
وانت اللي تستاهل الدنيا ومافيها




وأهديتني جرح موجعني وعاجبني
لأن الهدايا على مقدار مهديها




صحيح حنا انتهينا بس صدقني
والله تبقى هوا روحي وغاليها




ان قلت علمني انسى لاتعلمني
دنياي لامني نسيتك وش تاليها




تدري وش اللي على الفرقا مصبرني
انك بخير وحياتك متهني فيها

[ناصر الشمري]

انشششششهد اختي نداوي صدقتي في نقلك للقصيده ابدااااااع اختي والله أبداااع




تدري متى تعرف قدري وتفقدني
لا ارخصت نفسك لشخص مايراعيها





بكرة لا هملوك الناس تذكرني
وتقول عزاه عيني من يداريها

خاصه هالبيتين هذي تذكر اللي غره زمانه ونسى حبيبه الاول مصيره يندم والايام دول

[شام]

قصيدة رائعة
شـكــ وبارك الله فيك ـــرا لك ... لك مني أجمل تحية .

[شموخ شمالية]

صحيح حنا انتهينا بس صدقني
والله تبقى هوا روحي وغاليها



لاهنتي يالغلا على نقلك الاكثر من راااائع


الله لايحرمني طلّتك

احترااامي وتقديري لكِ