هب الهوى

[عبدالله المفضلي]

هب الهوى يوم أنصف الليل ليلين=أحيا سنا الجمره و زاح الرمادي
يا فاتنه وش جاك مني تغيـبين=بعدك يعذبني وقربك مرادي
أن كان قصدك يوم غبتي تغلين=الصبر طرّف والليالي عوادي
تجملي لا تفـّرحين المعادين=أنا مناي اللي يغيض الأعادي
ردي بسرعه لا تقولين بعدين=قلبي عليك ومنك حاديه حادي
قضيت من عمري على وصلك سنين=يوم الزمان أمان والجو هادي
أشوف من سود المقانع ملايين=أنتي بوادي والعذارى بوادي
أغليك و أزعل منك وأنتي تعرفين=لا أنتي صديقاً لي ولا أنتي معادي
بفنون تمويه الحقيقه تجيدين=أخذت من طبعك دروس و مبادي
يا شين طبعك تزعليني وترضين=وتعانديني وش يفيد العنادي
أن جيت يمك عن طريقي تروحين=وأن رحت جتني منك دعوة ودادي
تقربيني منك باللطف واللين=وتعطيني الورده وشوك الكدادي
ليتك بهمً صابني منك تدرين=أنام وعيونك تعاف الرقادي
ساطع جبينك بين سود الجديـلـين=مثل القمر مع رايح المزن بادي
سود العيون اللي عليها هلالين=هلالين معكوسين رسم وسوادي
عليك من نظرة ورود البساتـين=أستانست للساقيه والبرادي
عليك من لمحة وحوش الشياهـين=وعليك من رقصة مهار الطرادي
انتي لحالك تامريني وتنهين=والا لغيرك مايهون إنقيادي
قلتي لي أن السر مابين الاثنين=وأقول من فتش قلوب العبادي
وقلتي لي أن الصبر عون المحبين=وأقول أنا صابر وهذا إجتهادي
وقلتي لي أن الحب جماع قلبين=وأقول هذا اللي يعذب فؤادي
وقلتي لي ان الوقت يمكن يجي زين=وأقول يمكن مار ماهو وكادي
سلطان حبك ما يعرف القوانـين=وصبري على فرقاك صبر المهادي
كانك من الجرح الندي تستفيدين=هذي جروحي بالظماير جدادي

[هلآ الآسلميهـ]

رائعه من روائعك ياعبدالله ..


نقلتنا باحساس رائع ممتلى بالغزل والعتاآآب..



يسعدني أني أول من رد على هذه المنضومة اللؤلؤيه..



شكراً لك..



تحياتي..

[رشيد العطاوي]

أن كان قصدك يوم غبتـي تغليـن
الصبر طـرّف والليالـي عـوادي

تجملـي لا تفّرحـيـن المعـاديـن
أنا مناي اللـي يغيـض الأعـادي

ردي بسرعـه لا تقوليـن بعديـن
قلبي عليك ومنـك حاديـه حـادي




الاخ الغالي عبدالله

صح لسانك وعلا شانك ملايين

ابيات رااااااائعه ك روعة حضورك

دمت ودام ابداعك وسلم فكرك لاعدمتك

تقديري لك

[شام]

أحاسيس مرهفة
في ابيات ...
ارتسام رائع لما يجول في الوجدان ..
من مشاعر و عواطف ..
صح لساانك شاعرنا عبدالله المفضلي
طبت دائماً.

[الشمـــ نور ــــري]

صح لساانك...
مبدع اخووي عبدالله:thumb:

[رحيل الوهبي]

يا سلام غلى اخر بيت مجنون

صح لسانك يا شيخ

تسلسل خطير لا يجيده الا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

[عبدالله الجعيثن]

^

^


الله يسلمك يارحيّل<<<<فاهم غلط





المفضلي



صح لسانك



ابيات روعه



تسلسلها ابداع يالشاعر



لاهنت

[الكاتم]

احدى روائع الشاعر المفضلي
صح لسانك يا عبدالله
قصيدة تجلت فيها شاعريتك بقوة
دمتم بحفظ الرحمن

[نهير النمش]

صح لسانك واعتلا شانك وطاب فالك

قصيدة جزلة كجزالة صاحبها



تقبل مروري ودمت بخير

[عبدالله المفضلي]

الجوهره الصغيره

تسلمين

مشكوره على المرور الجميل

تحياتي

[عبدالله المفضلي]

الاخ رشيد العطاوي

الله لا يهينك

اعتز بهذا الاطرا

تحياتي

[عبدالله المفضلي]

شام

تسلمين ويسلم الاحساس

مرورك عطر

تحياتي

[عبدالله المفضلي]

نور الشمري

كل الشكر على المرور الجميل

تحياتي

[عبدالله المفضلي]

رحيل الوهبي

لم افهم علامات الاستفهام الكثيره

عليك توضيحها وماذا تقصد بها ؟

تحياتي

[عبدالله المفضلي]

عبدالله الجعيثن

مشكور

[عبدالله المفضلي]

الكاتم

انت من الاسما المميزه في النقد لذلك يهمني مرورك و رأيك

اعتز بهذه الاشاده

احترامي

[عبدالله المفضلي]

الشاعر صفق الهوا

الله لا يهينك

اعتز بهذا الاطرا

تحياتي

[رادار الحرف]

عبدالله المفضلي ، قرأت لك نصوص من قبل وكانت جميله
والنص هنا جيد خاصة من مطلع القصيده.
وقد تنقلت من بيت الى بيت بشكل سلس وسهل وممتع.
وسوف اذهب للنص وبعض الابيات بشكل مختصر وعسى ان لا اكون مزعجا وثقيل الحضور//




هب الهوى يوم أنصف الليل ليلين=أحيا سنا الجمره و زاح الرمادي

ذكرتني بمطلع نص العضو صفق الهوى (نمش نهير ) وكأنكما متفقان
وفعلا تميزت ووفقت بذلك.



أشوف من سود المقانع ملايين=أنتي بوادي والعذارى بوادي

الشطر الثاني جميل ولكن اعتقد انه من الاجمل ان يكون مسبوق بغير ماهو عليه
الا اذا استخدمت مفرده غير ( انتي ) ، لأن دخول مفردة انتي بعد الصدر شتت المعنى مما ادى
الى عدم ترابط الشطرين.
لأن على مايجب ان يكون بعد الشطر الأول ان يكون المعنى ( مايوضح عدم اهميتهم لك واهتمامك بها فقط )



ليتك بهمً صابني منك تدرين = أنام وعيونك تعاف الرقادي

اعتقد انك لم توفق في المعنى بعجز البيت ، لأن من المفروض ان يكون المعنى
انك انت تسهر وتعاف عينك النوم ، وحبيبك ينام وليس العكس ، خاصه وانك تدعو مما اصابك
في صدر البيت .
فكيف تتشكى من الاصابه وانت تنام ؟!



سود العيون اللي عليها هلالين=هلالين معكوسين رسم وسوادي

بيت جميل ولكن اعتقد انك استعجلت في الشطر الثاني لأنك لو تأنيت قليلا واعدت كتابة البيت
سيكون بشكل اجمل واجزل.


عليك من نظرة ورود البساتـين=أستانست للساقيه والبرادي
عليك من لمحة وحوش الشياهـين=وعليك من رقصة مهار الطرادي
انتي لحالك تامريني وتنهين=والا لغيرك مايهون إنقيادي
قلتي لي أن السر مابين الاثنين=وأقول من فتش قلوب العبادي
وقلتي لي أن الصبر عون المحبين=وأقول أنا صابر وهذا إجتهادي
وقلتي لي أن الحب جماع قلبين=وأقول هذا اللي يعذب فؤادي
وقلتي لي ان الوقت يمكن يجي زين=وأقول يمكن مار ماهو وكادي


ماشاء الله لقد ابدعت في الابيات مما جعلها اكثر اتساقا وترابطا .

رادار الحرف

[بشاير نجد]

عبدالله المفضلي تقبل ردي المتواضع

يختال الحرف زهوا حين تداعبه..

ويرقص القلب طربا حين تعانقه.

أبيات نسجت من الحرير كلمات ..

وزخرفت بالصدق حروف ..

عزف فريد ..

ونبض وريد ..

أحييك على هذه القصيدهـ

وصح بوحك ..

وشكرا لعزفك

[سيف الدولة]

أخي عبدالله

صح لساااانك ولاااااهنت

روووووعة من رووووعة حضورك

[عبدالله المفضلي]

الاخ الكريم رادار الحرف

حياك الله

كم مره قلت لك لا تتحرج من النقد حتى لو كان ملاحظه ضدي انا اعتبره شئ جميل ان هناك شئ يسوى

التعليق والنقد وهناك الكثير الذي لا يصل لمستوى النقد وسأرد عليك الآن

اشوف من سود المقانع ملايين= وانتي بوادي والعذارا بوادي

انا ارى ان البيت لا يحتمل التفسير وهو واضح جداً واتمنى انك تعيد النظر

ليتك بهماً صابني منك تدرين = انام وعيونك تعاف الرقادي

استاذي انا هنا اقول ليتك يعني اتمنى ان تنعكس الصوره وتكون هي التي تسهر وانا انام كما يحصل معي

الآن انا اسهر وهي تنام



نجل العيون اللي عليها هلالين = هلالين معكوسين رسم وسوادي

هذا البيت يحتاج تأمل عميق الحجاج على شكل هلال لكن الهلال لونه ابيض واتجاهه الى الاعلى

بينما الحجاجين على شكل اهله سودا واتجاهها تحت عكس الهلال الحقيقي باللون والاتجاه وهذا ما قصدته

ارجوا انني وضحت وجهة نظري واتمنى ان كل من يمر على قصائدي يبدئ رأيه كما تفعل انت والاخ الكاتم

وانا كما ذكرت يسرني جداً النقد واتقبله بسعاده بالغه

جزيل شكري واحترامي لك

[عبدالله المفضلي]

عبدالله المفضلي تقبل ردي المتواضع



يختال الحرف زهوا حين تداعبه..


ويرقص القلب طربا حين تعانقه.


أبيات نسجت من الحرير كلمات ..



وزخرفت بالصدق حروف ..


عزف فريد ..


ونبض وريد ..


أحييك على هذه القصيدهـ


وصح بوحك ..


وشكرا لعزفك







بشاير نجد

هذا الحضور والمرور ماهو الا تتويج للمتواضعه بالنجاح

اعتز كل الاعتزاز بهذه الاشاده الغاليه

وافر شكري واحترامي

[عبدالله المفضلي]

أخي عبدالله

صح لساااانك ولاااااهنت

روووووعة من رووووعة حضورك


الاخ سيف الدوله

صح بدنك ولا تهون

كل الشكر والتقدير