ديوان : فهد عافت..

[ابو فارس]

موضوع برعاية مجموعة الفراعنة
http://www.shmmr.net/vb/groups/23-picture3081.jpg

هي فكرة لاحتواء دوواوين الشعراء
حسب ذائقة الاعضاء
وسيكون كل اسبوع مع شاعر جديد
نبدأ بالشاعر الكبير فهد عافت
-------------
قصيدة ياعلي
واعتبرها معلقة وليست قصيدة عادية
تستحق ان تشرح وتستقرأ وتدرس
واليكم القصيدة


----------
ياعلي لاالشعر عبـدي ولا هـو سيـدي=صاحبي له من جنوني ولي مـن منطقـه
مايخون الطيش والملـح ياكـود الـردي=له علي ان ماسبقني على الطيب اسبقـه
والله اني من عرفته وانا ابشـر بسعـدي=كل حزنٍ يفتـح ابـواب حسـنٍ مغلقـه
والله انـي ماذخـرت لمعانيـه جـهـدي=ذمنـي ولا مدحنـي مـن يقـول سرقـه
اعشق من الشعر كله عيونـي ورمـدي=واعشق من الكل بعضي اذا الصمت انطقه
واعشق من الليل الاظلم وأشوف السرمدي=قـدر قـرمٍ بيـض الله وجهـه بصنقـه
واعشق من الصبح الأكسل نسيم وفي يدي=دفترٍ يهـدي العصافيـر لحظـه مورقـه
وأعشق من الصحبه أم البساط الأحمـدي=لاتهيّت وأعشق من العسـل طلبـة ذقـه
وأعشق من الوقت وقتي لابوي ولاولـدي=وأعشق من الناس كلٍ على قـد اعرقـه
ياعلي والشعر عبـدي وعبـدي سيـدي=أعمق الشعر أبسط الشعر وأبسطه أعمقه
في الحنايا خيـل ترمـح وخيـال يحـدي=وفي المرايا ألف بحـر يتلعثـم بأزرقـه
ياكثر ما اذكر من الناس لاصرت وحـدي=من نسونـي ونسونـي بكـذبٍ مصدقـه
كل وعد لي مع اللـي يخونـون وعـدي=يالبناخي بعض طيب أقهره باللـي خلقـه
لـو تهيـا للطريـا سـويـا مـاغـدي=مزبن الذهيـب ممـراح خاينـت الثقـه
يقنب النسيان الأمعـط بروحـي ويعـدي=كل ليلـه فـي فياضـي والا الله يرزقـه
السهر ، ماهو بهـذا السهـر لايابعـدي=السهر شفنـي تعرفـه وشفنـي تزهقـه
كل جفنٍ من جفوني غدى بيـت أجـودي=لاتقظب فيـه عبـدٍ مـن الليـل أعتقـه
ليت لي قدره على الثـار تكفـا ياسنـدي=من حبيبٍ طشـر القلـب مليـون ورقـه
مارماني خطرتـن لجـل يرضينـي ودي=نيشـن الفرقـا هنيّـا تمركـا بنـدقـه
وانتهى مستسهل سهيل يستجدي الجـدي=مابقى غيـر اليبـاس بعيـون مغورقـه
كم تكحل عاذلي وانعمـى مـن مـرودي=يـوم قـال العيـن بالعيـن مالله وفقـه
قلـت والله دام قفـى وظليـت وحــدي=لاتركه في داخل القلـب محـدن بشنقـه
ياعلي كلي نهايـات مـن ويـن ابتـدي=ياعلي كله بدايـات مـن ويـن اعشقـه
له عيون ولي ضلالي بهـا ليـن أهتـدي=ولي عيون وله علي البكا ليـن اغرقـه


امل عدم الرد حتى تكتمل اول عشر قصائد
ثم نستقبل منكم القصائد التي لم تذكر

دمتم بخير

[ابو فارس]

وهذه قصيدة فتنة الحفل
والتي حازت على افضل نص غنائي عربي
رغم عدم تعمد الشاعر لان يكون نصه غنائيا


واليكم القصيدة

فتنـة الحفـل زيـدي مشيتـك بختـره=كل خطوة بروق وكـل نفحـه صهيـل
باقـي بيـن عقلـي والجنـون شعـره=اقطعيها ياشينه عاشـقٍ .. مـو هبيـل
خلي الارض تاخذ شكـل غيـر الكـره=خلي النار تاخـذ رمـز غيـر الفتيـل
من غدى الليل شعرك قلت انا بسهـره=ومن غدى الصبح وجهك قلت مالي مقيل
ارقصـي بيـن حـد الذنـب والمغفـره=ارحلي في سكونك واسكني في الرحيـل
ارجفي كنـك المـا.. فززتـه حجـره=واثبتـي كنـك الفضـه بعيـن البخيـل
وانحني مثل غصن فـي طرفـه ثمـره=واوقفي مثـل فزعـات بـدوي اصيـل
والفحـي علمينـا كيـف تقـدر مـره=تزرع الليل صبح .. وتزرع الصبح ليـل
فـي عيونـك سـواد يستحيـل اخـره=كامن ٍفي بيـاض ٍ .. اولـه يستحيـل
واحـد تخزريـن ومـا يجيـك خبـره=اشهد انه عزيـز واشهـد انـه ذليـل
اتركي العقـد بيـن الجـد والغشمـره=يخبر الناس وش معنى جميل في جميـل
كن في الصدر ظبـي عيوننـا تذعـرة=ينتفض يذعـر الـي مذعرينـه قبيـل
ومفرق الصدر حبـة العـرق تجهـرة=كن لك عقد در وعقـد مـن سلسبيـل
بينهم حسـد ربـي بعـد مـا صـوره=عقـد وده يجـف وعقـد وده يسـيـل
آآه ولا لمحـتـك مقبـلـه مـدبـره=شفـت مثلـي نحيـل زم حمـل ثقيـل
دام ذا عجـز وش للنـاس بالمـقـدره=دام ذا خصر وش لـي بالخواتـم بديـل
وسط ثوب ٍ خيوطه صمت فـي ثرثـره=به قليـل ٍ كثيـر.. وبـه كثيـر قليـل
كل شـيء بجسمـك يفضحـه يستـره=فيه فتنه قصير وفيـه حشمـت طويـل
كنـه المخطـي الـي يطلـب المعـذره=وكنه الدامح الزلـه عـن الـي يعيـل
فـي ردونـه نقـوش لـه سنابـل ذره=الله اعلم لـو ان الريـح هبـت تميـل
كل شـيء ونقيضـه فيـك بالمسطـره=اقرب من النفس وابعد مـن المستحيـل
كنـك الكـذب لكـن مـاحـد ينـكـره=وكنك الصدق لكن مافـي يدينـا دليـل
باشت الغيـد زيـدي مشيتـك بختـره=لاجل اطاول بحرفي شامخـات النخيـل
شاعـر تلمـس ايدينـك علـى دفتـره=تغرق في اوسط اوزانه بحـور الخليـل


ويتبع///000

[ابو فارس]

وهذه قصيدة مريم
اختيار لاسم مميز للقصيدة
واشياء نعيشها لكن وضع لها ابعاد شاعرية راقية




مريم وتضحك يرق الما ويصفالي زماني=والمكان يطيب والرمـان يتكـدّس هنيـا
قلت رحلتنا تبي سكر وترنيمـة أغانـي=جاوبت هات الأغاني وأترك السكر عليـا
من شفايفها صباح الخير شكل وطعم ثاني=آه لو تدري وش اتسوي صباح الخير فيا
تاخذ الما من يديه توصله شـط الأمانـي=واهنيي كل مامريـم خذتنـي مـن يديـا
أذكـر أول ماتلاقينـا تسمّـرت بمكانـي=حاولت عيني تشوف الدرب مير القلب عيا
الحلا فيها من أقصاها ولا للزيـن دانـي=كل مافيها خلقه الله مـن طلعـة محيـا
كل ماعز الطلب عندي وقالت لي عشاني=قلت من هذي قبل هذي وجابتنـي حميـا
قبلها ماطاعت اقدامي طريق الا عصانـي=بعدها ماظل حلم أخضر بصدري ماتهيـا


ويتبع \\\000

[ابو فارس]

قصيدة عصفورتين وشمس

طفل بحكمة كهل
ومعاناة عائلة

على حد العطش ارسم فمي غيمه وخمس اطفال=على حد الظلام اشعل يدي عصفورتين وشمـس
مكاني مو مكانـي والزمـان يشوفنـي اشكـال=اجي مرة صراخ اقوى من الحكمه ومرة همـس
انا كرهي خبال ولا عشقت اعشق بعـد بخبـال=ولا اعرف الوسط بين الحلول وذي طبيعة نفـس
وانا عشقي لباكر لاجل اذا بركض رفيـق ظـلال=وفي زوادتي تمر النخيل الـي زرعنـي امـس
معي في الذاكرة بنت توصينـي بمشـط وشـال=وصوت امي يوصي لاتجي ربعك بخاطر عمـس
وانا امك لاتنام في ليلـه وانـت خلـي االبـال=وخل ادنا طموحك لا نظـرت لنجمتيـن اللمـس
وانا امك لاصعدت اصعد مثل دعوة فقير الحـال=ولامنك نزلت انزل مثـل غيـث بيحـي غـرس
وعلى حد العطش ارسم فمك غيمه وخمس اطفال=وعلى حد الظلام اشعل يدك عصفورتين وشمس

يتبع\\\000

[ابو فارس]

قصيدة دخليك

فلسفة شاعر
وخروج عن المألوف
بصياغة فنية ترتقي لمستوى فهد




دخيلـك لاتصلـح غلطتـك هـذا الخطـا غالـي=رفضت انك تجيبه من عرفتـك ليـن هـو جابـك
ومدام ان الزعل مثل الرضـا يبقيـك فـي بالـي=انا مازعل ولاارضى منك ..انا ازعل عنك وارضابك
هلابـك يالخطـا ضيـف عزيـز يكـرم دلالــي=اذا صبيـت لـه فنجـال عفـو ونـوخ اركـابـك
من الليلـه باسمـي غلطتـك عنقـودي الحالـي=الامنـي قطفتـه بالسمـاح انتـثـرت اطيـابـك
حبست العقـل واطلقـت العنـان لمهـرة اهبالـي=وقريت ان الخطا عين الصـواب بصفحـة كتابتـك
وش القمرا سوى غلطـة ظـلام ولانـي مغالـي=وش الظلما سـوى غلطـة سمـا بتقلـد هدابـك
يساورني يقيـن ان المطـر غلطـة هـوا عالـي=حسـب نفسـه يصالـح غيمتيـن وبلـل ثيابـك
فديتـك لاتعـذر والــذي ســواك واهـدالـي=عيونك مالقيـت الطـف بهالدنيـا مـن اعتابـك
جـزاك الله خيـر وبيـض الله وجــه عـذالـي=متى ماجيت ابنسى سيرتـك قالـوا لـي احبابـك
وانا لاقالوا احبابك عجـزت اسمـع وش التالـي=خذيت الكلمة اللـي تشتهيـك وضعـت باسبابـك

[ابو فارس]

لطفا --
كتابة قصائد للشاعر فهد عافت
او انتظار اكتمال الديوان
ومن ثم نفتح مجال للردود

شاكر للجميع

دمتم بخير

[بسمة العز]

هب الكرز







هب الكرز واستجمـع الفـل فلـه
ياكيف انا ماقـول للشعـر لبيـه



حزن مثـل شبـاك صبـح تبلـه
قطرة نـدى تزحلقـت كنهـا ايـه



بشفاه عاشـق ساهـي واستغلـه
خبيث باسم اللـي ذبحـه بتغليـه



ياسيـدي لاحزانـك المسفهـلـه
سحاب وانت تظلله وانـت تسقيـه



اوميت لي وانـا الغريـب المولـه
ورديت لك وانت العجيب بمعانيـه



كنك تعرف ان الشعر فيـه خلـه
لاهي على وزنه ولا فـي قوافيـه



اردى الشعر قول يجيـك بمحلـه
واحلى الشعر قول محله يجي فيـه



ويش الدرر ياصاحبي غيـر علـه
في صدر محار الحصى حيل موذيه



نحـزن وفينـا يلتقـون الادلــه
لامن بغـوا للعيـد طفـل يبكيـه



ياما كثير اشيـا مملـه .. مملـه
وبالشعر يلقى الادمـي مايسليـه



لولا الصبر كيف الاهـل والاهلـه
ولولا الشعر كيف العتب والمشاريه



والناس فيها مـن عزومـه تتلـه
وتوصله فـوق العليـا وتعطيـه



والناس ياما في الخلايـق جبلـه
ياكل ويلتم الرخـم فـي علابيـه



لو بروزوا له صورته في المجلـه
الناس تدري عن علوم المسافيـه



وانت الكريم اللي حجاجـه يفلـه
ماعنده الا ابشر بمطلبـك ياهيـه



وانت الشجاع اللي سيوفه تسلـه
والفيلسوف اللي انتهى في مباديـه



هب الكرز واستجمـع الفـل فلـه
لبيه ..ثم لبيه ..ثـم الـف لبيـه

[لوليتا]

*
*






لولاي انا




انا .. انا .. لولاي انا من تكونين
اقولها وانا نعم .. فيك مغرور

انا جعلتك نور وانتي .. من الطين
جرة قلم .. وامحيك من عالم النور

انتي بدوني وردة في البساتين
والورد في دنيا .. البساتين مغمور

لكن معي صرتي .. كما الشوف للعين
والعين لولا الشوف .. ماظن لهادور

هذا وقصدي تعرفي موقعك زين
وحذرا .. ترى من انذرك صار معذور

اما اشتري ودي على العسر .. واللين
والا تراني .. بايعك بيعة البور

بسطور .. خليتك شعار المحبين
وامسحك من دنيا المحبين بسطور


*
*

[لوليتا]

*
*







أسمّيك المطر




سلامات تطول الغيم وعذوق النخل والطير
تزف ابه الشموس من النفوس لشيخها الغالي

هلا ياللي خلقت بيوم راد الله بخلقه خير
ابغني وابنطح بالهلا ياسيدي فالي

تمسكنا بحبل العروة الوثقى وهو تدبير
تكافخ به بيارق عزنا في المر والحالي

وسلمك الولي للشعب حب وللوطن تعمير
وللمحتاج تاج وللعدا ضيم وغربالي

اسميك الجبال الشم والقى بالحكي تقصير
خفافك لو نحملها الجبال تدور الوالي

واسميك القمر زلة لسان ومالقابه غير
شعاع ينطفي وانت اول انوارك بلاتالي

اسميك المطر حاشاك لامامنت المطر يامير
وهو لاعطا نزل واما انت تعطي وانت في العالي

اسميك انت مااسميك غيرك باخر التفكير
بغيت القى شبيه لك سواك وماتهيالي



*
*

[لوليتا]

*
*




برواز




للملك عبدالعزيز آل سعود :


هي الصورة اللي ماحفظها لنا برواز
تجلت ملامحها على كل صدر وسام

مية عام من عمر الوطن لكن الانجاز
الا من حسبته كان مليون مية عام

ملك في عصاه الارض ماهي عصا عكاز
عصا يومه يطوح بها تنعض الايام

وهو مافتح قاع وهي بير نص وقاز
فتحها وهي جردا وعلى بها الاسلام

بدا بالرياض من اربيعن كرام عزاز
وخلا جميع اللي سكنها عزاز كرام

وشاف الحسا فوضى طلاسم كما الالغاز
وقال ابشري بي فوق خيل بليا لجام

تلفت لحايل قال لاواهني من فاز
بها وانتهض ومعزي ان قام يعني قام

ونخاه الحجاز وصاح انا للحجاز حجاز
عن الضيم شفها هو به اليوم من ينضام

وهوكانها عند العلم ليث مايعتاز
وهو كانها عند الحرم سيد الخدام

رجل كل ذره فيه تتنفس الاعجاز
كانه خلق لجل اتباها به الاعلام

عطاياه لاتحصى مزاياه لاتنحاز
لمسلم على مسلم وفي الحق ماينلام

ولولاه لولا مدة يديه للمعتاز
فلا مصر مصر ولاهي الشام نفس الشام

بأفعاله المسهب , وفي قوله الايجاز
وهو مرجع الدنيا اذا من بغت قدام

مية عام من عمر الوطن لكن الانجاز
الا من حسبته كان مليون مية عام






*
*

[منصور الـ ع ـطآوي]

ما شاء الله عليكم يالفراعنه :)

بدايه قويه منكم


و بالتوفيق لكم

[لوليتا]

^
^


للان مو قادر تفهم وش معنى الفراعنة

انتظر الجايات اكثر بتعرفك

*
*

[منصور الـ ع ـطآوي]

^
^
^


يعني كل هذا غرور :)


ترى الزعماء الى اللحين موجودين :)

[شموخ شمالية]

شكرآ لكـ أخوي ابوفارس

قصائد جدآ رائعة

والله يوفقكم ان شاءالله

مادام بديتوا من هنا من مضيف المنقول ابشروا بالخير
بأذن الله فائزين


لكم كل الاحترآآم والتقديــر

[بسمة العز]

جمعتك والحطب





جمعتك والحطب بينـي وبيـن الذاكـره فـواح



وشبيت الكـلام بدفتـري .. واحرقـت خلانـي



شكت عيني من اثار الدخان وجفن عيني صاح



وشديت الجفـون لبعضهـا لاشـك مامدانـي



بكيت ويوم شفت اني لحالـي ماكتمـت نـواح



وسيلـت الاحبـه كلهـم واحـد ورا الثـانـي



من اول مانت خابر ..لاخر اللي مانت خابر طاح



ولاخليت احد منك انت ليـن العـاذل الشانـي



اذا الجرح انخلق لانسان نا انسان انخلق لاجراح



واذا الاحزان لابن ادم ..انا ابـن ادم لاحزانـي



عزيـز القـوم ذل بلعبـة الغفـران والتفـاح



ولانـي سائـل رب العبـاد يجيـك ماجـانـي



ولاني طالب الا انـي الا منـي بكيـت ارتـاح



ولاني طالب الا ان انـت ماتشمـت بوجدانـي



لقيتك تلتفت لي في الدموع وغامرتـك افـراح



ومت من القهر .. حتى بهـذي .. وتحدانـي .

[بسمة العز]

يابحر الاحباب





يابحر الاحباب جـزرك شيـن

حـي المنـازل تحيـة مــد

ما به على القلب كثـر الليـن

قاسي متى ما الحنيـن اشتـد

يدفيني الضـم فـي التنويـن

يـا شهـوة الضمتيـن بـود

حرفي حطبته مـن التخميـن

واشعلتني لـه فـليلـة بـرد

والشعر جولـه اثنيـن اثنيـن

قبلـي وبعـدي وجيتـه فـرد

من قبل اجي له وانا : البعدين

ومن بعد ما جيت جيت البعـد

لااقرب من ( الحمد ) كثر آمين

لاابعد من ( آمين ) كثر الحمد

[بسمة العز]

قصـــيدتي



قصيدتـي لاغـدى ضيّـي

شحيـح وارتبكـت يدينـي

وتعثـرت بـي خطاويـي

ولاعـاد رايـي يقديـنـي

وصرت أطلب الصاحب يعيّي

ماغيـر بعديـن بعدينـي

وتنكرولـي بنـي خـيـي

واستسهلونـي معاديـنـي

والمـوت ماعـاد متهيـي

والعمـر ماعـاد يمدينـي

تكفيـن لايابـعـد حـيـي

ظلـي معـي لاتهديـنـي

ماكان لك صاحـب زيـي

وشلون اجيـك وتردينـي

اما افزعي وانصفي غيـي

ولا ترى النـاس مقدينـي

[بسمة العز]

دمووع القــصيـــده



صدر الورق يحضن دموع القصيدة

لما دموعي صدركم مـا حضنهـا

وحبري عزاي...بكل وردة شهيـدة

لبستهـا ليلـة فرحهـا ...كفنهـا

كان الفرح في بسمتك يـوم عيـده

تامر على فرحـة زمانـي وتنهـا

كانت عيونك فـي حياتـي عقيـده

دافعت بأشـواق المحبيـن عنهـا

كنت أختصر كل الـدروب البعيـدة

بأوتـار تعـزف للأمانـي لحنهـا

وفجأة ...لقيت أن الليالـي عنيـده

ووقتي عطاني حسبة مـا وزنهـا

وأثر السحابـة للعطاشـا مكيـدة

تغدر بمنهو راجـي الخيـر منهـا

يـا قاتـل حلـم المحبيـن بيـده

ضيعت ساعات الفرح مـن زمنهـا

بيـن الهقـاوي والعلـوم الاكيـده

ضاعت دروب اللي في عيونك زبنها

واللي بقى مني ...خطاوي شريـده

ودموع ....عيا صدركم ما حضنها

[بسمة العز]

الدليــــل




أضحكتني كلمتك : ويـن الدليـل

عن هواي اللـي تقـول وتدعـي

الدليل : الهم...والجسـم النحيـل

وارتعاش الصوت لا صرتي معـي

الدليل : الدمع من عينـي يسيـل

يوم هزيـت بوداعـك مسمعـي

الدليل: الجرح ... والصمت الطويل

بانتظـار انـك عليـا ترجـعـي

الدليـل أنـي ركبـت المستحيـل

لجل أغير فـي عيونـك موقعـي

يوم كل عـاش فـي فـيّ ظليـل

كنت أسافر وآخذ أحزانـي معـي

واعبر الدنيا كمـا عابـر سبيـل

شايل جرح الهوى فـي أضلعـي

أدري أن الوقت لو يعطـي بخيـل

بس أحاول ...يمكن أنسى موجعي

كل هذا ...وتسألي: ويـن الدليـل

عن هواي اللـي تقـول وتدعـي

أعتذر ...كلي أسف ..ما كو دليل

أقنعـي بالـحـب أو لا تقنـعـي

[بسمة العز]

اعتــــراف











اعترف لك بانتصاراتك علـي



واعترف اني خسرت المعركه



في ضياعك ضاع مني كل شي



ياسـرابٍ عاجـز لا امسكـه



تهت انا ما بين ميت وبين حي



مع فؤاد ذنبـه انـك تملكـه



بالمثل اخر علاج الناس كـي



وانت حدتت الطريق ومسلكـه



احرقي يانار ما خطـت يـدي



انتهت قصة عـذاب مظحكـه



انتهت قصة فراشٍ شاف ضي



اقترب من شان نوره واهلكه

[لوليتا]

*
*





عبث




عبث تحسب سنيني بالسنين وتكسر المكسور
عبث ترمي بدلوك في القديم ، وتجلب أعماقي

أنا الذابل مابين المكرفون ورغبة الجمهور
عشان أحيا .. مثل مالازم أحيا داخل أوراقي

تضاريسي ، هي المستقبل المتواضع المغرور
لذا مديت كفي للوداع وبعلن افراقي

عجزت أقبل أصابيعك قفص وأحلامي العصفور
عجزت أخذل دمي لو مرةٍ وانحزت لخلاقي

رفضت إني أكون القطعة اللي تكمل الديكور
تخيلت المكان ، وهالني حبسي على فاقي

ستارٍ باردٍ مسدل ، وجرحٍ ماينز بنور
وكرسيٍ تشد اعيونهم بأطرافه اوثاقي

ملل ، يلغيني التصفيق والمسرح بليد اشعور
جنون استقبل الورده من اللي يذبح الساقي!!

وداعا للقلوب المستريحة والعيون البور
هلا بك يالدروب المتعبه لو كنت بك شاقي

أنا الأرض اليباس اليا بنا غيري بجلدي سور
وأنا المرعى الخصيب ان كانت حروفي هي انياقي

كفاني من حياتي لو مضيت ولا شهدت بزور
وكفاني من مماتي لو مضيت ولي أثر باقي


*
*

[لوليتا]

*
*






لو الحزن دمع ..




مرثية طلال الرشيد
لو الحزن دمع الله يحرم يباس الموق
على العين لين يغرق الجفن مجهاشه

ولو الوزن شمع اللي من كبودنا محروق
ينير الظلام بنجر الاضلاع مهباشه

على سلم جدانه يموت و جبينه : فوق
لو ان الجدي يرقى على سهيل ما ناشه

وطيب لو ان المسك ما ارخصه عرض السوق
غدا من قواريره ومن طيب غراشه

"طلال الرشيد" اللي تجيه المنايا بوق
على صدق وعد الموت ، الاسباب غشاشه

نصاه الرصاص : ضيوف قلطهم :المعلوق
وعشى ضيوفه مهجته رابط ٍ جاشه

يا ربع يهبا ريح الفشق وشكثر معشوق
تقل عيب احد من "شمر"يموت بفراشه

وهذا مهو بايات احد يعجز الطاروق
يوفيه قدره لو هو السحر وادهاشه

أمير التواضع و الحيا و الأدب و الذوق
والاخلاق ملفى كل طيب و مطراشه

سرى للنوايف _ راس "شمر"مهو مسبوق
تقل وحده "الساري"والآنام "غباشه

نعم مايكبره "اللقب"يكبر المنطوق
بالافعال وعزوم الرجاجيل بطاشه

حثينا على وجه السحاب :التراب حقوق
لو الله عفا منه اكرم الخلق ماحاشه

يا رب اغفر لعبدك "طلال الرشيد" وسوق
له من البرد مايبهج الروح رشراشه

وعسى "ربي الله ونبيي محمد "طوق
يوقي بها عن ظلمة القبر واوحاشه

بجاهك وعزك وبجلالك ياربي عوق
عن النار جسم عل "الاستبرق" قماشه

يا رب وعسى صحبته "ابو بكر"و "الفاروق
بقدرتك ياللي ترزق الطير باعشاشه

يا رب وعسى اللي عندك من السعد مفهوق
له بكل عمر ماته ابن ادم وعاشه





*
*

[لوليتا]

*
*





خارطة






الكتابة :
إبرةٍ مثقوبة من لامكان
في لازمان
إبرةٍ يدخل بها خيط الدخان
وينسج الشاعر ثيابه !!!
غرغر الما في نراجيل العطاشا
قلت له مهلك ؟
آآه ياهذا الدخان اللي تلاشا
ليتني مثلك !
لافقدت اهلك
ولابكوك احباب
علمك ف جهلك
صادق كذاب
تهلك وتهلك !!
الدخان اللي يسافر في زوايا شهوة البارود
شاف وجهه _ كانت عيونه مرايا :
جثتين ودود 00
في الليالي السود
ثرثت طلقة !
الزمان : جلود
والفضا : خرقة
والحدود : حدود
لي حبيب كل ما افضّ الرسايل
اوقظ نعاسه
البخور اللي لفظ وسط الجدايل
آخر انفاسه
صبّ لي كاسه
كلمة كلمة
من فقد ناسه
لاذبل حلمه
يشهر احساسه ..

*
*

[لوليتا]

*
*






الأبواب




بغيت أرمي بعض حملي
عجزت ألقى صديق
إلا الرصيف وبارد الإسفلت
ركلت اللي صدف رجلي
من احجار الطريق
وقلت :
ابي اقرا في الحصى
سر ارتباكي
لا لمست
الضاحك / الباكي انا
***
حملني
قبل لا اعرف الكتابه
موجك الازرق على متنه
وقال ان البلل : فتنه
وقالت لي :
قبل حتى ال(( قبل )) قاعك:
تضيع ان كثروا اتباعك
تغرد بالاغاني
بالاغاني البيض ياشاعر:
نجوم الليل : تفاح المسا
وعيونك : ذراعك
***
الملم حنطة غباري
البّس لهجتي ما يستر العاري
وأفك الباب : بلا د ي
والجهات الاربعة في غيبتك : ظلما
وما بين الجهات الاربعة : ظلما
ابي اتجهك معي : وجهك
واول ما حفظت من ((الرمل)) و((الما ))
واذا ما شابه المعنى عيوني
عاذرك : خوني
ولكن آه لو تدرين
عن طعم الثواني في غيابك
عن لهاث الضو في الشارع
عن الفارع من الحزن الطري
عن دفتري / عن جلسة المقهى
بلا اصحاب
***
تهجيتك ت ه ج ي ت ك
رفضت الممكن / الباهت : طريق
وهذا انا : جيتك وناجيتك :
اذا ما اشتقت في الغربة
قل الذكرى طحين الوقت
واخبز من تبي قربه
ب لا د ي
يا مفاتيح الكلام البكر :
جوعي لك / رجوعي لك
مثل ما للنجوم : اسرارها
مثل ما للهدوم : ازرارها
مثل ما للهموم : اوزارها
للمفردات الخارجه عن سلمها,
والداخلة في حلمها زوارها
قومي هو العشق
احتمالات التطاول في البنا
منح البنفسج فرصة الركض
انعتاق اجسادنا / المفرق هو العاشق :
جنونٍ يحفر فكبد السما
من شان دفن الارض في الازرق
ويا ازرق :
يابعد وقرب
يا لمحة في العيون الغرب
يا سقف الكون يا لون اللون
يا حبر اقلامنا المعجون
بالفوضى , وطين العاقل المجنون
يا ازرق :
من اللي يعرف ان البحر :
هين ؟
قال (( من يغرق ))
***
اشوفك ملح واتهجّا
حروفك وادخل فملجا
كفوفك واغرقك وانجا
واحبك واشبه الجامح
***
احبك : واشبه الجامح
لذا كان الصهيل : وسادة المعنى
وكنتي : أوّل الاشكال
مرَه فيها من التفاح
ما يحني غصون القلب للموّال
وكنتي : اخر الاشكال
مرَه لكن : فرس ودلال
وانا بين السما والقاع
كنت اركض وامد من العيون :
ذراع
أزاوج بين نجم الليل والنعناع
واهدي خطوتك خلخال
أنا الشاعر بلادي أو أنا الأشياء
ما تخفى وما تنقال
أحبك واشبه الاطفال
تحب وتشبه الاطفال
وتغريد الكتابه
(( بالرذاذ الطيب الدافي )) :
بهذا ثرْثرت نسمه وهفْهفْ شال
***
أحبك واشبه الجامح
لذا كان الصهيل : وسادتي
كانت عيونك : عادتي
والمثقلات من الغصون قلادتي
كانت
اذا ماشابه المعنى : عيوني
عاذرك خوني
ولكن لا تظنين القصايد بالوفا
خانت
بلا د ي , آه لو تدرين :
عن طعم الثواني في غيابك
عن لهاث الضو في الشارع
عن الفارع
من الحزن الطري / عن دفتري /
عن جلسة المقهى بلا اصحاب
عن الأشيا يقيدها ويطلقها (( الغريب ))
وبعدها يسال عن الأسباب
عن عيوني تصير (( الرّمْث ))
ويصير السهر (( حطّاب ))
عرفتي ليه انا المخطي وانا المعطي
وانا المطلوب والطلاب
عرفتي ليه انا كل الحضور
فحفلة عيونك وانا الغيّاب
عرفتي ليه انا الصادق
إلى حد الذي سميت به : كذاب
عرفتي ليه :
انا اكره دفتري واغليه ؟
ليه اموته واحييه ؟
ليه اثبته وانفيه ؟
ليه اهدده واحميه ؟
ليه اعطيه واستجديه ؟
ليه اجلس في كلي خارجه
واجلس في كلي فيه ؟
ليه ابدا الحزن وانهيه
باسمك
او عرفتي ليه
انا ارمي لهجتي : للملح والفتنه
وارد الباب
***
وحدك تفتحين الباب
وحدك
تطلعين النورس الغافي على صدري :
سمك واعشاب
***
ارتب لهجتي يا أجمل ضيوفي
واهيّل قهوتي وتهيلين عتاب
تصبين (( الدرايش )) في عيوني
و(( الرسايل )) و((الجدايل ))
و(( القبايل )) و (( القوايل ))
والكلام الحلو والاحباب
واضمك
سالفة (( غوص )) قديم فبحة
الشيّاب
أضمّك شيطنة طفل
ان ضحك : يجمع من غيومك أرانب
وان بكى : ت ت ك س ر
الألعاب
أضمّك
حبْل في (( حوش العشيش ))
و (( ضرتين )) وهفهفات ثياب
أضمّك: في الأغاني - لا ارتفع
صوت الاغاني
و (( الهوى غلاب ))
أضمّك داخلي يا داخلي
شنطة كتب فصل
وطباشير وشغب طلاب
أضمّك صالةٍ ضجّت بجمهورٍ غريبٍ
وشاعرٍ مرتاب
وتروحين ويظل العطر
تروحين ويخون السطر
لا (( الجهراء )) تجمّع رملها في
راحة يديني
ولا هذا هو (( المرقاب ))
,,,,
نعيق غراب نعيق غراب
نعيق
أ غراب
***
امد يديني ليديني
بلادي واسالك ويني ؟
واصيح : اهواااك
يكشر بينك وبيني :
((خميسٍ )) من جثث واسلاك
ورق ينشر ورق يطوي
شفاه من الظما تروى
جسد يركض بلا جدوى
ذراعٍ طيبه تلوى
بنادق ترتفع مابين :
طفلين وصحن حلوى
أغاني والرصاص أقوى
((بلادك وين يا نجوى؟ ))
بلادك وين؟
يا نجوى بلادي وين ؟
نغني والرصاص أقوى
من الاثنين
لو تدرين لو تدرين لو تدرين
عن طعم الثواني عن لظى الفرقا ؟
وكيف ليا غزاني في خميسك
صرختي ترقى؟
ابعْثر لهجتي في كل صبح
وكل صبح القى :
حروفي جامدة
قهوة كلامي باردة
نار الأغاني خامدة واشقى
***
من اوّل يوم لفراقك إلى هاليوم
ووحدك تفتحين الباب
وحدك تطعمين النورس الغافي
على صدري
عتاب ولوم
من اول يوم لفراقك الى هاليوم
ووحدك تذبحين النوم
هذاك اللي دماه تلطخ عيوني
سهر ونجوم
من اول يوم لفراقك الى هاليوم
وانا اركض واتبع آثارك
وامد من العيون ذراع
واقطف من سماك :
هموم
من اول يوم لفراقك الى هاليوم
وانا فوق الورق
تحت الورق
بين الورق مهزوم
***
كتبت وما بخلت بجرح
،،،،
كتبت وما تنفس صبح
عرق واشباح/ ارق واشباح
ورق واشباح / كفى ياديرتي
برتاح
من اول يوم لفراقك
ولا خان الظلام ولا وفا مصباح
من اول يوم لفراقك
وانا اضمّد جراحك يا بلد بجراح
من اول يوم لفراقك
وحمل المفردات (( سفاح ))
كفى برتاح
كفى ياديرتي/ ياسيرتي/ ياحيرتي
يا غيرتي برتاح
خلاص ما عاد امدّ من العيون ذراع
واقطف نجمة التفاح
هي الفرقا :
وما فينا الذي من فارقك ما
يرفضه رفضه
وما فينا الذي ما يلفظه لا من
حكى لفظه
وما فينا الذي ما ينهدم صبح ومسا
بعضه على بعضه
غبار ارواحنا يزداد ما نقدر على
نفضه
تبرينا من الاشياء
تبرت مننا الاشياء
تغيرنا كثير وكل قلب خان به
نبضه
هو الإنسان من اقصى حدود الدمع
الى اقصى حدود الدمع لعبة في يد
اللحظه
وضاع الشعر كل الشعر
في معنى : عجوز/ ومفردة
نبضه
والشاعر
يغازل بالرذاذ الطيّب الدافي صباحه
والمسا: يصفع جبين الشعر بالكبريت
والفضة
***
أبي أصرخ في البحر : تكفى
يباس فشفتي وسكوت
ولا ادري كيف تبتشفى
جروحي والجروح بيوت
دخيل عيونك الاوفا
ترفق بالتعب يا (( كوت ))
في برد يشفه المنفى
في ليل يشبه التابوت
قليل من الحطب وادفا
قليل من التعب واموت
اردّ الباب
دخيلك يا بلد لا تفتحين الباب
***
أبي أرمي من عيوني الناس
والإحساس
والأجراس
والحراس
والكناس
والوسواس
والخناس
الفظ آخر الانفاس
ارمي جثتي فوق السرير/ الياس :
لا شاعر
ولا معنى
ولا قرطاس
نعاس نعاس
نعاس
نعاس
نعاس
ن ع ا س
ن ح ا س
ن
ع
ا
س
***
من اللي هناك ؟
من اللي هناك ؟
من اللي يرمي الشباك
با حجار الحنين ويوقظ الفطنة ؟
انا القاع اللي قالت لك :
تضيع ان كثروا اتباعك
وانا البحر اللي شالك فوق متنه
بلادي
يا كثر ما ني مقصّر بالغلا وادري
ولكن ما قويت الجرح
تمنيتك تهجيتك
وشبّيت المعاني منْ حطب صدري
كتبت وما تنفس صبح
من اول يوم لفراقك
وانا اركض واتبع آثارك
واركض واتبع آثارك
واركض واتبع آثارك
ولكنك وقفت
ادري
لأنّ الصمت عاجز يقتلك
والشعر عاجز ياخذ بثارك
***
أبي حرّيتي
هذا الحكي من غابت عيونك:
شبك وسياج غضب كرباج
خذ عيون الهوى معراج
تشبه دايما بالجامح الطفل
وتذكر حكمة الامواج
ولا تهتم قصر ليل او طول
وكون المستحيل المعطي الذاخر
تقدم دايماً من أوّل الأوّل
وخذ حلمك معاك لآخر الآخر
تعلم كيف تقطف من بساتين الكلام
ال(لاء) وتصرخ ( لا )
أحبك
كثر ما احبك
أحبك واكره الاملاء
هو العشق احتمالات التطاول في البنا
قبل الالف
منح البنفسج فرصته للركض
بعد الياء
خذيني
علميني من جديد استلهمك
واستل همك
علميني كيف اغامر في البياض
من الورق
واعطي لصدرك فتنة الغامض
من النابض من الاشياء
خذيني
علميني كيف اسوي من عصافير الطفولة :
قاعدة والمدفع استثناء
جراح الطيبين : القاعدة والمدفع استثناء
عيون الطيبات : القاعدة والمدفع استثناء
***
زمنا وان قسا بيلين
وطنا وان قصا داني
تعوّدنا نزف الطين
عروس وصدرها حاني
ووندخل فـ الكلام اثنين
وننسى أيّنا الثاني !



*
*

[لوليتا]

*
*






معجبة !




يا آدمي حس ! ما جيتك تسمعني
الليل برد وقصيدك ما يدفيني

تراجف عضاي ... صوت الريح يوجعني
وأحس شي ٍّ تغلغل في شراييني

أحس في خطوتي يمك تنازعني
كيف اختصار المسافة بينك وبيني

خذني لـ( صدرك )... شتتني وجمعني
ادخل متاهات صدري واحترق فيني

ضيع أنت فيني وأبي منّّك تضيعني
في غابةٍ تحترق فيها عناويني

خذ ما بدا لك ... حلالك ! ... لا تراجعني
بعض الطلب ينهي اللذة وينهيني

هات ... انفجر شوق , إزعل وارجع اصفعني
سو شي ... أي شي ... إلا إنك تخليني

أنت الوحيد الذي بالحيل جوّعني
بالحيل ... بالحيل ... لين ارتجت سنيني

وش يمنعك دام ما كو ... شي يمنعني
ينده لك ... الجمر ... والنفنوف ... وايديني

أرجوك في طبع غيري لا تطبعني
ماني ملاك الطهارة ... لا تبريني

غلطان كانك عن الزلة مرفعني
النار في داخلي ... من بعض تكويني

إيه اشتهيتك ! وصمتي مو بنافعني
لو الزم الصمت ... تفضح حاجتي , عيني

للريح قط الورق , للنار واتبعني
أمّا أنت ميّت معي , وإلا أنت محييني



*
*

[سيف الدولة]

شكرآ لكـ أخوي ابوفارس

قصائد جدآ رائعة

والله يوفقكم ان شاءالله