هجينيه ::يابكرتي وان جفاتس منيف \ تردين عذفا على ليله

[ريال الفسحه]

سلام عليكم


\


تخالفت انا وواحد على هجينيه ولم اجدها الا في
الانترنت .. فياليت اللي عنده اي اضافه يفيدنا ..



السالفه حدثت ايام حكم الملك عبد العزيز وكانت بداية حكم الملك غير مالوفه لاهل الباديه
لانوه منع المغازي وطبق الشرع على القاتل والغازي يعتبر سارق..
يعني اللاش غدى شيخ ماتقدر تقولوه شي ان لمستوه طبق عليك الشرع سواء حد قتل او سرقه ؟
وكان فيه واحد عتيبي جاي من نجد لديار الشمال لحاله على ذلوله المهم وهو يطب على "الدويد"
وهذي هجره بالشمال عند رفحاء وكانوا نازلين عليه الصلبه ولهم شيخ يقال له "منيف"؟
ومنيف هذا من رجال الشنيفي ، أمير لينه من هالزمان..
المهم ان عتيبي تعبان من الطريق وبكرته له مده ماشربت يوم اقبل على منيف وهو يطرده ؟
لاهو اللي اكرمه ولاهو اللي خلى بكرته ترد مع النياق!
زعل العتيبي ومشى وهو يطب على "عذفا" وهذي ديرة عند سكاكا واهله هم الشمروخ
يامار هذا نزل الشمروخ من الزميل من سنجاره من شمر وشيخهم "الجبيلي"
يقولون يوم وصلت الذلول على بيت الجبيلي وهي تدخل عليهم بالرفة من شدة العطش والتعب
وراعيه عليه، حاول راعيه يطلعه ، ويحلف عليه الجبيلي ان يتركه كما هي .
وقم يالجبيلي ويجر الراويه عنده بالرفة ، ويشق جنب الراويه علشان تشرب وهي باركة بالرفة.
وهم يكرمونه ويقدرونه..
المهم ان العتيبي يوم مشى قال هالهجينيه وهي من الهجينيات المشهورات بالشمال وعند شمر خاصه..
يقول :-


يابكرتي وان جفاك "منيـف"=ترديـن عذفـا علـى ليلـه
وجهك على مكرمين الضيف=شمـر اليـا قلّـت الحيلـه
عند "الجبيلي" يطيب الكيـف=وانتـي تريحيـن ياشعيلـه
عدك على بركة(ن) بالصيف=من مزنة(ن) زايد(ن) سيلـه
لو ندي شيخ الصلب مايخيف=وراه سـطـه وترزيـلـه
مار البلا اللي حكم بالسيـف=عقبـان نجـد تراعـي لـه

[هلآ الآسلميهـ]

ماشاء الله قصة مختصرة وجميلة..


وكلماتها واضحة جداً



شكراً لك أبو فسحة..

[المشرف العام]

/

الغالي سلمان ..

لله درّك ..

والله محتاجين مثل هذه المواضيع التي يظهر بها جمال موروثنا الشعبي والصفاة النبيله ، وترسيخها للاجيال


تحياتي


[ تثبيت ]

[ريال الفسحه]

بير الصغيره


الله لايهينك وشاكر لك الحضور

[ريال الفسحه]

ابو سلطان

حياك الله يالغالي وماقصرت يابعدي واللي نقدر عليه
نبي نسويه ..



الف شكر لتواجدك يالعزوة

[لوليتا]

*
*

الله يعطيك العافية سلمان

قصة جميلة وسهلة الفهم
والابيات معبرة جدا عن الموقف



لكن اريد اسال عن

بكرته ؟؟

ولك شكرى وتحياااتى


*
*

[ريال الفسحه]

هلا لوليتا .


حياك الله وبكرته تعني ( ناقته )



اتمنى اني افدتك ..



مشكوره

[راعي الوقيد]

تخالفت انا وواحد على هجينيه


يعني شلون تخالفتوا ؟ هو يقول كذا وانت تقول لاماهي كذا:)

وهل فيه حق وعراش والا على فشووووووووش:)

ريال الفسحة !!

الله يسعد مساك بكل خير

وشلونك يالعزوة انت الى هالحين:)

هجينية حلوة ومعبرة

تسلم يالغلا لاهنت

لك التحية

[المطني]

ريال الفسحة

اشكرك على ايراد هالقصة لو اني ابي اعارضك على صاحب القصة

القصة ماهى لعتيبي القصة هذي جرت على حمّاد المضيبري من الرخيص واحد قالي انه من الخمسان وهم

كلهم من النبهان وقصد القصيده اللي انت اوردت ورد عليه شاعر رويلي اسمه مبارك بن زعّه من المرعض لكن

انا ما اقدر افرق بين القصيدتين وان شاء الله اني القاهن عند احد رواتنا واجيبهن لكم في بأقرب وقت .

[المطني]

ريال الفسحة

اشكرك على ايراد هالسالفة لكن ابي اعارضك على صاحب القصة

القصة ماهي لعتيبي القصة لحمّاد المضيبري من الرخيص من النبهان من الزميل وقصد هالقصيدة ورد عليه

مبارك بن زعة من المرعض من الرولة لكن انا اخلط بين القصيدتين ما افرق بينهن وان شاء الله اني القاهن

عند احد رواتنا واجيبهن لكم بأقرب وقت .

[ابو ضاري]

تسلم يالغالي على هذا الايراد الجميل منك

[المطنوخ]

تسلم والله ياسلمان على هالايراد الطيب والجميل

وكلك بركه اللي شفنا ابوفيصل راعي الوقيد

والله انها ابرك الساعات اللي شفنا حرفك يابوفيصل وعسانا مانفقد طلتك يالعزوة

[الدغيرات]

هجينيه مشهوره

الف شكر ريال الفسحه

[الدغيرات]

هجينه مشهوره

الف شكر ريال الفسحه

[الحيمري]

سلام عليكم






\



تخالفت انا وواحد على هجينيه ولم اجدها الا في
الانترنت .. فياليت اللي عنده اي اضافه يفيدنا ..





وهذي هجره بالشمال عند رفحاء وكانوا نازلين عليه الصلبه ولهم شيخ يقال له "منيف"؟




يابكرتي وان جفاك "منيـف"=ترديـن عذفـا علـى ليلـه
وجهك على مكرمين الضيف=شمـر اليـا قلّـت الحيلـه
عند "الجبيلي" يطيب الكيـف=وانتـي تريحيـن ياشعيلـه
عدك على بركة(ن) بالصيف=من مزنة(ن) زايد(ن) سيلـه
لو ندي شيخ الصلب مايخيف=وراه سـطـه وترزيـلـه
مار البلا اللي حكم بالسيـف=عقبـان نجـد تراعـي لـه






اولا تشكر على هالهجينيه والقصه


هو يقول
لونيدي ابالصلب مايخيف==
مايقول شيخ الصلب
يقصد الشنيفي مايقصد الخادم منيف ومنيف ليس صلبي معروف ؟؟؟؟
مار البلا اللي حكم بالسيف== عقبان نجد تراعي له
يقصد الملك بن سعود

[ريال الفسحه]

هلا والله وغلا براعي الوقيد هلا والله
بابوفيصل نور هالمضايف وهالقسم
والله لو مالي من هالموضوع الا طلتك
لكفتني ..


حياك الله وبالنسبه للحق ماهنا هكالحق اللي
يستاهل كلنا ماحنا متوكدين ..



بس فلجتوه انا خل الحتسي :)



الساعه المباركه اللي شفناك ولاتقاطع يالعزوة ...

[ريال الفسحه]

ريال الفسحة

اشكرك على ايراد هالقصة لو اني ابي اعارضك على صاحب القصة

القصة ماهى لعتيبي القصة هذي جرت على حمّاد المضيبري من الرخيص واحد قالي انه من الخمسان وهم

كلهم من النبهان وقصد القصيده اللي انت اوردت ورد عليه شاعر رويلي اسمه مبارك بن زعّه من المرعض لكن

انا ما اقدر افرق بين القصيدتين وان شاء الله اني القاهن عند احد رواتنا واجيبهن لكم في بأقرب وقت .


هلا والله بالمطني


انا ما اقول اني اعرف منك ولكن الشاعر
قال وجهك على مكرمين الضيف :: شمر لياقلت الحيله


هل الشمري يمدح روحه ؟



عشان كذا كنت اجزم انه مو شمري



ياليت تتاكد من اللي تعرف وتجيبه اكون لك شاكر يالعزوة



منور يابعدي

[ريال الفسحه]

الضاري


حياك يالغالي ..



منور يابعدي

[ريال الفسحه]

تسلم والله ياسلمان على هالايراد الطيب والجميل

وكلك بركه اللي شفنا ابوفيصل راعي الوقيد

والله انها ابرك الساعات اللي شفنا حرفك يابوفيصل وعسانا مانفقد طلتك يالعزوة


ياهلا والله بالغالي مشعل


ووالله انك صادز ابوفيصل نورنا اليوم



تشكرات مطنوخ بيك مرور ولا احلى

[ريال الفسحه]

الدغيرات


حياكم الله :)

[المطني]

الاخ العزيز / ريال الفسحة

هلا بشخصك الكريم والله اني اكن لك كل الاحترام والتقدير

انا ما قلت ان البيت اللي انت اوردت انه لحماد يمكن يكون للرويلي انا اقول القصة صارت على حماد المضيبري

وقال القصيده اللي متاكد منه اوله ( يابكرتي وان جفاك منيف .... تردين عذفاء على ليله )

ومثل ما وعدتك راح اجيبهن قريّب هاليومين .

تقبل تحيات اخوك / المطني

[عبدالله الجعيثن]

القصه والقصيده



لحماد العتيق الشمري من الرخيص

[ريال الفسحه]

هلا بالمطني


انتظرك يالغالي والله تقدم لي خدمه اذا تجيب السالفه
مع صاحب القصيده كامله ..



انتظرك يالعزوة ...



ابو غازي


يعني اللي قايل القصيده شمري؟

[عبدالله الجعيثن]

شمري ووكاد من اقرب الناس له



وماعليك من غير هالكلام



onaizah.net/majlis/t93068.html


وهنا القصه كامله مع القصيده

[الحيمري]

الشاعر / حماد بن رخيص ويلغبونه والرخيص بالمضيبري على شان قصر قامته
اما منيف الهذلي يقولون اصله عتيبي