قبسات من يوميات فلانة الفلان ..

[ريتاج]

السلام عليكم ورحمة الله وبركاته ....


والله ادري اني قطووع بس وش اعمل ..

الكليه خذة كل وقتي << الفقيه

ولازم اثبت روحي

والله منشغله بس بكرا عندي اوف<< اذووب انا:)

قلت خل اهذر لكم صدمااتي..


يااجماعة الخير تسيف ان التسليه هاللي انا به تضيق الصدر على كبره


يااخيويني مجتمع ما اقوى اهستر


لا التفتت يمين الا هذي الدبيبا بنت عمتي ههههههه


لا التفتت يسار الا هذي العصلا بنت عمي


لا راعيت قداام الا هذي بنت جيراننا


لا التفتت ورى الا هذي بنت خوي ابوي ..



بالله انا وش اعمل برووحي ..


يمين حتى الضحك ما اقوى اضحك اخااف ينقدن علي ..

من زمان مالعبت واحد طش من زمان مااتساابقة مع احد :408r:


ومااحيلتي بالحياة الا النظر والتعجب من خلق الله :george:

عوينااتي بغن ينتقن << لارجعت للبيت اسوي تدليك لعيوني


والله وانا ادخل اول محااضرتن لي ..

الا تشرح لنا هكالدكتووره ..

قالت العاام المااضي كنت بدرس سنه ربعه قغرفيا بنفس القااعه دي
وفقئه وانا بشرح دخل علينا كائن مرعب قدن

انا ما اعرفش ايه هو احنا عندنا زيه بس سمول نخبطه بالشبشب
/ ضب كبتل / ـــ/ بريعص سمول/

وئعدو البنات يزعؤو وكلهم بيتدفشو عالبااب ومسك في وحده منهم

واعدة تزعئ خلااص البنت انهاارة كليا خلااص من كتر مهي منهاارة بئت سكته وتعيط

وانا امسك الشبشب واخبطه على دمااغه وهو يتركها ..





<< كل هالحتسي وانا وانا اتلفت لا يجي الكائن المرعب زين هالساالفه بأول محااضره وكل هكالمحااضره وانا قلبي برجووليn)

بالله هذي سالفتن تنقاال زينن وانا عضن شوشتي ضب << سكته قلبيه على طوول

ولا يووم جت تعد الاسماء ..

فلانه عبدُالله <<لاحضو الحركاات :biggrin:

وانا التفت على خويتي قلت هااه اللي نقووله عبيد ولا

قاالت خويتي الا هو بعينه:008b:

فلانه سُليمان

قلت هااه اللي نقووله السلمي ولا

قاالت خويتي هو بزااته:008b:


ولا المحااضره الثاانيه انقليزي ..

اصم الله عليه من دخلت يما طلعت وهي تقرق عنقليزي والبنات صااكتهن البوهه هههههههههههههه

وتقرق وحنا فااتحات افاامنا قاالت ديو اندر ستااند

قاالن البناات : ييييييييييييييييييييييييييييييييييس

قلت انا : نووووووووووووووووووووووووووو:)<<ما ادري وش السالفه

وهي تلتفت علي وتنااضرن بعيوون ملياانه كره

وانا ينفضخ قلبي قلت : اي دونت اندر ستاند انقلش<< لي سنه وانا احفظ بهالجمله عجزة احفظه من الخرعطه طلعت :wavetowel يااربي لك الحمد


قاالت جووبي عربي يماار مدري وشو السوعاال اصلن

<< خويتي اسعفتن تقوول ليش دااخله رياض وغدان

وانا يطقن الادب والاحترام وابي اقووم اجااوب وهي تسحبن خويتي وراي ..

جااوبي وانتي جاالسه الله يفشلتس بلا طنااخه:hammer:<< متعودتن على المدرسه يا ملي ياانا اخبر يلعن جدفي لاجاوبة وانا جالسه..

وانا اجلس قلت : اااااا عشااان ااااااا نئدب الوغدان ونربيهم زين :wavetowel

<< احسه تقوول زينتس وانتي سااكته


لا زينن يوم تمطر وانا مطلعتن خصل والله يسلم الاستشوار الله لا يوريكم يو امطرت غدن تقل قرااعيط يهودي...:)

:cool2:<< هالايقونه تذكرن بروحي يوم ادخل الكفتيريا نااذخه بالنضاارات واكل بطاطس على الطاوله ههههههههههه يااشين الزجاار

فاصل طرب...

مايطيق الصبرا ما يطيق الصبرااااااااااااااا

ياملي قلبن مايطيق الصبراااااا ..

لعبد اللي فوقي لعبد الي فوقي..

رب البريه لعبد الي فووقيييييييي<< متحمسه من قلب:wavetowel





ماادخلنا بالغميق ..

توناااااا...



وحده منصدمه حييييييييل

المهم هكاليوم وحده من البنات بالكليه ..اعرفه ..

يماار شدااقااته الواحد كبر امس وعقبه وهي عصلا احس ماافيه توازن احسه بتصقع بالارض


:050104_em<< تقريبا زي هااتس


بس مو هااه الغريب...


الغريب ان شاايفته قبل كم يوم هي وحنووكه تقل من مجااعة افريقيا ..

:burn:<< تقريبا زي هااتس لا صار جمجمه بدون لحم
شلوون ....


شلوووووووووووووون غدن تقل كوورة دداس..:puzzled:


وانا ارووح يمه << الشاافيه ذبحتن

قلت الله وش هالوك الجديد خياال << ارفع به هههههههههههه

قالت :050104_emاي لوك ...

قلت هالشدااقات شلوون نفختيهن:brows:

قاالت:050104_em .. من يقووله ماانفختهن هذا انا مااتغيرة..

قلت لا يكون خبصت باحد قلت: انتي فلانه ..:blink:

قاالت:050104_em ايه وش بتس رتيج ..

قلت الحين انتي تلعبين على هنوود مثلا شاايفتن فووق جبهتي مكتووب ام هنود مثلاn)

قاالت:050104_em انتي اللي وش بتس شكلتس صااقعتن بشين هذا انا مااتغيرة

قلت : بالله انتي وحنوكتس شلوون طلعن لتس هالشدااقات ما امدااني شاايفتتس:puzzled:

قاالت:050104_em عاد هذا انا متغيرة ..<< مصره هي وشدااقاته

قلت طيب علمينن حتى حنا نبي ننفخ شديقااتنا ..ههههههه

قالت عمرتس مااصدقتي

<< زعلت ورااحت .. قلت زعلة جدي ..ابو هالشديقاات ياملا الفشش

ناافختهن ..

ولا عملية الغميزاات ههههههههه اخبره منين طلعن له هالغميزاات

الله لا يبلانا عااد انا اراقب افمه اشووف لا فتحته يطلع الخيط اللي يجر شدوقه وتطلع الغميزه

هههههههههه

هذا كله كووم وام فره كووم ثاني:)


هكاليووم جاالسين انا وخوياتي وهي توقف وحده كاانت تدرس معنا اول

قالت وحده من البنات ..

بناات شفن خشمه بووه شي متغير

المهم وحنا كلنا نقزه

يماار التفتت علينا وانفضخ قلبه

هههههههه

يووم جت يمنا تسلم .. وتسوولف والله ولا وحده معه ..


كلنا نطاالع لخشمه ..

هو به فناسه اول بس مهو مشووهه بالعكس عاادي


الحين سلة سيييييييف اول ماابوه عظم .. شلوون ركبت بووه عظم ..:a:


يااربي مقصقصته ياما قاالت بس...


الله لايبلانى ...

والله متهولتن من هالسالفه مااتوقعت تااصل لهالدرجه ..


ياحيي طرة علي شوشتي وانا منخرعه اعمل به شين ههههههههه


وهي مقصقصتن بخشمه يااما هو تاافلن العافيه ..:biggrin:


الله لا يبلانى ان شالله ... صتس ماابقى شين ..

ولحد يجينن مشوت... يقول الله جميل يحب الجمال ..

هذا غش وتغير في خلق الله ..

داامه مهي متشووهه ليه تلعب برووحه ..

بس العن بليسه خشمه سلة سيف كش وجه ..:)


الله لا يبلانى ..


برايفت ليوسف ..

يوسف لا تفهمن خطأ خشمك حاافظ عليه غديه يكمش من غير عمليات لا يسخط بك ربي:)

<< من زين خشمتس عاد



سوعال اخير قبل الختام جمع قرش <سمك> وشو ؟<< متحديتن ابوه

ابوي يقول قروش

انا اقوول قرشااات

ايهن الصح :)



يلا ما اطولش عليكوو ...


شييييييييييييييييييييييييييييييع

[الشمـــ نور ــــري]

حجز 111111111111

[الشمـــ نور ــــري]

ونااااااااااااااااسه اول مره ادر على موضوع اول وحده:452r:
وانا اشوف العالم تذبح عمره ع الحجز الاول اثر السالفه توّنس:)
رتاااج....
هههههههههه ياحرام الجامعه كله تعرفينه ولاتاخذين راحتج....

<___ودي والهوا ضدي...
عاد تدرين ودي اسوي خشمي بس اخاف ربي يسخط بي واتشوه...:fear:

بس مابوه احلا من خلقه ربي...
ربي لك الحمد والشكر....


رتووج تشكرات :d:

[بنت الجبل آخت القصيد]

رتيج


سالفه الكائن الغريب صارت معنا باول كليه
والبنات يعنني يااي صراخهن واصل القصيم :)

بس جت الدكتوره ودفسته برجله :)

احمدي ربتس والله انك محظوظه اللي مادخلتي تربيه

اثري التدريس مصيبه :(


هذا اولا ً

ثانيا / عمليات التجميل وصلت حائل

الله يستر مابقى شيء


تدرين بنت جيراننا بالروضه راجعه تقول لامه يمه بتفخ خدودي شوي وبرفع حواجبي فوق مني << تاشر على حواجبه

وبسوي غمازه هني وغمازه هني

وكل هذا سامعه ابلاته يسولفن كذا :)



حتى الوغدان كبرت يارتيج

ياشيب عيني





رتيج

مليت من الحفظ والتدريس :408r:

[ابو ضاري]

ماشاء الله عليتس ياريتاج

ابي جائزه للمواضيع الطويله انحرفن عيوني وانا اقرا

يازين سولافتس ياريتاج بس ليه هلون تجيبين وتحتسين على خشم خالي

هذا الخشم >>>>>>>>>>>فوق هام السحب

[ريتاج]

ونااااااااااااااااسه اول مره ادر على موضوع اول وحده:452r:
وانا اشوف العالم تذبح عمره ع الحجز الاول اثر السالفه توّنس:)
تونس حيل هههههههه اسألي مجرم << تغز على روحه

رتاااج....


هههههههههه ياحرام الجامعه كله تعرفينه ولاتاخذين راحتج....
ابد الابدات يااشين هالحاله والله شقى:)

<___ودي والهوا ضدي...
عاد تدرين ودي اسوي خشمي بس اخاف ربي يسخط بي واتشوه...:fear:
والله نفستس بس خاايفتن من ربي ..
بس مابوه احلا من خلقه ربي...
ربي لك الحمد والشكر....


رتووج تشكرات :d:

..... صح لساانتس والله مافيه احلى من خلقة ربي ..


لا هنتي يانواره عالمرور الرائع


شيييييييييع

[شنقل]

وسلموا

[أحمد]

تهاويل الجامعات


اول محاضره لي بجامعة الامام عام 1419هـ قسم علم النفس الدكتور تكلم خمس دقايق وباقي الحصة قام يقزره بالاشاراة ويشرلنا على ذباب بالقاعة ويقول ( في كل شبر جاسوس ) !!!

عادانا عرفت بالدعوه ياربي لك الحمد وفصلت ...

لاني لو درست وشديت حيلي صرت مثله عاد انا بدون علم نفس تخمن بعض المرات خخخخخ



تري مكاسي ريتاج وبالتوفيق

[ريتاج]

رتيج
عيونه التنتتيه..:)


سالفه الكائن الغريب صارت معنا باول كليه
والبنات يعنني يااي صراخهن واصل القصيم :)
لا عطرووش راعي شعورهن بعذر عين امهن
تخيلي ضب ناشبن بي يمه ما انام الليل ..
هو ما اصرخ الا لما يقرب لي << حاسبته باللحظات الحاسمه ههههههههههه

بس جت الدكتوره ودفسته برجله :)

احمدي ربتس والله انك محظوظه اللي مادخلتي تربيه
من يقووله بااتسر ينشبوون بتسبدي هالوغدان
كما ذبحت حديهم بس ورحت به بحد هالعنابر :)


اثري التدريس مصيبه :(


هذا اولا ً

اي والله انتس صااتسه

ثانيا / عمليات التجميل وصلت حائل

الله يستر مابقى شيء
هههههههههههههههههههههههههه
شفتي والله ماابقى شين مااسونه هالمهبل


تدرين بنت جيراننا بالروضه راجعه تقول لامه يمه بتفخ خدودي شوي وبرفع حواجبي فوق مني << تاشر على حواجبه
يااملي هذي من اوله جيبووه لروضتي<< اخلصي بالاول

وبسوي غمازه هني وغمازه هني

وكل هذا سامعه ابلاته يسولفن كذا :)



حتى الوغدان كبرت يارتيج
انا اشهد شفينن كبرة هههههههههههه

ياشيب عيني





رتيج

مليت من الحفظ والتدريس :408r:

اسمعي انا عندي لتس نصيحه من فضه



تعاالي عندنا معيده بالكليه ..


عشاان لا امسكونن مخاالفه تصيرين واسطه


نيهههههههاااااااااااي


يااملي تسبدتس مقدره شعووتس والله ..


شلون لو تدرسين ثانوي ..


والله هذا ام النكبه


لاهنتي عالمرور الرائع عطرووووش


شييييييييع

[ريتاج]

ماشاء الله عليتس ياريتاج

ابي جائزه للمواضيع الطويله انحرفن عيوني وانا اقرا
هههههههههههههههههههههههههههههههههههههه
اول مره من زمان ماكتبت
عاد هالمره انفلتت الله لا يبلاكم ..

يازين سولافتس ياريتاج بس ليه هلون تجيبين وتحتسين على خشم خالي
ايييييه رفع انت قصدك خشم خاالك ..
لازم يتبرع بنص خشمه لك تذكاار هههههه
هذا الخشم >>>>>>>>>>>فوق هام السحب

هههههههههههههههههههههههههههههههه

ان شالله دووم خشمه فووق هاام السحب ...

لا هنت يااعمي ابو ضاري عالمروور الرائع


شييييييييييع

[ريتاج]

وسلموا

وعليكم السلام والرحمه..:)

[ريتاج]

تهاويل الجامعات

اي والله تهااويل ونص وثلاث ارباع بعد:)
اول محاضره لي بجامعة الامام عام 1419هـ قسم علم النفس الدكتور تكلم خمس دقايق وباقي الحصة قام يقزره بالاشاراة ويشرلنا على ذباب بالقاعة ويقول ( في كل شبر جاسوس ) !!!
اويحي هذا منهي حيل هههههههه اجل ذباانه صاات جااسوس
عادانا عرفت بالدعوه ياربي لك الحمد وفصلت ...
انا من يومي ما اداني علم النفس احس مصيره للتنفيس << والله يا ام جبريل عوفتن به تعويف
الله يذكره بالخير..
لاني لو درست وشديت حيلي صرت مثله عاد انا بدون علم نفس تخمن بعض المرات خخخخخ
اي ربي ستر اشوى انك فصلت بس
ولا كان الحين تخانق معنا ..

انت ليه تعمل هااتس انت سويت هالحركه لانك تكرهن

هههههههههههههههه

استغفر الله العظيم الله لا يبلانى


تري مكاسي ريتاج وبالتوفيق

تري ماكسااات اخوي الجثري عالمرور الرائع ..


شييييييييييع

[ريتاج]

يوسف بالله وش تعمل بموضوعي ... احسك تطلع المحسنات البديعيه


اخلص رد ابي انام..n)

[يـــوسف]

ريتاج قصمن صك على خشمي المنتدى وعلق اتصالي بغيت ابتسي انقطع عني النفس :)











بعدين الحين السالفة بجامعة وبنات وسواقين باصات شيبان ومعيدات يحسبن نفسهم حاكمات العالم وبنات وحدتهن لامشت تقل عجينه من كثر ماهي تدق بالنعمه




خشمي وش دخله :za3lan:



وذكر خشمي بالماضوع يدل على انك مبيتتن النية وشغالتن شماته بخشمي وتبي تشوهين سمعته بعد ذكرك لسلة سيف ومدري وشو :wallah_hoo:







داامه مهي متشووهه ليه تلعب برووحه ..

بس العن بليسه خشمه سلة سيف كش وجه ..:)


الله لا يبلانى ..


برايفت ليوسف ..

يوسف لا تفهمن خطأ خشمك حاافظ عليه غديه يكمش من غير عمليات لا يسخط بك ربي:)





هين ياريتاج مستانستن بشوشتس اللي لو تقصينه نقص نص وزنك :3ajeeb:


<- يبرقع خشمه ببرقع طير زعلان خشمه ويبي ينام



والله ياريتاج انا ماني متهول الا من اللي نافختن شداقاته هههههههههه

با الله لو تنام على جنبه اليمين ويطيح خده اليسار على خشمه وبرآطمه وتموت


يعني وش يكتبون اسم القاتل بملف القضيه :)




بالعربي صايرتن دوبر ماهي بنت







مدري شنوح طرت علي هيفاء وهبي يوم سئلتي البنت :)





الله يعينتس ياريتاج ويوفقك إن شاء الله بدراستك وشدي حيلتس :)

[روح حايل]

ولحد يجينن مشوت... يقول الله جميل يحب الجمال ..



مارتن علي هالجمله في سالف العصر والآوان هههههههههههههههههههههههههههههه







اسمعي يارتيج يقول المثل ، اخرط أأد ماتقدر وحتئب على وش الدنيا :)


يالبيه يااول بس قال ايش قال جمال رباني :) << ياعمتو طيري بسسسسسس



الا مستوصف سلامات لهالحين يبيض السنون ولا قامو بس ينفخون الشديقات :)


عاشت رتيج ام شوشه :)

[ريتاج]

8
8
8
8
اشرقت الفله وانورة واستهلت وامطرة



كلوووووليييييييييييييييييييييييييييييييش






وووه ياجدي هالوجه بس ...





والله اني احبتس يالمرووحه .....




لي رجعه بااتسر ..

يووسف بااتسر على خير اشرح لك كش خشم

[هلآ الآسلميهـ]

هههههههههههههههههههههههههههههههههههههههه هه









سالفة ام شداقات مثل اللي عندنا بالجامعه ياويسي من كثر ماهن كربات عقب التنفيخ ماتقوى تضحك هههههههههههههه





الله لا يبلاني ..





وبعدين وش تبين بخشم ضنايا..؟؟


طالعن على اموه ومحد لوه شغل..


<< نص جسمه خشم والنص الثاني شدوق..



تقلبي تحياتي..

[جود الضياغم]

وعليكم السلام ورحمة الله وبركاته


يازينتس ياريتاج ويازين سالفتس


والله انا عندي يتعوتل بكوشتي الضب


ولا بنات الاقارب متحاشكاتن


الله لا يبلانا صحيح توه تنقعبهن بناتنا


هن وعمليات النفخ والتجميل وش هالجرئيه


حنا ياشفنا الابره قاملنا رعيد


الله لا يبلانا الحمد لله على خلقته0000

[الشبث]

يا هلا رتيج


عاد ابي افهم انتي وش غاثتس



بنات ويبن يصيرن مزايين هههههههههههههههههه



بالله روحي لام خشم اسعليه غدينا نلقا دوا ليوسف


ههههههههههههههههههههههه





الله لا يبلانا عااد انا اراقب افمه اشووف لا فتحته يطلع الخيط اللي يجر شدوقه وتطلع الغميزه


ههههههههههه


الله يقلع وجه العدو


البنت تسولف وانتي فاغرتن تراعين لافمه ههههههههههههههههههههههههه







مهويه كالعاااده يا رتيج



عوداً حميداً





ولو اني ......


ولا خلاص ههههههههههههههه




وتقلدي تحيتي

[شامان]

مرحبا يا ريتاج

والحمد الله ع السلامة

الله يهداك كاتبة المورس كلوووه

صابني شد عضلي وانا قاعد أقرأ

مامن لياقة .. جلدتينا جلد

تقول نذاكر اختبار نهائي من الجلده للجلده

ملاحظة : احلى شي اول يوم بالدراسة توقفين بالباب
تشوفين كل الطالبات
وبعدين تكررين نفس الموقف للكورس القادم
وتسجلين ملاحظاتك على النيووولوك n)

اهم الكائن الحي للحين ما طل بالفيس بوك مالوه بالفصل .. مطوّل يعني

[سلطااان السويري]

<< زعلت ورااحت .. قلت زعلة جدي ..ابو هالشديقاات ياملا الفشش

ناافختهن ..


ههههههههههههههههههههههههههههههههه

احسه طالعه من قلب

وبعدين مسويات تحافن من البريعصي

شوف عيني تجلغفنوه بالجزمه (وانتم بكرامه)العتيئه

لاهنتي ريتاج على هالسالفه

ثانكيو الوت <<<<<<<<< يفهم عنقليزي

[فوق الغمآم ~ْ ْ]

ههههههههههههههههههه



عآآآآآدتشي يآحبيبتشي







كل يوم أبو حآقه بتشوفي متل هيك حآلاآآآت أو أردى









رتيج شفتي العآلم آشكآل وآلوآن



أقبل الشتاء عآآآآآآآآآآد تبي تطلع الهوآيل








انا دوم مع النسخه الأولى << أي الشكل الأول بدون تغيرآت :d:

























خوش سوآلف يآملي << :d:

[حيل حليل]

انا اقول واجد قرش
يابنت الحلال اهم شي ان الواحد يفهم انك تقصد
اسماك قرش واجد <<<< صبه احقنه :)

الا ام شداقات وشي
شكله مضروسه اكا اليوم
وانتي تحسبينه مسويه سيلكون
لاتسيئين الظن اختي الكريمه :)

قطعه تقطع اكا الوجيه
يعني ما استحت من هالعمله
لا وحاطه غمازات بعد

مار الشين شين لو لبس ذهب <<<<<<<<< هو كذا المثل ولا انا واهم

رتيج بتشوفين اكثر
مار احمدي ربتس على نعمة العقل
وقولي الله لايبلانا


لاهنتي يالشيخه

[ريتاج]

ريتاج قصمن صك على خشمي المنتدى وعلق اتصالي بغيت ابتسي انقطع عني النفس :)






هههههههههههههههههههههه انا اقوول وش بووه اثريك بغيت تهفي







بعدين الحين السالفة بجامعة وبنات وسواقين باصات شيبان ومعيدات يحسبن نفسهم حاكمات العالم وبنات وحدتهن لامشت تقل عجينه من كثر ماهي تدق بالنعمه





خشمي وش دخله :za3lan:


يا ابن الحلال قلت هااتس عشاان ما اجرح مشااعرك وانا اتكلم عن الخشم ..


وذكر خشمي بالماضوع يدل على انك مبيتتن النية وشغالتن شماته بخشمي وتبي تشوهين سمعته بعد ذكرك لسلة سيف ومدري وشو :wallah_hoo:
هههههههههههه لا بس لا تبتسي انت خشمك سلة سيف موديل 2000
وفووق هاام السحب هههههههه








هين ياريتاج مستانستن بشوشتس اللي لو تقصينه نقص نص وزنك :3ajeeb:


شف

كش وجه انت اصلا مااتدي ان شوشتي سر بقاائي على قيد الحيااة ..
تأزرن بالحلوه والمره ..

<- يبرقع خشمه ببرقع طير زعلان خشمه ويبي ينام

ياملا النفره انت وخشمك ..

بس لا تنسى توكله قبل تنام هههههههههههههه


والله ياريتاج انا ماني متهول الا من اللي نافختن شداقاته هههههههههه


با الله لو تنام على جنبه اليمين ويطيح خده اليسار على خشمه وبرآطمه وتموت

هههههههههههههههههههههههههههههههههههههههه ههههه
هههههههههههههههههههههههههههههههههههههههه هههه

يعني وش يكتبون اسم القاتل بملف القضيه :)


تفكير منطعج ههههههههههه
/ ام شداقاات تلقى حدفها شهيدة الشدووق هههههههه/
استغفر الله العظيم الله لا يبلانى

بالعربي صايرتن دوبر ماهي بنت








مدري شنوح طرت علي هيفاء وهبي يوم سئلتي البنت :)


حيييييييييييييل:)



الله يعينتس ياريتاج ويوفقك إن شاء الله بدراستك وشدي حيلتس :)







ويااك يااخوي شااده بس عسى ربي يهون<< اي مرره:)


لاهنت يااوخيي عالمروور والدعوه


شييييييييع

[ريتاج]

مارتن علي هالجمله في سالف العصر والآوان
هههههههههههههههههههههههههههههه

ههههههههههههههههههههههه
رواااحه << عاضتن الارض
والله اني شريره هههههههههههههه







اسمعي يارتيج يقول المثل ، اخرط أأد ماتقدر وحتئب على وش الدنيا :)
عندك حئ ياحببتي ياروووح


يالبيه يااول بس قال ايش قال جمال رباني :) << ياعمتو طيري بسسسسسس
هههههههههههه .. انا جماالي رباني ماالعبت برووحي<< تسني مزيوونه
ههههههههههههههه



الا مستوصف سلامات لهالحين يبيض السنون ولا قامو بس ينفخون الشديقات :)


عاشت رتيج ام شوشه :)




لا وينتس تطورو غدو يعملوون عملياات تجمييل للخشش والفرر

لي يووم برووح اهستر بهم وارجع << كما لعبوبي ونفخت شداقااتي


لا هنتي رواااحه عالمروور الراااااااااااااااااااااااااااااااااائع

والتحــــــــــــــــــــــــفه


اهداء لتس ..

طبت اللي طيبها من طيب اهلها .. طبت اللي طيبها من طيب اهلها

يشهد اللهوالليالي شاهدااتي .. يشهد الله والليالي شااهدااتي

ورااا ورااا وراااا تنااااكس تناااكس..


شييييييييييييع لاحلى روووح

[ريتاج]

هههههههههههههههههههههههههههههههههههههههه هه









سالفة ام شداقات مثل اللي عندنا بالجامعه ياويسي من كثر ماهن كربات عقب التنفيخ ماتقوى تضحك هههههههههههههه
هههههههههههههههههه لولو يااحيي ما لاحظتي ضحكتهن
لامن الوحده ضحكت ودتس تتفلين بوجهه
الله لا يبلانى ماابلاهن

شينااااات << تلعب بروحه هالمزيونه:)






الله لا يبلاني ..
اي والله...





وبعدين وش تبين بخشم ضنايا..؟؟
وووووه ياابنت الحلاال بس عشاان مايتحسس
هههههههههههههه..ماار خشمه على الموضه << تلعب به


طالعن على اموه ومحد لوه شغل..
افااااا اثري البلا منتس تعقد الولد والسبه انتي
ههههههههههههههه


<< نص جسمه خشم والنص الثاني شدوق..
ههههههههههههههههههههه الله يخليلتس خشمتس وشداقااتتس



تقلبي تحياتي..
لاهنتي ياالولو الصغيره عالمروور الرائع

شيييييييييييع

[ريتاج]

وعليكم السلام ورحمة الله وبركاته
هلا والله وغلا بجوود


يازينتس ياريتاج ويازين سالفتس
يااملي انتي والله الازين توااجدتس ياابعد تسبدي


والله انا عندي يتعوتل بكوشتي الضب


ولا بنات الاقارب متحاشكاتن
هههههههههههههههههه
لا هذي ولا هذي
عااد انا دوبي من دووب الضب والبرعص
<< اخبر بنت عمتي نشب برقبته وعيا يفلته .. واذبحووه ورااسه متعلقن به
<< ههههههههههههههه


الله لا يبلانا صحيح توه تنقعبهن بناتنا


هن وعمليات النفخ والتجميل وش هالجرئيه
شفتي امصخن البنات شلوون تسمح لنفسه تغش الناس
يااربي بس افكر به ..
ماايخاافن من الله ..
الله يكفينا الشر


حنا ياشفنا الابره قاملنا رعيد



الله لا يبلانا الحمد لله على خلقته0000
اي والله الحمد لله على خلقه ..

لاهنتي يااجود عالمرور الرائع


شيييييييييييييييع

[ريتاج]

لي باااك ....:7ayyoh:

[ريتاج]

يا هلا رتيج
هلا والله بقائدنا

عاد ابي افهم انتي وش غاثتس



بنات ويبن يصيرن مزايين هههههههههههههههههه

لا ماايصير مزاين هااتس غش حراام واللي تعجن فرته من كثر ماتدهنه وتيتي تيتي رحتي مثل مااجيتي وهذوولن بلمحة بصر يغدن مزين

غششششششششششش<< نغثه حيييل


بالله روحي لام خشم اسعليه غدينا نلقا دوا ليوسف
تبي تقوول طبييعه مااتغيرة يااملا النفره

ههههههههههههههههههههههه





الله لا يبلانا عااد انا اراقب افمه اشووف لا فتحته يطلع الخيط اللي يجر شدوقه وتطلع الغميزه


ههههههههههه


الله يقلع وجه العدو


البنت تسولف وانتي فاغرتن تراعين لافمه ههههههههههههههههههههههههه


وش اعمل من الغبنه اللي اوجعت تسبدي ههههه




مهويه كالعاااده يا رتيج



عوداً حميداً





ولو اني ......
بتقول اني قطووع .. والله ادري وحقك على راسي من فووق بس والله متت من البحووث والجاامعه التبنه والله اني منشغله قد شعر راسي
يلا القى وقت انام <<قال وش يدريك انه كذبه قال من كبره:)
والله حتى امي صاايرتن مااتداني الالبتووب لاشللفتن لعنت خيري
والله العذر والسموحه

ولا خلاص ههههههههههههههه

خلاااااااص انتهيناااااااااا


وتقلدي تحيتي


يااهلا والله باخوي ابو ماجد ..



تشكراات عالمروور الرائع



تقلد شيعااتي

[ريتاج]

مرحبا يا ريتاج
مرحبا فيك يااخووي


والحمد الله ع السلامة
الله يسلمك ياارب هههههههه

الله يهداك كاتبة المورس كلوووه
ههههههههههههه من الغبنه واا اختك شينن يووجع التسبد وطلعته هههههه
يلاا ما اعووده مرتن ثاانيه

صابني شد عضلي وانا قاعد أقرأ


مامن لياقة .. جلدتينا جلد
انا عااد كاان قصدي اختب ليااقتكم ..<< تسني تسنني هووع هووع

تقول نذاكر اختبار نهائي من الجلده للجلده


ملاحظة : احلى شي اول يوم بالدراسة توقفين بالباب
تشوفين كل الطالبات
وبعدين تكررين نفس الموقف للكورس القادم
وتسجلين ملاحظاتك على النيووولوك n)
فعلا فعلا ههههههه مااعندنا غير القز وفلانه يااشبنه وفلانه ياملهه


اهم الكائن الحي للحين ما طل بالفيس بوك مالوه بالفصل .. مطوّل يعني

هههههههههههههه لا بعد ..

لاهنت يا اخوي شاامان عالمروور الرائع


شيييييييييييييع

[ريتاج]

<< زعلت ورااحت .. قلت زعلة جدي ..ابو هالشديقاات ياملا الفشش

ناافختهن ..


ههههههههههههههههههههههههههههههههه

احسه طالعه من قلب
من صماصيم قلبي بعد هع هع

وبعدين مسويات تحافن من البريعصي

شوف عيني تجلغفنوه بالجزمه (وانتم بكرامه)العتيئه
اف يااربي ناس مااعندهم احسااس انا اضربه بالجزمه

حراام تعووره واجد.. ارش عليه فليت ويموت بسلام << اقطميه

لاهنتي ريتاج على هالسالفه

ثانكيو الوت <<<<<<<<< يفهم عنقليزي


لا مرره لغته بعد بريطاانيه مااشالله


لاهنت يااخووي عالمروور الرائع


شيييييييع

[ريتاج]

ههههههههههههههههههه



عآآآآآدتشي يآحبيبتشي


ايييه يااملي هالفره :)




كل يوم أبو حآقه بتشوفي متل هيك حآلاآآآت أو أردى

عز الله انتس قلتيه كل يووم اشووف حاالات اردى من اللي قبل

الله لايسخط بنا بس:)







رتيج شفتي العآلم آشكآل وآلوآن
اشكاال والواان وبريااات ومسااحات واللي تبييين ..

صراااحه يااحبي للثانوي قمت البرائه بس

الحين تجيتس الوحده فرته اكشط واربح

والمكيااج فعلا دجاات قوز قزح هههههههههه

أقبل الشتاء عآآآآآآآآآآد تبي تطلع الهوآيل
ههههههههههههههههههههه
هقوتتس يعني ام شدووق تبي تنفش شدقووقه مثلا

ههههههههههه

والله كله كووم وام خشم كووم ثااني هقووتتس ييبس خشمه << ان يبس م عينتس:)




انا دوم مع النسخه الأولى << أي الشكل الأول بدون تغيرآت :d:


ووووه ياابعدي هذا الحتسي الزين سلمت انااملك فووق الغماام






















خوش سوآلف يآملي << :d:
يااملي هالخشه


خوووش مرووور ياابعد تسبدي


شيييييييييييع

[ريتاج]

انا اقول واجد قرش
يابنت الحلال اهم شي ان الواحد يفهم انك تقصد
اسماك قرش واجد <<<< صبه احقنه :)
لا قرشاات ابلغ واسرع بوصوول المعلوومه<< تكلفتي

الا ام شداقات وشي
شكله مضروسه اكا اليوم
وانتي تحسبينه مسويه سيلكون
والمضووسه كل شداقااته ينتفخن والنفخ يصير فوق
اخبر المضووسه يصير واحد من شدووقه يتدودل<< خبره
لا لا لا تحجج له اافختهن ياملا الفشش
لاتسيئين الظن اختي الكريمه :)
لاحوول جت امي الثانيه
لا لا لا تحجج له ناافختهن ياملا الفشش
قطعه تقطع اكا الوجيه
يعني ما استحت من هالعمله
لا وحاطه غمازات بعد
ايييييييه يااجرحي المكتووب في اول سطر بس
مار الشين شين لو لبس ذهب <<<<<<<<< هو كذا المثل ولا انا واهم
هههههههههههههههههه الشين شين لو تغسل بصاابون
رتيج بتشوفين اكثر
اكثر من هااتس الله يستر يااحبي لتس يالثانوي بس
مار احمدي ربتس على نعمة العقل
وقولي الله لايبلانا
اي والله والحمد لله والشكر والله لا يبلانى

لاهنتي يالشيخه
لا هنت يا اخوي عالمروور الرائع

شيييييييييييييع