المساعد الشخصي الرقمي

مشاهدة النسخة كاملة : وش البعير اللي مبرك بالصحن


جود الضياغم
28-10-2009, 20:31
السلام عليكم ورحمة الله وبركاته

وش البعير اللي مبرك بالصحن قدام الضيوف
ومعزب الضيفان غايب والعشى محدن كلاه
شفنا سنامه بالصحن مادري فقاره والكتوف
حضر البلد ماتكله والباديه ماتقبله
اليا وقف ماشاف واليا برك يمكن يشوف
وليا زعل حتى ضعيف المعرفه مايجهله

يله يا فطاحلة الالغاز وروني شطارتكم
وافي الزنيدي
29-10-2009, 03:41
وعليكم السلام ورحمة الله وبركاته

والله انه لغز جزل يالضيغميه ,,,
عندي رمعة على الطاير وش رايك بالرجل اللي يقاد الى ساحة القصاص للإعدام
الله يكفينا وياكم الشر
جود الضياغم
29-10-2009, 04:41
للاسف الشديد رمعتك غير صحيحه

ننتظر ك ياوافي برمعتن اخرى
ح.م.ي.د.الغفيلي
29-10-2009, 13:03
مسااااء الخير,,,,,

عندي رمعتين

الاولى/الدش (صحن الارسال الفضائي) الراس عبارة عن السنام والمواسير الحاملة له تعتبر

في مقام الكتوف او الفقار

والضيوف الاقمار الصناعية او القنوات......

واللي رفع راسة مايشوف (اذا رفع للاعلى مافي ارسال ) واليا قعد يمكن يشوف(اذا كان وجة الصحن شبة افقي يمكن يجي ارسال)

واذا خرب يوشوش (وضعيف المعرفة ماجهلة)

الثانية/ اي ختم مثل ختم العمدة
والله اعلم
جود الضياغم
29-10-2009, 16:00
صح لسانك يالغفيلي

فعلن هو الدش
ح.م.ي.د.الغفيلي
29-10-2009, 19:00
صح بدنك يابنت الضياغم