فواز الغسلان
28-10-2009, 20:20
انا ماقلت لك طيبي مثل ممدوح ابـن شعـلان=سليل اللي تشيـل الـثــقـل لا قـادت زماميلـه
ولاني في دروب الطيب واجواده مثـل راكـان=ولاني واصـل(ن)بالطيب والنخـوه مواصيلـه
ولا كل العرب تقدر تفاخـر فـارس العـجـمـان=مدامه شاخ بسباع(ن)سروج المجد مع خيلـه
ولاني بالـقـهــاوي فوق زيد وراعـي السبعـان=ولا عثمان ريف اللي زمانـه جادع(ن)حيلـه
ولاني مثل ابن هادي سليل المجد في قحطـان=ولا عزم المرضف يوم زاد الخصم فـي ميلـه
ولاني مثل ثقل رويل لا ساروا كمـا الجيـلان=هل العـطـفـه ربـيـع الـلـي زبنهـم عقـب تجفيلـه
ولاني مثل من ساق الذبيحه لاسحم السرحـان=ولا حطاب راع الجـوف لا قلـت محاصيلـه
ولاني في كرم حاتم وصبر جديع بـن قبـلان=او اللي صاح للضيفان عقب الثلث مـن ليلـه
ولاني طيب ابن جلعود ريف الجايـع البـردان=ولا وقفة خلف لاجـاه رجل(ن)يشتكـي ويلـه
ولاني بالبنادق حول كاسـب نقـوة الشلقـان=ولا سطوة عقاب الخيـل لا ثـارت رجاجيلـه
ولاني في صخى تـركـي وفـزعـة ربعـه العتبـان=ولاني مثل ابن ناحل مزون الوسم مـع سيلـه
ولاني في ثبات مطير لا ساروا مع الدوشـان=مثل جـطـلـي وابن لامـي اليـا دارت محاحيلـه
ولاني في نـقـى المنديل لا بانت لـي الغـزلان=ومعهن جادل(ن) تسحر خفوقي في مجاديلـه
ولاني مثل قاف عبيد والعوني وابـن هـدلان=وشعر اللي بحرف القاف ياصف لك معاميلـه
ولا النجدي ولا سعدون والقرقاح مع عدوان=ولاني بندر ابن سـرور لا ضاقـت مداخيلـه
ولا مثل القريفه يوم عـاب البخـل بالقيفـان=وقال الرزق رزق اللي يجينا الخير مـن كيلـه
انا رجل(ن)ستير الحال لا ثـروه ولا سلطـان=وعلمي ناقص(ن)بالناس لو حاولـت تكميلـه
ولا لي في بنوك الغرب لا عمله ولا عنـوان=ولا صيفت في باريـس مـع بـارق هـمـاليلـه
اعـيــش بـراتـبي يومين وابقـى عقبهـا طفـران=واداري كلمتي بالناس عـن هرجـة مـهـابيلـه
ولكني رفضت المال والثروه وانـا الكسبـان=مدامه من كفوف اللي نـوى للنفـس تذليلـه
اذا قلت الخبر بالناس جبت لهرجتـي برهـان=ولا اسولف مدام الناس ماتشفق وتصغي لـه
واذا شفت الغلط مني رجعت وقلت انا غلطـان=ولا ني ضايق(ن)ياناس من مسحـه وتعديلـه
واقول القول باسناده بلا زود(ن) ولا نقصـان=وغلق القاف مانحتار في فهمـه وتحليلـه
وعند الحكم لاهل الطيب حكمي يضبط الميزان=وراع الصدق مانسكت على مـن راد تجهيلـه
ورجل(ن)عاش بالحيلات يسكن حفرته خسران=ولا يمشي كلام الزور مهمـا رمـت تجميلـه
واذا شفت العرب خاضوا بعرض فلان ثم فلان=اعاف اللي بعرض النـاس سلـواه وتعاليلـه
هوان الشعر عند اللي يتابع شاشتـه طربـان=تحاكي واحد(ن)طربان مـع نغمـة مواويلـه
انا كيف ارفع المثبور مع رتبة رفـاع الشـان=واحط اهل الطرب والرقص مع قاري تراتيلـه
وكيف اجمع رجال الطيب واللي تفتح البيبـان=مع اللي يشتكي بابـه عنـاه وكثـر تقفيلـه
انا لو نمت ليل الشبط في وسط الخلا جيعـان=وعشت العمر بالخليان مـع ضايـع مخاليلـه
اخير من المنام اللي يذيقـك حفـرة الحقـران=وعز النفس راس الربح عـن ذلـه وتفشيلـه
واذا كان الزعل كله سبب مدحي صخى الويلان=مدحت اللي تشيل الثقل ماترتـاع مـن شيلـه
ويشهد لي جميع اللي يهاب الكذب والبهتـان=بمن حازوا جديد المجد كلـه مـع مساميلـه
جملهم في نهار الكون فيـه القيـد للشجعـان=ولا يغويك خرط اللي خذتكـم فـي تهاويلـه
شيوخ(ن)تنجب الفرسان مثل جديع مع مشعان=ومثل محمد ابن سمير راع المجد فـي جيلـه
وفيهم ساجر اللي صار مدعاة(ن)على الذيـدان=ولا تسمع لمن يجمع خبولـه ثـم يفتـي لـه
وفيهم مثل ابن عيده عطوف الجوف باليتمـان=من اللي تكرم الجيران بالحشمه وتوصي لـه
وفيهم مدخل المطلوب في بيته مثـل عمـران=ولولا شيمة الويـلان مايسلـم مـن الغيلـه
ومن يقدر على جحدان شيخ(ن)بان بالفدعـان=شيوخ(ن)تدعي الضيفان بالظلماء وتومي لـه
اخاف الظلم حيث الظلم ظلماء ياهل العرفـان=ولا يظلم هل المعروف رجل(ن)يرتجـي عيلـه
وترى الاقوال دون افعال ماتروي ظمى العطشان=ونور الشمس مايخفيه رجل(ن)حـط منديلـه
ضنى الويلان ماتحتـاج للفزعـات ياكوبـان=وبالفرقـان ماتعتـاز توراتـه مـع انجيلـه
عطيتك فلم فيه العلم عقـب الحلـم يانعسـان=وهوش الزلم وقت السلـم ماتخفـى مهازيلـه
حروف(ن)ثابته كالشمس في تاريخ ابن غسلان=ومن يزعل مهو مجبور يسمع له ويوحي لـه
ولاني في دروب الطيب واجواده مثـل راكـان=ولاني واصـل(ن)بالطيب والنخـوه مواصيلـه
ولا كل العرب تقدر تفاخـر فـارس العـجـمـان=مدامه شاخ بسباع(ن)سروج المجد مع خيلـه
ولاني بالـقـهــاوي فوق زيد وراعـي السبعـان=ولا عثمان ريف اللي زمانـه جادع(ن)حيلـه
ولاني مثل ابن هادي سليل المجد في قحطـان=ولا عزم المرضف يوم زاد الخصم فـي ميلـه
ولاني مثل ثقل رويل لا ساروا كمـا الجيـلان=هل العـطـفـه ربـيـع الـلـي زبنهـم عقـب تجفيلـه
ولاني مثل من ساق الذبيحه لاسحم السرحـان=ولا حطاب راع الجـوف لا قلـت محاصيلـه
ولاني في كرم حاتم وصبر جديع بـن قبـلان=او اللي صاح للضيفان عقب الثلث مـن ليلـه
ولاني طيب ابن جلعود ريف الجايـع البـردان=ولا وقفة خلف لاجـاه رجل(ن)يشتكـي ويلـه
ولاني بالبنادق حول كاسـب نقـوة الشلقـان=ولا سطوة عقاب الخيـل لا ثـارت رجاجيلـه
ولاني في صخى تـركـي وفـزعـة ربعـه العتبـان=ولاني مثل ابن ناحل مزون الوسم مـع سيلـه
ولاني في ثبات مطير لا ساروا مع الدوشـان=مثل جـطـلـي وابن لامـي اليـا دارت محاحيلـه
ولاني في نـقـى المنديل لا بانت لـي الغـزلان=ومعهن جادل(ن) تسحر خفوقي في مجاديلـه
ولاني مثل قاف عبيد والعوني وابـن هـدلان=وشعر اللي بحرف القاف ياصف لك معاميلـه
ولا النجدي ولا سعدون والقرقاح مع عدوان=ولاني بندر ابن سـرور لا ضاقـت مداخيلـه
ولا مثل القريفه يوم عـاب البخـل بالقيفـان=وقال الرزق رزق اللي يجينا الخير مـن كيلـه
انا رجل(ن)ستير الحال لا ثـروه ولا سلطـان=وعلمي ناقص(ن)بالناس لو حاولـت تكميلـه
ولا لي في بنوك الغرب لا عمله ولا عنـوان=ولا صيفت في باريـس مـع بـارق هـمـاليلـه
اعـيــش بـراتـبي يومين وابقـى عقبهـا طفـران=واداري كلمتي بالناس عـن هرجـة مـهـابيلـه
ولكني رفضت المال والثروه وانـا الكسبـان=مدامه من كفوف اللي نـوى للنفـس تذليلـه
اذا قلت الخبر بالناس جبت لهرجتـي برهـان=ولا اسولف مدام الناس ماتشفق وتصغي لـه
واذا شفت الغلط مني رجعت وقلت انا غلطـان=ولا ني ضايق(ن)ياناس من مسحـه وتعديلـه
واقول القول باسناده بلا زود(ن) ولا نقصـان=وغلق القاف مانحتار في فهمـه وتحليلـه
وعند الحكم لاهل الطيب حكمي يضبط الميزان=وراع الصدق مانسكت على مـن راد تجهيلـه
ورجل(ن)عاش بالحيلات يسكن حفرته خسران=ولا يمشي كلام الزور مهمـا رمـت تجميلـه
واذا شفت العرب خاضوا بعرض فلان ثم فلان=اعاف اللي بعرض النـاس سلـواه وتعاليلـه
هوان الشعر عند اللي يتابع شاشتـه طربـان=تحاكي واحد(ن)طربان مـع نغمـة مواويلـه
انا كيف ارفع المثبور مع رتبة رفـاع الشـان=واحط اهل الطرب والرقص مع قاري تراتيلـه
وكيف اجمع رجال الطيب واللي تفتح البيبـان=مع اللي يشتكي بابـه عنـاه وكثـر تقفيلـه
انا لو نمت ليل الشبط في وسط الخلا جيعـان=وعشت العمر بالخليان مـع ضايـع مخاليلـه
اخير من المنام اللي يذيقـك حفـرة الحقـران=وعز النفس راس الربح عـن ذلـه وتفشيلـه
واذا كان الزعل كله سبب مدحي صخى الويلان=مدحت اللي تشيل الثقل ماترتـاع مـن شيلـه
ويشهد لي جميع اللي يهاب الكذب والبهتـان=بمن حازوا جديد المجد كلـه مـع مساميلـه
جملهم في نهار الكون فيـه القيـد للشجعـان=ولا يغويك خرط اللي خذتكـم فـي تهاويلـه
شيوخ(ن)تنجب الفرسان مثل جديع مع مشعان=ومثل محمد ابن سمير راع المجد فـي جيلـه
وفيهم ساجر اللي صار مدعاة(ن)على الذيـدان=ولا تسمع لمن يجمع خبولـه ثـم يفتـي لـه
وفيهم مثل ابن عيده عطوف الجوف باليتمـان=من اللي تكرم الجيران بالحشمه وتوصي لـه
وفيهم مدخل المطلوب في بيته مثـل عمـران=ولولا شيمة الويـلان مايسلـم مـن الغيلـه
ومن يقدر على جحدان شيخ(ن)بان بالفدعـان=شيوخ(ن)تدعي الضيفان بالظلماء وتومي لـه
اخاف الظلم حيث الظلم ظلماء ياهل العرفـان=ولا يظلم هل المعروف رجل(ن)يرتجـي عيلـه
وترى الاقوال دون افعال ماتروي ظمى العطشان=ونور الشمس مايخفيه رجل(ن)حـط منديلـه
ضنى الويلان ماتحتـاج للفزعـات ياكوبـان=وبالفرقـان ماتعتـاز توراتـه مـع انجيلـه
عطيتك فلم فيه العلم عقـب الحلـم يانعسـان=وهوش الزلم وقت السلـم ماتخفـى مهازيلـه
حروف(ن)ثابته كالشمس في تاريخ ابن غسلان=ومن يزعل مهو مجبور يسمع له ويوحي لـه