آشوف (صورتك) ويآكثر مآجيت آبمسحهآ ؟ آخليهـآ ..

[نداااوي الشمال]

http://img206.imageshack.us/img206/5844/alslamea9.gif




الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا






ياللي جفيت وجفـاك المـر .. ذابحنـي
عقبك وجيـه البشـر .. مانـي بدانيهـا





من يوم حبك .. غزى القلـب وتملكنـي
قطعـت كـل العـلاقـات وطواريـهـا





اقـرى رسايلـك ودموعـي تسابقـنـي
وارد ! واقرى الرسايل .. واحتفظ فيهـا





انت آخر انسـان هاقـي منـه يصدمنـي.
والظاهـر ان هقوتـي بانـت مواريـهـا







لـو الوصايـا ليـا احتديـت ! تنفعنـي
ياكثـر نـاس ٍ علـى ذودي بوصيـهـا






ليت الفـرح ( بنـك ) لاجيتـه يسلفنـي
واقاصده ( راحتـي ) وحقوقـه اوفيهـا





من كثر ماكنـت ! جارحنـي وظالمنـي
قمت اعزل جروحـك بقلبـي واسميهـا





تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا




تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا




بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟






مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا





يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا







اهديتك : دمـوع مـن طعنتـك تحرقنـي
وانـت اللـي تستاهـل الدنيـا ومافيهـا




واهديتني جرح .. موجعني ؟ وعاجبني ؟
لــن الهـدايـا عـلـى مقدار مهديـهـا




صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا




مفضوح ؟ راع الهيام .. ونظرته !! تغني
ملامحه واضحه ! , في وجهـه راعيهـا





لكـل داء ٍ دوا .. لـو هــو متعبـنـي
إلا محبتـك ؟ .. أعيـت مـن يداويـهـا





ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا





فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا






مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيهـا




اخاف لاحبنـي غيـرك ؟ .. وعاشرنـي
يشوف صورتـك فـي عينـي ويوحيهـا





نشدت عنك ؟ وسمعـت اللـي يفرحنـي
وارتاح صـدري مـن همـوم ٍ يحاتيهـا






تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا






مـن يـوم ماغبـت ! والوحـده تعذبنـي
اقرى ( رسايلك ) في حرقـه والاحيهـا







اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا




..



رآقـت لـي!!











http://www.oman0.net/forum/picture.php?albumid=159&pictureid=1036

[ناصر الشمري]

الصـوره اللـي ( بجوالـي ) تعذبـنـي
ياكثـر ماجيـت ابمسحهـا ! واخليـهـا
-----------------
فارقتنـي وضحكتـك عيـت تفارقـنـي
والله يلعـن ابــو الفـرقـا وطاريـهـا
-----------
اشوف ( صورتك ) .. ودموعي تسابقني
وياكثـر ماجيـت أبمسحهـا ؟ وأخليهـا

قويه قويه قويه قويه قويه قويه

صح للسسسسسسسانك نداوي قويه على طول حفظ في المفضضضضله لاهنتي والله القصيده قويه معبره ومحزنه وتبكي بعد باين عليها حب من قلب وجاء بعدها فرااااق وحسسره على الفرقى


صح للسسسسسانك وذووقك نداوي حضضور قوي ماشششاء الله عليك لاهنتي

[شموخ شمالية]

صحيح ! ( حنا انتهينا ) .. بس صدقني !!
والله ان تبقى ( هوى روحـي ) وغاليهـا




رااااائعه كـ روعة حضورك ياالغاليه
لاهنتي والله على نقلك واختياااارك الراااقي

الله لايحرمني وجودك

لكِ كل الغلا

[صلفيق]

تـدري وش اللـي يبكينـي ويضحكنـي
انـك محـامـي قضيتـنـا وقاضيـهـا




تدري متاك ؟ تعـرف قـدري وتفقدنـي
لارخصت نفسك ,, لشخص ٍ مايراعيهـا




بكـره الا هملـوك الـنـاس تذكـرنـي
وتقول عـزاه : عينـي مـن يداريهـا ؟






مدام غيـري ؟ علـى قلبـك مشاركنـي
وش هـو لـه ؟ اعلـق الأمـال وابنيهـا





يكفينـي انـك رحلـت ومنـت عايفنـي
هذا عـزا النفـس مـن كثـرة بلاويهـا

كلمات رائعة .. واختيار راقي .. ونقل رفيع
ماأقسى الرحيل...!

شكرا لك أختي نداوي
جلب مفيد وراقي
لاهنتي على هذه الذائقة باختيارك لهذه القصيدة

والله يهني كل غالي وغاليه ، ولا يجيب فراق


احترامات لك

[سيف الدولة]

نداااوي الشمال
رااااائعه كـ روعة حضورك
لاهنتي والله على نقلك واختياااارك الراااقي

[نداااوي الشمال]

مشكورين على حضوركم الطيب
لتواجدكـمـ جماال خا اص
ولحرفكـمـ تميز خااص
الابداع هو مروركمــ الراقي
وتواجدكـمـ الغالي
الذي يعبق أحساسكم أختي شموخ شماليه


أخوي ناصر الخبر


أخوي صلفيق


أخوي سيف الدوله




لكم ارق التحايا


مع كاامل الود

[-------]

تبي تعرف ! وش ؟ على الفرقا مصبرني
انـك بخيـر .. وحياتـك مهتنـي فيهـا

نقل وجلب جميل جدااا

تسلم يدينك