السلام عليكم ورحمة الله وبركاته

[عتيبي]

السلام عليكم ورحمة الله وبركاته

صبحتوا بالخير صبحا ومسيتوا به مساءا

اخوكم العتيبي عضو جديد في المضايف عساكم بس ماتطردون الاجناب :)

اذا كان الجواب لا ماتطردون الاجناب فاسمحولي اطلب منكم قصيدة نوره بنت رشيد يوم طلعت من حائل واللي مااحفظ منها الا هالبيت وفيه شكه بعد

غدروبنا كاسبين الفضيحه * جهال بدون ماتعرف التيمم

ولكم الشكر ولكم والقهاوي الشقر

[محمد الربع]

يا هلا وغلا اخوي / عتيبي

واسفرت وانورت

والله ابرك الساعات وجودك معنى


واعذرني ما اعرف القصيدة

[عبدالله الجعيثن]

على طلال مخيلت مخايل...يوضي سنا برقه على الجرداوي
.....الى ان قال...
العينبوا من رد عن محرابها...يوم انجلى الستر عن مضاوي

مراحب ياولد روق
وهلا مليوووووون بين اخوانك..

تحيات اخوك الغازي

[ضحوي الاسلمي]

ياهلا بك ياغالي
وانت بين ربعك وجماعتك

القصيده انا اعرفه بس مااحفظها كلها واعذرنا

ياحيف حايل فارقن ريح شيحه
بذيك الشقايا تقل ماقيل لي سم
من اول نامر تجيب الذبيحه
واليوم ياعبد الندم صرت لي عم
خانوا بحايل كاسبين الفضيحه
واهل العمايم جعلهم في جهنم
نوره انا اخت الشيوخ ا الفليحه
اوي حاكم واخوتي صفوه الجم


وتقبل تحيات اخوك ابو عذاري

[عتيبي]

محمد الله يخييك معذور ويكفينا ترحيبك

الغازي ما كل عتيبه روق :) انا برقاوي وان بغيتني روقي مايختلف من الطيب شي

ابو عذاري الله يبقيك ونشكر لك اجتهادك

مسيتوا بالخير كلن باسمه :)

[عبيد الزقروطي]

ياهلا ومرحبا بك يااخ " العتيبي "
حياك الله بين اخوانك .
زاد النور بوجودك.

واعذرني مااعرف القصيده...
بس ابي انشد عنها علني القاها .

[عتيبي]

لا هنت يالزقروطي الله يخليك لمغليك