لا تفوتكم سالفتي يوم صرت داعيه

[جود الضياغم]

السلام عليكم ورحمة الله وبركاته بداية سالفتي ولاانا مطوله عليكم كعادتي كل يوم قاعده اتصفح النت ومن غير مادري طحت بموقع دردشه قلت خلني اشوف وش عندهم ويليتن ماشفتهم ولا جيتهم اثريهم طايحين مغازل كلام شيب الراس جيت ابطلع قلت لنفسي وليه مااصير داعيه ودعيهم للخير واكسب اجر وانا كان عندي شوي معلومات عن كيفية الدعوه قمت بداية الموضوع اذكرهم بالله والعقاب والحساب وتريني كثرته شوي قامو كل الي بالشات ينكتون علي بصراحه صرت مصخره لهم وانا اعصب اقوم اذكرهم بالموت ونزعة الروح وعذاب القبر اتريني خربته عليهم قامو كل الي بالشات من شباب وبنات يقولولي كلام بحياتي كله ماسمعته كلام مايخدش الحياء الا يطعنه نعلبو حيهم كلهم علي ولا واحدن منهم قال وشتبونبه اتركوه ماقالت الا كلام الخير وانا عاد اعصب حييييل وانا قشرا ليا عصبت وانا اقوم ادعي عليهم دعوه ورا دعوه كل وحده اشين من الثانيه ومدري وشنوحي جتن رجافيه وضيقه وانا اسكر الجهاز والعبره بحلقي شوي ولا ابكي قلت لنفسي يعل ماعاده هالدعوه البلشه يوم جيت ابنام عيوني على الجهاز تقل ذيب رابضن عندي ياربع يورالي تقل مغضورين الشباب يبون يطلعون علي منه مالكم بطويله المهم طلعت الجهاز ونمت نومة عدوك كله كوابيس صحيح الدعوه تبي قلبن قوي 00000 وسلامتكم

[يـــوسف]

وعليكم السلام ورحمة الله وبركاته


وآآآعزتي لتس ياجود بغيتي تروحين بخبر كانا ههههههههههههههههههههههه


أنا والله ياجود أدخل شات من أول كنت مدمن عليه بشكل يومي بس يارب لك الحـمد الحين مابين فتـره وفتره


وشوفي اللي يدخلون الشات بالذات الفتره هذي مراهقين ومراهقات وعنوانهم [ ابي اتعرف ]


أذكر قبل كم سنـه كانت البنت تستحي تروح خاص مـع ولد

الحين يارب دخيلك والله بعضهم هي تحارش الولد هههههههههههههههههه


وإنتي ماقصرتي جزآتس الله الف خير والشي اللي سويتيه ماهو سهل لأني مجرب هالشي والله :thumb:



ودعاويهم ناكستن عليهم إن شاء الله وإنتي بإذن الله مالتس الا الأجر .




وش اسم الشات <- حافظن الشاتات كله ههههههههههههههههههههههههه





علميني براسي منآقر طردوني هالضحىا من شات ومندبلتن قاعة تسبدي :)









حيآتس الله يالداعيه جود خليتس حولنا بس والبنت اللي به خير ودنا انه تكون بينا متواجده دايم وانا أخوتس










<- ياكثر حتسيوه :)

[جود الضياغم]

وانا اختك نسيت اسمه من الخرعه ولا ودي يمر على احد الي مر علي صحيح اترك الترك يتركونك 0000

[صعوة فسفورية]

جود

مستحيل نصلح الكون

والله يهديهم

مير انا مادانيها هالشاتات

ع قول يوسف .. كلهم مراهقين ويتميلحون

جزاك الله خير اختي

[جود الضياغم]

كان ودي اسوي خير بس الضرب بالميت حرام
لكي مني كل الشكر

[يـــوسف]

صحيح مانقدر نصلحه ياصعوه


بس مو حل اني اسكت واقول مااقدر اصلحهم



لو كل شخص شاف شي وسكت وهــو قادر يتكلم كان ضعنا ورحنا بعين امه :)




والتميلح بكل بمكان واختلف معك بأنك حددتي الشباب بس



البنات هــم اللي يتميلحون بشكل غير طبيعي والبنت بيدها تفتح للشباب باب عليها وبيدها ماتخلي لأحد مدخل





:)















<- فاضي ويبي يقرقر :)

[الحيمري]

المثل يقول
ابعد عن الداب وشجرته وانا اقول ابعد عن الشات ومراهقينه
واكبر مرض مستعصي في ذريه بني ادم هو سن المراهقه اناث وذكور ولا لقو بالعالم لهذا المرض علاج اللا الدعواة الصالحه والملاطفه بالكلام

وانت ان شالله ماجوره من عند الله

[شامان]

جود الله يعطيك العافية وما قصرتي

وكلّن يعمل بنيته

بالنسبة للشات هذا جزء مرتبط باستخدام الانترنت بشكل عام

وكل مكان فيه الصالح وفيه الطالح

والمعروف عن الشات انه مجالس وين ما تروح تحصل اللي يجوز لك كلامه واللي ما يجوز

والظليمه شينة بامكانك تغيرين من شات لي شات والا من روم لي روم

لين تحصلين على أناس يعجبك تفكيرهم وترتاحين لهم

يعني بالعربي مثل هالمنتديات مواضيع تعجبك ومواضيع لا

وردود تحب تقراها وردود لا ... وكلام يخدش الحياء وكلام يرقى للذوق العام

المهم // الظاهر حظك ونيتك تصادموا لحظتها قلتي هذا الحظ وين وداني

وا تركتيهم وطلعتي مشيتي ورى نيتك وعملتي بأصلك الطيب قلتي أنصحهم

وما عليه هاردلك

وسلامتكم

[الشبث]

وينهم هذولا



ابي اجمع الزقرت اللي هنا ونباغتهم مباغته



ما ينفع ندعي لهم هالوجيه



نبي تشتيم


<< من جيل اول حق خراب











الله يجزاتس خير اي جود منتي مقصره سويتي اللي عليتس


وهم الله يصلحهم ولا الله يقلعهم حديهن





وتقلدي تحيتي

[ابو ضاري]

الله يعطيك عافيه ياجود

الدعوه وانا اخوتس لها اسلوب واسلوب الشباب والبنات لازم تدخلين عليهم باسلوبهم حتى

تتمكنين منهم

والله يكافيتس على نيتس ان شاء الله

[عبدالله الجعيثن]

جود




هلا بتس




الشات........وشو هذا؟



تسانه يوكل ... ارسلي لي منه




بس لاتكثّرين الشطه

[ام خماس]

اي شات ؟؟:)

كنت ادخل ولكن اعتزلتها لاسباب لايعلمها الا الله .. ونعم بالله ..

بصراحه الشات الحين كلها من 16 وتحت ولا شيبان انهبلوا .. على كبر ..

على العمووم جوود الله يثبتك ويعافيك ...

[جود الضياغم]

بسم الله الرحمن الرحيم مشكورين يا عزوتي على رفع معنوياتي وتهقون استمر بالدعوه ولا ابطل 000000 امزح والله مااعوده

[ام خماس]

البنات هــم اللي يتميلحون بشكل غير طبيعي والبنت بيدها تفتح للشباب باب عليها وبيدها ماتخلي لأحد مدخل << كل شي على رووسنا وفيه شباب مايتركوونك بحالك :)

[جود الضياغم]

لا والله يا خوي عبد الله ما ينوكل حنضل الله يكفيك شروه واحتمال انوه مرض معدي

[جود الضياغم]

فعلن ياخيتي يام الهكي انا اعتقد ان الملومه هي البنت وهي الي تفتح الباب لهذي المواضيع

[راقيه الجزائريه]

أختي الحبيبه انتي عملتي اللي عليك
ومثل ما قاله أخوي الضاري لازم اسلوب
حتى يستمعون لك
كان الله في عونك...

[ابو فارس]

وش رايك بعد تروحين لمقهى ابو هيثم
وتمسكين الميكرفون وتلقين خطبة؟





الشات يحتاج الى شخص يفهم بوضع الشباب ثم يدخل عليهم باسلوب محبب لهم

لكن في الغالب ان الشات فوضى عارمة
-----------------
الا وين انت رايحة؟


يلا قدامي على مضيف
كل ما يتعلق بأمور الدين الحنيف (http://www.shmmr.net/vb/f19.html)
واطرحي مواضيعك
وابشري باللي يقرأ ويدعي لك مو عليك

الله يكتب اجرك--قلبها جد

دمت بخير

[غالب]

يعني تبين طبه وأعميتيه
ههههههههههههههههههههه


واستلمي سلامي

[حيل حليل]

يابنت الحلال من يدخل الشات الحين
اكثرهم مرضى
ماغير ولكمووووووووووو ويسلموووووووووووووووووول

ناس فاضيه من جد :)

لكن ماعليك انتي سويتي اللي عليك وبريتي ذمتك
احتسبي الاجر وانا اخوتس

لاهنتي يالشيخه

[جود الضياغم]

غلطه وصارت عشان اخذ درس ومشكور اخوي حيل حليل تصدق بيني وبينك حيييييل تشبه ولد خالتي

[يـــوسف]

ولا شيبان انهبلوا .. على كبر ..





عز الله صدقتي ياأم الهكي ولاهانت برآطمتس ههههههههههههههه



الشايب اذا انسفه على كبر مصيبه

[ريتاج]

ههههههههههههههههههههههه
ههههههههههههههههههههههههههه
هههههههههههههههههههههههههههههه

جود اما تطلعينه الجيهاز ..


طرالي دبدووب جااين من خاالتي هديه ورازته عندي بالغرفه


وسمعت ساالفه الدب اللي ينظف بيت مره << جايبينه فيزة شغاله


وانا اقووم اقرشعه من غرفتي هههههههه



<< الذله بنت حلال




سالووفه ولا احلى ..



جوود من جد اسلووبك حلو الى الاماام ...<< تقل مدرسة رياضيات



شييييييييييع

[جود الضياغم]

تسلم اخوي سناعيسو يومنا بهذيك المعركه سميته معركة الشات قمت اتنخا سناعيس يتمان ولامن مجاوب

[جود الضياغم]

مشكوره ريتاج صحيح الذله بنت حلال خذيت ايام وانا مزاولتن الجهاز

[شرهه]

هلا جويده



بالله تقولينه صاددزه؟






إهبوا ولاذلوا من حتسيك







بعد قلوب





الله يجزاك الخير و يعطيك على قد نيتك




تحيآتي

[جود الضياغم]

هلابتس شريهه والله لا ذلو ولا شين تقل احتسي على جدران قلوب ميته بعيد الشر عنا