يالله ياللي تسجد الناس لرضاه

[نداااوي الشمال]

http://www.fesal.net/cardsm/1578.jpg













يالله ياللي تسجـد النـاس لرضـاه




ياوامـر خلقـه علـى حـج بيتـه




تفرج لمن سده على الناس ما ابداه




راضي على مقسومك اللي عطيتـه




من شن يسل الحال والجسم يبـراه




والنـاس مايشفونـه إن ماشفيـتـه




قلت آه واجرحـاه مـن خلتـي آه




وإن حملونـي حمـل غـي قويتـه




قالوا سفا بالحال ويش اللي أغـواه




قلت آه ويش المنكر اللي وطيتـه؟




قالوا جهلت وبـان علمـك لمنهـاه




قلت آه علمـي يامـلا مـا كميتـه




قالوا طلبنـا لـك مـن الله معافـاه




قلـت آه وحدتـه وعفـوه رجيتـه




قالوا هله وأحباب عينـه نصحنـاه




قلـت آه هـذا واردٍ مـا بغيـتـه




قالوا ندور لك من البيـض حليـاه




قلت آه لـو غيـره بكفـي رميتـه




قالوا نشاش العـود مالـك بلامـاه




قلت آه عود المـوز بإيـدي لويتـه




قالوا تـزوج كـود تدلـه وتنسـاه




قلت آه لو خذت أربع مـا نسيتـه




قالوا من أقصى الناس وين أنت وياه




قلت آه ما أنسى يوم جاني وجيتـه




قالـوا نشوفـه عنـد هـذا وهـذاه




قلت آه عمره ماعقب حجـر بيتـه




قالـوا عليـلٍ ناقلـن داه بــرداه




قلت آه بأقرابـي وروحـي فديتـه




قالـوا نشيـر ولا نفـع ماحكينـاه




قلـت آه هـراج النمايـم عصيتـه




قالوا كثـر شيبـك وقلبـك بعميـاه




قلت آه لـو قلبـي غريـر نهيتـه




مطـاوعٍ قلبـي بعجفـاه وإقــداه




وإلى عطى منهـاج دربٍ عطيتـه




يانـاس خلـوا كـل وادٍ ومجـراه




قلتـوا كثيـر وقولـكـم مالقيـتـه







الـــشـاعــر الــوجــدانــي
عبدالله بن حمود بن سبيل

[ابو فارس]

يكفي هذا الشاعر
ان شعره بقي الى هذا الوقت ويتداوله الناس بينهم

بجد مثل هذا ظاهر لم تمر مثل غيره

سلمت يمينك
دمت بخير

[هلآ الآسلميهـ]

القصيده هذي موجوده بشريط لوحه من الماضي الجزء الثالث..




والشريط رائع وفيه قصائد جزله ....



اتمنى من الجميع سماعه..



شكراً...

[صلفيق]

http://www.10share.net/upfiles/dot25699.jpg (http://www.10share.net/)
http://www.omania2.net/avb/attachment.php?attachmentid=40677&d=1208881756

[ناصر الشمري]

صح للسسسان الشاعر ولاهنتي على النقل اختي بارك الله فيك

[راقيه الجزائريه]

اختي الغاليه نداوي الشمال
جميل ما نقلته لنا بارك الله بك ياغاليه
...احترامي لك,,,

[عبدالله الجعيثن]

اخي العزيز



نداوي..........والنداوي مذكر وأستغرب من رد "اختي"





شكرا لك لهذا الجلب الرائع

[شموخ شمالية]

ابيآآآآت جميله وأختيآآآر راااقي
صح لسان الشاعر ولاهان الناقل

لاعدمنا تواجدك الكريم




أحترآآآآآآآآآآآمي