مبارك السبيعي
23-09-2009, 17:36
يارفيع الشان ياعالمن سر الغيوب = والكواكب في فلكها تدور لحالها
منشين غر المزون و زعاجيل الهبوب = باسط البيداء ومرسي ثقال جبالها
خالق الاجسام والدم تدفعه القلوب= كل الاعضاء بالجسد قايمه باعمالها
محصي اعمال البشر في الحساني والذنوب= كل نفسن لنتهت عارفن منزالها
اكس عبدالله من العافية يارب ثوب= زيح عنه المشكل دقاقها وجلالها
هو جملنا اللي يزيح العداء من كل صوب= كل مانسنا الحمول انثنى واشتالها
قايمن لبلادنا في الشمال وفي الجنوب= هو جملها بامر ربي و معه جمالها
عزوت العوجا لضاقت وسيعات الدروب= عزوتن نفخر بشيبانها وعيالها
عزوتن لناشت المجرم القاسي يتوب = ماتخاف الشاه لو ذيبها يبرالها
في ذرا الله ثم ذراهم ملايين الشعوب = شجرتن لحميت الشمس مال ظلالها
مثل همال المطر من مراويح النصوب = لكشف براقها وانسكب همالها
كل وادن جاء يلوب الشجر بقصاه لوب = والفيافي لبست من الجديد حلالها
والعدو بامر الله المعتلي دوم مغلوب= القوافل فوق راسه درج محالها
منشين غر المزون و زعاجيل الهبوب = باسط البيداء ومرسي ثقال جبالها
خالق الاجسام والدم تدفعه القلوب= كل الاعضاء بالجسد قايمه باعمالها
محصي اعمال البشر في الحساني والذنوب= كل نفسن لنتهت عارفن منزالها
اكس عبدالله من العافية يارب ثوب= زيح عنه المشكل دقاقها وجلالها
هو جملنا اللي يزيح العداء من كل صوب= كل مانسنا الحمول انثنى واشتالها
قايمن لبلادنا في الشمال وفي الجنوب= هو جملها بامر ربي و معه جمالها
عزوت العوجا لضاقت وسيعات الدروب= عزوتن نفخر بشيبانها وعيالها
عزوتن لناشت المجرم القاسي يتوب = ماتخاف الشاه لو ذيبها يبرالها
في ذرا الله ثم ذراهم ملايين الشعوب = شجرتن لحميت الشمس مال ظلالها
مثل همال المطر من مراويح النصوب = لكشف براقها وانسكب همالها
كل وادن جاء يلوب الشجر بقصاه لوب = والفيافي لبست من الجديد حلالها
والعدو بامر الله المعتلي دوم مغلوب= القوافل فوق راسه درج محالها