المساعد الشخصي الرقمي

مشاهدة النسخة كاملة : اخلاق رياضية ...


منصور الغايب
23-09-2009, 11:35
قبل سنوات ...


قامت جماهير ريال مدريد في السانتياغو برنابيو لتصفق لنجم برشلونة رونالدينو بعد خروجه من الملعب مستبدلا .. علما بانه سجل هدفين في مرمى الريال في تلك المباراة ..



انتبهوا ...


جماهير .. ريال مدريد ... واللاعب برشلوني كاتالوني ... يعني لاتقولي هلال ولا تقولي نصر ...


كره تاريخي ... ديني .. عرقي ... منين ماجيته سودا :)



ومع ذلك قاموا وصفقوا لهذا اللاعب .. لانهم اتوا يريدون كرة فقدم لهم كرة قدم حقيقية ...

بالامس . نفس الموقف .. في ملعب نادي راسينغ سجل ميسي هدفا لبرشلونة وامتع الجميع .. فصفق له جمهور راسينغ ووقفوا احتراما له ... في معقل فريقهم


مع الاسف حنا نقتل اللاعب قتل بالانتقاد والتشويه للسمعة وغيرها وغيرها فقط لانه ليس من نادينا ..


انا لا اقصد نادي بعينه ...


المصيبة اننا في عالم احتراف .... ففي يوم من الايام قد ينتقل هذا اللاعب ليلعب معك ... فكيف سيكون ردة فعلك يامن كنت تشوه وتنتقد وتتكلم ؟!



الاخلاق الاخلاق ..


والله ان فيه ناس ماودك حتى تطالع معاهم مباراة والسبب اخلاقهم السيئة ...


والمشكلة لما يطغى حب النادي على حب المنتخب والبلد ..

ساعتها ابصم بالعشر على فساد الاخلاق الرياضية ... وقول للرياضة ... على الدنيا السلام
عبسي
23-09-2009, 12:12
منصور الغايب :7ayyoh:



أنت تبي تاصل لنقطه أن الجماهير العربيه أو الخليجيه ماهي مثل مشجعين الغرب !!:3ajeeb:

وأنت صادق مع أن غالبيتهم كفار ويسكرون بالملعب وتلاحظ تشجيعهم غير حتى أن مدرجاتهم قريبه من خط التماس !! :3ayyen_khair:

أما حنا غيير تشجيع اغلب الجماهير غلط حتى أن مكان المدرجات عليه حراسه وحديد ومع ذالك أقرب مسافه تقريبا 30متر لخط التماس !! :a:

ومن المشاكل ألي أشوفه في أغلب جماهير السعوديه ..:wallah_hoo:

اكثر الجماهير تركز على عيوب الفريق الآخر ولا تركز على حل مشاكل ناديهم !!

وحتى أنه تاصل يدور الأغلاط على اللاعب المنافس !!

كلنا نذكر قصة رابطة الإتحاد يوم يطلعون أهزوجة ياسر وينه !! هذا وهو لاعب منتخب وقبل كذا دفعو له إدارتهم 52 مليون مع إنتقال أربع لاعبين إلى نادي القاديسه << يعني دفعو اللي قدامهم ووراهم عشانه


ويوم رفض راحو يتصيدون أخطاءه مع أن دينا يرفض مثل هاذي الاشياء !!

وكل نادي وفيه شواذه من المشجيعين لكن تصدر من رؤساء راوابط فهاذي الغربيه !!!؟؟



وأنا ما أبي جماهير الخليج أنه تصفق لأي لاعب كان بس أبي يكفون شرهم عنه !!




والتشجيع الأروبي بنظري ..

نبطي عظم مانجااااريه !!:za3lan:









لك الشكر يامنصور ونفخر بنواجد مثلك بالمضيف الرياضي
منصور الغايب
23-09-2009, 12:54
العمده ...


بارك الله فيك على المرور ...


وانا لي الشرف بالتواجد بينكم ...


الحقيقة .. توضيحك .. وضح .. الامور ...


بالفعل .. لماذا مايكون عندنا رقي بالتشجيع واحترام المنافس ... حنا في عالم الاحتراف ...


ياسر مثلا بما انك ضربته مثال .. لو قررت ادارة الاتحاد التعاقد معاه ... شنو راح يكون ردة فعل الجماهير اللي كانت تقول ياسر وينه ...؟!


الدوخي .. اليوم يحاول يلعب بالنصر ... الجماهير النصراوية اللي كانت تقول عنه انه فاشل ومايصلح وش ردة فعلها اليوم مثلا ...



كذلك الهلال ... وجماهيره ... لو ارادت التعاقد مع لاعب جيد كان محارب من قبل هذه الجماهير .. ماذا سيكون ردة الفعل ...


لابد من الاحترافية حتى بالتشجيع ...


شكرا لك
أحمد
23-09-2009, 23:22
المسالة مسالة ثقافة شعب


هالحين مباراة بين الريال والبرشا او الانتر وميلان الحضور ماراح يقل عن 80 الف متفرج .....


قبل المباراة تبداء بنص ساعه الملعب مافيه اكثر من 15 الف وقبل صافرة الحكم يكون الملعب ممتلىء للآخر ..


لانهم الواحد يدخل الى الملعب وهو عارف وين مكانه والتذكرة إلكترونيه تضمن له الدخول على كل المبارياة التي تقام على الملعب يعني مهو بحاجة بنجالي يبيعله عند باب الملعب .....


كل شي يختلف



تري مكاسي اخوي منصور
منصور الـ ع ـطآوي
24-09-2009, 06:56
منصور كلام كبير من شخص كبير

و كلامك سليم

بس وين الي يسمع الكلام

و مثل ما قال الجثري ثقافة شعب

و ما فيه ثقافه عندنا و لا فيه تنظيم و لا فيه عقوبات توقف الي يسوي مثل كذا
منصور الغايب
24-09-2009, 09:31
المسالة مسالة ثقافة شعب


هالحين مباراة بين الريال والبرشا او الانتر وميلان الحضور ماراح يقل عن 80 الف متفرج .....


قبل المباراة تبداء بنص ساعه الملعب مافيه اكثر من 15 الف وقبل صافرة الحكم يكون الملعب ممتلىء للآخر ..


لانهم الواحد يدخل الى الملعب وهو عارف وين مكانه والتذكرة إلكترونيه تضمن له الدخول على كل المبارياة التي تقام على الملعب يعني مهو بحاجة بنجالي يبيعله عند باب الملعب .....


كل شي يختلف





تري مكاسي اخوي منصور

صدقت المسألة مسألة ثقافة شعب ... ونظام منذ مئات السنين ..


أما عندنا ... فالحال مختلف ... ويبيلنا .. مئات من السنين قدام ...


شكرا الجثري .. ومكاسيك قبلناهن :)
منصور الغايب
24-09-2009, 09:33
منصور كلام كبير من شخص كبير

و كلامك سليم

بس وين الي يسمع الكلام

و مثل ما قال الجثري ثقافة شعب

و ما فيه ثقافه عندنا و لا فيه تنظيم و لا فيه عقوبات توقف الي يسوي مثل كذا



النظام ... النظام ... النظام ....


احترام النظام .. يجعلك محترم في أعين الآخرين ...


شكرا منصور وجهودك في الرياضي واضحة جزاك الله خير ...
القناصه
24-09-2009, 20:27
اهلين اخوي منصور وصراحه تشرف الرياضي بموضوعك






اما بالنسبه لي انا انا اشوف عندنا مشجعين مهم متعصبين يعني يحبون فن الكوره سواء من اي لاعب واكبر دليل التايب كان بالهلال والكل كان يستمتع بفنه بالملعب ومهاراته حتى ان فيه مشجعين انديه ثانيه يحبون يشوفن فن التايب




بس الاغلبيه للي متعصبين



ومافي نظام انا بس اشوف طريقة تشجيعهم بالملعب اقول وش هالزحمه وعلى الفاضي
ناس واقفه وناس قاعده مااااااافي نظاااااااااااااااااااااااام




وتصيد الاخطاء حنا عندنا اذا اللاعب انتقل من ناديهم لنادي ثاني يتصيدون عليه الاخطاء فما بالك بالخصم




اعتذر على الاطاله

تحيــــــــــــــــــاتي,,,,,,,,,
منصور الغايب
25-09-2009, 13:51
القناصة ..


شكرا لمرورك ...


ووجهة نظرك احترمها ... ولكن لازلت اقول ماعندنا احترافية بمعنى الاحترافية ... حتى حبنا لانديتنا خبال .. خالي من العقل والاحترافية ...


شكرا لك ..
ابو رمش
26-09-2009, 18:19
صدقت اخوي منصور

الفرق شاسع بين التشجيع عندنا وفي اوروبا



في اوربا الجمهور واعي وفاهم الكوره


مو مثلنا معميهم التعصب


هناك اذا انتقل الاعب من ناديهم المفضل الى نادي اخر

يصفقون له ويهتفون باسمه


اما عندنا العكس

وكلنا نذكر يوم الدوخي ينتقل من لهلال الى الاتحاد

كل مامسك الاعب كورة اطلق الجمهور الهلالي صيحات الاستهجان









والا لجنة الانضباط اللي حاطينه يسمعون اللي يبون واللي مايبون مايسمعونه >>>>>>بكيفهم








تقبل تحيتي
عبدالله الجعيثن
26-09-2009, 22:18
لا والله من الشقر والطرق اللي بالملعب



وحنا لاقعدنا بالكرسي يمار اللي جنبك مناخره هالكبر



وريحه تقل فطيسه
منصور الغايب
28-09-2009, 18:28
ابو رمش ..


شكرا على مرورك ...


وجهة نظر واعية ...
منصور الغايب
28-09-2009, 18:29
ابو غازي ..


إنت من دعاة الاختلاط بالمدرجات :)


شكرا على المرور ...
تحت المجهر
28-09-2009, 21:04
منصور عندنا و عنهم خير

خذ عندك
أيتو كان يشتكي من التفرقة العنصرية سبب بشرته السوداء
و كذلك دروجبا و فييرا

و لا تنسى فيجو يوم انتقل من برشلونة لريال مدريد هاجموه جماهير اليال شر هجوم


يعني حنا و ياهم
سيم سيم