المساعد الشخصي الرقمي

مشاهدة النسخة كاملة : يا زين رفحاء بالعيد


تحت المجهر
20-09-2009, 23:12
السلام عليكم ورحمة الله وبركاته

أول حاجة عيدكم مبارك و كل عام تعيدونه بالخير
و انشاء الله انكم بكل صحة و عافية
أبتداء من الشام و حتى الجزائر
مرورا بالخليج العربي


و كل أعضاء مضايفنا الحلوة

و راح أركز على رفحاء


يالربع تسيف يوم دخلته ما عرفته ما شاء الله متغيره و صايرتن ديرة كبيرة و حلوة
و كلن لابسن ثوب العيد

بالرغم كون أول يوم عيد كان بوه عجاج و نجلتن ما تشوف يدك
الله لا يبلانا ......... و الله اندفنا
هالوغدان أنحشروا ببيوتهم ما عيدوا
و لا حصلوا عيادي و لا حلاو أبو بقرة

بس أشوا ارتحنا منهم هم و طرطعانهم و مسدساتهم أبو محالة


بس عقب المغرب فها الجو و راح العجاج

و طلعت من البيت و رحت أعايد أهلي
و عمامي و خوالي

و اراعي لرفحاء يمار متغيرة حيل
صايرن به وكالة سيارات تويوتا
و الارنب الجائع و كون زون

و أنواع المطاعم
بس ابشركم بوفية رمش ما زالت صامدة رغم الزحف العمراني و قدوم الشركات المتعددة الجنسيات و أثار العولمة

لا و رمش صابغن جدار بوفيته بلون زهري يوحي بالتجدد
و كأنه يقول أنا ما زلت موجود


يا روحي يا رمش الصامد



و لا هالسنة مسويين حفل معايدة تحت رعاية المحافظ على الشارع الاصفر


و لهم عرضة كل اليوم و فدعوا بروحهم

و مسويين بعد حفل معايدة للجاليات



يعني شوي و يغطون على احتفلات دبي و مهرجانات صلالة و جدة غير


يا زين رفحاء


و بعدين ماني خابرن مثل اول
نوعيات ما تفرق معاهم عيد و لا غيره
يعني لو يصير ما يصير ما يتروش :)

لا الجميع مستعد للعيد و متروش و لابس جديد في جديد

و كاوي شماغه و عقال مخمل

و من عيد لعيد و من عزيمة لعزيمة



صراحة ألي بديرة كبيرة زي الرياض او الدمام او غيرها
ما يحس بطعم العيد
العيد بالمدن الصغيره له طعم غير



صراحة أونس

و اخيرا أهدي سلامي للجميع
و أدعوهم لزبارة مدينة رفحاء


و أي واحد يقول لرفحاء أم القواطي
يجي هنا و راح يغير رايه أكيد
عبدالله الجعيثن
20-09-2009, 23:14
حجز...........1



قبل فلونه
عبدالله الجعيثن
20-09-2009, 23:17
تحت المجهر




عجاج............اكيد يجيه عجاج




مادام شرهه من سكانه
تحت المجهر
20-09-2009, 23:35
أبو غازي


العجاج من ربك

وش دخل شرهه بالموضوع


لا يكون تكوح تراب على رفحاء متفقيتن الهوا


ما فصلوا له ثوب عيد و زعلانة



و الله تسويه هالعوبا
مالكم بالطويله
20-09-2009, 23:38
تحت المجهر ...


وش حادك على العيد برفحا ... خله لين ينتهي العيد ورح وسلم وخلصنا .




الله يعينك على باقي العيد .






بس غريبة ... رفحا به مظاهر العيد ..





عاد عيدهم ..
تحت المجهر
20-09-2009, 23:54
مالكم بالطويلة

وش فيك متحاقرن رفحاء


و الله العيد عندهم وناسة


انت تعال و شوف بنفسك
مالكم بالطويله
20-09-2009, 23:59
والله ماني متحاقره ..


بس من أسمه احس انه مافيه آمل تطور ..


لازم يغيرون اسمه
ابو ضاري
21-09-2009, 00:06
احمد ربك انك عيدت برفحاء بعض البشر

مايعيد برفحاء يازين دكان ثعيلب
عبدالله الجعيثن
21-09-2009, 00:17
الله يهني سعيد بسعيده




شرهه........مثل الفتاله



اللي ليا جت ديره دفنته
تحت المجهر
21-09-2009, 00:21
ما لكم بالطويلة








كذا ازعل منك



رفحا متطورة من زمان



به منتزه من سنة جدي



و كان به ملعب جولف و سنما



بس سكروهن
تحت المجهر
21-09-2009, 00:22
الضاري



وشو دكان ثعيلب هذا ما اعرفوه
تحت المجهر
21-09-2009, 00:24
الجعيثن



وش بلاك على شرهة



تراه عضو بالمجلس البلدي برفحاء



هههههههههههههههههه
مالكم بالطويله
21-09-2009, 00:31
رفحا متطورة من زمان



به منتزه من سنة جدي



و كان به ملعب جولف و سنما



بس سكروهن



يمكن سكروهن عشان الأزمة الاقتصادية الي صارت مادري متى .



بس أن شاء الله لاراح العجاج عنكم يفتحون
يـــوسف
21-09-2009, 09:50
يااااااااربي عفوك ورحمتك ومغفرتك





يالربع اول يوم عيد عج :(







وعج وعج وعج وعج يما غابت الشمس واعزاه







ومــن الحظ الزين عيا يجيني نوم :(







تحت المجهر كل عام وانت بصحة وسلامة يالغالي وتر الشبث بالجبهان عندوه عشا الليلة لجميع اعضاء المضايف اللي برفحاء :)






الا تحت المجهر انت زيي ولا لا ؟؟

ياخي متهول منهم اغنيتهم هي هي ماتغيرته من قبل 10 سنوات


ورده ورده ونفس القصه ونفس اللبس هههههههههههههههههههه
أبو فهد
21-09-2009, 11:08
اويطي هالحين العيد هناك برفحاء




يالله دخلك






و عج بعد بالديرة






يا دافع البلا





اما سالفة ملعب الجولف و السينما




يمكن لما كانت رفحاء رهن الاستعمار




الا الخيام صارن بيوت هالحين و لا على خبري بهن <<< راعي الحفر اول
عبسي
21-09-2009, 11:33
صراحة ألي بديرة كبيرة زي الرياض او الدمام او غيرها
ما يحس بطعم العيد
العيد بالمدن الصغيره له طعم غير



تحت المجهر والله أنك صادز

أنا صليت العيد وعايدة أهلي وسيده للشاطي مادري وش عندي ما اعرف احد بالجبيل


وعقبه رجعت نمت ياحلو العيد بالقرى بس




ياحرام جاكم عج هههههههههههههههه
ابو ضاري
21-09-2009, 13:08
دكان ثعيلب الله يرحمه كان عام 1398

به برندا وعسكريم بكيس
عبدالله الجعيثن
21-09-2009, 19:14
^


انت متأكد انك من مواليد 1405


ياخي احس انك كبر الارض
أحمد
21-09-2009, 23:17
هالحين الشبث وماجد وحيل حليل ويوسف والحنشل متجمعين برفحاء


انا احس ان الدعوه انقلاب على ابو سلطان


عيدك مبارك تحت المجهر وانت واهل رفحاء
شرهه
22-09-2009, 02:40
تحت المجهر انشهد يا حلوتس يارفحا بالعيد >>>>عاضتن براطمه وتحتسي ..
























برايفت لأبو غازي ..

إذا غمضت عيوني يجي العجاج


وكل العيد وانا نيمه واول ما فتحت عويناتي و هو يوقف العجاج













عاد عيدكم يالربع ..
أحمد
22-09-2009, 13:39
^
^
^

اخاف انتس فليتي قريناتس بالسطح تبين تلمينهن قبل العيد وصكت عليهم العجه خخخخخخخخ








عاد عيدتس يالشيخه
تحت المجهر
22-09-2009, 21:32
ما لكم بالطويلة


تدي عاد ان رمش هو الوحيد ألي ما تأثؤ بالازمة الاقتصادية



انت تحسب رمش هين



افا عليك بس
تحت المجهر
22-09-2009, 21:35
يوسف


هلا بك يالعشير


على قولة الشاعر
بلادي و ان جارت على عزيزتن



هذي رفحاء يا ولد عجاج و لا براكين


ما نا زينه بعيني



و بعدن العيال على خبرك نفس اللبس و نفس القصة



و نفسالطبع ما تغيروا



يعني العولمة لو تفحط برفحاء ما تحصل شيت








ههههههههههههههههههههه
تحت المجهر
22-09-2009, 21:38
الشقردس


ليه ترا رفحاء اول به سنما و ملعب جولف


هذا كان اول يزم التابلاين حق ارامكو شغال



و عقبن سكروا



و ترا من زين الحفر عاد



يا روجي يا بسطات الحفر



بس خلنا ساكتين
تحت المجهر
22-09-2009, 21:41
العمدة


و الله لو تشوف طعوس نفود رفحاء و تشب نارك

تسان توف شواطي تايلند و المالديف بعد



لا من زين العيد بالجبيل


عوذا ليه
تحت المجهر
22-09-2009, 21:43
دكان ثعيلب الله يرحمه كان عام 1398

به برندا وعسكريم بكيس



لا هذا ما لحقت عليه


تراني انا من دكان ابو فيصل اليمني الي كان باول السوق


و جاي
تحت المجهر
22-09-2009, 21:49
^


انت متأكد انك من مواليد 1405


ياخي احس انك كبر الارض


انا صحيح من مواليد 1405

بس اجلس مع الشيبان دايم

و اقرا في كتب التاريخ و الاثار
تحت المجهر
22-09-2009, 21:51
شرهة صدقتي

يا زين رفحاء بالعيد و بغير العيد
تحت المجهر
22-09-2009, 21:55
الجثري


اويطي
ما عليك اصلا

الشبث وماجد وحيل حليل ويوسف والحنشل

مجمعينهم برفحاء يبون يفتتحون ملاهي


و جايبينهم علشان الوغدان يستانسون عليهم

هههههههههههههههههههه



و عيدك مبارك يالعشير
الشبث
23-09-2009, 01:14
اويطي


تحت المجهر



العز كلوه برفحاء



وه يا رمش


عليه صبه تشلع القلب








مالكم بالطويله


معجبتك الحفير انت وخشمك خخخخخخخخخخخخخخخ






شقردي



لا تستهبل على رفحاء


انت اصلا من البر الى الدمام وتحسبنك مسافر للخارج خخخخخخخخخخخخ











تحت المجهر


يابعد تسبدي



تصدق مادريت بالعجاجه



نوم للعيد الثاني








وتقلد تحيتي
صعوة فسفورية
23-09-2009, 01:24
رفحاء حب لاينقطع

رفحاء احبها من قلب

رفحاء ورفحاء

احبك من هنا لهناك< غصب من كثر ماينكب عنها

رفحاء وبوفيهاتها ..

يكفيكي فخرآآ يارفحاء ان . افضل كتابك من عندك

لذلك انا احبتس.. قد البحر الاحمر
تحت المجهر
24-09-2009, 17:53
الشبث


أيه عندك ياهم أنت تعرفهم اكثر مني

اثاري الطويلة من اهل الحفير

و يعيب على رفحاء


انا اول احسبه من أبها او الطايف




مشكووووووووووووور
تحت المجهر
24-09-2009, 17:56
صعوة فسفورية

اشكر عواطفك يا شيخة

رفحاء تزداد شموخا بحبك



أيا علك بعدهم كلهم