% يا ناس فهموني % [الأرشيف]

الشبث

15-09-2009, 12:55

لفت انتباهي تواقيع اخونا العمده

اللي فيها صور سامي الجابر

وعليها تعليقات كتبها وهو سعيد بعدم تأهل المنتخب

http://dc02.arabsh.com/i/00489/6y7ppzxj92r9.bmp

يتسائل اخونا العمده ويقول (( من بعدك عجزوا يتأهلون ...! ))

بصراحه اعجبتني علامة التعجب اللي حاطه بالاخير

وياليت ما تواخذوني على معلوماتي اللي على قدي

لاني بصراحه تفاجأت من هالتوقيع اللي يظهر ان سامي الجابر

هو من اهل المنتخب او كان متسبب في تأهل المنتخب الى كأس العالم

4 مرات متتاليه

وانا وحسب علمي ان سامي الجابر في تصفيات كأس العالم 94 اللي اقيمت

بنظام التجمع في الدوحه لم يسجل الا هدف واحد فقط ضد ايران من تمريره من يوسف

الموينع في المباراة التي كسبناها 4/3 وكانت اخر مباراة للمنتخب في التصفيات

ونسب التأهل لصاحب الهدف الواحد

بينما سعيد العويران من حقق لقب هداف تصفيات العالم في ذلك العام على مستوى

العالم لم ينل ما ناله ابو جبران

وفي تصفيات كأس العالم 98

خضنا التصفيات

وكانت بالطريقه المعمول بها الان وهي الذهاب والاياب

وكانت مجموعة منتخبنا تضم ايران وقطر والصين

وفي تلك التصفيات لم يسجل ساميووو اي هدف اطلاقاً

ونسب التأهل له

مع ان خالد مسعد وهو والمهلل من كانوا يسجلون الاهداف مع ابراهيم السويد

صاحب هدف التأهل في مرمى قطر لم ينسب لهم الا الخيبه

وفي تصفيات كأس العالم 2002

كانت التصفيات بنظام الذهاب والاياب ايضاً

وضمت مجموعة منتخبنا البحرين وايران والعراق وتايلاند

سجل ساميو فيها 3 اهداف

هدفان امام تايلاند

وهدف امام البحرين ( بعد طرد حارس البحرين )

ونسب التأهل له ايضاً

بينما عبدالله الشيحان هداف المنتخب في التصفيات فقد ابعد عن المنتخب

مع طلال المشعل لعيون ابو جبران جزائاً لهم على تسجيلهم للأهداف

وفي تصفيات كأس العالم 2006

وكانت ايضاً بنظام الذهاب والاياب

وكانت مجموعة منتخبنا تضم كوريا الجنوبيه والكويت واوزباكستان

وتأهلنا

وكان الاخ سجل ثلاث اهداف

كلهم على منتخب اوزبكستان (( معاملهم هدف ذهاب وهدفين اياب )

واللاعبين الاخرين ذبحوا انفسهم ياعلهم للذبح ومع ذلك ابو جبران هو اللي اهلنا

ياناس تساني ما افتهم ومعلوماتي كله خرطي علموني

تساني متجني قولوا لي

لا يغركم انوه لعب كل هالتصفيات

اذا كانوا يقولون انه اسطورة اسيا

فلا غريب على عقلياتهم التي لا تميز بين الصح والخطاء ان تقول هذا الكلام

كان هذا مجرد ايضاح لمن لم يعرف من هو ساميوووو

وتقلدوا تحيتي

القناصه

15-09-2009, 13:28

مرحبااااااااا الشبث

كل هذا عشان توقيع
بالله انا ابي اسالك لو اني حاطه صورة ماجد عبدالله وكاتبه عليه نفس التعليقات بتعلق علي

اصلا كل تاهلات المنتخب كانت بمجهود لفريق كامل مو بس لاعب واحد

والعمده يمكن يغلي سامي وحط هالتوقيع

نورة الرياضي بهالموضوع.........

تحيـــــــــاتي..........

,,,,,,,,,,,,,,,,,,,

الشبث

15-09-2009, 13:38

هلا قناصتنا وقناصة الرياضه السعوديه

شوفي من ناحية التعليق فلابد من التعليق على كل معلومه خاطئه حتى لا تنتشر

انتي قلتي كلام طيب وهو ان الانجاز للفريق كامل وليس للاعب واحد

وفي هذه الايام نلاحظ هذا الكلام كثر

وياليت لو كان صحيح

تسان ما نقدر نتكلم

بس غلط

وضحك على تاريخ كامل وتشويه تاريخ كااااامل

نورتي بحضورتس

وتقلدي تحيتي

تحت المجهر

15-09-2009, 16:40

الشبث أنا بعد أضم صوتي لصوتك

مهو بس العمدة أبشرك كل الهلاليين بقولون هالكلام
حتى يوم مباراة السعودية و البحرين ألي بسببها طلعنا من التصفيات
جماهير العلال تصيح بستاد الملك فهد
لو معكم سامي كان تأهلنا
وينك ياسامي
أنا نفسك أستغرب مثل هذا الكلام
سامي وين و تأهلنا لكاس العالم وين

أنت ما قصرت وضحت الموضوع بس عساهم يقتنعون

أقول الشبث بكرة شكلهم بيقولون أن سبب نكسة 67
أن سامي ما شارك بالحرب

لا تستغرب بكرة تلقا فهد الروقي ولا غيره كاتبها بخبر بجريدته

عبسي

15-09-2009, 19:10

ابو ماجد لو أدري ان سامي يبي يخليك تكتب هالموضوع

كان مبطي حطيت التوقيع !!

لفت انتباهي تواقيع اخونا العمده

اللي فيها صور سامي الجابر

وعليها تعليقات كتبها وهو سعيد بعدم تأهل المنتخب

والله أنك ذكي وش دراك إني سعيد ؟؟

شوف أبو ماجد الموضوع أنا ماقريته كله لكن فهمت أنك تسأل عن سامي او متعجب من التوقيع

أنا راح اقولك

يالغالي المنتخب يحتاج مثل نوعية سامي الجابر لاعب خبره ويتحرك بكل مكان تلقاه بالاطراف وبالوسط وراس حربه ويرجع يسحب كوره من ورا النص

اللي نشوفه من المهاجمين الآن جالسين قهوه وشاي هم والمدافعين ينتطر يما تاصله كوره !!!

وأنا مااقول سامي هو اللي أهل المنتخب لكن ساهم في تاهل المنتخب بفكره وتعاونه مع اللاعبين

ولكن أنتم يالنصراويين تزعلون إذا جاء طاري سامي مادري وش السبب ؟؟

مرات تسبونه تقولون سنتر 8 مرات << تنسبون الخساره له ولاحد قال شي

وإذا احد تكلم عن إنجازات سامي ما ارضاكم !!

إن شاء الله لي عوده

القناصه

15-09-2009, 22:43

عبدالله الجعيثن

15-09-2009, 23:32

لاعبين مال اول

ماجد وسامي ومسعد والمهلل والثنيان

كانوا يبكون من اي خساره للمنتخب........روح وحب للوطن

لاعبينا بالامس يوم طلعوا قدام البحرين....ماشفت الدمعه من حديهم

شرهه

16-09-2009, 00:56

السلام عليكم ..

و أنا بعد مثلك تواقيعه لفتت انتباهي ..

أصلآ سبع وتسعين بالميه من جماهير الهلال مخدوعين بتاريخ الهلال ^_^

تشكرات..

تحت المجهر

16-09-2009, 01:26

لو تلاحظ اخوي تحت المجهر ان ابوماجد ماجاب طاري لا الهلال ولا النصر لان الموضوع عن اللاعب سامي والمنتخب

وياليت وياليت ماندخل النصر والهلال بالموضوع وتخرب السالفه
ترى جد ملينااااااااااااااااا من هالنقاشات الي مابه فايده

,,,,,,,,,,,,,,,,,,,

قناصة أنا الوحيد ألي وقفت عليه المناقشات ألي بين النصر و الهلال يعني

أنا أقول الشي الي صاير
أما سالفة أن السالفة تخرب و الله هذي تعتمد على الاعضاء المتحاوربن
و اسلوب الحوار
و المعروف و المتعارف عليه بالمضايف
أن الشبث نصراوي
و العمدة هلالي
يعني موضوع النصر و الهلال أصلا موجود حتى لو محد أشار له

قناصة معليش قنصتك هالمرة ناكسة للمرح
أقنصي زين المرة الجاية

عبسي

16-09-2009, 03:48

السلام عليكم ..

و أنا بعد مثلك تواقيعه لفتت انتباهي ..

أصلآ سبع وتسعين بالميه من جماهير الهلال مخدوعين بتاريخ الهلال ^_^

تشكرات..

الله يرضى عليك ياشرهه الهلال وش دخله بالموضوع !!!!!!!!!!!!!!!!

أبو ماجد سأل عن سامي والمنتخب وجاوبت عليه حتى ما أطريت الهلال !!

اللي يظهرلي من ردك << ما أقلد الراويه المرشدي

أنك تحسبين الشبث كالعاده يتكلم عن الهلال !!

يالفرعونيه !!

شرهه

16-09-2009, 04:19

^
^

ما جاب طاري الهلال صحيح

بس انا ابفهمه

لو تلاحظ العنوان يا أخي ..

هو متهول منك و يتسائل..

ومحد يقول هالهرج اللي متهول منه الشبث الا جماهير الهلال

فأنا ابفهمه

و هذي كل الحكايه

و شنكر

عبسي

16-09-2009, 04:20

^
^

ما جاب طاري الهلال صحيح

بس انا ابفهمه

لو تلاحظ العنوان يا أخي ..

هو متهول منكم ..

ومحد يقول هالهرج اللي متهول منه الشبث الا جماهير الهلال

فأنا اجاوبه

و هذي كل الحكايه

و شنكر

ما شاء الله فاهمين على بعض !

طيب هو يسأل عن توقيعي وش دخل جمهوووووووووووووووووووووور الهلال بالقصه !

شرهه

16-09-2009, 04:46

عبسي

16-09-2009, 05:12

^
^
^

هاللي تعاني منه اخي العمده ظاهره متفشيه لدى الهلاليين و ابو ماجد حطك بموضوعه كإنموذج من اللي بالمضايف و يعانون من هالحاجه ...

و شفت وش قال اخونا تحت المجهر
وش قالوا الجماهير الهلاليه بعد انتهاء المباراه !

وشكرآ

ألحين وش تبين تاصلين له بالضبط !

يعني تبون اقول سامي ما سوى شي للمنتخب ؟ معصي

وبعدين تحت المجهر اخطاء بالتعميم مادري منهم جمهور الهلال اللي واجههم وبعدين جمهور الهلال مهم مثل جمهور التضامن ينعدون بالاصابع !

هاللي تعاني منه اخي العمده ظاهره متفشيه لدى الهلاليين

طيب منهم الهلاللين اللي تكلمو مثلي
فيه كثييييير يشجعون الهلال بالمضيف ما أحد قال شي !

انتظر الشبث يقول رأيه يمكن يختلف عن رأيك !

شرهه

16-09-2009, 05:24

عبسي

16-09-2009, 05:43

انا اقول اخوي العمده انت الإنموذج الظاهر اللي في المضايف ...

مو شرط هلاليين المضايف ومثل ما اسلفت جماهير الهلال مهم زي نادي التضامن
لاتقيس هرجتي على هلاليين المضايف

أقصد متفشيه في المنتديات الرياضيه الثانيه و الهلاليين اللي اواجههم في حياتي اليوميه

كلهم تقريبا زي هرجك ...

مع الف تحيه ..

طيب تبين اقول المنتخب ممتاز وما يحتاج لاعبين وماقصروا ولو كان سامي موجود كان ما تأهلنا !!!

الهلاليين اللي اواجههم في حياتي اليوميه

كلهم تقريبا زي هرجك ...

!!!!!!!!!!!!!!!!!!!!!!

شرهه

16-09-2009, 06:15

هههههههههههههههه

لا ابيك تقول الحقيقه

حتى لو كان سامي موجود راح يبقى المنتخب على حاله اللي الحين

عارف ليش لإن اللعيبه قلوبهم ماهي على بعض هذا شي والشي الثاني شف
رد ابو غازي بيمثل لك اللي كنت ابقول ...

و الا كلهم منتازين ...

و سامي لو كان موجود راح يغمرهم بحنيته و عطفه و قلبه الكبير

وراح يلعبون كويس

^_^

عبسي

16-09-2009, 06:21

لا ابيك تقول الحقيقه

هذي الحقيقه

وشكلين مابحكي !!

http://dc02.arabsh.com/i/00489/6y7ppzxj92r9.bmp

ابو فارس

16-09-2009, 06:25

ازعجتهم ياسامي
ياذيب

حتى وانت معتزل
يريدون ان يحرقوا نعشك

-------------------
تصدق يا الشبث
ودي امخمخ على كلامك والاحصائيات
بس خلها بعد العيد

اللهم اني صايم

العمدة :::: زدنا من تواقيعك

لعل بصيصا من الامل يعود لمن يغمض عينيه عن الحقيقة

دمتم بخير

غالب

16-09-2009, 06:44

والله الحق ينقال
سامي لاعب كبير

بس هو صحيح إن سامي رصيد أهدافه مع المنتخب 25 هدف

واستلموا سلامي

شرهه

16-09-2009, 06:49

احلى يابو شهاب

والمنتخب لو به واحد من الضياغم كان تأهلوا

لا يكون بس
سامي من الضياغم

عبدالله الجعيثن

16-09-2009, 07:17

^

^

شرهه...انتي خبله!!!

الضياغم هذولا شيوخ...مايلعبون كوره!!

القناصه

16-09-2009, 10:37

اخوي تحت المجهر اتوقع هذي اول مره ارد عليك وماصار بيننا نقاشات
انا رديت وعميت بردي الجميع مهو بس انت وماقلت غلط فعلا ملينا من النقاشات الي تصير وعلى قلة سنع

ابوماجد نصراوي
والعمده هلالي
لكن هذي ميول شخصيه وهم انفسهم اصحاب الموضوع مادخلو ميولهم بالموضوع
يعني مو من حقنا نفتح باب للنقاشات الي تضر مضيفنا ماتنفعه

ارد اقول هذي اول مره اناقشك فيها شلون تقول قنصتيني

مافي مره ثانيه لان الاولى ماصارت

وعلى فكره لا تقول قنصتيني لان لو جد قنصتك كان ماقدرة ترد

تحيـــــــــــــــاتي,,,,,,,,,,,,

الشبث

16-09-2009, 13:30

هلا اخوي تحت المجهر

والله لا تستبعد يكون لوه دخل بالحرب العالميه هههههههه

لاهنت على هالمرور

وتقلد تحيتي

الشبث

16-09-2009, 13:45

شوف أبو ماجد الموضوع أنا ماقريته كله لكن فهمت أنك تسأل عن سامي او متعجب من التوقيع

أنا راح اقولك

يالغالي المنتخب يحتاج مثل نوعية سامي الجابر لاعب خبره ويتحرك بكل مكان تلقاه بالاطراف وبالوسط وراس حربه ويرجع يسحب كوره من ورا النص

هلا اخوي العمده

يا اخي اول شي لو كنت تتكلم عن لاعب مثل يوسف الثنيان ممكن

لو كان مثل فهد الهريفي اصدق

لكن سامي

ياخي اذا على محتاج المنتخب فهو محتاج مثل فؤاد انور اللي يحرث الملعب حرث

محتاج مثل مهارة الغشيان

محتاج مثل عقلية سعيد العويران

محتاج مثل تكتيك ابراهيم سويد

ابي افهم ليش بس سامي

شمعنى ؟

اذكر لي شي تميز فيه سامي عن غيره من لاعبي الوطن

مع اني متأكد مافيه

يا اخي على الاقل اقنعني ان المعلومات اللي ذكرته عن سامي غلط

انا طرحت هالموضوع علشان ابي افهم وش يتميز فيه سامي عن غيره

بس

لان ماعندي معلومه تقول ان سامي يتميز عن غيره بأي شي

وتقلد تحيتي

حمـود

16-09-2009, 13:53

ابو ماجد

ابي ارد على العمده واجيك

العمده تقول ان النصراويين يقولن ان سامي سنتر 8 تراه لا 9

لانه الفريق لم يقم بالسنتره

بس سامي هو اللي يسنتر ويتختلف المرافق

ترا سامي بس يجي اخر مباراة ويقولون هاه شفتوا ساميي

والله اني لاذكرت الشيحان وابراهيم سويد

والاخرين اللي ضحوا من اجل المنتخب

انقهر

على فكرة تراهم مهم اتحدايين ابد

يعني تخيل انت نيم وعيال عمك يلعبون

يوم وصلوا الى نهائي الحواري

والشوط الثاني عيال عمك

فازين 4 صفر

دخلت واسجلت القول الخامس

فان الناس تقول هذا اللي اهل اخوياه

هل هذا معقول

والا كلام خطا يا ابو ماجد

الشبث

16-09-2009, 13:55

مرات تسبونه تقولون سنتر 8 مرات << تنسبون الخساره له ولاحد قال شي

وإذا احد تكلم عن إنجازات سامي ما ارضاكم !!

مع اخوي العمده للحين

لا تبخس حق سامي

سنتر 9

مهو سنتر 8

تسوي نفسك ما تدري

بعدين شي موثق بكتاب جينيس للأرقام القياسيه ههههههههههه

اولا اخي العمده

وشهي انجازات سامي اللي تزعل

لايكون للحين مصدق انه اطورة اسيا خخخخخخخخخخخخخخخخخخخخخخخخخخخ

ترى طلعت كذب والناس ماسكين شماته على سم سم

وش الانجاز اللي يتفوق فيه يا اخي العزيز علشان نزعل

هو ما يتفوق بأي شيء عن لاعبي السعوديه

فليش اصلاً نزعل

ومن ناحية شماتت النصراويين بسالفة سنتر 9

لانه هو اللي جابه على نفسه وهو من سبب انحدار المنتخب في كأس العالم 2002

مو هو اللي تهاوش مع نور وكسر اصبعه نور ودخل المستشفى

ويقولون زايده

وعقب ما رجعوا بفتره يعمل عملية زايده هنا بالرياض

كم زايده عنده الاخ هههههههههههههههههه

وتقلد تحيتي

الشبث

16-09-2009, 13:57

هلا ابو غازي

مدري ليه

احسك اكثر واحد فاهمني هههههههههههه

لاهنت يالذيب

وتقلد تحيتي

حمـود

16-09-2009, 13:58

ابو ماجد

يا هلا كلامك ما اقدر اضيف شي زايد

بماذا تميز

وهو من توضع امامه الكرة ويقال سجل

هذا واقع الجندي المجهول الثنيان

وهذا واقع التمياط

ما فيه هدف يشفع له بمجهوده الا يوم الشباب ويوم بغا يخلص الكورة وهي تدخل المرمى

ابو ماجد مهو هذا الصحيح

سامي الجابر اسطورة العالم بالردود على موضوع بموقع الفيفا السعودي

ودمتم بخير

الشبث

16-09-2009, 13:58

هلا اختي شرهه

تقولينه صادزه ههههههه

بس كتبت هالموضوع ابي اعرف ليه بس

وتقلدي تحيتي

الشبث

16-09-2009, 14:05

يعني تبون اقول سامي ما سوى شي للمنتخب ؟ معصي

هلا اخوي العمده

لا بالعكس ودنا انك تقول سوى وعمل وفعل وترك

علشان اسألك وببسااااطه واقول

اتحداك تجيب لي مبارااااة ( لاحظ انه مباراة مهي بطوله ) حسمها سامي للمنتخب بهدف الفوز ؟

انتظر الشبث يقول رأيه يمكن يختلف عن رأيك !

انا يا اخوي العمده ماني شامل كل جمهور الهلال

انا اتكلم عن ظاهره غريبه ودخيله بيننا

وللأسف انت من اللي يسوون هالشي

لو كان جمهور الاتحاد حط صورة حمزه ادريس

والنصر صورة ماجد

والاهلي محمد عبدالجواد

صار المنتخب بالمنه ...

حبيت اوصل شي اخوي العمده من كتابة هالموضوع

ان المنتخب فريق كامل لا يقف على لاعب

وتقلد تحيتي

الشبث

16-09-2009, 14:08

ابو فارس

دار العجزه اول لفه يمين بعد الارشيف

وتقلد تحيتي

الشبث

16-09-2009, 14:11

سناعيسو

ماظلمناوه

انت فره براسك وش

لاعب كبير ومسجل 25 هدف

قلبه شف تجي ولا لا

خخخخخخخخخخخخخخخخخ

وتقلد تحيتي

شرهه

16-09-2009, 22:11

اختي القناصه

اشوف أول رد كان ردك

وجبتي طاري ماجد عبدالله !

ابفهم وش دخله بالسالفه ؟

لا عاد الموضوع كان عن سامي والمنتخب ...!

لازم تدخلون ماجد بالسالفه
احو و و و و و و ل

ومضه ...
يا ليت لا من بغيتي تهرجين تتكلمين بصيغة الفرد

مع الف تحيه

القناصه

17-09-2009, 00:13

شرهه انتي محد جاب طاريك

لكن الي على راسوه بطحه يحسس عليه

وانا اهرج مثل ماابي
لاني عارفه نفسي مااغلط وماحد يقولي شلون اتكلم
فياليت يكون اسلوبك معي ارقى من كذا والباقين اذا يرضون باسلوبك انا لا

وراح يكون هذا اخر رد لي بهالموضوع احتــــراما لصاحب الموضوع ولاني قلت رائي بالبدايه ولايهمني الغير

تحــــاتي..........

شرهه

17-09-2009, 00:33

اختي القناصه

والله ان قصدي شريف
و ما كنت اقصد شي
و ما كنت اقصد اغثتس
ولا حسبت إن ردة فعلتس بتكون شرسه لها الدرجه

ليه تجرحين مشاعري ؟

تذكري قبل كل شي ان
حنا اخوات في الإسلام
و العلاقه بيننا متوصده حيث يربطنا قبل كل شي الدين
ومن بعدها البلد و الدم و اللغه والثقافه

لا تفهميني غلط ...

انا بس كنت اشوفك تقولين لأخوي تحت المجهر لاتجيب طاري الهلال والنصر و مدري كيف ومدري إيش...

وانتي أول من جاب هالسيره

فقط هذا اللي كنت مستغربه منه ..

احتراماتي لك ....

ريال الفسحه

17-09-2009, 02:12

قبست

نبيه مشعلله :)

تقاضبن الشوش

لاحد يفرق بينهن :)

εïз خزامى εïз

17-09-2009, 03:10

آهـ ياآ سآمــــي http://www.mshaerdafah.com/vb/images/samile/138.gif
والله ان له شسمه http://www.mshaerdafah.com/vb/images/smilies/simils1/md1%20(48).pnghttp://www.mshaerdafah.com/vb/images/smilies/simils1/md1%20(19).gif
قوي مرهـhttp://www.mshaerdafah.com/vb/images/samile/149.gifhttp://www.mshaerdafah.com/vb/images/samile/149.gif

سالم

17-09-2009, 03:12

شبثان // لاخلا ولاعدم يا بطل . . كفيت و وفيت . . ( متابع )

منصور الـ ع ـطآوي

17-09-2009, 06:46

يا رب لك الحمد و الشكر على نعمة العقل

ابو رمش

17-09-2009, 06:53

لا هنت ابو ماجد

يعجبني فيك انك ما تتكلم الا بالارقام و الحقائق

تقبل تحيتي

شنقل

17-09-2009, 07:07

اكووووووي

شرهه

17-09-2009, 11:46

يا رب لك الحمد و الشكر على نعمة العقل

بعد اذن ابو ماجد

اعجبني ردك وردة فعلك لما قريت الموضوع بكل صراحه

هو إنت تشوف اللي يقولون اخوي منصور

هاللي ماخذين مقلب بسامي الجابر

والله يودعونك غصب تحمد ربك وتشكره على نعمة العقل

لا هنت

الشبث

17-09-2009, 13:45

اخوي حمود

الشمس ظاهره لا تحجب بغربال

وتقلد تحيتي

منيف الوبيري

22-09-2009, 22:03

شبيثان للامانه ,,

كلامك مقنع جدا !!

ومضه // كش عليك

منصور الغايب

23-09-2009, 11:28

هلا ابو ماجد ...

من حقك انك تبين شئ تراه خطأ ..

بس اللي مو من حقك انك تحالو ان تبين ان سامي لاعب عادي وماقدم شئ للكرة السعودية ..

سامي نجم مثل ما ماجد نجم مثل ما العويران نجم وغيرهم وغيرهم ...

بس لاتخلي تعصبك لناديك يخليك تقول ان سامي مو لاعب مهم ولا مؤثر بتاريخ الكرة السعودية ...

اتحداك تجيب لي مبارااااة ( لاحظ انه مباراة مهي بطوله ) حسمها سامي للمنتخب بهدف الفوز

للاسف ارتبط باذهاننا ان اللي يسجل هو اللي يحسم وهذا خطأ وهضم لحق كثير من اللاعبين ... اللي يكونون هم اصلا وراء تسجيل الاهداف ..

يكفي سامي فخرا شهادة زملاؤه في المنتخب حينما كانوا يقولون بان وجود سامي بجانبهم يعطيهم دافع ...

خلنا نقول الحق ... ونعطي كل لاعب مكانته ...

سامي سعودي اولا واخيرا .... ومثل الوطن وكان كابتن المنتخب ...

شوف عند الغرب ...

امس ميسي سجل هدفين في مرمى راسينغ سانتاندير ...

ولما طلع من الملعب قام جمهور راسينغ كله صفق له ...

ياليت يعيرونا اخلاقهم الرياضية .. نتعلم منها شوي ..

شكرا ابو ماجد ..