إعــــلآن ....

[يـــوسف]

السلام عليكم ورحمة الله وبركاته






الله لايصبحكم إلا بكــل خير :thumb:





بكرآ بإذن الله راح نبدآ مسابقتنا بشكــل جديد ..




راح يكون فيهــا فائز في كل ليلة وكل فآئز له جآئــزة





[ بطآقة سوا ]



الجــود من الماجود :qannaj:






طريقة وقوانين المسآبقة :



يتم طــرح سؤال وتتم الأجــابة عليه من قبل المشآركين .



يتم تسجيل أسماء المشاركين إبتــداء من الساعة 9 مساء إلى الساعة 10 مساء .



بعدهــا لايحق لأي عضــو المشاركة نهائيا .



بعد ان يتم الأعلان عن اسماء المشآركين يتم طرح الآسئــلة .



سـوف تستمر المســآبقة الى الساعة 12 مساء .

الجــائزة [ بطاقة السوا ] كل نهاية إسبــوع بعد جمع نقآط المشآركين والفائز يحصل على البطآقة .

يوم الجمــعه يعتبر راحـة .



-






*نشكــر ونبارك للاخوات روح حايل ومها فوزهم ببطاقات سوآ .


*وألف شكر لخالي الضاري11 على مساندته ودعمه لي لوجستيآ وماديا ومعنويآ
والشبث هين هين ماترد علي :za3lan:<_ فضح بالمسلم :)

[فارس الصحراء]

ارررررررررررخو ابوووووي


طيب انا جوالي موبايلي

..



وشلووووووووون

..




الله يقويك يا يوسف .. لاهنت يالغالي

[يـــوسف]

أخــوي فارس حياك الله يالغالي


وأبشــر اللي جواله موبايلي يقولي برسالة اذا فاز هههههههه





<_ مايبي أحــد من ربع موبايلي يفوز :)






شد حيلك يالفارس تر اسئلتنا منوعة شعر كصيد عجن الغاز صور مفبركة رياضة سياحة سفر وسياحه كل شي :)




تذاكر للأمارات <_ يبي يسير على محمد بن زايد ابلشه يعزمه :)

[من اكون]

اللهم اجعل لنا من الطيب نصيبا

اخاه كيف هي احداثيات المسابقهـ


وهل تدفعون فواتير الهاتف النقال ؟ بدل البطاقاتـ


rooose3

[فارس الصحراء]

يا اخي صحيح محمد بن زايد عزمني ذاك اليوم يا اخي هالرجال ما شاء الله عليه راعي طيب

..

بس استحيت اقوله ما عندي حق تذاكر ..

..

خلاص اذا فزت انا ابي تذاكر للأمارات ..

[فتى البيداء]

يوسف هذا غير عدل ..

ليه أنت مستقصدني ؟

تدري أني ماادخل ألا من الساعة 2 وفوق .. غير موعد المسابقه << عسى ماتكلفت ؟


يوسف الله يجعلك على القوة .. وشهادة حق أن مجهودك في هالأيام واضح للعيان ..

فالله لا يهينك ياشمعة الفله ..

[يـــوسف]

اللهم اجعل لنا من الطيب نصيبا

اخاه كيف هي احداثيات المسابقهـ


وهل تدفعون فواتير الهاتف النقال ؟ بدل البطاقاتـ


rooose3


خير خير خير يابو الشباب وش عندك هنا هههههههههههههه









<_ يحسب نفسه مضيع وداخل الرياضي :a:


فيك خير رح هناك وجايك اوريك الشغل واشرح لك الطريقة وكل شي :qannaj:

[يـــوسف]

يا اخي صحيح محمد بن زايد عزمني ذاك اليوم يا اخي هالرجال ما شاء الله عليه راعي طيب

..

بس استحيت اقوله ما عندي حق تذاكر ..

..

خلاص اذا فزت انا ابي تذاكر للأمارات ..


خلاص ابشر ابي اخذك معي وأعرفك على الشيوخ



تدري انهم يبي يزوجوني






فارس تحس اننا نبي نصير صحيح تسذبان من كثر مزحنا هههههههههههههههههه

[روح حايل]

جزاك الله خير ومجهودات طيبه تشكر عليه يايوسف

[الشمـــ نور ــــري]

اوكي سجلن معاكم بالمساابقه:3ajebni:

طيب اذا افايز مهو من السعوديه ..؟

يعين انا بإذن الله بفووز شتعطووني...؟:)

<___ بطاقتهاا زين:d:

[يـــوسف]

يوسف هذا غير عدل ..
انا ولد ابوي افا :a:

ليه أنت مستقصدني ؟
لا والله ماعاش من يستقصدك يالغالي :za3lan:

تدري أني ماادخل ألا من الساعة 2 وفوق .. غير موعد المسابقه << عسى ماتكلفت ؟

ابشر بسعدك شف الشباب اللي يبي ونتشآور على تغيير الوقت اللي تبونه ابشرو من عيوني


يوسف الله يجعلك على القوة .. وشهادة حق أن مجهودك في هالأيام واضح للعيان ..

فالله لا يهينك ياشمعة الفله ..



الله لايهينك يافهــد وشهادة اعتز به وربي


وانا لولاكم والله ماش



ولولا الله ثم دعــم المشرفين بيض الله وجيههم ماوصلنا لهالمرحلة الممتآزه بالفلة :thumb:

[يـــوسف]

جزاك الله خير ومجهودات طيبه تشكر عليه يايوسف













الله يجزآك خير ياأم عبيــد وهذا بفضل الله ثم مشورتك


ولايهون خالي الضاري11



حياتس يالشيخه

[يـــوسف]

اوكي سجلن معاكم بالمساابقه:3ajebni:

ابشري بسعدك :315r:

طيب اذا افايز مهو من السعوديه ..؟

يعين انا بإذن الله بفووز شتعطووني...؟:)

<___ بطاقتهاا زين:d:


ابشــري مالك الا طيبة الخآطر وبطاقتك تجيك ولا تشيلين هم


<_ فروع الفلة بكل دولة :d:

[من اكون]

اخي يوسف اني متشقلب في قسم الرياضي ابحث عن من يكشف هويتي !

اعزائي اريد منكم مشاركتنا في مسابقة من اكون والجوائز مقدمه من الاخ الكريم


منصور العطاوي


تعيش عائلة العطاوي

[يـــوسف]

من أكون <_ ترن عاضن لساني ههههههههههههه



العطآوي يكدحون بس محد طاقن لهم خبر ههههههه





جايك يالله الوعد هناك

[الشمـــ نور ــــري]

<_ فروع الفلة بكل دولة :d:


اشواا طمنتني:)

[شنقل]

<<< مستلم راتبين هالشهر (بدل ابتعاث)



ماني مشارك بس ابدعمكم ماديا

[روح حايل]

ابو العطى






يعني هالحين عادي اسجل اسمي من ضمن المشاركين لان ممكن ما اتواجد بوقته ؟؟

[يـــوسف]

طيب إم عبيد مو مشكلة بس تكونين مــوجودهـ وقتها علشان ما أكلها ههههههه


<_ يراعي لشنقل وطمعان :(





نور مالك الا طيبة الخاطر





أم عبيد عطيني يوزرك هههههههه

[أحمد]

عاش والله صديقي يوسف


ايه هذي المسابغاي


والله يعافي خالي الضاري على الدعم وعلى الدعم للمسابقة الرمضانية وعلى رسايل الجمعه اللي يرسلهن لي .....




انا مسجل من هالحين يوسف وباتسر فيه سمبوسه وشوربه و(المدلقم) بالاستراحة لاتفوتك << رشوه عيني عينك

[روح حايل]

^


بكم :)

[يـــوسف]

عاش والله صديقي يوسف

عاشت ايامك يالبى تسبدك :315r:


ايه هذي المسابغاي


والله يعافي خالي الضاري على الدعم وعلى الدعم للمسابقة الرمضانية وعلى رسايل الجمعه اللي يرسلهن لي .....
انت تشوف رسايله فضخ قلبي بهن
الله يجزآه خير وعساه ع القوه وفاتورته الظاهر نصها علينا :d:




انا مسجل من هالحين يوسف وباتسر فيه سمبوسه وشوربه و(المدلقم) بالاستراحة لاتفوتك << رشوه عيني عينك





حياك الله يالجثــري وشرف والله تسجيلك ودعم لوجستي ومعنوي :)


تكفى المدلقم يجيكم هههههههه



خلاص تم

[فوووز]

والله ماشاء الله عليكم مدهرين بها المسابقات:)

ودي أشارك بس ماتحسون أن وقتكم بدري شوي :)



يتم طــرح سؤال وتتم الأجــابة عليه من قبل المشآركين .



يتم تسجيل أسماء المشاركين إبتــداء من الساعة 9 مساء إلى الساعة 10 مساء .



بعدهــا لايحق لأي عضــو المشاركة نهائيا .



بعد ان يتم الأعلان عن اسماء المشآركين يتم طرح الآسئــلة .



سـوف تستمر المســآبقة الى الساعة 12 مساء .


بسأل عن شروط المسابقة:
هو كل يوم سؤال وكل يوم مشتركين جدد؟؟
واللي يبي يشارك يشارك من البداية والا يقدر يشارك في المرات الجاية؟؟

أسأل وعساني أقدر أشارك..

[ابو ضاري]

طيب انا جوالي موبايلي



انت كيس ........؟؟؟؟؟؟؟؟؟؟؟؟؟؟؟؟؟؟؟؟؟

اكمل ياشنقل

[يـــوسف]

^
^
^
رووووووووووووح ياخالي طعجته :)




أخــت فوز حيآك الله ومنوره


إيه تقدرين تشآركين عادي ماعندك أي مشكلة .


والوقت ابعدله الحين وبعــدل شرط ثاني




حيآتس ربي

[أبو فهد]

لا حول سوا سوا سوا بطاقة مسبقة الدفع و بطاقة شحن ياخي تعوذنا بسوا

سوا بالنوم و بالاحلام و باليقظة و بالدوام و عالفطور و بكل محل



اندبلت تسبودنا



ياخي خلاص معفينك من الجائزة الله يرحم سوا

قصدي شيبانك







يتم تسجيل أسماء المشاركين إبتــداء من الساعة 9 مساء إلى الساعة 10 مساء .



يا ملا اللي مانيب قايل عاد التسجيل على وقت صلاة التراويح



ايا قليل ارمضان






والليل اسبوع اجمع نقاط ثم نشحذ سوا قصدي نشحن :)



انا بشارك بس ما ابي سوا ابي توقيع مميز يبدأ بست خمسات و ينتهي ب 55

و الجود من الاتصالات ( الهاتف )







سلااااااااااااااام

[أحمد]

الشقردي


ياخي مانبيك تلعب معنا


انت شويب مسجل من 2003 وهذا يتعارض مع سياسة المسابغة


وش رايك تروح للالغاز




او للتنميه البشرية

[يـــوسف]

^
^
^
^
أضم صوتي لصوتك



ورجاء يالشايب لاتسوي شوشره :)











الجثــري أشكرك على هالسماندة اللوجستية :)

[أبو فهد]

لا طاح الجمل كثرت سكاكينوه :(


يصير خير يالفلة








اتوعدكم بأن شهر رمضان هذا بيكون له نقلة تاريخية و بيكون غير كل رمضانات السابقة :)



انا بسلم نفسي يالشيخ يوسف بس وين اواجهك <==== بالعن تي ان تي :)