المساعد الشخصي الرقمي

مشاهدة النسخة كاملة : .. الحظ لو يقفي .. ابد ما رجيته ..//.. طبعي كذا .. ما أرجي من المقفي رجوع ..


فارس الصحراء
05-09-2009, 03:21
..

ما هقيت الناس تجرح ..

ما هقيت الظلم يفرح ..

لين .. ما خلــي هجرني ..

يا بحر وش فيك نايم ..

وين جزرك وين مدك ..

وين هي مدات يــدك ..

ضايع وحظي نخيته ..

ميت(ن) واعداي هجماته مميته ..

وين حظي ..

..

وين حظي ..

..

ما لقيته ..

..

التقوا بي جيران بيته ..

قالوا الله يرحم حظك اللي لو رجيته ..

ما فزع لك .. ما انتخالك .. ان ما زاد شرك ..

ما من وراى هكا الخشه فزع ..

عووووووووووووووووووووووووووووووذه يهالحظ ..

..

يعني الواحد ما يكفي انه منلهد .. وحالته كسيفه ..

عووووووووووووووووووووووذه ..

هذا رمضان اللي فات ..

واحدن من الشباب مسوي مشكله ..

مع له ربع ..

وطالت القضيه وكبرت .. ووصلت الاماره ..

ولا احد قاله شي .. ولا احد استدعاه بس بالتلفون ..

اخوياه .. يدقون عليه .. اليوم طلعت من الشرطه ..

متوجهه للاماره .. ورجعت للشرطه .. والمحقق الفلاني مسكها ..

الى درجه ان المحقق حقق معه بالتلفون ..

يعني الرجال وضعه سليم .. بس هو الله يهداه خريش قلب ..

جاني الا انا وخالي جالسين ..

عاد انا وخالي والله الحمد لنا وجاهه اجتماعيه >> امحق

قال يا الربع ابيكم تروحون للي رافعين القضيه جاهه ..

اغديهم يتنازلون ..

..

..

..

..


والله وأتشاور انا وخالي .. قلنا بناخينا .. ولا به شي ان رحنا .. زوره سواة البدو ..

..

واكيد لا من جيناهم .. يبون يتنازلون ..

..

قلنا لخوينا خلاص ازهله ..

..

قال خلاص قلنا خلاص .. ما انت هاقين بنا افا عليك بس ..

..

قال كفوووووووووووووووووووو ..

..

والله وعقب ما أفطرنا اليوم الثاني ..

..

وندق سلف .. ونروح يم الرجال ..

الا الرجال كبير بالعمر .. وعمره حول 54 سنه ..

..

يوم شفناه يا مار تقل مصفوقين تسف ..

..

والله ويصبون قهوه .. اطالع لخالي .. وأنا اغمز له ..

ابيه ينزل الفنجال ..

..

الا ما هو يمي شرب الفنجال ..

..

قال والله ما يتهنا به لحاله والله واتقهوى .. ونقدع هالقدوع الطيب ..

والله ونعم هكا الرجاجيل ..

..\

يوم فتحنا الموضوع ..

..

الا الرجال يطير عيونه علينا .. ويزاقع .. حنا ذلينا وقمنا نهاديه ..

انا كل ما زمر انز .. وعيوني للباب ..

وخالي ما غير ابد ابد كلامك صحيح وحنا نبيه منك ..

..

وأنا ادخل بالموضوع .. شفت الرجال ما هو معبرنا ..

..

قلت له وكانك .. شايفنا ضغار ولا حنا كفو جاهات .. ترى كبارنا .. بيجونك ..

انا قلت هالحتسي اثريني خربتها .. ويقمز .. لا لا لا لا تقول هالحتسي يا رجل ..

والله ان قدرك بقدر اكبارك .. وجيتكم انتم تدل على انكم رجال .. ووجيه رجال ..

بس خويكم خربها .. ولو يجون اهلكم كلهم .. ما ني متنازل ..

..

والله وهذا حنا معه الا الرجال راسه يااااااااااااااااابس ..

..

والله وهو يقول لولده .. صب قهوه ..

..

وهو يصب ثاني مره .. ونتقهوى حنا مستانسين على القهوه ..

تصدقون للحين بالراس .. ودي اتقهوى عندهم بس مالي وجه ..

..

ويوم تقهوينا قال تسحروا عندنا .. وانا القطه .. قلت سحورنا سالفتنا لا خلصتها ..

وهو يطالع لي .. >> ابلشته كل شوين ناقز له

قال سالفتنا تحكم بها الاماره ..

..

..

..


قلت يعني ما أنت متنازل .. قال لا ..

..

خالي متكايف على الفنجال ..

..

وانا اطالع بزعله ..

..

مشينا .. هذا ما هو متنازل ..

..

ويرد على قالي على هونك ..

..

وحياكم بأي وقت ..

..

..

وحنا نمشي .. ونصد ورى يمكن يرجع ..

..

يمكن .. يحس ..

..

الا الرجال مو معطينا وجه ..

..

..


عاد يا حظ ما طلبتك .. مال ..

..

ولا ابي وظيفه .. ولا مرتبه اعلى ..

..

بغيت منك هالشايب يخلص هالسالفه وانت تنح .. اعوذ بالله ما تحس ..

ما بك دم ..

..

والله لأغيرك يهالحظ الأقشر ..

..

ما بك فووووووووووووووود ..

..

..

..

..

..





الحظ لو يقفي .. ابد ما رجيته ..

......................... طبعي كذا .. ما أرجي من المقفي رجوع




:


:



:



:



:



:



:



تلولسوا بتحيتي .. ليس بلحيتي

:

:

:



بقلم // فارس الصحراء11
الشمـــ نور ــــري
05-09-2009, 03:39
اييه يالحظ ..تعلمن به انا والحظ اعداااء بصووره
<__:za3lan:

بس الرجاال مهوو كفوو اجل رايحين لووه انت وخالك ولا يقدركم مالت عليه :a:


بس وربي اغريتن بقهوتهم لهدرجه قهوه طيبه:d:
فارس الصحراء
05-09-2009, 03:41
لا يانور والله الرجال كفوووووو بس ما يبي يخلي حقه ..

..

..



اما القهوه شي من جد روووووووووووعه ..

..


يا لبيه .. ودي بوقتها معي جلكسي .. اوووووووف بس
يـــوسف
05-09-2009, 03:56
وينه بس دلن على بيته والله لا أخربه قصدي لا أخليهم يتنازلون ويفكونه





<_ يبي يشتمهم علشان مايتنازلون :)








فارس والله ونعم بس لو تبي رقبتي ابد ماتغلى عليك <_ هين هههههههههه





بس وش مسوي خويكم ؟؟



وش كارثته وش مصيبته !!!!
فارس الصحراء
05-09-2009, 03:59
ههههههههههههههههههههه

يوسف تبي ادلك بيته .. هاه ..

..

وش رايك تبينا نحرث السالفه تراهم سكتوا عنها ..

..

..

..


والله مسوي مصيبه بس الله امر بالستر ..
الشمـــ نور ــــري
05-09-2009, 04:00
يا لبيه .. ودي بوقتها معي جلكسي .. اوووووووف بس

يرحم امك خلاص لاتخليني افطر:d:

ااااه يالجلكسي والقهوه دمااار شامل:thumb:
فارس الصحراء
05-09-2009, 04:04
والله يا نور .. ودي اني اتقهوى عندهم بكره بس ما لي وجه ..

..

ما عمري ذقت مثله .. مثل خضاب البنت .. وريحتها ..

..

تجيك قبل لا يجيك الفنجال .. >> دايخ وابي قهوه
ابو ضاري
05-09-2009, 04:40
^
^
^
دايخن راسك اووووويطي بس اقول خلك على بايسون
هلآ الآسلميهـ
05-09-2009, 06:17
الحظ ان جاد لك باعلك واشترى لك...


فوايده مع كل الابواب تاتيك..


وان بار بك دلا يهزل حلالك...


باردى الثمن لزم يبعك ويشريك...



وان جاد حظك بالمجالس حكى لك..

وصدق مقالك كل منهو يحاكيك..


وان بار بك كل يكذب مقالك..


وتصير كذابت العرب كلهن فيك..






من قصائد الشاعر.. محمد بن عون الشريف...



هذا ردي على موضوعك فارس..




تقلب تحياتي..
عبدالله الجعيثن
05-09-2009, 06:22
فارس...



اجل صرت حنيف على غفله...



الا وش نوحك كل ماهذا ناز...بسم الله عليك
أبو فهد
05-09-2009, 07:37
عوذه كل هذا بك و انا ما ندري

------------------------------

وش عنده فارس بن مساعد :)


صاير شاعري الولد



نوب كيوت و نوب شيعي و نوب راعي المركب الوردي و نوب شاعر



انشهد اننا ما عرفنالك
أحمد
05-09-2009, 17:04
لالالالا


اسمحلي ياراعي الشلفى


تسان قايلن ياشايب حنا طلبتنا هللون وهلون



وتسانوه عيا ولابوه طب


بلاعلوم رجال بلاخرابيط



خذ الكاسه ورصوه بالجبهه وحط رجلك








متلولسين بتحيتك يالعشير
فارس الصحراء
05-09-2009, 22:21
دايخن راسك اووووويطي بس اقول خلك على بايسون



انا على بايسون .. الله اكبر يا ابو فيمتو
فارس الصحراء
05-09-2009, 22:23
من قصائد الشاعر.. محمد بن عون الشريف...

عز الله قصد ..










هذا ردي على موضوعك فارس..

عز الله رد وااااااااااافي .. لا هنتي اختي بيرل ..
شكرااااااااااااااا جزيلا
فارس الصحراء
05-09-2009, 22:24
اجل صرت حنيف على غفله...

ابو قربه .. والله الظاهر اني غطيت على حنيف ..





الا وش نوحك كل ماهذا ناز...بسم الله عليك


بسم اللع علي بس يطير عيونه ويزاقع .. يخوف يا ابو غازي
فارس الصحراء
05-09-2009, 22:26
نوب كيوت و نوب شيعي و نوب راعي المركب الوردي و نوب شاعر


بتاع كلوه على قولة المصاريه .. خخخخخخخخ




انشهد اننا ما عرفنالك

افا يا ذا العلم ..

..

لا ما عليك انا ذيبان وراح تشوف وش ابي اسوي بأبو غازي بس اصبر
فارس الصحراء
05-09-2009, 22:27
بلاعلوم رجال بلاخرابيط



خذ الكاسه ورصوه بالجبهه وحط رجلك

انت ما تدري ان بوه رشاش .. حاطه بجنبه .. ما يمديك تسوي شي

..

لحيتي وكلي لك ..
ابوعادل11
05-09-2009, 23:50
انا كل ما زمر انز .. وعيوني للباب ..

وخالي ما غير ابد ابد كلامك صحيح وحنا نبيه منك ..





بسم الله عليك ....


عاد والله انك كيوت ولا ينرد لك طلب بس مدري وش السالفه والله اعلم .... شكله مخربها من جد خويك ...